Birendra Bhatta - विरेन्द्र भट्ट

Birendra Bhatta - विरेन्द्र भट्ट गोदावरी नगरपालिकामा भई रहेका दैनिक घट्नाहरु,सुसासन,समृद्धिका दैनिक खबरहरु यस पेजबाट अपडेट गरिनेछ।

05/06/2026

गर्मी मौसममा सर्पको जोखिम बढ्ने भएकाले विशेष सतर्क रहन अनुरोध गर्दछु। आज मात्र साँझ ८-९ वजे वडा नं. ५ गेटा टेक बहादुर भाटको घर बाट गोमन सर्प लाई हाम्रो नगर प्रहरी सन्धुराम चौधरी ले सुरक्षित रूपमा उद्धार गरेको छ।
घर वरपर सफा राखौं, सर्प देखिएमा आफैं समात्ने प्रयास नगरी तत्काल नगरपालिकालाई जानकारी गराऔं।
यदी तपाईको पनि घर- बस्तीमा सर्प आएको छ भने हाम्रो नगर प्रहरीलाई सम्पर्क गर्न अनुरोध छ ।
सुलचना खड्का -9865974777
दिपिन साउद -9858427428
सन्धुराम चौधरी -9848777541

आज गोदावरी नगरपालिकामा जिल्ला अदालत कैलालीका माननीय न्यायाधीश दीपेन्द्रनाथ योगीज्यूबाट न्यायिक समितिको निरीक्षण तथा अनुग...
05/06/2026

आज गोदावरी नगरपालिकामा जिल्ला अदालत कैलालीका माननीय न्यायाधीश दीपेन्द्रनाथ योगीज्यूबाट न्यायिक समितिको निरीक्षण तथा अनुगमन सम्पन्न भएको छ।

निरीक्षणका क्रममा आर्थिक वर्ष २०८२/०८३ मा नगरपालिकाले सम्पादन गरेका न्यायिक गतिविधि, सेवा प्रवाह तथा विवाद समाधानका कार्यहरूको समीक्षा गरिएको थियो। न्यायिक समितिको प्रभावकारी सञ्चालन, सुशासन प्रवर्द्धन तथा नागरिकलाई छिटो, सहज र निष्पक्ष न्याय उपलब्ध गराउने विषयमा महत्वपूर्ण सुझाव तथा मार्गदर्शन प्राप्त भएको छ।

स्थानीय तहमा न्यायिक सेवालाई अझ प्रभावकारी, पारदर्शी र नागरिकमैत्री बनाउन गोदावरी नगरपालिका निरन्तर प्रतिबद्ध रहेको जानकारी गराउँदछु।

आज जिल्ला समन्वय समिति कैलालीका प्रमुख श्री टिका कुमारी भुलको विशेष उपस्थितिमा गोदावरी नगरपालिकामा नदीजन्य पदार्थको उत्ख...
05/06/2026

आज जिल्ला समन्वय समिति कैलालीका प्रमुख श्री टिका कुमारी भुलको विशेष उपस्थितिमा गोदावरी नगरपालिकामा नदीजन्य पदार्थको उत्खनन, संकलन तथा बिक्री–वितरण सम्बन्धी अवस्थाको समीक्षा तथा स्थलगत अनुगमन पश्चात् आवश्यक छलफल सम्पन्न गरियो।
अनुगमन टोलीबाट प्राप्त सुझाव तथा निर्देशनअनुसार IEE स्वीकृत क्षेत्रभित्र मात्रै मापदण्डअनुसार उत्खनन सुनिश्चित गर्ने, असार १ गतेपछि नदीजन्य पदार्थको उत्खनन पूर्ण रूपमा रोक्ने, स्टक प्रमाणीकरण तथा अभिलेखीकरण व्यवस्थित गर्ने र विपद् जोखिम न्यूनीकरणमा विशेष ध्यान दिने निर्णय गरिएको छ।
गोदावरी नगरपालिकाले प्राकृतिक स्रोत–साधनको संरक्षण, पारदर्शी व्यवस्थापन तथा कानुनी पालना प्रति आफ्नो प्रतिबद्धता निरन्तर कायम राख्नेछ।

गोदावरी नगरपालिकाका सामुदायिक विद्यालयहरूमा खेलकुद गतिविधिलाई थप प्रभावकारी बनाउन कैलाली जिल्ला फुटबल संघ सहयोगमा फुटबल ...
05/06/2026

गोदावरी नगरपालिकाका सामुदायिक विद्यालयहरूमा खेलकुद गतिविधिलाई थप प्रभावकारी बनाउन कैलाली जिल्ला फुटबल संघ सहयोगमा फुटबल वितरण गरिएको छ। यस चरणमा पाँच विद्यालयलाई फुटबल हस्तान्तरण गरिएको छ भने बाँकी विद्यालयहरूमा पनि छिट्टै वितरण गरिनेछ। विद्यार्थीहरूको शारीरिक, मानसिक तथा नेतृत्व विकासमा खेलकुदको महत्वपूर्ण भूमिका रहने विश्वासका साथ यस्ता कार्यक्रमलाई निरन्तरता दिनेछौँ। सहयोगका लागि कैलाली जिल्ला फुटबल संघप्रति हार्दिक आभार व्यक्त गर्दछु।

पछिल्लो समय गेटा आँखा अस्पतालको सञ्चालन तथा व्यवस्थापनसँग सम्बन्धित विषयमा देखिएका समस्याको समाधानका लागि संघर्ष समिति, ...
05/06/2026

पछिल्लो समय गेटा आँखा अस्पतालको सञ्चालन तथा व्यवस्थापनसँग सम्बन्धित विषयमा देखिएका समस्याको समाधानका लागि संघर्ष समिति, स्थानीय सरोकारवाला तथा विभिन्न पक्षबाट निरन्तर पहल भइरहेको जानकारी गराउन चाहन्छु।
हाम्रो क्षेत्रको गौरवका रूपमा रहेको यस अस्पतालमा सुशासन, पारदर्शिता र प्रभावकारी सेवा प्रवाह सुनिश्चित गर्दै नियमित सञ्चालनका लागि आवश्यक प्रक्रिया अगाडि बढाइएको छ। सम्बन्धित निकायहरूसँग समन्वय गरी समस्याको दीर्घकालीन समाधान खोज्ने कार्य तीव्र रूपमा अघि बढिरहेको छ।
जनताको स्वास्थ्य सेवासँग प्रत्यक्ष जोडिएको यस विषयमा नगरपालिका सदैव संवेदनशील र जिम्मेवार रहेको छ। छिट्टै सकारात्मक निष्कर्षसहित अस्पताललाई थप व्यवस्थित रूपमा सञ्चालन गर्ने वातावरण निर्माण हुने विश्वास दिलाउन चाहन्छु। यस अस्पताललाई थप व्यवस्थापन तथा विद्यमान कुरीति, कुसंस्कार एब् अनियमिततालाई हटाई पारदर्शिता कायम गर्न प्रयासमा लागेको जानकारी गरिन्छ ।

04/06/2026

स्वर्गीय साईचे सुनारको पवित्र सम्झनामा छोरा शंकर सुनारज्यूद्वारा गोदावरी आधारभूत स्वास्थ्य सेवा केन्द्रलाई मृत मानव शरिर चिस्यान यन्त्र हस्तान्तरण गरिएको यस अत्यन्तै सराहनीय कार्यप्रति म नगरपालिकाको तर्फबाट हार्दिक धन्यवाद व्यक्त गर्दछु।

यस प्रकारको सामाजिक योगदानले हाम्रो नगरको स्वास्थ्य सेवा प्रणालीलाई थप सुदृढ बनाउनुका साथै आकस्मिक अवस्थामा शव व्यवस्थापनमा देखिने कठिनाइलाई सहज बनाउनेछ। विदेश तथा बाहिर रोजगारीमा रहेका नागरिकका परिवारलाई समेत यसले ठूलो राहत प्रदान गर्नेछ।

यस्तो मानवीय र समाजसेवी कार्यले हामी सबैलाई एकताबद्ध भई समुदायको हितमा काम गर्न प्रेरित गर्दछ। स्वर्गीय साईचे सुनारप्रति हार्दिक श्रद्धाञ्जली अर्पण गर्दै शोकसन्तप्त परिवारजनमा गहिरो समवेदना प्रकट गर्दछु।

03/06/2026

गोदावरी नगरपालिका र कृष्णपुर नगरपालिकाबीच लामो समयदेखि देखिँदै आएको सामुदायिक वन क्षेत्रको सीमा बिवाद सम्बन्धी विषय समाधानतर्फ महत्वपूर्ण समझदारी भएको छ। दुवै पालिका, वन कार्यालय तथा सरोकारवालाबीच भएको सहमतिअनुसार अब प्राविधिक सहयोग, स्थलगत निरीक्षण र आपसी समन्वयमार्फत सीमा निर्धारणको प्रक्रिया अघि बढाइनेछ। यस समझदारीले आगामी दिनमा देखिएका समस्या समाधान भई वन व्यवस्थापन थप व्यवस्थित र प्रभावकारी बन्ने विश्वास लिएको छु।

03/06/2026

गर्मी मौसममा सर्पको जोखिम बढ्ने भएकाले विशेष सतर्क रहन अनुरोध गर्दछु। आज मात्र वडा नं. १ बसन्तपुरस्थित एक घरको छानाबाट २ वटा गोमन सर्प नगर प्रहरी टोलीले सुरक्षित रूपमा उद्धार गरेको छ। घर वरपर सफा राखौं, सर्प देखिएमा आफैं समात्ने प्रयास नगरी तत्काल नगरपालिकालाई जानकारी गराऔं।

यदी तपाईको पनि घर- बस्तीमा सर्प आएको छ भने हाम्रो नगर प्रहरीलाई सम्पर्क गर्न अनुरोध छ ।
सुलचना खड्का (विपत शाखा ) -9865974777
दिपिन साउद -9858427428
सन्धुराम चौधरी (नगर प्रहरी) -9848777541

चौकीडाँडा–फल्टुडे सडक निर्माण कार्य पटक–पटक म्याद थप हुँदासमेत अपेक्षित रूपमा अघि बढ्न नसकेपछि सम्बन्धित वडाका अध्यक्षहर...
03/06/2026

चौकीडाँडा–फल्टुडे सडक निर्माण कार्य पटक–पटक म्याद थप हुँदासमेत अपेक्षित रूपमा अघि बढ्न नसकेपछि सम्बन्धित वडाका अध्यक्षहरू, निर्माण कम्पनीका प्रतिनिधि तथा पूर्वाधार विकास कार्यालय धनगढीबीच छलफल भएको छ। कार्यालय प्रमुख इन्जिनियर दीपक नेघीसँग भएको भेटघाटमा निर्माण कम्पनीले अब ढिलाइ नगरी सडक निर्माण कार्यलाई तीव्रता दिने र समयमै सम्पन्न गर्ने प्रतिबद्धता जनाएको छ। सरोकारवालाहरूले स्थानीय जनताको लामो समयदेखिको अपेक्षा पूरा गर्न निर्माण कार्यलाई प्रभावकारी रूपमा अगाडि बढाउन आग्रह गरेका छन्।

आर्थिक वर्ष २०८३/८४ को बजेटको पुर्ब सन्ध्यामा सुदूरपश्चिम प्रदेश समाजिक विकास मन्त्री माननीय मेघ राज खड्का ज्यू लाई भेटे...
03/06/2026

आर्थिक वर्ष २०८३/८४ को बजेटको पुर्ब सन्ध्यामा सुदूरपश्चिम प्रदेश समाजिक विकास मन्त्री माननीय मेघ राज खड्का ज्यू लाई भेटेर यस पालिकाको शिक्षा क्षेत्र र विद्यालय व्यवस्थापनका लागि योजनाहरु टिपाएर बजेट विनियोजन गर्न अनुरोध गरियो।

Address

Godawari Municipality
Dhangadhi
10900

Website

Alerts

Be the first to know and let us send you an email when Birendra Bhatta - विरेन्द्र भट्ट posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Birendra Bhatta - विरेन्द्र भट्ट:

Shortcuts

Share