Rabin Mahato - रा.स्व.पा सर्लाही

Rabin Mahato - रा.स्व.पा सर्लाही Contact information, map and directions, contact form, opening hours, services, ratings, photos, videos and announcements from Rabin Mahato - रा.स्व.पा सर्लाही, Janakpur.

म राष्ट्रिय सवतन्त्र पार्टी (रा.स्व.पा) बाट सर्लाही क्षेत्र -२ को प्रतिनिधित्व गर्दै प्रतिनिधि सभा सदस्य सांसद बन्न पाउदा अत्यन्त गर्व महसुस गर्दैछु | जनताको विश्वास , साथ र समर्थनप्रति आभार व्यक्त गर्दछु |

पवित्र रक्षाबन्धन पर्वको हार्दिक मंगलमय शुभकामना!दाजुभाइ तथा दिदीबहिनी बीचको प्रेम, विश्वास, आत्मीयता र सुरक्षाको पवित्र...
28/08/2026

पवित्र रक्षाबन्धन पर्वको हार्दिक मंगलमय शुभकामना!

दाजुभाइ तथा दिदीबहिनी बीचको प्रेम, विश्वास, आत्मीयता र सुरक्षाको पवित्र बन्धन अझ प्रगाढ बनाउने रक्षाबन्धन पर्वको अवसरमा सम्पूर्ण दाजुभाइ तथा दिदीबहिनीहरूमा हार्दिक शुभकामना व्यक्त गर्दछु।

यस पावन पर्वले सबैको जीवनमा सुख, शान्ति, समृद्धि, सुस्वास्थ्य र पारिवारिक सद्भाव ल्याओस्।हाम्रो मौलिक संस्कृति, परम्परा र आपसी प्रेम सधैं जीवन्त रहोस्।

सबैमा शुभ रक्षाबन्धन!

विपद्मा सहयोग गरौँ प्राकृतिक विपत्तिमा परेका नागरिकहरूको उद्धार, राहत तथा पुनर्स्थापनाका लागि प्रधानमन्त्री दैवी प्रकोप ...
27/08/2026

विपद्मा सहयोग गरौँ

प्राकृतिक विपत्तिमा परेका नागरिकहरूको उद्धार, राहत तथा पुनर्स्थापनाका लागि प्रधानमन्त्री दैवी प्रकोप उद्धार कोष तथा प्रधानमन्त्री राहत कोषमा सक्दो आर्थिक सहयोग गरौँ।

सानो सहयोगले पनि विपद्मा परेका परिवारका लागि ठूलो आशा र सहारा बन्न सक्छ।
मानवीय सेवामा हातेमालो गरौँ, विपद्मा परेकालाई साथ दिऔँ। 🇳🇵

उद्धार, राहत तथा सहयोगका लागि:
https://setu.ndrrma.gov.np

24/08/2026

आज सदनमा सम्माननीय सभामुखज्यू समक्ष सर्लाही क्षेत्र नं. २ स्थित मलंगवा अस्पतालमा वर्षौंदेखि अलपत्र अवस्थामा रहेका मेडिकल उपकरणहरू यथाशीघ्र सञ्चालनमा ल्याउन सरकारको गम्भीर ध्यानाकर्षण गराएको छु।

उपकरणहरू भएर पनि दक्ष जनशक्ति र आवश्यक चिकित्सकको अभावमा नागरिकले स्वास्थ्य सेवा पाउनबाट वञ्चित हुनु दुःखद् अवस्था हो। त्यसैले आवश्यक दक्ष जनशक्ति तथा चिकित्सकको पदपूर्ति गरी अस्पतालमा रहेका सम्पूर्ण उपयोगी मेडिकल उपकरणहरू तत्काल सञ्चालनमा ल्याउन जोरदार माग गरेको छु।

18/08/2026

आज प्रतिनिधि सभाको बैठकमा सर्लाही क्षेत्र नं. २ का मिर्गौला रोग पीडित नागरिकहरूले भोग्दै आएका जटिल समस्या सम्बन्धमा सरकारको ध्यानाकर्षण गराएको छु।

मधेश प्रदेशमा पर्याप्त मिर्गौला रोग उपचार अस्पतालको अभाव हुँदा सामान्य तथा विपन्न नागरिकहरू उपचारका लागि टाढा–टाढाका शहर धाउन बाध्य छन्। समयमै उपचार नपाउँदा आर्थिक भारसँगै ज्यानको जोखिमसमेत बढिरहेको छ।

सर्लाही जिल्ला मधेश प्रदेशको मध्य भूभागमा अवस्थित भएकाले यहाँ मिर्गौला उपचारका लागि अत्याधुनिक अस्पताल स्थापना गर्न आवश्यक छ।

त्यसैले आजको सदनमार्फत सर्लाही जिल्लामा मिर्गौला अस्पताल स्थापना गर्न सरकारसँग स्पष्ट र ठोस माग गरेको छु।

स्वास्थ्य सेवा नागरिकको मौलिक अधिकार हो। उपचारको अभावमा कुनै पनि नागरिकले अकालमा ज्यान गुमाउन नपरोस् भन्ने हाम्रो प्राथमिकता हो।

18/08/2026

नयाँ नेतृत्वको अवसर

आजदेखि राष्ट्रिय स्वतन्त्र पार्टी (रास्वपा)ले स्थानीय तह निर्वाचनका लागि ‘क्यान्डिडेट क्लब’ सुरु गरेको छ। गाउँपालिका अध्यक्ष, उपाध्यक्ष, वडाध्यक्ष तथा वडा सदस्य पदमा उम्मेदवारी दिन इच्छुक योग्य, सक्षम र इमानदार नागरिकहरूले आवेदन दिन सक्नुहुनेछ।

आवेदन दिन :- https://rspnepal.page.link/app

17/08/2026

आज सम्माननीय सभामुखज्यू समक्ष गरिमामय सदनमा सर्लाही क्षेत्र नं. २ का किसानहरूले सिँचाइका लागि विद्युत् प्रसारणमा कमीका कारण भोग्दै आएका समस्याबारे गम्भीर ध्यानाकर्षण गराएको छु।

किसानको खेतमा समयमै पानी पुग्न नसक्दा कृषि उत्पादनमा प्रत्यक्ष असर परिरहेको छ। यस समस्याको दीर्घकालीन समाधानका लागि आवश्यक स्थानमा पर्याप्त क्षमताका ट्रान्सफर्मर जडान तथा थप विद्युत् पोल र प्रसारण लाइन विस्तार गर्न माग गरेको छु।

किसानको समस्या समाधान गर्नु राज्यको जिम्मेवारी हो। सिँचाइका लागि आवश्यक विद्युत् आपूर्ति सुनिश्चित गरी सर्लाही क्षेत्र नं. २ का किसानलाई राहत र कृषि उत्पादनमा वृद्धि गर्ने दिशामा प्रभावकारी पहलका लागि निरन्तर आवाज उठाइरहनेछु।

हार्दिक स्वागत तथा अभिनन्दन पर्यटन क्षेत्रको विकास, प्रवर्द्धन तथा स्थानीय पर्यटकीय सम्भावनाको स्थलगत निरीक्षणका लागि मा...
15/08/2026

हार्दिक स्वागत तथा अभिनन्दन

पर्यटन क्षेत्रको विकास, प्रवर्द्धन तथा स्थानीय पर्यटकीय सम्भावनाको स्थलगत निरीक्षणका लागि माननीय पर्यटन मन्त्रीज्यू सर्लाही क्षेत्र नं. २ मा आउनु हुँदैछ।

यस अवसरमा चमेलीमाई मन्दिर, सलेमपुर, सर्लाहीमा मन्दिर दर्शन एवं पूजा–अर्चना सहितको कार्यक्रम आयोजना गरिएको छ।

मिति: २०८३ श्रावण ३० गते, शनिवार
समय: अपराह्न ३:४५ बजे
स्थान: चमेलीमाई मन्दिर, सलेमपुर, सर्लाही

सर्लाही क्षेत्र नं. २ को पर्यटन विकासका सम्भावनालाई उजागर गर्दै धार्मिक तथा पर्यटकीय क्षेत्रको संरक्षण, प्रवर्द्धन र विकासमा यो भ्रमण महत्वपूर्ण हुने विश्वास लिएको छु।

सम्पूर्ण आदरणीय नेता, कार्यकर्ता, शुभचिन्तक तथा आम जनसमुदायलाई यथासमयमा उपस्थित भई कार्यक्रमलाई भव्यताका साथ सफल पारिदिनुहुन हार्दिक निमन्त्रणा गर्दछु।

जय चमेलीमाई
सर्लाही क्षेत्र नं. २ को पर्यटन विकास हाम्रो साझा संकल्प।

अन्तर्राष्ट्रिय युवा दिवसको हार्दिक शुभकामना!युवा केवल भविष्य होइनन्, आजको परिवर्तनका संवाहक र राष्ट्र निर्माणका मुख्य श...
12/08/2026

अन्तर्राष्ट्रिय युवा दिवसको हार्दिक शुभकामना!

युवा केवल भविष्य होइनन्, आजको परिवर्तनका संवाहक र राष्ट्र निर्माणका मुख्य शक्ति हुन्।

सकारात्मक सोच, गुणस्तरीय शिक्षा, सीप, नवप्रवर्तन र उद्यमशीलतामार्फत युवालाई आत्मनिर्भर बनाउँदै समृद्ध नेपाल निर्माणमा अघि बढ्नुपर्छ।

आउनुहोस्, युवाको ऊर्जा र क्षमतालाई सही दिशामा परिचालन गर्दै सशक्त युवा, समृद्ध राष्ट्र निर्माणको संकल्प गरौँ।

अन्तर्राष्ट्रिय युवा दिवसको सम्पूर्ण नेपाली युवा साथीहरूमा हार्दिक शुभकामना!

लोकतन्त्रको मर्म निर्वाचित नेतृत्व निरन्तर नागरिकको निगरानी, सुझाव र सम्पर्कमा रहनु हो। यसै यथार्थलाई मनन गर्दै, जनउत्तर...
09/08/2026

लोकतन्त्रको मर्म निर्वाचित नेतृत्व निरन्तर नागरिकको निगरानी, सुझाव र सम्पर्कमा रहनु हो। यसै यथार्थलाई मनन गर्दै, जनउत्तरदायी, पारदर्शी र परिणाममुखी राजनीतिक संस्कारको विकास गर्न राष्ट्रिय स्वतन्त्र पार्टी (रास्वपा) ले आगामी भदौ महिनादेखि "नागरिक, नीति र नेतृत्व" कार्यक्रम सुरु गर्दैछ।

07/08/2026

आज सम्माननीय सभामुखज्यू समक्ष सदनमा सर्लाही क्षेत्र नं. २ का बाढी प्रभावित किसान तथा स्थानीय जनसमुदायले भोग्नुपरेको क्षति र समस्याप्रति सरकारको गम्भीर ध्यानाकर्षण गराएको छु।

बाढीका कारण किसानको खेतबारी, अन्नबाली तथा कृषि उत्पादनमा ठूलो क्षति पुगेको छ। वर्षभरि मेहनत गरेर उत्पादन गरेको बाली प्राकृतिक विपत्तिका कारण नष्ट हुँदा किसानहरू गम्भीर आर्थिक संकटमा परेका छन्।

यस कठिन परिस्थितिमा प्रभावित किसानको क्षतिको तत्काल मूल्याङ्कन, उचित राहत तथा आवश्यक क्षतिपूर्तिको व्यवस्था गर्न र भविष्यमा यस्ता विपत्तिबाट हुने क्षति न्यूनीकरणका लागि दीर्घकालीन योजना बनाउन सरकारसँग जोडदार माग गरेको छु।

Address

Janakpur

Website

Alerts

Be the first to know and let us send you an email when Rabin Mahato - रा.स्व.पा सर्लाही posts news and promotions. Your email address will not be used for any other purpose, and you can unsubscribe at any time.

Shortcuts

Share