11/08/2026
๐ข๐๐๐ก๐ข๐ง๐ฎ๐ฆ๐๐จ๐ฆ ๐ฌ๐ ๐ญ๐๐ง๐๐ง ๐๐๐๐ฎ๐๐ ๐๐ง๐จ๐ง
Aron mapalambo ang husto nga pagdumala sa basura sa atong komunidad, higpit nga ipatuman ang mosunod:
1. Ang collection point sa basura anaa lamang sa tagsa-tagsa ka Purok. Dili na moagi ang dump truck sa matag panimalay aron mangolekta og basura. Busa, palihug ihatud ang inyong basura ngadto sa collection point sa inyong Purok sa takdang adlaw ug oras sa koleksiyon.
2. Residual nga basura lamang ang kolektahon. Ayaw pagsagola ang residual nga basura sa malata, marecycle, o uban pang matang sa basura. Kon masayran nga adunay sagol ang basura, dili kini kolektahon ug ibilin kini sa collection point sa maong Purok. Dayon, pangitaon ang tag-iya sa maong basura, ug ang responsable nga residente pagasilotan sumala sa atong Municipal Ordinance.
3. Kinahanglan nga ang matag sako, garbage bag, o bisan unsang sudlanan sa basura nakahikot pag tarong ug adunay klaro nga ngalan sa tagbalay (household) aron sayon mailhan ang tag-iya kon adunay kalapasan.
4. Kinahanglan na ang matag panimalay o grupo sa panimalay adunay compost pit alang sa ilang mga malata nga basura (biodegradable waste) aron kini mahimong abono ug dili na iapil sa koleksiyon sa residual nga basura.
Kini gipatuman aron mapadayon ang kalimpyo sa atong komunidad, maminusan o mapakunhod ang mga basura nga dad-on sa basurahan, ug mapanalipdan ang atong kinaiyahan.
Palihug pagkooperar ug pagtuman sa maong balaod kabahin sa hustong pagdumala sa atong mga basura. Daghang salamat.
