26/03/2026
KAGYAT TUGON SA KRISIS:
VAT at Excise Tax Tanggalin, Mga Korap Panagutin! Nakaw na Pondo ng Bayan, Bawiin!
Marso 25, 2026 | Baguio-Benguet Laban sa Korapsyon, Pahayag ng Pakikiisa sa National Strike Against Oil Price Hike
Hindi ito normal โ hindi natin tinatanggap na โnormalโ ang ganitong kalagayan.
Marapat lamang na tanggalin ang mga pasakit na buwis na sa katotohanan ay syang pondo ring kinukurakot lamang ng mga pulitiko at kanilang mga alipores! Bilyon-bilyong pondo ang winaldas at winawaldas nila mula sa dugoโt pawis ng mamamayan.
Lugmok ang mamamayan sa krisis dulot ng gyera ng US at Israel laban sa Iran at karatig-bansa, na nagdulot ng matinding dagok lalo sa industriya ng langis.
Ngayong buwan lamang, higit doble na ang tinaas ng presyo ng langis sa Pilipinas. Sa huling tala, nasa PHP125โ140/litro na ang presyo ng diesel sa Baguio. Kasabay nito, patuloy ang pagtaas ng presyo ng bilihin at inaasahang lalo pang sisirit sa mga susunod na linggo.
Pinakamabigat ang tama nito sa mga tsuper at operator: marami ang kumikita na lamang ng PHP200โ300 o mas mababa pa kada araw, dahilan upang magdalawang-isip o tuluyang tumigil sa pasada.
Dahil dito, umaaray din ang mga komyuterโhumahaba ang pila sa mga terminal, nababawasan ang pasada, at sa ilang lugar ay wala nang masakyan.
Sa kabila nito, halos 1 buwan nang walang makabuluhang tugon ang pamahalaan, matapos pa nitong itanggi ang krisis bago ideklara ang โstate of national energy emergency.โ
Ang ating panawagan:
VAT at Excise Tax, Tanggalin!
Mga Korap, Panagutin!
Nakaw na Pondo ng Bayan, Bawiin!
Hindi sasapat ang panandaliang solusyong ayuda bagkus ay kagyat na ipatupad ang mga kinakailangang reporma. Dapat kagyat na suspendihin ang patum-pating na buwis sa mga produktong petrolyo at batayang bilihin. Ayon sa PISTON, aabot sa PHP18,900/buwan ang matitipid ng mga tsuper kung aalisin ang VAT at excise tax. Malaking bagay ito upang patuloy silang makapaghatid ng serbisyo publiko para sa milyon-milyong Pilipinong umaasa sa pampublikong transportasyon. Gayundin, malaking bagay ito upang ibsan ang papataas na presyo ng bilihin na apektado ng pagtataas ng presyo ng langis.
Panagutin ang mga korap! Ibalik ang lahat ng kanilang ninakaw!
Kamakailan lamang, habang tayoโy nahaharap sa krisis, nagpahayag ang Anti-Money Laundering Council (AMLC) na expired na ang freeze order nito sa mga banko at asset ng mga kumpanyang sumasailalim sa imbestigasyon sa maanomalyang flood control scam! Gayundin, napatunayan nating palpak ang ICI sa esensya ay ultimong disolusyon nito. Isa na namang โscamโ ang ICI na pinondohan pa ng buwis ng taumbayan ngunit wala naman ni isang napanagot!
Malalim ang krisis na kinahaharapan ng bayan na nagtuturol rin para sa malalim ring mga reporma. Ang mga kagyat na panawagang ito ay kakabit ng pag-uugat sa krisis ng deregulasyon at denasyunalisasyon ng langis sa bansa. Kagyat na dapat ibasura ang Oil Deregulation Law at isabansa ang industriya ng langis, ngayon higit kailnaman.
MAMAMAYAN MAGKAISA!
Kaisa ang mamamayang anti-korap sa laban ng mga tsuper, operator at lahat ng komyuter!
Makiisa sa National Strike Against Oil Price Hike!Makiisa sa Protestang Bayan sa Baguio bukas, March 27:
1PM: Carantes-Calderon Terminals
1:30PM: Igorot Park Terminals
![๐ฃ ๐
๐๐๐๐ ๐๐๐๐๐๐๐๐[๐๐๐๐๐๐๐๐๐๐ ๐๐๐๐๐ ๐๐๐๐ ๐๐ ๐๐๐๐๐๐๐๐๐๐๐ ๐๐ ๐๐๐๐๐๐๐๐๐๐๐]Nitong nakaraang June 2025, natapos na ang pre-tria...](https://img3.govern1.com/903/095/122133189159030952.jpg)
