13/05/2025
Una sa tanan, ginapasalamatan ko gid ang Labaw nga Makagagahum sa paghatag sang kusog kag giya,sa akon. Wala ako diri subong kundi tungod sa grasya sang Ginoo kag sa inyo nga pagbulig.
Sa akon pinalangga nga mga pumuluyo sang Bagumbayan, dako gid ang akon pasalamat sa inyo nga pagsalig. Sa sining eleksyon, inyo ako liwat ginpili lbilang NUMBER 1 Sangguniang Bayan Member.
Gusto ko man pasalamatan ang akon TEAM KAPAMILYA, mga kaabyanan, mga volunteers, kag tanan nga nagbulig sa kampanya – halin sa pagpanikloy hasta sa pagpanikasog sa adlaw sang piniliay. Ang inyo suporta naghatag kusog sa akon.
Sa akon mga kaupdanan nga nagdaug man kag bisan sa mga wala nakadaug, kabahin kamo sang demokratiko nga proseso. Padayon lang kita sa pag serbisyo sa katawhan.
Sa ngalan sang serbisyo, paghiusa, kag paglaum – magsugod kita sang bag-o nga kapitulo para sa Bagumbayan. Kabay pa nga magbinuligay kita para sa pdayon nga buwas-damlag sang aton banwa.
Damo gid nga salamat, Bagumbayan!
TO GOD BE ALL THE GLORY!
