https://www.facebook.com/109041332233488/

Poem Nepal, Balaju, Kathmandu (2026)

20/10/2023

कविता - हाम्रो कास्की !

कास्कीमा आउनु हजुर रुपा घुम्न जाउँला,
फेवातालको बाराहीमा बसि माया लाउँला,
माछपुच्छ्रे हिमालको छायाँ नि तालमा पर्छ,
बेगनाश पनि घुमौं न हजुर, डुङ्गा पनि सर्छ ।

सराङ्कोट नि जाउँल हामी संगसंग मिली,
मेथ्लाङ पनि आँखैमा बस्छ झिली झिली,
एक झोलुङ्गे पुल पनि छ हाम्रो रुपा ताल,
घान्द्रुक, तान्सेन गएर लाउला माया जाल ।

नबिर्सी जाउँला हामी देउराली वरको बोट,
रमाइलो ठाउँ छ घुम्न जाउँला पुङ्द कोट,
हेर्नुस् हाजुरसँगै जानलई लागेको छ मन,
सौन्दर्यले भरिपूर्ण हाम्राे यो राम्रो रानी बन ।

रानीवनमा डाँफे संगसंगै नाच्दछन् मजुर,
महेन्द्र गुफा, चमेरे गुफा जाउँला नि हजुर,
कास्कीतर्फ आउनु हजुर घुमौंला यी ठाँउ,
अति प्रिय लाग्छ लुम्ले डाँडा संगै यो काउ ।

कायौं थरी फूल फुल्छन् हाम्राे कास्कीमा,
गहुँ धानका बाला झुल्छन् राम्राे कास्कीमा,
आएपछि जानलाई मन नलाग्ला नि त्यति,
नदि पनि हेरौँला नि हामी मादी अनि सेती ।

कवि - पुष्पा श्रेष्ठ ( पुसु पापिनी )
तस्वीर - Pinterest

साथै, आफ्नो कविता तथा लेख पठाउनको लागी [email protected] मा पठाउन सक्नुहुनेछ । धन्यवाद ! ❤️

01/10/2023

कविता - आउ ।
लेखक / स्वर - Manshiva Nepal

नोट : तपाईंले आफ्ना कविता/लेखहरु हाम्रो ई-मेल ठेगना [email protected] मा भिडियोको रुपमा पनि पठाउन सक्नुहुनेछ है । धन्यवाद ! ❤️

01/10/2023

कविता - तिमीसँगको प्रेम ।

जब मेरो नजर
तिम्रो नयनमा पर्यो
त्यही दिनबाट सुरु
भएको हो
तिमीप्रतिको चाहत ।

देखेको पहिलो दिनदेखि
उदाएको हो
मनमा तिम्रोनिम्ती प्रेम ।

तिम्रो शालीनतामा
हराएको हो मेरो
कोलाहल आवाज ।

तिम्रो सौन्दर्यमा
मातिएको हो मेरो
निश्चल आँखा ।

तिम्रो बोलिमा
लठ्ठिएको हो मेरो
कोमल हृदय ।

तिमीसँग नबोले पनि
पर्खाइमा हुन्छु
हरेक पूर्णिमामा
तिम्रै रूप हेर्न ।

तिमीले नहेरे पनि
कल्पनामा सँगै हुन्छु ।

तिमीले नदेखे पनि
देखिरहेको हुन्छु
हरेक फूलहरूमा
तिम्रै प्रतिबिम्ब ।

तिमीलाई नदेख्दा
एक्लो हुन्छु,
जस्तो की जून अस्तापछि
एक्लो हुन्छ पृथ्वी ।

- प्रणव

If you also want to publish Poems & Articles, Contact us at [email protected].
Thank you .❤️

01/10/2023

कविता - आमा !

नौ- नौ महिना कोखमा राखी हुर्काउने मेरी आमा,
'माया' र 'स्नेह' संग फुर्काउने मेरी आमा ।

हाम्रो राम्रो उन्नतिमा सधैं खुशी हुन्छिन्,
गलत काम गरेमा सजाय पनि दिन्छिन् ।

दिनरात काम गरी स्कुल पठाउछेउ,
कति दु:ख छ है आमा किन लुकाउछेउ ?

क, ख, ग, घ A, B, C, D पढ्न सिकायौ,
ताते - ताते भनी आमा हिँड्न सिकायौ ।

संस्कारको नाम जपी आमा सधैं हिंड्नेछु,
सके सम्म आमा तिम्रो दुधको भारा तिर्नेछु ।

बुढेसकालको साहारा अवश्य नै बन्नेछु,
सके फेरि तिम्रै सन्तान बनी आउनेछु ।

सबै छोराछोरीले पाउन आमाको न्यानो काँख,
आमाको न्यानो काँखमा पाँउछन् जीवनको साथ ।

- बिना गैरे

If you also want to publish Poems & Articles, Contact us at [email protected]. Thank you. ❤️

18/09/2023

कविता - चेली नहुँदाको तीज !

अर्काकी छोरी रमेका देख्दा, यी आँखा भिजेको,
छोरीको जन्म नभएको घरमा, के अर्थ तीजको ।

भएका भए आउँछन् है भन्दै, आसमा बस्नेथें,
लिन जानू पर्दा चेलीका घरमा, कोसेली कस्नेथें ।

वर्ष दिन भरी घरकै काम, घरैको शासनमा,
तीजको दिन आउँथ्यौ नि प्यारी, माइतीको आँगनमा ।

दर खान भनी हिंड्थ्यौ नि चेली, माइतीलाई सम्झेर,
माइतीको छायामा रमाइलो गर्न, आउँथ्यौ नि बुझेर।

अर्काका देख्छु छोरी र चेली, रमाएका धुमधाम,
नहुँदा आफ्ना, कल्पना गर्छु, मनैमा गुमनाम ।

सबैथोक दियौ भगवान् तिमिले, यो किन बिर्सेको,
छोरीको जन्म बिर्सेकै हो कि, थिएनौ सिर्जेको ।

- Aabhash Koirala

If you also want to publish your Poems & Articles, Send them at [email protected]. Thank you !❤️

11/08/2023

कविता - साहेब सोध्नुहुन्छ !

साहेब सोध्नुहुन्छ,
एक बन्दुकको गोलीको मुल्य ।
खप्पर च्यातिएर चिथ्राचिथ्रा भएको,
एक टुक्रा गिद्दिको मुल्य ।
सास काटेर चोक्टाचोक्टा भएको,
राष्ट्रप्रेमी योद्धाको एक अंश मुटुको मुल्य ।

साहेब सोध्नुहुन्छ,
दुश्मनको मनमा,
जब बल्यो मेरो लास हेर्ने लालसा,
तब मेरो टेकिएको घुडाँले किन दियो
देशप्रेमको बलि ?

साहेबका राताराता देशभक्ती आँखा,
मेरो मर्दनाप्रती प्रश्न गर्छन् ,
परदेशले मेरो घाँटी रेटिईरहदाँ ,
तप्पतप्प खसिरहेका रगतका थोप्लाहरुले,
मेरो आफ्नै भूगोललाई आफ्नो गन्तव्य किन बनाए ?

साहेब घुर्छन्,
आँखा तर्छन राताराता,
तेर्साउछन् फेरी प्रश्नको तरबार मेरो भुँडीमा ,
मैले देशद्रोही हुन लिएको मुल्य कति ?

बरु साहेब छेडिदिनुस् भुँडी,
पारिदिनुस् प्वाल,
हेर्नुस् आँखा चिहाएर मेरो भुँडीभित्र,
पाप र देशद्रोहीका कुनै एक निशान,
यदि पार्नुभयो भने फेला,
मेरो यो मृतशरीर
थुनिदिनुस् सधैंसधैका लागी
जसरी मेरो जिउँदो शरीर,
थुन्नुभएको थियो तपाईंको आवाजको कठ्गराभित्र ।

साहेब सोध्नुहुन्छ ,
किन सोध्नुहुन्छ ?
छैन उत्तर मसँग ।
मृत शरीरबाट
के आश गरिबक्सिन्छ हजुर ?

- Ashok Pariyar

If you also want to publish your Poems or Articles, Contact/ Send us at [email protected] . Thank you ❤

08/08/2023

कविता - दुर्गा वैदिक

जहाँ साधु सन्त सधैं रम्न आए,
सुधा तुल्यका ज्ञानले प्रेम ल्याएँ ।
फुले वेदका मन्त्र ती रुख माथी,
त्यहीँ देव खेल्ने अहो धाम साथी ।।

कला जन्मिईन हात औंला समाई,
र साहित्य झैँ फक्रिईन वेद आई ।
पुजे देवता देव आएर आज,
अहो धन्यता प्राप्त भो सन्त माझ ।।

बढे ज्ञान, वैराग्य आफ्नै कलामा,
म खेलेँ बनी भक्त है यो धरामा ।
छ भाषा र साहित्य पीयूष तुल्य,
न सक्छौ ज्ञानको तिरी पुर्ण मूल्य ।।

यहि स्वर्ग हो मर्त्यको ज्ञान सारा,
हराएँ सुनी गीत, सङ्गीत माला ।
तिमी आउ साथी छरौं प्रेमभाव,
बनाऔं यहि धर्ती हो यै किताब ।।

- Bikram Parajuli

If you also want to publish your Poems or Articles, Contact/ Send us at [email protected] . Thank you ❤

06/08/2023

Poem - Childhood

In the days of innocence, so carefree and wild,
Where laughter echoed like the song of a child,
I reminisce about a time, oh so pure and bright,
When the world was a canvas, and imagination took flight.

Childhood, oh childhood, a treasure untold,
A time of wonder, where dreams unfold,
In the fields we'd run, with the wind in our hair,
Chasing butterflies and dreams without a care.

Oh, the games we played, with friends by our side,
Hide and seek, tag, and adventures wide,
Building castles in the sand, reaching for the sky,
Oh, how time flew by, as the days rolled on by.

The simple joys of climbing trees so high,
Feeling like kings and queens, touching the sky,
The taste of ice cream on a warm summer's day,
Moments etched in our hearts, they'll never fade away.

Childhood, a tapestry of memories so sweet,
Of scraped knees and laughter, and the friends we'd meet,
In the arms of love, we found solace and delight,
Guided by the stars, shining ever so bright.

Oh, how I long for those days, innocent and pure,
To relive those moments, to feel so secure,
But though time may pass, and childhood may fade,
In our hearts, the magic of those days will forever be made.

So let's cherish the memories, the joys we once knew,
For in the essence of childhood, our spirits renew,
For even as adults, we can still find that spark,
And embrace the child within, igniting a joyful arc.

Childhood, oh childhood, a time we'll always hold dear,
In our hearts, the echoes of laughter, crystal clear,
For the lessons we learned, the love that was shared,
Childhood, a precious gift, beyond compare.

- Navin Aka

If you also want to publish your Poems or Articles, Contact/ Send us at [email protected] . Thank you ❤

03/08/2023

कविता - तिमी यसो गर्नु !

तिमी थोरै चर्को बोलिदिनु, म नयाँ स्वरुप लिएर आउँछु,
मलाई राम्रो सम्झी भोट दिनु, म मनमनै रमाउँछु ।

तिमी मेरा एक दुई गलत कुरा फेला पार्नु,
म तिमिलाई पैसाको बिटो दि' चुप लगाउछु,
फेरि सबैका अगाडी राम्रो बनी उभिन्छु ।

तिमी सरकार बनाए जस्तो गर,
म भित्रभित्रै रणनीति बनाई ढलाउँछु ।
एक-दुई महिना तिमी चलाउ,
एक-दुई बर्ष म चलाउँछु।

तिमी 'सुन' नदेखे झै गर्देउ,
म अनुगमन गरे झै गर्छु,
सुनलाई 'सुन' होइन,
फलाम र पित्तल हो भनिदिन्छु ।

तिमी कराए जस्तो गर्नु, म कानमा तेल हालेर बस्छु.
जनताको कुरा के सुन्नु, बरु 'AC' खोली सिरक ओडेर सुत्छु ।

तिमी मेरो बिरोधको गीत गाए जस्तो गरिदिनु,
म त्यही गीतमा जनतालाई नचाइदिन्छु ।

तिमी देशप्रेमी नेता हुन् भनी मेरो गुणगान गाइदिनु,
म सुटुक्क देश नै बेचिदिन्छु ।

-Muna Bista

If you also want to publish your Poems or Articles, Contact us at [email protected] . Thank you ❤

29/07/2023

गजल - तिम्रो माया नि हेरियो !

तिमी बदलियौ तिम्रो हाल फेरियो,
आँशु तीनै हुन् पुछने रूमाल फेरियो ।

सँधैभरी कसरी साथ दिन सक्छु र ?
भित्तेपात्रो थिएँ म, अब साल फेरियो ।

कती माया गर्छौ ? अझै पनि गर्छौ ?
ओहो ! हेर्दाहेर्दै अब सवाल फेरियो ।

खोट कहाँ थियो त्यो खोजी भएन,
माछा नै छैन खोलामा जाल फेरियो ।

छानाबाट पानी चुहियो झरीको बेला ,
फेरि के सोचेर यहाँ पर्खाल फेरियो ?

- Kailash Ray

If you also want to publish your Poems or Articles, Contact us at [email protected] . Thank you ❤

29/07/2023

कविता - एउटी छोरी त चाहिने रछ।

सुन न! एउटी छोरी त चाहिने रछ ।

गाह्रो पर्दा,
सारो पर्दा,
कामै कामको चटारो पर्दा,
आम्दानी भन्दा धेरै
खर्चको झटारो पर्दा,

बिरामी भई ओछ्यानमा सुत्दा,
छोरी सिरानी हुन्छे ।
सञ्चो भई घरमा हुँदा,
छोरी सबकी रानी हुन्छे,
त्यसैले पनि, एउटी छोरी त चाहिने रछ ।

आफ्नो काममा छोरो व्यस्त हुँदा,
परिवार पाल्न काम मै मस्त हुँदा,
आफ्नो शरीर गलेर सुस्त हुँदा ,
जाँगरिली छोरी दुरुस्त हुँदा,.

आएका मान्छेका ख्याल राख्न,
खाए- नखाएको ध्यान राख्न

छोरा-छोरीको बराबरी दुरी भएपनी,
बा-आमा स्याहार्न मञ्जुरी भएपनी,
खाँचो परेको बेला, छोरी पहिल्यै पुग्छे,
व्यवहार मिलाउन मजबुरी भएपनी ।

त्यसैले पनि,
घरमा छोरी हुँदा के फाइदा भो ?
छोरी जन्मेकै कारण क्या काइदा भो,
चाडवाड रमाइलो, तीज र तिहार,
भएको छोराको खाली नहुने निधार ।

छोरी नभएको घर,
चेली खोज्नुपर्ने कर,
नसक्दा आफुले घरमा,
माकुरोको जालो,
कसले सफा गर्ने भनी
मुख हेर्छन् पालैपालो ।

छोराछोरी दुवै हुनुपर्ने,
छोरी नै किन पहिले रुनुपर्ने ?
छोरो घरको भाग्य भए,
त्यसो भए सौभाग्य छोरी हुनुपर्ने ।

अर्काको वचनमा लगाम लगाउन,
घरको बलियो मान, सान बनाउन,
छोरी जन्मेको घर भनी,
बेग्लै पहिचान बनाउन,
एउटी छोरी त चाहिने रछ ।

- Aabhash Koirala

If you also want to publish your Poems or Articles send/Contact us at [email protected] . Thank you ❤

Poem Nepal

20/10/2023

01/10/2023

01/10/2023

01/10/2023

18/09/2023

11/08/2023

08/08/2023

06/08/2023

03/08/2023

29/07/2023

29/07/2023

Address

Website

Alerts

Contact The Organization

Shortcuts

Share