Nationalist Youth, Kathmandu (2026)

12/05/2026

कस्तो लाग्यो यस्तो निर्णय: सरकारले अब प्रत्येक दिन १५ मिनेट प्रार्थना र ३० मिनेट खाजा समय निर्धारण गरेको छ भने हिउँदे र बर्से बिदाको अवधि ४५ दिनबाट घटाएर ३० दिन कायम गरेको छ ।😮

11/05/2026

प्रधानमन्त्रीको प्रमुख राजनीतिक सल्लाहकारले आफ्नै यो स्टाटस पोष्ट गरेको केही मिनेटमै डिलिट गरेछन्। 🤣🤣🤣
PMO Nepal

11/05/2026

प्रधानमन्त्रीका राजनीति सल्लाहाकार असिम शाह लेख्छन्ः

सम्माननीय प्रधानमन्त्रीज्यूलाई स्वास्थ्यमा असहजता देखिएकाले नीति तथा कार्यक्रम प्रस्तुतिको क्रममा केही समयका लागि विश्राम लिनु भएको थियो,त्यसपछि उहाँ पुनः कार्यक्रममा सहभागी हुनु भएको हो,उहाँको स्वास्थ्य अवस्था सामान्य रहेको जानकारी गराइन्छ।

pic :- Ai generated

11/05/2026

बालेन्द्र शाह राष्ट्रपतिले नीति तथा कार्यक्रम प्रस्तुत गरिरहेकै समयमा संसद् बैठकबाट बाहिरिएपछि सामाजिक सञ्जालमा तीव्र ट्रोल र आलोचना सुरु भएको छ।

सोमबार प्रतिनिधिसभा र राष्ट्रिय सभाको संयुक्त बैठकमा रामचन्द्र पौडेल ले सरकारको नीति तथा कार्यक्रम वाचन गरिरहेका बेला प्रधानमन्त्री शाह अचानक उठेर बाहिरिएका थिए। उक्त दृश्य सार्वजनिक भएपछि फेसबुक, टिकटक र एक्समा विभिन्न प्रतिक्रिया आउन थालेका छन्।

सामाजिक सञ्जाल प्रयोगकर्ताहरूले प्रधानमन्त्रीको व्यवहारलाई लिएर व्यंग्यात्मक टिप्पणी गरिरहेका छन्। धेरैले “कार्यक्रमकै बीचमा के सुल्पा तान्न निस्केको हो ?” भन्दै ट्रोल गरेका छन् भने केहीले संसदीय मर्यादा र राष्ट्रपतिको सम्मानमाथि प्रश्न उठाएका छन्।

प्रधानमन्त्री शाहले राष्ट्रपतिले सम्बोधन गरिरहँदा बीचमै बैठक छाडेको विषय संसद्मा समेत उठेको थियो। विपक्षी दलका सांसदहरूले यसलाई अस्वाभाविक व्यवहार भन्दै नीति तथा कार्यक्रमप्रति प्रधानमन्त्रीको अपनत्वमाथि प्रश्न गरेका थिए।

यस घटनापछि प्रधानमन्त्री शाहको संसदीय शैली फेरि चर्चामा आएको छ। सामाजिक सञ्जालमा उनको व्यवहारलाई लिएर समर्थन र आलोचना दुवै भइरहेको देखिन्छ।

10/05/2026

रास्वपा सभापति रवि लामिछानेले कामु प्रधानन्यायाधीश सपना प्रधानको कानुन दिवसको अभिव्यक्तिप्रति कडा आपत्ति जनाउँदै खुला चुनौती दिएका छन्। शनिबार पार्टीका सांसदहरूलाई आयोजित प्रशिक्षण कार्यक्रममा सम्बोधन गर्दै उनले प्रधानन्यायाधीश सिफारिस प्रक्रियाबारे उठिरहेको विवादको प्रतिवाद गरेका हुन्।

रवि लामिछानेले प्रधानन्यायाधीश सिफारिस “परम्पराभन्दा बाहिर गएको” र “असंवैधानिक भएको” भन्ने आलोचनाको जवाफ दिँदै संवैधानिक परिषद्को भूमिकामाथि प्रश्न उठाए। उनले भने, “यदि वरिष्ठतम् व्यक्तिलाई स्वतः प्रधानन्यायाधीश बनाउने व्यवस्था नै हुने हो भने संवैधानिक परिषद्को आवश्यकता किन पर्थ्यो ? ६/६ जनाको सिफारिस किन गरियो ?” उनले परम्परा तोडिएको भन्ने आरोपलाई अस्वीकार गर्दै यदि पुरानै शैली कायम रहेको भए अहिले पनि न्यायपालिकामा भागबन्डाको राजनीति चलिरहेको हुने दाबी गरे।

उनले सिफारिस प्रक्रियामा आफ्नो पार्टीका वरिष्ठ नेताले नाम प्रस्ताव गरेको उल्लेख गर्दै त्यसलाई राजनीतिक पूर्वाग्रहका आधारमा विवादित बनाउन खोजिएको आरोप लगाए। रविले न्यायपालिकाभित्र हुने शक्ति संघर्ष र भागबन्डाको अभ्यासमाथि कटाक्ष गर्दै “परम्परा” को नाममा पुरानो संस्कार जोगाउन खोजिएको टिप्पणी गरे।

सम्बोधनका क्रममा रवि लामिछाने निकै आक्रामक रूपमा प्रस्तुत भए। उनले आफूमाथि रिस पोख्नेहरूलाई सीधा चुनौती दिँदै भने, “मेरो रिस गर्नुहुन्छ भने मेरो गर्धन त्यहीँ छ, चलाइदिनुस् हतियार।” उनको यो अभिव्यक्ति सार्वजनिक भएसँगै राजनीतिक वृत्त र सामाजिक सञ्जालमा व्यापक चर्चा सुरु भएको छ।

रविले अदालतलाई पनि अप्रत्यक्ष रूपमा सचेत गराउँदै न्यायपालिकाले जनताको विश्वास जोगाउनुपर्ने बताए। “अदालतले पनि यसलाई हाँसोको विषय नबनाओस्। आम नागरिकलाई कसरी न्याय दिन सकिन्छ भन्नेमा केन्द्रित हुनुपर्छ,” उनले भने। उनले कागजमा सीमित न्याय नभई व्यवहारमा नागरिकले अनुभूति गर्ने न्याय आवश्यक रहेको धारणा व्यक्त गरे।

उनको अभिव्यक्ति यस्तो समयमा आएको हो, जतिबेला न्यायपालिका, संवैधानिक परिषद् र प्रधानन्यायाधीश नियुक्ति प्रक्रियालाई लिएर राजनीतिक तथा कानुनी बहस तीव्र बनेको छ। कानुन दिवसको अवसरमा कामु प्रधानन्यायाधीश सपना प्रधान मल्लले दिएको अभिव्यक्तिपछि सुरु भएको बहसमा अब रवि लामिछानेको कडा प्रतिक्रिया थपिएपछि विवाद अझ चर्किने संकेत देखिएको छ।

10/05/2026

पशुपतिनाथ मन्दिर परिसरअन्तर्गत राम मन्दिर नजिकैको जंगल क्षेत्रमा ३ वटा ग्रिनेड फेला परेका छन्। स्थानीयवासीले शंकास्पद वस्तु देखेपछि प्रहरीलाई खबर गरेपछि उक्त स्थानमा सुरक्षाकर्मी परिचालन गरिएको थियो।

प्रहरीका अनुसार अवैध घरटहरा हटाइएको क्षेत्रभन्दा केही माथिको जंगलमा शंकास्पद वस्तु देखिएको सूचना प्राप्त भएपछि सुरक्षा टोली घटनास्थल पुगेको थियो। त्यसक्रममा पुराना ग्रिनेड फेला परेका हुन्।

जिल्ला प्रहरी परिसर काठमाडौंका डीएसपी कौशल बुढाथोकीले घटनास्थलबाट ३ वटा पुराना ग्रिनेड बरामद गरिएको जानकारी दिएका छन्। फेला परेका ग्रिनेड पुराना भएकाले तत्काल ठूलो जोखिम नरहेको प्रारम्भिक अनुमान गरिएको छ।

घटनापछि उक्त क्षेत्रमा सुरक्षा निगरानी बढाइएको छ भने ग्रिनेड कसरी त्यहाँ पुगे भन्नेबारे प्रहरीले थप अनुसन्धान अघि बढाएको जनाएको छ। पछिल्ला दिनमा सो क्षेत्रमा सुकुम्बासी बस्ती हटाउने अभियान सञ्चालन गरिएको थियो।

Image: AI

10/05/2026

पूर्वप्रधानन्यायाधीश सुशीला कार्कीको अभिव्यक्तिप्रति सांसद आशिका तामाङले व्यंग्य गरेकी छिन् । सुशीला कार्कीले एक अन्तर्वार्ताका क्रममा पत्रकारले “आमा” भनेर सम्बोधन गरेपछि असन्तुष्टि जनाउँदै “बालेनको श्रीमतीलाई आमा भन्नु, मलाई आमा नभन्नु” भन्ने प्रतिक्रिया दिएकी थिइन्। त्यसै प्रसंगलाई लिएर सांसद तामाङले व्यंग्यात्मक टिप्पणी गरेकी हुन्।

आशिका तामाङले सामाजिक सञ्जालमा लेखेकी छन्, “सुशीला कार्कीज्यूले खासमा सही नै बोल्नुभएको हो। उहाँ ‘आमा’ समूहभित्र पर्नुहुन्न, वास्तवमा उहाँ त ‘हजुरआमा’ समूहभित्र चाहिँ पर्नुहुन्छ। धन्यवाद !”

तामाङको उक्त टिप्पणी सार्वजनिक भएपछि सामाजिक सञ्जालमा तीव्र प्रतिक्रिया देखिएको छ। केही प्रयोगकर्ताले यसलाई व्यंग्यात्मक राजनीतिक प्रतिक्रिया भन्दै समर्थन गरेका छन् भने कतिपयले पूर्वप्रधानन्यायाधीशजस्तो सम्मानित व्यक्तिप्रति असम्मानजनक अभिव्यक्ति भएको भन्दै आलोचना गरेका छन्।

पछिल्ला दिनमा सुशीला कार्कीले प्रधानन्यायाधीश नियुक्ति प्रक्रिया, न्यायपालिका र समकालीन राजनीतिक नेतृत्वबारे लगातार कडा अभिव्यक्ति दिँदै आएकी छन्। उनले विशेषगरी बालेन्द्र शाह र रवि लामिछाने माथि न्यायिक ज्ञान नभएको भन्दै टिप्पणी गरेपछि राजनीतिक तथा सामाजिक वृत्तमा बहस चर्किएको थियो।

त्यसैबीच आशिका तामाङको पछिल्लो टिप्पणीले सामाजिक सञ्जालमा नयाँ विवाद जन्माएको छ। अहिले उक्त अभिव्यक्तिलाई लिएर समर्थक र आलोचकबीच बहस जारी रहेको छ।

09/05/2026

नेपाली कांग्रेसका निवर्तमान सभापति शेरबहादुर देउवा समूहले पार्टीभित्र आफ्नो शक्ति सुदृढ बनाउन सातै प्रदेशमा भव्य प्रदेशस्तरीय भेला गर्ने तयारी तीव्र पारेको छ।

पार्टीले केन्द्रीय प्रशिक्षण प्रतिष्ठानमार्फत प्रदेशस्तरीय कार्यक्रम अघि बढाइरहेका बेला देउवा समूहले आन्तरिक रणनीति मजबुत बनाउन छुट्टै भेला आयोजना गर्न लागेको हो। समूह निकट नेताहरूका अनुसार, आगामी १५औं महाधिवेशनलाई लक्षित गर्दै संगठनात्मक एकता र शक्ति प्रदर्शनका लागि यो अभियान अघि सारिएको हो।

देउवा समूहका नेता पूर्णबहादुर खड्काको सचिवालयले सातै प्रदेशमा तयारी तीव्र भइरहेको जनाएको छ। नेता मीन विश्वकर्माका अनुसार, भेलाको उद्देश्य आन्तरिक एकता मजबुत बनाउँदै पार्टी संगठनलाई सुदृढ गर्नु, निराश कार्यकर्तालाई पुनः सक्रिय बनाउनु र महाधिवेशनको तयारीलाई गति दिनु हो।

प्रदेशस्तरमा जिम्मेवारीसमेत बाँडफाँड गरिएको छ। कोशीमा कृष्णप्रसाद सिटौला, मधेशमा आनन्दप्रसाद ढुंगाना, गण्डकीमा मेखलाल श्रेष्ठ, बागमतीमा प्रकाशमान सिंह र डा. प्रकाशशरण महत, लुम्बिनीमा किशोरसिंह राठौर, कर्णालीमा जीवनबहादुर शाही र सुदूरपश्चिममा एनपी साउदलाई समन्वयको जिम्मा दिइएको छ।

देउवा समूहले पहिलो भेला कोशी प्रदेशबाट सुरु गर्ने भएको छ, जसलाई २९ वैशाखमा विराटनगरमा आयोजना गरिनेछ। त्यसपछि क्रमशः अन्य प्रदेशहरूमा भेला हुने कार्यक्रम तय गरिएको छ।

बागमती प्रदेशस्तरीय भेला ३० वैशाखमा काठमाडौंको बबरमहलस्थित कार्की ब्यांक्वेटमा हुने तयारी छ भने गण्डकी, कर्णाली, सुदूरपश्चिम, मधेश र अन्य प्रदेशमा पनि छुट्टाछुट्टै मिति तय गरिएको छ।

नेताहरूका अनुसार यी भेलाहरू केवल संगठनात्मक छलफल मात्र नभई पार्टीभित्र शक्ति सन्तुलन र आगामी राजनीतिक दिशाबारे रणनीतिक निर्णयका लागि महत्वपूर्ण हुनेछन्।

09/05/2026

OMG 😮: आबुई: सुदन किरातीले बालेन र रविलाई जु!त्ताको मा!ला लगाएर देश नि!का!ला गर्ने चे!ता!वनी दिएका छन्

Nationalist Youth

12/05/2026

11/05/2026

11/05/2026

11/05/2026

10/05/2026

10/05/2026

10/05/2026

09/05/2026

09/05/2026

Address

Website

Alerts

Shortcuts

Share