24/12/2025
जेन्जेड रेड फोर्स नेपालले आगामी फागुन २९ गते हुने निर्वाचनका लागि उम्मेदवारहरूको औपचारिक घोषणा गरेको छ। केन्द्रीय समितिको मिति २०८२/०१/०९ मा सम्पन्न बैठकको निर्णयअनुसार उम्मेदवार छनोट गरिएको हो।
केन्द्रीय समितिद्वारा जारी सूचनाअनुसार संगठनका सम्पूर्ण संरचना, प्रदेश समिति, जिल्ला समिति तथा सदस्यहरूलाई जानकारी गराउँदै जम्मा ११ जना उम्मेदवार चयन गरिएको छ। यी उम्मेदवारहरू प्रत्यक्ष र समानुपातिक गरी दुई विधामा छनोट भएका हुन्।
प्रत्यक्षतर्फ ६ जना उम्मेदवार चयन भएका छन्। उनीहरूमा स्मृति तिमिल्सिना, केन्द्रीय संयोजक; सीमा शाही, केन्द्रीय सदस्य; सन्दीप नुडल, केन्द्रीय सदस्य; अभिषेक जङ्ग शेर्पाली, केन्द्रीय सदस्य; होमनाथ घिमिरे, प्रदेश प्रतिनिधि; र सुदिप खड्का, प्रदेश प्रतिनिधि रहेका छन्।
त्यसैगरी समानुपातिकतर्फ ५ जना उम्मेदवार छनोट गरिएको छ। यसअन्तर्गत सुरज परियार, केन्द्रीय सदस्य; दृश्य अधिकारी, प्रदेश प्रतिनिधि; शुभाष अधिकारी, केन्द्रीय सदस्य; नवीन बस्तेाला, केन्द्रीय सदस्य; र जुनेद खान, प्रदेश प्रतिनिधि रहेका छन्।
केन्द्रीय समितिले छनोट भएका सबै उम्मेदवारहरूलाई संगठनको नीति, सिद्धान्त र कार्यक्रमअनुसार एकताबद्ध भई निर्वाचन अभियानमा सक्रिय रूपमा सहभागी हुन आग्रह गरेको छ। साथै, प्रदेश तथा जिल्ला समिति सहित संगठनका सबै तहलाई उम्मेदवारहरूको पक्षमा आवश्यक समन्वय, प्रचार–प्रसार र सहयोग गर्न आह्वान गरिएको छ।
विज्ञप्तिको अन्त्यमा संगठनले एकता, संघर्ष र परिवर्तनलाई मूल अभियानका रूपमा अघि बढाउँदै निर्वाचनमा सशक्त भूमिका निर्वाह गर्ने प्रतिबद्धता व्यक्त गरेको छ।
