12/06/2026
𝐋𝐀𝐁𝐀𝐍𝐀𝐍 𝐀𝐍𝐆 𝐃𝐄𝐍𝐆𝐔𝐄!
Ngayong darating na June 15, 2026, ipinagdiriwang natin ang 𝐀𝐒𝐄𝐀𝐍 𝐃𝐞𝐧𝐠𝐮𝐞 𝐃𝐚𝐲 na may temang: “𝐀𝐒𝐄𝐀𝐍 𝐔𝐧𝐢𝐭𝐞𝐝: 𝐙𝐞𝐫𝐨 𝐃𝐞𝐧𝐠𝐮𝐞 𝐃𝐞𝐚𝐭𝐡𝐬 – 𝐀 𝐅𝐮𝐭𝐮𝐫𝐞 𝐖𝐞 𝐁𝐮𝐢𝐥𝐝 𝐓𝐨𝐠𝐞𝐭𝐡𝐞𝐫 𝐛𝐲 𝟐𝟎𝟑𝟎.”
Ang temang ito ay paalala na ang laban kontra dengue ay hindi lamang responsibilidad ng pamahalaan o mga health worker. Sama-sama tayong mga mamamayan, pamilya, paaralan, at komunidad upang makamit ang layuning wala nang mamatay dahil sa dengue pagsapit ng 2030.
Sa panahon ng tag-ulan, mabilis dumami ang mga lamok na nagdadala ng dengue dahil sa mga naiipong tubig sa paligid. Kahit maliit na takip ng bote, lata, paso, o anumang lalagyan na may nakatiwangwang na tubig ay maaaring pamugaran ng lamok.
Kaya naman, ugaliin nating gawin ang 𝟒𝐓𝐬 tuwing Alas Kwatro at araw-araw na isabuhay:
🪣 𝐓𝐀𝐎𝐁 – Baliktarin ang mga lalagyang maaaring maipunan ng tubig.
💧 𝐓𝐀𝐊𝐓𝐀𝐊 – Alisin ang naipong tubig sa mga gulong, paso, at iba pang lalagyan.
🌞 𝐓𝐔𝐘𝐎 – Panatilihing malinis at tuyong kapaligiran.
🛢️ 𝐓𝐀𝐊𝐈𝐏 – Takpan nang maayos ang mga imbakan ng tubig.
Bukod dito, panatilihing malinis ang bakuran, magsuot ng damit na nakatatakip sa katawan kung kinakailangan, at agad magpakonsulta sa pinakamalapit na health facility kapag nakaranas ng mataas na lagnat at iba pang sintomas ng dengue.
✅ Ang dengue ay maiiwasan.
✅ Ang malinis na kapaligiran ay ligtas na komunidad.
✅ At higit sa lahat, kung walang lamok, walang dengue!
Magkaisa tayo para sa mas ligtas, mas malusog, at dengue-free na kinabukasan para sa bawat pamilya.
Isang malusog na paalala mula sa Department of Health at Provincial Health Office of Occidental Mindoro.
