25/03/2026
๐๐๐๐๐ ๐๐๐๐๐๐๐ ๐
๐๐ ๐๐๐ ๐๐๐๐๐๐
Subong nga adlaw, Marso 25, siyam (9) naman ka mga pumuluyo ang ginbuligan pinaagi sa paghatag sang wheelchair para mapahapos ang ila kahimtangan sa pagpangabuhi.
Si Nelly Noble, 89, kag Rene Dumip-ig, 59, sang Barangay Villamonte ang malipayon nga nakabaton sang tag isa ka wheelchair gikan sa syudad.
Amo man sa Barangay 12, kanday Aurelio Estardo, 80, isa ka stroke patient, kag si Richelda Aringo, 63, nga may kundkisyon sang arthritis.
Sa Barangay Sum-ag, gindul-ong ang bulig kay Lorna Diploma, 68, nga na-stroke samtang sa Barangay Punta Taytay, tatlo ang gindul-unganโsi Carolina Macaranas, 80, nga na diagnose nga may tuberculosis; si Leonila Rodriguez, 87, nga may kabudlayan sa pag-giho bangod sang katigulangun; kag si Pilar Selanio, 83, nga naka agi stroke.
Kag sa Barangay Handumanan, ginbuligan man si Editha Tugado, 77, nga may hip fracture, kag nagakinahanglan gid sang bulig sa iya pang adlaw-adlaw nga pang ginawi.
Sa sini nga mga tikang, ginapakita sang syudad sa idalum ni Mayor Greg Gasataya nga ang serbisyo wala naga pili sang lugar ukon kahimtangan. Basta may nagakinahanglan, ginakadtuan kag ginabuligan, nga may upod sang pagpalangga kag pagrespeto sa kada isa.
