10/05/2026
आगामी स्थानीय तह निर्वाचनका इच्छुक सम्भावित उम्मेदवारहरूलाई हार्दिक सुझाव।
--------------------------------------------------
अब करिब एक वर्षपछि स्थानीय तहको निर्वाचन हुँदैछ। मेयर/उपमेयर, अध्यक्ष/उपाध्यक्ष, वडा अध्यक्ष तथा सदस्य बन्ने आकांक्षा राख्ने सबै जिम्मेवार व्यक्तित्वहरूलाई आजैदेखि तयारी सुरु गर्न उपयुक्त हुने हार्दिक आग्रह गर्दछु।
नेतृत्व केवल चुनाव जित्ने कुरा मात्रै होइन,यो त विश्वास जित्ने सामाजिक यात्रा हो,समाज सेवामा स्थापित हुने कला हाे।त्यसैले इच्छुक उम्मेदवारहरूले अहिलेबाटै निम्न तयारीहरू गर्न आवश्यक देख्दछु।
(१️)संविधान र सम्बध्द कानुनको गहिरो अध्ययन हुनुपर्नेछ ।राष्ट्रिय नीतिहरु,मूलतः नेपालको संविधान,स्थानीय सरकार सञ्चालन ऐन ,वित्तीय व्यवस्थापन, सार्वजनिक खरिद, सुशासन सम्बन्धी ऐन नियमहरुकाे सघन जानकारी गर्नुहाेस्! पदमा पुगेपछि सिक्ने होइन, पहिले नै जान्ने बन्नुहोस्।
(२️) आफ्नो पालिकाको वास्तविक अवस्था बुझ्नु अनिवार्य सर्त हुनुपर्छ ।जनसंख्या, गरिबी, रोजगारी, शिक्षा, स्वास्थ्य, कृषि, पर्यटन,पालिकाको वार्षिक बजेट, योजना र उपलब्धि लगायतका विषयहरका बारेमाअहिले नै "सूचनाकाे हक" काे प्रयाेग गरेर पालिकासँग माग्नुहाेस्। आफ्नो पालिकाको डेटा र तथ्यमा आधारित समझ बनाउनुहोस्।
(३️) सामाजिक सेवाबाट विश्वास निर्माण गर्नुहाेस्।विपन्न, असहाय, ज्येष्ठ नागरिक, महिला, बालबालिका, युवा ,सरसफाइ, रक्तदान, शिक्षा, स्वास्थ्य आदि जस्ता सामाजिक अभियान चलाउन सुरु गरिहाल्नुहाेस्। चुनाव नआउँदै सेवाबाट चिनिनुहोस्।
(४) शालीनता, सभ्य, शिष्ट,मर्यादित राजनीतिक,सामाजिक संस्कारलाई शिरमा राख्नुहाेस्। विपक्षीलाई शत्रु होइन,स्वस्थ प्रतिस्पर्धी मान्नुहोस्।गाली, अफवाह, चरित्र हत्या नगर्नुहोस्। आफ्नो कामले बोल्ने नेतृत्व बन्नुहोस्।
(५️ )सबै राजनीतिक दल र समुदायसँग समन्वय,सद्भाव राख्दै स्थानीय विकासमा सहकार्य गर्नुहाेस्।समाजलाई विभाजन होइन,एकता कायम गर्ने अनुकरणीय नेतृत्व बन्नुहाेस्।
(६️) योजना तर्जुमाका बारेमा राम्रोसँग सिक्नुहोस्। योजना कसरी बनाउने?बजेट कसरी विनियोजन गर्ने?सबै तह र तप्काका नागरिकको सहभागिता कसरी गर्ने? अनुगमन कसरी गर्ने? लगायतका विषयमा स्पष्ट हुनुहाेस्।“के गर्ने?” भन्दा पनि पहिले कसरी गर्ने? सिक्नुहोस्।
(७️) सुशासन र पारदर्शिताप्रति प्रतिबद्धता रहनुहाेस्।घुस, कमिसन, अनियमितता, शून्य सहनशीलता जस्ता कुरामा याद गर्नुहाेस्। इमान्दार नेतृत्व नै जनताको चाहना हो।
(८️)न्यायिक जिम्मेवारीको तयारी (उपमेयर/उपाध्यक्षका लागि)।
मेलमिलाप, विवाद समाधान,न्यायिक समिति सञ्चालन गर्दै न्याय दिने क्षमतामा बृध्दि अत्यन्त आवश्यक भएकाले अहिलेदेखि नै सम्बन्धित ऐन नियमकाे राम्रोसँग अध्ययन गर्नुहाेस्।
(९️)जनतासँग नियमित संवाद,टोल–टोल भेटघाट,गुनासो सुन्ने संस्कार बसाल्नुहाेस्। नेता होइन, सेवक बन्ने अभ्यास गर्नुहोस्।
(१०)दीर्घकालीन विकासको स्पष्ट दृष्टिकोण बनाउनुहाेस्।रोजगारी,पूर्वाधार,शिक्षा,स्वास्थ्य,डिजिटल र हरित विकास आदिका बारेमा सम्बध्द विज्ञसँगसमेत छलफल थाल्नुहाेस्।म जितेपछि गर्छु भन्ने होइन कि, अहिलेदेखि योजना तयार राख्नुहोस्।
(११)नेतृत्व भनेको पद होइन,जिम्मेवारी हो।आजै सुरु गरौं,सेवाबाट,चिनिनुहोस् !
विश्वास कमाउनुहोस्,र विकासको प्रतिबद्धता पूरा गर्नुहाेस्। सुबिजयकाे अग्रिम बधाई दिन्छु।
