Batangas Provincial Health Office

01/06/2026

𝐇𝐀𝐍𝐃𝐎𝐆 𝐊𝐀𝐋𝐔𝐒𝐔𝐆𝐀𝐍 𝐏𝐀𝐑𝐀 𝐒𝐀 𝐍𝐀𝐒𝐔𝐆𝐁𝐔

Patuloy na pinagtitibay ang adhikain para sa ng bawat Batangueño sa pamamagitan ng isinagawang Handog Kalusugan: Medical and Dental Mission ng Progreen Agricorp Inc. at Megaworld Foundation, sa pakikipag-ugnayan sa Provincial Health Office, nitong Mayo 29, 2026 sa Nasugbu, Batangas.

Layunin ng programang ito na mailapit ang mga pangunahing serbisyong pangkalusugan sa komunidad at mabigyan ng agarang atensyong medikal at dental ang mga mamamayan. Sa nasabing aktibidad, umabot sa 233 katao ang nabigyan ng serbisyong medikal habang 81 katao naman ang nakatanggap ng serbisyong dental.

Sa pamamagitan ng sama-samang pagkilos ng mga katuwang na institusyon at mga health workers, mas maraming residente ang nabigyan ng pagkakataong mapangalagaan ang kanilang kalusugan. Ang ganitong mga programa ay patunay ng patuloy na dedikasyon ng iba't ibang sektor sa paghahatid ng dekalidad at abot-kayang serbisyong pangkalusugan para sa lahat.

01/06/2026

𝐌𝐚𝐥𝐢𝐠𝐚𝐲𝐚𝐧𝐠 𝐏𝐫𝐢𝐝𝐞 𝐌𝐨𝐧𝐭𝐡! 🌈

Ngayong Pride Month, ipinagdiriwang natin ang pagkakaiba-iba, pagkakapantay-pantay, at karapatan ng bawat isa na mabuhay nang may dignidad at respeto.

Ang kalusugan ay para sa lahat. Anuman ang kasarian, gender identity, gender expression, o sexual orientation, bawat indibidwal ay may karapatang makatanggap ng ligtas, dekalidad, at inklusibong serbisyong pangkalusugan.

Patuloy nating isulong ang isang komunidad na walang diskriminasyon, may malasakit, at nagtataguyod ng Matatag na Kalusugan para sa lahat. Sa pamamagitan ng pagkakaisa, paggalang, at pagtanggap, mas mapapalakas natin ang kalusugan at kapakanan ng bawat Batangueño.

𝑷𝒂𝒈𝒎𝒂𝒎𝒂𝒉𝒂𝒍, 𝑷𝒂𝒈𝒌𝒂𝒌𝒂𝒑𝒂𝒏𝒕𝒂𝒚-𝒑𝒂𝒏𝒕𝒂𝒚, 𝒂𝒕 𝑲𝒂𝒍𝒖𝒔𝒖𝒈𝒂𝒏 𝒑𝒂𝒓𝒂 𝒔𝒂 𝑳𝒂𝒉𝒂𝒕.

31/05/2026

𝐃𝐢𝐬𝐭𝐫𝐢𝐛𝐮𝐭𝐢𝐨𝐧 𝐨𝐟 𝟏𝐬𝐭 𝐚𝐧𝐝 𝟐𝐧𝐝 𝐐𝐮𝐚𝐫𝐭𝐞𝐫 𝐇𝐨𝐧𝐨𝐫𝐚𝐫𝐢𝐮𝐦 𝐚𝐭 𝐁𝐢𝐠𝐚𝐬 𝐩𝐚𝐫𝐚 𝐬𝐚 𝐦𝐠𝐚 𝐁𝐇𝐖 𝐚𝐭 𝐁𝐍𝐒 𝐧𝐠 𝐍𝐚𝐬𝐮𝐠𝐛𝐮 𝐚𝐭 𝐓𝐚𝐚𝐥

Patuloy na pinangungunahan ni Governor Vilma Santos-Recto ang mga programang nagbibigay-pugay at suporta sa ating mga Barangay Health Workers at Barangay Nutrition Scholars sa ilalim ng HEARTS Program, bilang bahagi ng layunin ng pamahalaang panlalawigan na maisulong ang isang .

Ngayong ika-31 ng Mayo 2026, sa pangunguna ng Provincial Health Office, sa pamumuno ni Dr. Gerald Alday, OIC-PHO, isinagawa ang 1st and 2nd Quarter Distribution of Honorarium and Rice para sa mga BHW at BNS ng mga bayan ng Nasugbu at Taal.

Kabuuang 𝟳𝟯𝟬 𝗕𝗛𝗪 𝗮𝘁 𝟭𝟬𝟲 𝗕𝗡𝗦 ang nakatanggap ng kanilang honorarium bilang pagkilala sa kanilang mahalagang papel sa pagpapanatili ng kalusugan at nutrisyon sa kani-kanilang mga komunidad. Kasabay nito, namahagi rin ng bigas sa ilalim ng Bawat Bayan Makikinabang Program, bilang dagdag na suporta at pasasalamat sa kanilang walang sawang paglilingkod.

Sa pamamagitan ng mga programang ito, muling pinagtitibay ng Pamahalaang Panlalawigan ng Batangas ang pagpapahalaga sa mga frontliners ng komunidad na nagsisilbing katuwang sa paghahatid ng mga serbisyong pangkalusugan at pangnutrisyon. Patunay ito ng patuloy na malasakit at pagkalinga ng pamahalaan para sa kapakanan ng bawat Batangueño tungo sa mas malusog, mas matatag, at mas maunlad na lalawigan.

31/05/2026

𝗣𝗔𝗡𝗢𝗢𝗥𝗜𝗡 | 𝗢𝗽𝗲𝗿𝗮𝘁𝗶𝗼𝗻 𝗧𝘂𝗹𝗶 𝗣𝗮𝗿𝗮 𝘀𝗮 𝗠𝗮𝘁𝗮𝘁𝗮𝗴 𝗡𝗮 𝗞𝗮𝗹𝘂𝘀𝘂𝗴𝗮𝗻! 💙

Matagumpay na naisagawa ang Operation Tuli sa San Jose District Hospital nitong May 12, 2026 para sa 160 kabataan.

𝑺𝒆𝒓𝒃𝒊𝒔𝒚𝒐𝒏𝒈 𝒎𝒂𝒚 𝒎𝒂𝒍𝒂𝒔𝒂𝒌𝒊𝒕 𝒑𝒂𝒓𝒂 𝒔𝒂 𝒌𝒂𝒃𝒂𝒕𝒂𝒂𝒏!

30/05/2026

30/05/2026

𝗧𝗮𝗺𝗮𝗻𝗴 𝗞𝗮𝗮𝗹𝗮𝗺𝗮𝗻, 𝗟𝗶𝗴𝘁𝗮𝘀 𝗻𝗮 𝗣𝗮𝗴𝘁𝘂𝘁𝘂𝗹𝗶

Kabi-kabila ang mga isinagawang Operation Tuli Activities ngayong summer o dry season, kabilang ang mga magkakasunod na aktibidad para rito ng Batangas Provincial Health Office.

Kaakibat nito ang tamang kaalaman at wastong pag-aalaga upang mas maging ligtas at maayos ang proseso ng pagtutuli para sa mga kabataan. Kaisa ang Batangas PHO, sama-sama nating iwaksi ang mga haka-haka at pairalin ang tamang impormasyon para sa mas malusog na komunidad!

29/05/2026

| Thunderstorm Advisory No. 11
Issued at: 2:54 AM, 30 May 2026(Saturday)

Moderate to heavy rainshowers with lightning and strong winds are being experienced in Batangas(Batangas City, San Pascual, Bauan, San Luis, Alitagtag, Cuenca, San Jose, Ibaan, Mabini, Tingloy, Rosario, Mataasnakahoy, Lipa, Calatagan) and Quezon which may persist within 2 hours and may affect nearby areas.

Source: https://www.facebook.com/share/p/1DeFHdKLf1/

29/05/2026

𝐍𝐠𝐢𝐭𝐢𝐧𝐠 𝐌𝐚𝐲 𝐌𝐚𝐥𝐚𝐬𝐚𝐤𝐢𝐭: 𝐃𝐞𝐧𝐭𝐚𝐥 𝐌𝐢𝐬𝐬𝐢𝐨𝐧 𝐬𝐚 𝐋𝐢𝐩𝐚 𝐂𝐢𝐭𝐲

Patuloy na inilalapit ng Provincial Health Office, sa pamumuno ni Dr. Gerald Alday, OIC-PHO, ang serbisyong pangkalusugan sa mga mamamayan sa pamamagitan ng isinagawang Dental Mission ngayong Mayo 29, 2026 sa Brgy. Munting Pulo, Lipa City.

Sa pakikipag-ugnayan sa Triskelion De Lipa, Lipa City Grand Council, at sa suporta ni Konsehal Nicole Ronquillo, matagumpay na nakapagbigay ng libreng serbisyong dental sa kabuuang 𝟴𝟬 𝗽𝗮𝘀𝘆𝗲𝗻𝘁𝗲 mula sa komunidad.

Layunin ng gawaing ito na mapangalagaan ang kalusugan ng bawat Batangueño, lalo na ang wastong pangangalaga sa ngipin at bibig na mahalagang bahagi ng pangkalahatang kalusugan.

Patuloy ang adhikain ng Provincial Health Office na isulong ang para sa lahat.