30/07/2026
सरकारको असफलता, गैरजिम्मेवारी र जनताको पीडाप्रतिको बेवास्ताका कारण आज देश तनाव, निराशा र आक्रोशको चपेटामा परेको छ । लगातार बढिरहेका आत्महत्या, आत्मदाहका घटनाहरू, धार्मिक तथा सामाजिक द्वन्द्व, र विरोध प्रदर्शनका क्रममा नागरिकमाथि भएको बल प्रयोगले राज्य संयन्त्रप्रतिको विश्वास गम्भीर रूपमा कमजोर बनाएको छ ।
जनताको ज्यान जाने, नागरिकहरू सडकमा उत्रिन बाध्य हुने र देश अशान्तितर्फ धकेलिने अवस्था आउँदासमेत सरकार मौन बस्न मिल्दैन । यसका लागि जिम्मेवार निकायमाथि निष्पक्ष छानबिन होस्, दोषी जोसुकै भए पनि कानुनी कारबाही होस्, र घटनाको नैतिक तथा राजनीतिक जिम्मेवारी प्रधानमन्त्री बालेन्द्र साह र गृहमन्त्री सुधन गुरुङले लिनुपर्छ ।
जनताको सुरक्षा गर्न नसक्ने, संकट व्यवस्थापन गर्न नसक्ने र जनआक्रोश सुन्न नसक्ने नेतृत्वले पदमा बसिरहने नैतिक अधिकार गुमाइसकेको छ ।
प्रधानमन्त्री बालेन्द्र साह र गृहमन्त्री सुधन गुरुङको तत्काल राजीनामा हाम्रो माग हो ।
