सप्तरी सेवा समाज दोहा कतार

08/08/2026

हार्दिक बधाई तथा सफल कार्यकालको शुभकामना

प्रवासी नेपाली मञ्च, कतारको ८औँ राष्ट्रिय अधिवेशनबाट अध्यक्ष पदमा निर्विरोध निर्वाचित हुनुभएका श्री अफसर अली खानज्यू, उपाध्यक्ष शेषराज तिमिल्सिनाज्यू, सचिव रघुनाथ शर्माज्यू, उपसचिव निराजन गौतमज्यू लगायत नवनिर्वाचित सम्पूर्ण कार्यसमितिलाई हार्दिक बधाई तथा सफल कार्यकालको हार्दिक शुभकामना व्यक्त गर्दछौँ।

नयाँ नेतृत्वले सप्तरी सेवा समाज कतारको हक, हित, एकता तथा सामाजिक सेवाका क्षेत्रमा थप प्रभावकारी भूमिका निर्वाह गर्दै संगठनलाई अझ सुदृढ, व्यवस्थित र गतिशील बनाउन महत्वपूर्ण योगदान पुर्‍याउने विश्वास लिएका छौँ।

नवनिर्वाचित सम्पूर्ण कार्यसमितिको सफल, उपलब्धिमूलक तथा गौरवपूर्ण कार्यकालको हार्दिक शुभकामना!

हार्दिक धन्यवादसहित,

अन्वारूल हक
अध्यक्ष
सप्तरी सेवा समाज कतार

28/07/2026

धार्मिक सद्भाव, शान्ति र राष्ट्रिय एकताका लागि हार्दिक अपिल

सुनसरीमा भएको दुःखद घटनाप्रति गहिरो दुःख व्यक्त गर्दै दिवंगतप्रति हार्दिक श्रद्धाञ्जली अर्पण गर्दछु। शोकसन्तप्त परिवारप्रति गहिरो समवेदना व्यक्त गर्दै घाइतेहरूको शीघ्र स्वास्थ्यलाभको कामना गर्दछु।

नेपाल विभिन्न धर्म, भाषा, संस्कृति र समुदायको साझा फूलबारी हो। यहाँ हिन्दु, मुस्लिम, बौद्ध, किराँत, इसाई तथा अन्य सबै समुदायबीच परम्परादेखि नै आपसी सम्मान, सहिष्णुता र भाइचाराको सम्बन्ध रहँदै आएको छ। यही सामाजिक सद्भाव हाम्रो सबैभन्दा ठूलो शक्ति हो।

हालका संवेदनशील घटनालाई लिएर कुनै पनि अपुष्ट सूचना, अफवाह वा घृणा फैलाउने गतिविधिमा संलग्न नहुन सम्पूर्ण नेपाली दाजुभाइ तथा दिदीबहिनीहरूलाई हार्दिक अनुरोध गर्दछु। सत्यतथ्य बाहिर ल्याउने जिम्मा सम्बन्धित निकायलाई दिऔँ र कानुनी प्रक्रियाप्रति विश्वास राखौँ।

हामी सबैले संयम, धैर्य र आपसी सम्मान कायम राख्दै धार्मिक सहिष्णुता र राष्ट्रिय एकतालाई अझ मजबुत बनाउनु आजको आवश्यकता हो। कुनै पनि उक्साहट वा विभाजनकारी सोचले हाम्रो समाजलाई कमजोर बनाउन सक्दैन।

शान्ति, सद्भाव र न्यायको पक्षमा सबै एकजुट बनौँ।

अन्वारूल हक
अध्यक्ष
सप्तरी सेवा समाज, कतार

22/07/2026

"युवा नेतृत्व, सभ्य सोच, विकसित समाज सप्तरीको लक्ष्य"

यसै मूल नारालाई आत्मसात गर्दै सप्तरी सेवा समाज, कतार ले सामाजिक उत्तरदायित्वलाई निरन्तर निभाउँदै आएको छ।

साउदी अरेबियामा लामो समयदेखि अलपत्र परेका सप्तरी जिल्ला, सुरुंगा नगरपालिका–४, कदमाहा निवासी मृगेन्द्रकुमार मण्डलको परिवारलाई राहतस्वरूप सप्तरी सेवा समाज, कतार द्वारा आर्थिक सहयोग प्रदान गरिएको छ।

उक्त सहयोग रकम संस्थाका सल्लाहकार मोहम्मद अस्लम मियाँ, सदस्य समसुल मियाँ तथा पत्रकार सियाराम यादवज्यूको उपस्थितिमा पीडित परिवारलाई हस्तान्तरण गरिएको हो।

संकटको घडीमा आफ्ना जिल्लावासीको साथमा उभिनु नै हाम्रो कर्तव्य हो भन्ने विश्वासका साथ समाजले आगामी दिनमा पनि यस्ता मानवीय सेवाका कार्यहरूलाई निरन्तरता दिने प्रतिबद्धता व्यक्त गर्दछ।

🙏 सहयोगी सम्पूर्ण दाताहरू, पदाधिकारी, सदस्य तथा शुभेच्छुकहरूमा सप्तरी सेवा समाज, कतार हार्दिक आभार व्यक्त गर्दछ।

सप्तरी सेवा समाज कतार तथा सम्पुर्ण परिवार
#सप्तरी सेवा समाज दोहा कतार

12/07/2026

06/07/2026

रामएकवाल राम दोहा, ( कतार) । सप्तरी सेवा समाज कतारको नियमित मासिक बैठक सप्पन्न गरेको छ । शुक्रबार मुन्ताजा पार्क नज....

03/07/2026

आज सप्तरी सेवा समाज कतार को नवौ मासिक बैठक भेटघाट तथा परिचयत्मक कार्यक्रम भव्य रुपमा सफल पार्न उपस्थित सम्पूर्ण महानुभावहरूमा हार्दिक आभार तथा धन्यवाद ज्ञापन गर्दछु।

29/05/2026

गणतन्त्र दिवसको हार्दिक शुभकामना।

26/05/2026

🌹ईद उल अजहा मुबारक🌹✨️

25/05/2026

.
💐🌹 सुरक्षित यात्राको शुभकामना। 🌹💐

सप्तरी सेवा समाज कतारका आदरणीय कार्यसमिति पदाधिकारी ज्यूहरू वार्षिक विदाको अवसरमा कर्मभुमि कतारबाट आफ्नो जन्मभूमि नेपालतर्फ प्रस्थान गर्नुहुँदै हुनुहुन्छ।
अल्लाह तआलाले उहाँहरूको सफर आसान ,सुरक्षित र सफल बनाउनुहोस्।

सप्तरी सेवा समाज सम्पूर्ण परिवार

03/05/2026

💐🌹 Safe Travel 🌹💐
सप्तरी सेवा समाज कतारका उपाध्यक्ष जनाब अब्दुल्ला अन्सारी ज्यू केही दिनको बिदामा नेपालतर्फ जाँदै हुनुहुन्छ।
अल्लाह तआलाले उहाँको सफर सहज, सुरक्षित र सफल बनाउनुहोस्।