03/06/2026
राप्ती सोनारी गाउँपालिका वडा नं ६को आयोजनमा तथा BEE GROUP, आई.डी.ई नेपालको सहजीकरणमा राप्ती सोनारी गा.पाको वडा नं ६ स्थित सामुदायिक सहिद पार्क परिसरमा आयोजित कृषि तथा पोषण मेला प्रदर्शनी उत्साहजनक सहभागिताका साथ सम्पन्न भएको छ। स्थानीय समुदायमा पोषणयुक्त आहार, कृषि उत्पादन तथा स्वस्थ जीवनशैलीबारे जनचेतना अभिवृद्धि गर्ने उद्देश्यले कार्यक्रम आयोजना गरिएको हो।
मेलामा गाउँपालिकाभित्रका महिला समूह, कृषक, बालबालिका, स्वास्थ्यकर्मी, जनप्रतिनिधि तथा सर्वसाधारण नागरिकहरूको उल्लेखनीय सहभागिता रहेको थियो। कार्यक्रममा पोषणयुक्त खाद्य सामग्री, स्थानीय कृषि उत्पादन, तरकारी तथा फलफूल प्रदर्शनीका साथै पोषणसम्बन्धी सचेतनामूलक जानकारी प्रदान गरिएको थियो।
