PNP ACG Baguio City Cyber Response Team

01/09/2026

𝐏𝐍𝐏 𝐀𝐂𝐆-𝐁𝐚𝐠𝐮𝐢𝐨 𝐂𝐂𝐑𝐓 𝐂𝐨𝐧𝐝𝐮𝐜𝐭𝐬 𝐂𝐲𝐛𝐞𝐫 𝐀𝐰𝐚𝐫𝐞𝐧𝐞𝐬𝐬 𝐒𝐲𝐦𝐩𝐨𝐬𝐢𝐮𝐦 𝐚𝐭 𝐔𝐧𝐢𝐯𝐞𝐫𝐬𝐢𝐭𝐲 𝐨𝐟 𝐁𝐚𝐠𝐮𝐢𝐨 𝐇𝐢𝐠𝐡 𝐒𝐜𝐡𝐨𝐨𝐥

On August 27, 2026, personnel of the Baguio City Cyber Response Team (BCCRT), under the supervision of PMAJ Annie Carmel C. Comising, Team Leader, and through the leadership of PCOL Rafmil Dela Paz Corpuz, Chief of RACU CAR, conducted a symposium on Responsible Use of Social Media and Cyberbullying for the high school students of the University of Baguio High School (UBHS), as part of the “Symposium on Safe UBHS: Speak Up, Act Responsibly, Foster Respect, Empower Others,” a school-wide campaign promoting bullying prevention, responsible reporting, and positive bystander action.

The lecture emphasized responsible social media use, protection of personal information, prevention of cyberbullying, and avoidance of harmful content, while encouraging students to think before they click, post, or share and strengthening the partnership between the school community and the Philippine National Police in promoting a safe and responsible digital environment.

PMGEN Wilson C. Asueta, Director, PNP Anti-Cybercrime Group, emphasized the importance of empowering the youth with knowledge and responsible digital practices, stating, “Empowering our youth with knowledge and responsible digital practices is key to creating a safer online environment. Through strong partnerships with schools and communities, we can promote respect, accountability, and responsible use of social media.”

01/09/2026

01/09/2026

01/09/2026

🚨 MAGANDA ANG KWENTO, PERO MAG-VERIFY MUNA!

Hindi lahat ng nakakaengganyong alok, nakakaawang mensahe, o pamilyar na salita ay totoo. Maaaring ginagamit lang ito ng scammers para makuha ang iyong tiwala, impormasyon, code, o pera.

⚠️ Huwag magpadala sa emosyon. Huwag magmadali.

Bago mag-click, magbigay ng impormasyon, o magpadala ng ₱ — huminto at mag-verify muna.

🔎 MAG-ISIP. MAG-VERIF.

31/08/2026

🚫 HUWAG LAHAT PATULAN—MINSAN, ANG PINAKAMAGANDANG SAGOT AY WALANG SAGOT

Sa social media, may mga dump account at taong naghahanap lang ng away, atensyon, o reaksyon. Huwag sayangin ang oras at emosyon sa kanila—i-mute, i-block, i-report kung kinakailangan, at piliin ang kapayapaan. 🛡️

💙 Hindi mo kailangang manalo sa bawat argumento. Minsan, ang pag-ignore ang tunay na panalo.

31/08/2026

🚨 Huwag basta magtiwala sa chat kahit galing pa ito sa account ng kakilala mo.

Kung may hinihinging pera, pautang, o anumang minamadaling pabor,
📞 Tumawag muna at i-verify ang pagkakakilanlan ng nag-message.
⚠️ Posibleng na-compromise ang account at ginagamit na ito ng scammer.

31/08/2026

OPEN LETTER SA LAHAT: PARA SA KAPAYAPAAN, PAG-UNAWA, AT PAGPROTEKTA SA ATING MGA ANAK

Sa mga magulang, estudyante, content creators, at sa buong komunidad ng Baguio…
Alam nating lahat na walang sinuman ang sang-ayon sa bullying.

Masakit makita ang isang bata o kabataan na nasasaktan, napapahiya, o nakakaranas ng hindi tamang pagtrato. Natural lamang na magalit tayo at hangarin ang hustisya.

Ngunit habang ipinaglalaban natin ang tama, tanungin din natin ang ating mga sarili: Tama pa ba ang paraan kung paano natin ito ginagawa?

Bakit kailangang paulit-ulit i-repost ang buong video? Bakit kailangang ipakalat ang mga larawan, gawan ng AI, pangalan, school ID, at iba pang pagkakakilanlan ng mga estudyanteng sangkot?

Ano ba talaga ang layunin natin?
Upang itama ang mali?
O upang tuluyang ipahiya, sirain ang kinabukasan, at idamay pati ang kanilang pamilya?

Mga kababayan, ang isang pagkakamali ng isang bata ay hindi dapat maging dahilan upang mawala ang kanilang karapatan sa privacy, dignidad, at pagkakataong magbago.

Alam ba natin na ang walang kontrol na pagkalat ng personal na impormasyon ay maaaring maglagay sa kanila sa panganib?

Ang kanilang mga larawan at detalye ay maaaring gamitin ng masasamang loob, cybercriminals, o mga taong may galit upang gumawa ng panibagong pinsala.

Ang layunin ng pagtugon sa bullying ay protektahan ang mga biktima at pigilan ang maling gawain, hindi lumikha ng panibagong anyo ng pang-aapi online.

May mga nagtatanong: “Bakit ganoon lang ang parusa?”
“Bakit hindi mas mabigat?”

Ang paghahanap ng hustisya ay mahalaga. Ngunit ang hustisya ay hindi nasusukat sa dami ng galit, dami ng shares, o dami ng taong naipahiya.

Ang tunay na hustisya ay may kasamang pananagutan, paghubog, edukasyon, at pagkakataong itama ang pagkakamali.

Isang pagpupugay sa mga content creators na tunay ang layunin: magbigay ng kamalayan, magturo, at magbabala nang hindi sinisira ang kinabukasan ng mga kabataan. Maraming salamat sa paggamit ng inyong impluwensya para sa kabutihan.

Ngunit sa mga gumagamit ng ganitong sitwasyon para lamang sa views, likes, shares, at engagement…

Sana isipin natin:
Kung ikaw ang nagkamali noon, at ang iyong mukha, pangalan, pamilya, at buong pagkatao ay ilalantad sa buong mundo…
Ano kaya ang mararamdaman mo?

Lahat tayo ay nagkakamali. Ang tanong ay hindi kung sino ang dapat hatulan lamang, kundi kung paano natin tutulungan ang ating mga kabataan na matuto at maging mas mabuting tao.

Huwag nating hayaang ang galit natin laban sa bullying ay maging dahilan upang tayo rin ay makagawa ng panibagong uri ng pananakit.

Ang pagkakamali ay dapat ituwid, hindi paulit-ulit na ipahiya. Ang pananagutan ay dapat ituro, ngunit ang dignidad ay dapat manatiling iginagalang.

Dahil ang tunay na sukatan ng isang komunidad ay hindi kung gaano tayo kabilis manghusga…

Kundi kung gaano tayo kahanda protektahan ang bawat isa — lalo na ang ating mga anak.

Maging mapanuri. Maging responsable. Maging makatao.

31/08/2026

ALAM MO BA? 📱🔐
Sa panahon ng social media, kaalaman ang unang depensa laban sa online scam. Huwag hintayin na ikaw o kapamilya mo ang maging biktima bago matutong mag-ingat.

Turuan ang pamilya na mag-verify ng accounts, umiwas sa suspicious links, protektahan ang personal information, at mag-isip bago mag-click o magpadala ng pera.

🛡️ MAG-ISIP. MAG-VERIFY. BAGO MAGBAYAD.

31/08/2026

DOBLE-INGAT SA SMS NA MAY LINK! 🚨

Nakakatanggap ka ba ng SMS na mukhang galing sa iyong bangko o telco at may kasamang link para sa “account update,” “verification,” “security check,” o “claim”?

⚠️ HUWAG BASTA MAG-CLICK! Maaaring ito ay phishing scam na naglalayong makuha ang iyong personal information, login credentials, OTP, card details, o access sa iyong account.

🛡️ Tandaan: 🔹 Huwag i-click ang kahina-hinalang link. 🔹 Huwag magbigay ng OTP, PIN, password, o account details. 🔹 Huwag mag-download ng app o file mula sa hindi kilalang link. 🔹 I-verify ang mensahe sa opisyal na app, website, o customer service ng iyong bangko/telco. 🔹 Kapag may duda, STOP muna. VERIFY bago kumilos.

💡 Hindi porke’t nasa SMS thread ng iyong bangko o telco ay siguradong lehitimo ang mensahe.

MAG-ISIP. MAG-VERIFY. BAGO MAGBAYAD.
👉 DOBLE-INGAT. HUWAG
MAGPA-PHISHING!

31/08/2026