19/03/2026
घोराही उपमहानगरपालिकाभित्र सञ्चालित कक्षा ८ को वार्षिक परीक्षाको लागि सामाजिक विकास महाशाखाले परीक्षा केन्द्र तोकेको सन्दर्भमा परीक्षा केन्द्रहरू विद्यार्थीमैत्री तथा पायकपर्ने ठाउँहरूमा नभएको गुनासो विद्यार्थीहरु र अभिभावकहरुले गरेपश्चात नेपाल विद्यार्थी सङ्घले सम्बन्धित निकायसँग समन्वय गरेर समस्याको समाधान गर्ने प्रयत्न गरेको कुरा सर्ववेभितै छ।
उक्त विषयमा सरकारवाला निकायबाट अपेक्षित संवेदनशीलता र आवश्यक पहल नहुँदा दुर्गम र टाढाबाट आउने विद्यार्थीहरूलाई परीक्षा दिनको लागि अत्याधिक कठिनाइ भोग्नुपरेको अवस्था विद्यमान रहेको छ।विशेषतः १३–१४ वर्ष उमेर समूहका विद्यार्थीहरूलाई लामो दूरी आउजे-जाने गरि ५/६ घन्टा पैदल हिँडेर परीक्षा केन्द्रसम्म पुग्नुपर्ने बाध्यता सिर्जना हुनु अत्यन्तै चिन्ताजनक विषय हो।
यसै परिस्थितिलाई मध्यनजर गर्दै, विद्यार्थीहरूको शैक्षिक अधिकारको संरक्षण, सहज पहुँच सुनिश्चितता तथा मानवीय संवेदनशीलतालाई आत्मसात गर्दै नेपाल विद्यार्थी संघले टाढाबाट परीक्षा दिन आउने सम्पूर्ण विद्यार्थीहरूका लागि निःशुल्क बसोबास तथा खानपानको व्यवस्था गरेको व्यहोरा सम्पूर्णमा जानकारी गराइन्छ।
विद्यार्थीहरूको हित र सुविधालाई केन्द्रमा राखी गरिएको यस व्यवस्थापनमा सम्बन्धित सबै विद्यार्थीहरूलाई आवश्यक सहयोग लिन हार्दिक अनुरोध गरिन्छ। साथै, आगामी दिनमा यस्ता विषयमा स्थानीय सरकार तथा सरोकारवाला निकायहरूले जिम्मेवार र उत्तरदायी भूमिका निर्वाह गर्ने विश्वास व्यक्त गर्दछौं।
नेपाल विद्यार्थी संघले विद्यार्थीहरुको लागी ब्यवस्थापन गरेको सेवा प्राप्त गर्न देहाएको सम्पर्क ब्यक्ति र नम्बरमा सम्पर्क गर्न सबैमा अनुरोध गर्दछौं।
गुरु प्रसाद गौतम-९८४७९५५५५१
भ्यु कुमार पुन -९८४७८८२७४०
रमिला शर्मा -९८६०४९३१११
जीवन अधिकारी -९७६९२६२९२१
