30/05/2026
२०८३/०२/१६
मिरा कोषले गुल्मी दरबार गाउँपालिका ,चारपाला क्षेत्रस्थित श्री ठुलोपोखरा माध्यमिक विद्यालय, श्री शारदा माध्यमिक विद्यालय, श्री ईश्वरी माध्यमिक विद्यालय तथा गङ्गा आधारभूत विद्यालयमा अध्ययनरत २० जना विपन्न विद्यार्थीहरूलाई स्टेशनरी सामग्री तथा विद्यालय झोला वितरण गरेको छ।
गुल्मी–चारपाला रुपन्देही सम्पर्क समाजको आयोजना तथा मिरा कोषको व्यवस्थापकीय सहयोगमा सम्पन्न चौथो रनिङ शिल्ड हाजिरीजवाफ प्रतियोगिताको अवसरमा उक्त सहयोग हस्तान्तरण कार्यक्रम सम्पन्न गरिएको हो।
कार्यक्रममा मिरा कोषका संस्थापक अध्यक्ष हेमलाल शर्मा, संरक्षक मिरा शर्मा, महासचिव रामचन्द्र पौडेल लगायत सदस्यहरू शिवलाल भुसाल, लक्ष्मण भुसाल, केशव भुसाल, शिव पराजुली, प्रकाश पाण्डे तथा अपराजिता भुसालको उपस्थिति रहेको थियो।
कार्यक्रमअन्तर्गत आयोजित हाजिरीजवाफ प्रतियोगिताको सञ्चालन संस्थाका महासचिव रामचन्द्र पौडेलले गर्नुभएको थियो।
मिरा कोषले शिक्षा, सामाजिक उत्तरदायित्व तथा विपन्न वर्गका विद्यार्थीहरूको शैक्षिक उन्नयनका लागि निरन्तर सहयोग गर्दै आएको छ।
प्रतियोगितामा प्रथम (इश्वोरी मा.वि), दोस्रो (ठुलोपोखरा मा.वि), तेस्रो (शारदा मा.वि) र चौथो (गङगा आधरभुत विद्यालय) का सम्पुर्ण विद्यार्थीहरुलाई हार्दिक बधाई ।
#मिराकोष
