श्रम संस्कृति पार्टी ,इ.न.पा -१, साखेजुंग

02/09/2026

इलाम जिल्ला श्रम संस्कृति पार्टीका विभिन्न पालिकाबाट दैवी प्रकोपका लागि राहतस्वरूप संकलन भएको रकम जिल्ला समितिमा जम्मा भएको र आजै प्रदेश समितिमा जम्मा गरिएको समन्धि जानकारी गराउँदछौँ!

यस मानवीय अभियानमा सहयोग गर्नुहुने सम्पूर्ण महानुभाव तथा श्रमदाताहरूप्रति हार्दिक धन्यवाद तथा आभार व्यक्त गर्दछु! 🙏
हालसम्म संकलित रकम विवरण :
फाकफोकथुम गाउँपालिका: रु. ३१,२५१
ईलाम नगरपालिका: रु. ५६,८००
सन्दकपुर गाउँपालिका: रु. १,०२,८२५
चुलाचुली गाउँपालिका: रु. ७६,३६५
रोङ गाउँपालिका: रु. २४,५००
जम्मा: रु. २,९१,७४१

बाँकी अझै विभिन्न गाउँपालिका र नगर पलिकाहरुहरु बाट आउने क्रम जारी छ!
संकटको समयमा देखाउनुभएको यो सहयोग, सद्भाव र मानवीय भावनाको उच्च सम्मान गर्दछौँ! 🇳🇵🙏

31/08/2026

श्रम संस्कृति पार्टीको तर्फबाट रसुवा बाढी विपतकोषमा रु १५ लाख सहयोग गर्ने ।

29/08/2026

श्रमदान निरन्तर जारी छ। श्रमदानमा उपस्थित सम्पूर्ण श्रमदाताहरूलाई धेरै धेरै धन्यवाद।
२०८३-५-१३

25/08/2026

श्रम संस्कृति पार्टीको जनहातेमालो भेटघाट कार्यक्रमका लागि पार्टी केन्द्रीय श्रमदाता तथा पूर्वपर्यटन मन्त्री सुदन किराती इलाम नगरपालिका ५ बरबोटे आएका छन्।

19/08/2026

फेरि पनि श्री प्रताप राई ज्यूले श्रमदानमा चिया खाजा खर्चको रूपमा रु ५,००० उपलब्ध गराउनु भएको छ। विगतमा पनि उहाँको योगदान धेरै नै रहेको छ । उहाँलाई फेरि पनि धेरै धेरै धन्यवाद।

इ.न.पा- १ साखेजुङ्गका(तोरीबारी)समाजसेवी श्री प्रताप राई ज्यू हाल( सिंगापुर)बाट रू१०,०८६/ आर्थिक सहयोग प्राप्त भएको छ। प्रताप राई ज्यूलाई धेरै धेरै धन्यवाद।

15/08/2026

आज मिति २०८३ श्रावण ३० गते महिनाको अन्तिम शनिबार लाई व्यापक रूपमा श्रमदान गरी बिदा गरिएको छ। गैरी भन्ज्याङ देखि थुम्के डाँडा हुँदै गोरेडाँडा जोड्ने बनाइँदै गरेको यो बाटोमा सातौँ श्रमदान सम्पन्न भएको छ। संयोजक सूर्यकुमार राईको नेतृत्वमा भएको आजको श्रमदानमा आज ३५ जनाको सहभागिता रहेको थियो । खाजा चियाको खर्चको रूपमा आज
• मनरानी राई (तोरीबारी) रु १०००, देउमन राई रु १५००, देउकाजी राई रु १५००, लिला राई रु १५००,
तेज बहादुर राई १५०० ,कर्णबहादुर राई १०००, लक्ष्मी राई( गैरी) रु ५०० गरी जम्मा रु ८,५०० प्राप्त भएको छ। सम्पूर्ण सहयोगी दाताहरूलाई साथै आज श्रमदानमा उपस्थित सम्पूर्ण श्रमदाताहरूलाई पनि धेरै धेरै धन्यवाद।
•जय माटो ,जय देश ,जय श्रम🇳🇵

09/08/2026

सहयोगी दाताहरूलाई धेरै धेरै धन्यवाद।
साखेजुङका श्रमदाताहरूलाई विभिन्न समयमा विभिन्न ठाउँमा बसोबास गर्नुहुने श्रम प्रेमी महानुभावहरूले श्रमदानमा धेरै सहयोग गर्दै आइरहनुभएको छ। यहाँहरुले गर्नुभएको आर्थिक एवं भौतिक सहयोगले श्रमदानलाई साँच्चै नै सहज रूपमा सम्पन्न गर्न धेरै नै सहयोग भइरहेको पनि छ। यसैगरी आज श्रमदान कार्यक्रममा साथै बैठक कार्यक्रममा एकदमै आवश्यक पर्ने हाते माइक(२ वटा) हामीलाई उपलब्ध भएको छ। उक्त दुईवटा माइक उपलब्ध गराउनु हुनेमा ईलाम -२, का श्रम संस्कृति पार्टीका प्रत्यासि उम्मेदवार श्री सुदिप राईको अगुवाईमा देउमाई -२ चमैता निवासी श्री गणेश तामाङ ले 1 वटा र ईलाम नगरपालिका -१, साखेजुङका ,श्रम संस्कृति पार्टी ईलाम -१को आप्रवासी नेपाली संगठन प्रमुख को जिम्मेवारी सम्हालिरहनु भएको श्रि मञ्जिल चाम्लिङ राई ज्यू बाट 1 वटा प्राप्त भएको छ। उहाँले आउँदो दिनमा पनि श्रमदानमा आवश्यक पर्ने विभिन्न सर सामग्रीहरू उपलब्ध गराउने प्रतिबद्धता गर्नुभएको छ। उहाँहरूलाई श्रम संस्कृति पार्टी ,साँखेजुङ कमिटीको तर्फबाट धेरै धेरै धन्यवाद।
जय माठो ,जय देश🇳🇵

09/08/2026

हिजो मिति २०८३ श्रावण २३ गते शनिबारको दिन सधाझै श्रम संस्कृति पार्टी साखेजुङ कमिटीका संयोजक सूर्यकुमार राईको संयोजकत्वमा गैरी भन्ज्याङ देखि थुम्के डाँडा जोड्ने बाटोमा बृहत श्रमदान भएको छ। थुम्के डाँडा, तोरीबारीका स्थानीय बासीहरूका दैनिक जीवन सहज बनाउन खोलिँदै गरेको यो बाटोमा विगत केही हप्तादेखि निरन्तर रूपमा श्रमदान हुँदै आइरहेको छ। श्रमदाताहरूको उपस्थिति पनि उत्साहजनक नै छ। हिजोको श्रमदानमा खाजा चियाको व्यवस्था गर्नको लागि सुरेन हाङखिम राई ज्यूबाट रु ५००, सूर्य बहादुर राई ज्यूबाट रु ५०० , टुन्डु शेर्पाबाट रु १०० , दुर्गा माया राईज्यूबाट रु ७५० साथै धनबहादुर राई + लिला राईले सम्पूर्ण श्रमदाताहरूलाई खाजा चियाको व्यवस्था गरिदिनु भएको थियो । उहाँहरूलाई साथै हिजो उपस्थित सम्पूर्ण श्रमदाताज्यूहरूलाई धेरै धेरै धन्यवाद।
जय माटो , जय देश ,जय श्रम🇳🇵

01/08/2026

आज मिति २०८३ श्रावण १६ गते शनिबारको दिन श्रम संस्कृति पार्टी साँखेजुङ वडा कमिटीको संयोजक सूर्यकुमार राईको संयोजकतामा गैरी भन्ज्याङदेखि भित्री सिटीभिटी जोड्ने गोरेटो बाटोलाई थप चौडा, सहज र पक्की बनाउने श्रमदान व्यापक रुपमा भएको छ। गत केही हप्तादेखि यहाँ निरन्तर श्रमदान भइरहेको छ ।यस बाटोको निर्माण सम्पन्न भएपछि थुम्के डाँडा ,तोरीबारीका स्थानीयवासीहरूलाई धेरै नै सहज हुने छ। दैनिक आवश्यक तथा उपभोग्य सरसामानहरू ढुवानी गर्न धेरै असहज थियो ,अबको यो बाटोको निर्माणपछि उक्त समस्या धेरै नै कम हुने अनुमान गरिएको छ। दुई पाङ्ग्रे साधन साथै साना गाडी अटो सहजै आवतजावत गर्न सक्नेछन् जसको कारण सामान ढुवानीमा धेरै नै सहज हुने छ। धेरै अघिदेखि स्थानीय सरकारलाई यस बाटोको बारेमा ध्यानाकर्षण गराउँदा खासै प्रतिक्रिया नआएपछि स्थानीय श्रमदाताहरुले आफै नै बाटो खन्न ,बनाउन थाल्नु भएको छ र यस बाटोको निर्माण सम्पन्न भएसम्म सम्पूर्ण श्रमदाताहरूलाई यस श्रमदानमा जोडिनु हुन आह्वान छ। श्रमदाताहरु लाई खाजाको व्यवस्था गर्नको लागि सि.टी.इ.भि.टी निवासी दुर्गा राई ज्यूले रु ५०० सहयोग गर्नुभएको छ। उहाँलाई साथै आज श्रमदानमा उपस्थित हुनुहुने सम्पूर्ण श्रमदाताहरूलाई धेरै धेरै धन्यवाद।
जय श्रम, जय माटो, जय देश🇳🇵