MSWDO Sibagat

MSWDO Sibagat Contact information, map and directions, contact form, opening hours, services, ratings, photos, videos and announcements from MSWDO Sibagat, Public & Government Service, purok 2, poblacion, sibagat, Agusan del sur.

03/06/2022

Advocacy #2
AICS - Assistance to Individuals In Crisis Situation.
gilangkoban kini sa mga mosunod:
1. Medical
2. Burial
3. Transportation
4. Food
5. Clothing
Subay sa atong obligations sa 2021 adunay 2M pesos nga atong naapod sa nga nanginahanglan. ug karong tuiga aduna na usab kita'y nakagahin sa mga mosunod nga fund source:
Regular - 500,000.00
PWD - 165,000.00
SENIOR - 165,000.00
Peace and Order - P500,000.00
Food Subsidy - 200,000.00
LCPC - 100,000.00
CICL - 50,000.00
Support to clients provided with temporary shelter (GAD) - 500,000 (food&clothing)
Ang kantidad sa atong assistance magdepende kana sa kadako sa galastohan o kinahanglan hinabangan pinasubay sa dala nga dokumento sa hingtungdan. Pinakaubos natong nahatag P2,000.00 ug ang pinakadako P10,000.00.
Kung adunay petty cash (pondo) ang atong cashier 2,000-4,000 mahatag ra dayon in 10mins. kung 5,000 pataas kinhanglan na kini i-tseke busa moagi jud sa proseso. Modagan kini ug 1 ka semana. Pero, kung mahutdan ug funds nga gikinahanglan ang Request for Advance Release o AUGMENTATION nga maghulat pa sa ipahigayon nga Supplemental maong madugay gyud.
Ang atong opisina sa MSWD mohatag man ug REFERRAL ngadto sa PSWDO ug DSWD para madugangan ang gikinahanglan nga kantidad. Didto sab mag agad sa assessment sumala sa dokumento nga madala. Cash o Tseke o Guarantee Letter ang imong madala.
Pero, sa pagkakaron naantala ang atong AICS tungod sa Election Ban lakip ang sa PSWDO.
Kung walay available funds na ang atong LGU pwede ra man either PSWD o DSWD ang makuha nato nga hinabang kay wala man tay gitawag nga shopping sa hinabang.
Sa Burial, magpili ang hingtungdan kung bugas o cash o funeral service. Aduna na kita'y tie up nga punerarya sa pagkakaron nga DILI na magkinahanglan ug downpayment. Moadto lang gyud sa opisina una o moadto sa kapitan para ang kapitan na ang mo coordinate sa opisina sa MSWD mahitungod niini. Dili kini libre o panubagan tanan o tibuok kantidad sa atong panggamhanan kundili counterparting. Adto lang sab kita mopili sa pinakaubos nga kantidad.
Gihangyo namo ang matag Sibagatnon nga mag alayon lamang kita sa mga patakaran sa panggamhanan, makisusi, ug magsinabtanay nga unta ang damgo nato nga mag-uban kita nga makab ot nato ang tinuod nga tingusbawan nga moabot ang panahon nga ang matag Sibagatnon makatabang sa isig ka Sibagatnon.

03/06/2022

Mga minahal namong Sibagatnon...
Buot lamang namong ipahibalo nga temporaryong GISUSPINDE ang pagpanghatag ug AICS, AYUDA O HINABANG sa DSWD CARAGA Region sugod niadtong June 1,2022. Busa, dili pa sila modawat sa tanan walk in clients nga mangayo sa mga hinabang sama sa BURIAL, MEDICAL/HOSPITALIZATION, TRANSPORTATION, EDUCATIONAL ug uban pa. Antabayanan lamang nato ang umaabot nga mga pahibalo mahitungod niini.

03/06/2022

Sa tanan presidente sa Senior Citizen sa tanang barangay nga karong umaabot nga PAYOUT sa 2nd quarter SOCIAL PENSION payout karng june 9-10,2022 sa municipal gym ning atong lungsod nga WALAY PHOTOCOPY o XEROX COPY sa mga pagtugot human kini mapirmahan sa hingtungdan. ANG PIRMA O SIGNATURE SA MSWDO sa pagtugot DILI DAWATON ANG PHOTOCOPY. Para malikayan ang mahimong problema dulot niini palihug tumanon nato ang maong regulasyon o patakaran.

03/06/2022

ADVOCACY #5
RA 8972 O SOLO PARENT WELFARE ACT OF 2000
Kwalipikasyon:
* byuda/byudo
* bulag sa bana o asawa
* annuled ang kasal
* gi-abandona sa asawa o bana o sa kaipon
* indibidwal nga nibarog pagka ginikanan sa usa o mga bata
* miyembro sa pamilya nga nibarog isip head of the family tungod sa pag-abandona, pagkawala o pagbulag sa mga ginikanan sa bata o mga bata
* biktima sa pagpanglugos
* asawa o bana sa piniriso o convicted
* dili sapat ang mental nga kapasidad sa bana o asawa o sa mga ginikanan sa menor de edad nga bata o mga bata
MGA BENEPISYO:
1. 7 ka adlaw nga dugang bakasyon o leave sa trabaho
2. tabang pinansyal
3. tabang sikolohikal
4. tabang sa pamilyang nanginahanglan ug proteksyon
SA PAGKUHA SA SOLO PARENT ID, GIKINAHANGLAN ANG MGA MOSUNOD NGA MGA DOKUMENTO:
1. Barangay Certification nagpamatuod nga kasamtangang nagpuyo ikaw niana nga barangay nasakop ning atong lungsod sa Sibagat nga dili moubos sa 6 ka bulan.
2. Dokumento sa pagpamatuod:
2.1. deklarasyon sa pagka walang bisa sa kasal o annulment
2.2. Medical certificate nga nagpamatuod nga ang imong bana o
adunay problema o kulang sa mental nga kapasidad
2.3. CENOMAR (Certificate of No Marriage)
3. Birth Certificate sa anak o bata
4. Barangay Certification sa pagpamatuod nga ikaw usa ka solo parent
5. Valid ID
6. 2 pcs 1x1 ID picture
KUNG IKAW USA NIINING NAHISGOTAN MAMAHIMONG MOBISITA SA OPISINA SA MSWD NING ATONG LUNGSOD [ARA SA PAG-APPLY UG SOLO PARENT ID.

buntag SibagatnonAdvocacy #3Maghisgot kita karon ug kalamidad. Ang atong lungsod adunay 2 ka hazards nga mao ang lan...
01/05/2022

buntag
Sibagatnon

Advocacy #3
Maghisgot kita karon ug kalamidad. Ang atong lungsod adunay 2 ka hazards nga mao ang landslide ug flood. Kung adunay advisory ang atong lungsod, kung ikaw o ang imong pamilya nahimutang o nagpuyo sa landslide prone o flood prone area maghinay hinay kita ug hipos sa atoang emergency kit o GO BAG ug moadto dayon kita sa designated evacuation centers sa atong barangay para ma safety ang atong kaugalingon o ang atong pamilya.

Kinsa ang manglista?
1. Adunay Day Care Workers o Brgy. Secretary o personahe sa MSWD ang mobisita ug maglista sa mga pamilya nga anaa sa evacuation centers.
2. Dako gyud ug role ang atong mga purok presidents kay tungod nga sila ang nakabalo sa mga apektadong panimalay sa ilahang purok ug iya dayon i report sa barangay ang lista.

Ang tanang lista nga gisubmit i consolidate kini sa personahe sa MSWD ug isumite kini ngadto sa DSWD para mahimo usab nga basehan sa atong national nga panggamhanan para sa augmentation support. Adunay updating sa atong report matag alas 8:00am-12:00nn-4:00pm. Gadawat ug lista ang buhatan sa MSWD gikan sa mga punong barangay hangtod nga magdeklara na kita nga wala nay IDPs nga wala pa makauli o makabalik sa ilang mga panimalay.

Kinsa man ang gitawag nga severely affected families?

Tubag: Kadtong nawad an/naguba ang balay nga walay laing nasak an o nadangpan nga kapamilya maong naa sa evacuation center. Mao usab kini sila ang gitawag nato ug IDPs o Internally Displaced Persons. Ug mao kini sila ang priority sa mga assistance.

Subay sa RA 10121 ang barangay ang mouna ug panghatag ug relief goods sa mga apektadong lumulupyo ug ang munisipyo maghulat ug Brgy. Resolution nga nagdeklara sila ug state of emergency. Kung aduna nay 5 ka barangay nga nagdeklara mosunod na usab ang MDRRMC pagdeklara ug state of calamity sa lungsod i-adopt sa SB ug ayha pa magsugod ang atong procurement sa relief goods subay usab sa REPORTED NUMBER OF AFFECTED INDIVIDUALS/FAMILIES sa maong barangay.

Unang prayoridad: nakabakwit sa designated evacuation centers.
Ika-2 prayoridad: kadtong namakwit sa lain laing kapamilya
Ika-3 prayoridad: kadtong mga apektado nga wala nahisgotan sa 1 ug ika 2.

Busa, mga igsoon matag usa nato adunay kaakohan. Kung sa tan aw nimo wala maglihok ang imong purok president palihug adto sa barangay office para magpalista.

Sa kanunay ako manghinaot sa kanunay nga pagsabot ug magtambayayong kita sa pagkab ot sa tinuod nga tingusbawan.

18/10/2021

hello everyone...this is the official fb page of MSWD Office in our municipality. Here u can and will find updates on the different activities in the office so with upcoming events and programs and services on social welfare...

Address

Purok 2, Poblacion, Sibagat
Agusan Del Sur
8503

Website

Alerts

Be the first to know and let us send you an email when MSWDO Sibagat posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to MSWDO Sibagat:

Shortcuts

Share

Category