13/05/2026
संसद जनताको सर्वोच्च थलो हो। यहाँ उठेका प्रश्नहरू व्यक्तिगत होइनन्, जनताको आवाज हुन्।
“सत्ता तपाईंसँग छ” भन्दैमा संसदलाई बेवास्ता गर्ने अधिकार कसैलाई छैन। नीति तथा कार्यक्रम सरकारको दृष्टि, जिम्मेवारी र जनतासँगको प्रतिबद्धताको दस्तावेज हो, त्यसैले यसको जवाफदेहिता प्रधानमन्त्री स्वयंले लिनुपर्छ।
प्रधानमन्त्री सिंहदरबारमै हुनुहुन्छ, प्रधानमन्त्रीका लागि नीति तथा कार्यक्रमभन्दा ठूलो काम अरु केही हुन सक्दैन। तर संसदमा उपस्थित भएर जनप्रतिनिधिहरूको प्रश्नको सामना गर्न किन डराउनु?
जनताको उत्तर संसदबाट खोजिन्छ, सडकबाट होइन।
यो केवल प्रतिपक्षको आवाज होइन, संसदबाट निर्वाचित सम्पूर्ण जनप्रतिनिधिहरूको सम्मान र अस्तित्वसँग जोडिएको प्रश्न हो। प्रजातन्त्रमा संसद कमजोर बनाउने होइन, अझ बलियो बनाउने संस्कार आवश्यक छ।
Gyanendra Sahi
