Team KASABAy

28/10/2023

LAST DAY OF CAMPAIGN | MOTORCADE

Hinihingi po ng buong Team KASABAY ang inyong suporta at tiwala para sa lahat ng Kabataan. Maraming Salamat po sa lahat ng mga sumusuporta at naniniwala sa amin.

Mauuna pero hindi mangunguna dahil sasabayan ka.

Team KASABAY
Kinabukasang buhay na buhay!

26/10/2023

Apat na araw bago ang

Nakapili ka na ba ng mas epektibo pagdating sa mga adhikain, plataporma, at proyektong pang Kabataan?

25/10/2023

Just input the following info: FULL NAME, DATE OF BIRTH and PLACE OF REGISTRATION.

Scan the QR code or click this link:

🔗 https://precinctfinder.comelec.gov.ph/voter_precinct

The COMELEC Precinct Finder is now back online!

You may now search for your Polling Place in the October 30, 2023 Barangay and Sangguniang Kabataan Elections.

Just input the following info: FULL NAME, DATE OF BIRTH and PLACE OF REGISTRATION.

Scan the QR code or click this link:

🔗 https://precinctfinder.comelec.gov.ph/voter_precinct

25/10/2023

Limang araw na lamang bago ang

Nakapili ka na ba kung sino ang responsableng kandidato para sa Kabataan ng Barangay Saba?

✅ May paninindigan
✅ Matalino
✅ May pagmamahal sa mga Kabataan
✅ Pinagaralan ang posisyon bago kumandidato
✅ Mabuting intensyon
✅ Isusulong ang kaunlaran at kapakanan ng Kabataan
✅ May mabuting pakikisama sa bawat isa

Maging responsable sa pagboto sa dadating na October 30, 2023.

24/10/2023

James Patrick Manansala
Anak ni Chris at Leona Manansala

Maayos na kalusugan para sa Kabataan ang aking pagtutuunan. Kabilang dito ang maayos na pangangatawan at pagbibigay pansin sa mga Kabataang may pinagdadaanan sa kani-kanilang sarili.

Ang DOH at USAID’s Renew Health Project kasama ang DepEd at DILG ay naglunsad noong June 26, 2023 ng isang Mobile App na “LIKE” o tinatawag na Lusog Isip Kabataan Education kung saan isinusulong ang kahalagahan ng Mental Health at pagpapahalaga sa sarili.

Ito ay nagbibigay ng mga materyales at kagamitang esensyal para sa pansariling kalusugan.

Kasama nito ang mga seminar, trainings, monthly monitoring para sa kalusugan ng mga bata, at pagbuo ng “Kabataan Response Team” na dadaan sa mga espesyal na training para sa mas mabilis na pagresponde sa ating mga Kabataan.

Bilang Kabataang naghahangad at dumaan sa ganitong sitwasyon, ninanais kong matugunan ang problemang hindi gaanong natutugunan sa ating henerasyon.

Kasabay mo ko.
Mauuna pero hindi mangunguna dahil sasabayan ka, James Manansala kandidato para sa pagiging SK Kagawad.

21/10/2023

Jolo Razon
Anak ni Mang Obet at Josie Razon

Mga proyektong pang matagalan para sa responsibilidad na di ko iiwanan. ‘Kabataan Concern Desk’ ang lalapitan ng Kabataang may nais tugunan sa kakulangan.

Mga kagamitang pang isport na magagamit sa mga susunod na proyektong susubok sa pagiging aktibo ng mga Kabataan sa isport.

Makinaryang pang imprinta para sa mga dokumento na tutugon sa sa mga estudyanteng nagnanais na agad makapag imprinta.

Mga ilaw at sound system na magagamit sa mga proyekto na makakabawas at makakaliit sa paggamit ng pondo ng Kabataan tuwing may proyekto.

At mga babalang panuto sa mga lugar na palagiang pinagpapangyarihan ng mga aksidente.

Kasabay mo ko.
Mauuna pero hindi din mangunguna dahil sasabayan ka, Jolo Razon kandidato para sa pagiging SK Kagawad.

21/10/2023

Angel Samantha Waje
Apo ni Apong Uping at Apong Alot

Sabi ng matatanda na ang “Edukasyon lamang ang tanging mapapamana nilang yaman sa kanilang mga anak”. Yan ang natutunan ko na kaya nagsusumikap ako upang maging g**o.

Mga programang pang edukasyon na makakatulong lalo na sa eskwelahan na aming pinagmulan. Parte nito ang pagkakaroon ng pagkakataon upang maturuan ang mga bata tuwing bakasyon, dahil dito, magiging handa ang bawat bata sa pagpasok sa eskwelahan.

Kasabay nito ang taunang pagbibigay ng pamimigay ng mga kagamitan sa eskwehan para sa mga bata na makakatulong din sa DepEd’s Matatag Program.

Bilang isang estudyanteng g**o, ang nais ko ay may makuhang aral ang mga Kabataang aming pagsisilbihan, hindi lamang sa mga aktibidad at programa, pati na din sa kung paano namin gagampanan ang mga responsibilidad na ipagkakaloob sa amin.

Kasabay mo ko.
Mauuna pero hindi din mangunguna dahil sasabayan ka, Angel Samantha Waje kandidato para sa pagiging SK Kagawad.

20/10/2023

Aljonh Pabalate
Anak ni Mang Sayt Pabalate

Ang UNICEF, isang ahensya nang UN na nangangalaga sa karapatan ng mga kabataan, ay labis na nagaalala sa pagpapasa ng batas sa Kamara o kongreso ng patungkol sa pagbaba nang edad ng maaring patawan ng kulong. Ang minumungkahi ay ibaba mula 15 ay magiging 9 o sa edad 12 na sinasabing labas sa katayuan o karapatang pantao nang kabataan.

May pagaaral na ginawa ang mga siyentipiko na ang utak ay nagiging "mature" o ganap na ang pagiisip ay pagtutong sa edad na 16 na nagkakaroon ng epekto sa pagdedesisyon at pagkontrol niya sa kaniyang sarili.

Bilang isang bata at wala pang muwang mundo, mahirap intindihin kung ano ba talaga ang mga nangyayari sa paligid mo.

Isang paraan para maiwasan ang ganitong sitwasyon ay ang SPORTS. Upang maging kalakasan sa mga Kabataang pursigido pagdating sa mga isport. Ako din po ay isang Kabataan naghahangad ng mas maayos na programa para sa mga Kabataan.

Mga programa at aktibidad tulad ng Sports Clinic, paghikayat sa kabataan upang maging aktib muli sa isport sa pamamagitan ng pag invest sa mga Sports Equipment na paiigtingin at palalakasin ang loob at katawan mga Kabataan, kasabay nito ang mga Liga at ang ‘Kabataan Magsaya at Magpalakas Project’.

Kasabay mo ko.
Mauuna pero hindi din mangunguna dahil sasabayan ka. Aljonh Pabalate kandidato para sa pagiging SK Kagawad.

20/10/2023

Ramsey Sebastian
Anak ni Mang Rogel at Maricris Sebastian

Upang tutukan at bigyang- pansin ang mga Kabataan na pinili ang iba’t ibang karera maliban sa magpatuloy nang pagaaral.

Iba’t ibang aktibidad at programa na tiyak namakakatulong upang palakasin ang loob ng mga Kabataan, dahil naniniwala akong may kanya kanya tayong panahon para umusbong.

Paghikayat sa mga programa at seminar para sa pagkakaroon ng Small Business na atin ding magagamit sa mga susunod pang mga aktibidad at mga alternatibong pamamaraan ng pagkatuto tulad nang TESDA.

Kasabay mo ko.
Mauuna pero hindi din mangunguna dahil sasabayan ka. Ramsey Sebastian kandidato para sa pagiging SK Kagawad.

19/10/2023

Unang araw ng pangangampanya, unang araw para magpakilala!

Mga Kabataan ng Barangay Saba, kilalanin natin si Darell Rivera, kandidato para sa pagiging SK Chairman.