21/05/2026
मिति २०८३ जेठ ७ गते राष्ट्रिय मानव अधिकार आयोग सुदूरपश्चिम प्रदेश कार्यालयको आयोजनामा (UPR) विश्वव्यापी आवधिक समीक्षाबाट प्राप्त सिफारिसहरु कार्यान्वयनमा प्रदेश सरकार तथा स्थानीय तहको भूमिका विषयक परामर्श कार्यक्रम धनगढी, कैलालीमा सम्पन्न भएको छ। उक्त कार्यक्रमको अध्यक्षता आयोगको सुदूरपश्चिम प्रदेश कार्यालयका नि. कार्यालय प्रमुख श्री मान बहादुर कार्कीले गर्नु भएको थियो भने प्रमुख अतिथि सुदूरपश्चिम प्रदेश सभाका सभामुख माननीय श्री भीम बहादुर भण्डारी र विशिष्ट अतिथि सुदूरपश्चिम प्रदेश सरकारका सामाजिक विकास मन्त्री माननीय श्री मेघराज खडका रहनु भएको थियो। अन्य अतिथिमा सुदूरपश्चिम प्रदेश सभा सदस्य माननीय इन्दीरा गिरी, माननीय ललिता सुनार, राष्ट्रिय मानव अधिकार आयोगका सचिव श्री मुरारिप्रसाद खरेल, धनगढी उपमहानगरपालिकाका उपप्रमुख श्री कन्दकला राना, प्रदेश नीति तथा योजना आयोगका सचिव श्री गणेश बहादुर सिंह रहनु भएको थियो। कार्यक्रममा सुदूरपश्चिम प्रदेश सरकारका विभिन्न मन्त्रालयका प्रतिनिधिहरु, सुरक्षा निकायका प्रमुख तथा प्रतिनिधिहरु, कञ्चनपुर र कैलाली जिल्लाका विभिन्न स्थानीय तहका प्रतिनिधिहरु, कैलाली जिल्ला स्थित विभिन्न सरकारी कार्यालयका प्रमुख तथा प्रतिनिधिहरु, गैरसरकारी संस्थाका प्रमुख तथा प्रतिनिधिहरु, UN एजेन्सीका प्रमुख तथा प्रतिनिधिहरु, विकास साझेदार संस्थाका प्रमुख तथा प्रतिनिधिहरु, सञ्चारकर्मीहरु, विद्यार्थीहरुलगायतको सहभागिता रहेको उक्त कार्यक्रममा UNFPA प्रतिनिधि श्री समिर घिमिरले विश्वव्यापीको आवधिक समीक्षाको बारेमा प्रस्तुती राख्नु भएको थियो।
