24/09/2026
Class of 2026, 𝘸𝘩𝘦𝘳𝘦𝘷𝘦𝘳 𝘭𝘪𝘧𝘦 𝘵𝘢𝘬𝘦𝘴 𝘺𝘰𝘶, 𝘥𝘰 𝘯𝘰𝘵 𝘧𝘰𝘳𝘨𝘦𝘵 𝘸𝘩𝘦𝘳𝘦 𝘺𝘰𝘶 𝘴𝘵𝘢𝘳𝘵𝘦𝘥 🎓
Kanina habang nakatayo ako sa entablado at tinitingnan kayo, hindi lamang mga iskolar ng bayan ang nakikita ko—nakikita ko rin ang k’wento sa likod ng bawat nagsipagtapos.
Nariyan ang mga minsa’y nangarap makapasok sa PUP, nariyan din ang mga tumigil ngunit muling nakahanap ng pagkakataon para magpatuloy, ang mga inaakalang huli na sila sa karera ng buhay ngunit narito na sa finish line, mga pinagsasabay ang trabaho at pag-aaral, mga breadwinner ng pamilya, at s’yempre hindi mawawala ang istorya ng inyong pamilya, higit ang inyong mga magulang.
Ang inyong sintang paaralan ay hindi lang state university gaya ng tingin ng karamihan, iyan ang isa sa mga tahanan ng pinakamahuhusay na mag-aaral. Indeed, this is a university of the people.
Sana lagi ninyong tandaan ang tatlong bagay na iniwan ko sa inyo:
Una, remember where your education came from.
Ikalawa, do not be afraid of a difficult beginning.
Huli, wherever you go, leave something better than you found it.
Saan man kayo dalhin pagkatapos nito, nawa’y alalahanin niyo ang diplomang hawak niyo ay hindi lang papel, k’wento ‘yan ng tagumpay mo, ninyo, at ng mga taong minsang nangarap kasama ninyo.
Congratulations, graduates! Mabuhay ang PUP Sto. Tomas! Mabuhay ang Class of 2026!
