IAC NAST NEPAL

22/04/2026

22/04/2026

बैशाख ९, २०८३ का दिन कावासोती नगरपालिका, शिवमन्दिर, नवलपरासी (बर्दघाट सुस्ता पूर्व) मा सञ्चालित गण्डकी प्रदेश मुख्यमन्त्री नवप्रवर्तन सोझेदार कार्यक्रम अन्तर्गतको "आविष्कार र उत्पादनको जग मेरो विद्यालय कार्यक्रम" अन्तर्गत नगरभित्रका सवै सामुदायिक मावि र निमाविमा अध्यापनरत सिनियर विज्ञान शिक्षक वा विद्यालयगत रुपमा नगरमा पेश गरेको परियोजनाको फोकल विज्ञान शिक्षकहरुलाई नेपाल विज्ञान तथा प्रविधि प्रज्ञा प्रतिष्ठानको विज्ञान तथा प्रविधि सुचना प्रणाली केन्द्र अन्तर्गतको सूचना प्रणाली केन्द्रमा विज्ञान तथा प्रविधिमा नास्टको भुमिका, उदेश्य र महत्व सम्वन्धमा वरिष्ठ वैज्ञानिक अधिकृत पवनकुमार न्यौपाने र सूचना पहुच केन्द्रका उदेश्यक, काम र भूमिकाका सम्वन्धमा प्रदिप ढोडारीले प्रकाश पार्नु भएको थियो ।

10/04/2026

📍 सुर्खेत । नेपाल विज्ञान तथा प्रविधि प्रज्ञा प्रतिष्ठान (नास्ट) अन्तर्गत सूचना तथा सञ्चार प्रविधि IAC NAST NEPAL विशिष्टीकृत अनुसन्धान केन्द्र, कर्णाली प्रदेश प्रादेशिक कार्यालयद्वारा आयोजित दुई दिने साइबर सुरक्षा सम्बन्धी कार्यशाला गोष्ठी सम्पन्न भएको छ ।

🗓️ २०८२ चैत २५–२६ गते सञ्चालन गरिएको उक्त कार्यक्रममा ३५ भन्दा बढी सहभागीहरू तथा २० भन्दा बढी सरकारी तथा गैरसरकारी निकायका प्रतिनिधिहरूको सहभागिता रहेको थियो । साथै नेपाली सेना, नेपाल प्रहरी, सशस्त्र प्रहरी बल र राष्ट्रिय अनुसन्धान विभागको समेत सक्रिय उपस्थिति रहेको थियो ।

💻 ‘Building Cyber–Ready Organizations: Strategy, Tools, and Hands–On Insights’ शीर्षकमा आयोजित कार्यक्रमले डिजिटल ग्याप घटाउने, साइबर सुरक्षा सचेतना बढाउने र प्राविधिक दक्षता अभिवृद्धि गर्ने लक्ष्य राखेको थियो।

🔐 कार्यक्रममा साइबर सुरक्षा सुदृढीकरण, डेटा संरक्षण, नेटवर्क सुरक्षा, जोखिम मूल्यांकन तथा Incident Response जस्ता विषयहरूमा अभ्याससहित प्रशिक्षण प्रदान गरिएको थियो। सहभागीहरूले आफ्ना संस्थाहरूको सुरक्षा अवस्था मूल्यांकन गर्दै सुधारका उपायहरूबारे छलफल समेत गरेका थिए।

🎓 प्रा. डा. सुवर्ण शाक्य, ईन्जिनियर कुमार पुडासैनी, प्रदीप ढाेडारी र नरेश कोइरालाद्वारा प्रशिक्षण प्रदान गरिएको थियो।

🚀 यस कार्यक्रमले कर्णाली प्रदेशमा साइबर सुरक्षा सचेतना अभिवृद्धि, प्राविधिक क्षमता विकास तथा सुरक्षित डिजिटल वातावरण निर्माणमा महत्वपूर्ण योगदान पुर्‍याउने अपेक्षा गरिएको छ।