पशु सेवा शाखा, लालबन्दी

29/03/2026

कुकुर बन्ध्याकरण गर्नु हुँदै पशु सेवा शाखा प्रमुख DrBimal Shrestha .

16/03/2026

जानकारीको लागि 🐥🐓🐔

02/03/2026

02/03/2026

आज लालबन्दी नगरपालिका अन्तर्गत पशु सेवा शाखामा कार्यरत पशु चिकित्सक डा. विमल श्रेष्ठ द्वारा Canine Parvo Virus बाट संक्रमित कुकुरको सफल उपचार तथा व्यवस्थापन गरिएको छ।

Canine Parvo Virus कुकुरमा देखिने अत्यन्तै गम्भीर र ज्यानसमेत जोखिममा पार्ने संक्रामक रोग हो। समयमै सही उपचार, उचित हेरचाह तथा मालिकको सचेतनाले संक्रमित कुकुरलाई बचाउन सम्भव हुन्छ भन्ने यस घटनाले पुनः प्रमाणित गरेको छ।

सम्पूर्ण कुकुर पालकहरुलाई अनुरोध छ:
✔ नियमित खोप लगाउनुहोस्
✔ सरसफाइमा ध्यान दिनुहोस्
✔ रोगको लक्षण देखिने बित्तिकै नजिकको पशु चिकित्सक,पशु प्रबिधि तथा पशु सेवा शाखा सँग सम्पर्क गर्नुहोस्!
9843703165, 9807877887 डा. विमल श्रेष्ठ


पशुको स्वास्थ्य सुरक्षा नै हाम्रो जिम्मेवारी हो। 🐕‍🦺

28/02/2026

खोरेतको ( FMD Vaccine) खोप💉💉 लगाउदै भ्याक्सिनेटर !!!
पशुमा समयमै खोप लगाऔ, रोगको जोखिम बाट बचौउ!!💉

07/02/2026

📢 प्रेस विज्ञप्ति |
के खोरेत (FMD) विरुद्धको खोप लगाउँदा पशुमा साइड इफेक्ट देखिन्छ?

पशुमा लाग्ने खोरेत रोगबाट बचाउन र रोग नियन्त्रण गर्न वर्षमा अनिवार्य रूपमा २ पटक (६–६ महिनाको फरकमा) खोप लगाउनु आवश्यक छ। नेपाल सरकारले प्रदेश सरकार र स्थानीय तहसँगको सहकार्यमा निशुल्क खोरेत खोप कार्यक्रम सञ्चालन गर्दै आएको छ।

खोप लगाउँदा दुष्प्रभाव (साइड इफेक्ट) देखिन्छ?
• खोरेत विरुद्धको खोप लगाउँदा सामान्यतया पशुमा कुनै दुष्प्रभाव देखिँदैन।
• कहिलेकाहीँ केही पशुमा हल्का देखि गम्भीर प्रकारका प्रतिक्रिया देखिन सक्छन्।
• खोपपछि देखिने हल्का प्रतिक्रिया (सामान्य ज्वरो, सुन्निने आदि) खोपले काम गरिरहेको संकेत पनि हुन सक्छ।
• तर गम्भीर लक्षण देखिएमा तुरुन्तै खोपकर्ता वा नजिकैको पशु सेवा कार्यालयमा सम्पर्क गरी उपचार गराउनुहोस्।

खोरेत एक अत्यन्त संक्रामक रोग भएकाले यसको नियन्त्रणका लागि खोप अनिवार्य छ। पशुपालक कृषकहरूलाई आफ्ना पशुमा नियमित रूपमा खोप लगाई राष्ट्रिय रोग नियन्त्रण अभियानमा सहयोग गर्न हार्दिक अनुरोध गरिन्छ।

यस सम्बन्धमा पशुपालक कृषक तथा सबै सरोकारवालाहरूको जानकारीका लागि यो प्रेस विज्ञप्ति प्रकाशित गरिएको हो।
सबैमा धन्यवाद।

20/11/2025

गाई भैंसी ब्याएपछि दुध बढाउन, साल झार्न र पशुमा Negative Energy नबन्नदिन के गर्ने ?

A. ब्याएको दिनदेखि नै घरमै मिश्रण तयार गर्ने:
१. गुड – २०० ग्राम
२. जुवानो – ५० ग्राम
३. मेथी – ५० ग्राम
४. बेसार – २० ग्राम

यी सबैलाई मिसाएर पकाउने र दिनमा एकपटक गरी ३ दिनसम्म खुवाउने।

B. “सुत्केरी शक्ति” जस्तो औषधि २०० ग्राम एकपटक गरेर ५ दिनसम्म खुवाउने।

C. दाना सन्तुलनमा ध्यान दिने – केवल मकै वा चोकर मात्र नदिने।
घाँसको आधारमा र दुध उत्पादनको आधारमा सन्तुलित दाना दिने।
सामान्यतः ३ लिटर दुध दिने पशुलाई १ किलो दाना दिनुपर्छ।

D. यदि फाचो सानो भएको छ, वा दुध बिग्रिएको जस्तो आउँछ भने नजिक को भेटेरिनरी शाखा, पशु चिकित्सक वा पशु प्राविधिक लाई देखाउनुहोस