30/05/2026
तमिलनाडुमा बिजुली फ्री, नेपालमा ५० युनिटमै ५ प्रतिशत भ्याटको प्रहार, नीति अध्यता अस्लामी भन्छन्– नागरिकले बत्ती बाल्न नसक्ने भए ।
हेटौंडा ।
भारतीय राज्य तमिलनाडुमा मुख्यमन्त्री विजय थलापतिले २०० युनिटसम्म बिजुली निःशुल्क गर्ने घोषणा गरिरहँदा नेपालमा भने सरकारले आगामी बजेटमार्फत ५० युनिटभन्दा बढी बिजुली बाल्ने बित्तिकै ५ प्रतिशत मूल्य अभिवृद्धि कर लगाउने निर्णय गरेको छ। बजेट भाषणमा आएको यो व्यवस्थाको अहिले चौतर्फी आलोचना भइरहेको छ।
एकातर्फ सरकार विद्युत् खपत बढाऔँ भन्दै प्रचार गर्ने, अर्कोतर्फ न्यून उपभोक्तामै करको भार थप्ने विरोधाभासपूर्ण नीति ल्याएको भन्दै नीति विज्ञ युवा आशिष अस्लामीले बजेट वक्तव्य २०८३।०८४ मा कडा प्रतिक्रिया दिएका छन्। बजेटमाथि टिप्पणी गर्दै अस्लामीले भने, २०० युनिट फ्री दिन नसके पनि कम्तीमा त्यति युनिटसम्म त भ्याट नलगाऊ सरकार ।
सरकारको यो प्रत्युत्पादक निर्णयले एलपी ग्यास विस्थापित गरी इन्डक्सन चुल्हो प्रयोग गर्न खोज्ने आम नागरिक र मध्यमवर्गीय परिवारलाई सबैभन्दा ठूलो मार पर्ने देखिएको छ।
