28/08/2026
सम्बन्धित सबैमा जानकारीका लागि
अत्यन्त जरुरी सार्वजनिक सूचना
मिति: २०८३ भाद्र १२ गते
विषय: गाईजात्राका अवसरमा आयोजना हुने मनोरञ्जनात्मक कार्यक्रम स्थगित गरिएको सम्बन्धमा
ढिकुरे बजार लाखे समूह तथा गाईजात्रा आयोजक समितिको संयुक्त निर्णयअनुसार, भोलि मिति २०८३ भाद्र १३ गते गाईजात्राका अवसरमा ढिकुरे बजारमा आयोजना हुने भनिएका सम्पूर्ण मनोरञ्जनात्मक कार्यक्रमहरू यस वर्षका लागि स्थगित गरिएको व्यहोरा सम्बन्धित सबैमा जानकारी गराइन्छ।
यही भाद्र १० गते आएको विनाशकारी बाढीका कारण रसुवा, नुवाकोट र धादिङ जिल्लामा ठूलो भौतिक तथा मानवीय क्षति भएको छ। यस्तो दुःखद र संवेदनशील परिस्थितिमा प्रभावित परिवार तथा समुदायप्रति ऐक्यबद्धता जनाउँदै उत्सव तथा मनोरञ्जनात्मक कार्यक्रम सञ्चालन नगर्ने निर्णय गरिएको हो।
यस दुःखद घडीमा बाढीपीडित परिवारहरूप्रति हार्दिक समवेदना तथा घाइतेहरूको शीघ्र स्वास्थ्यलाभको कामना गर्दछौं।
अतः सम्पूर्ण ढिकुरेबासी, सहभागी, शुभेच्छुक तथा सम्बन्धित सबैलाई उक्त निर्णयलाई समझदारीका साथ ग्रहण गरी सहयोग गरिदिनुहुन हार्दिक अनुरोध गर्दछौं।
मानवता र दुःखमा साथ दिनु नै हाम्रो पहिलो जिम्मेवारी हो।
ढिकुरे बजार लाखे समूह
तथा
गाईजात्रा आयोजक समिति
