10/07/2026
🚨🚨🚨 रंगेली तथा रतुवामाई नगरपालिकामा विद्युत सेवाप्रति गम्भीर ध्यानाकर्षण !!!!!!! 🚨🚨🚨
रंगेली तथा रतुवामाई नगरपालिका क्षेत्रमा बारम्बार हुने विद्युत कटौती र कम भोल्टेजको समस्याले सर्वसाधारणको दैनिक जीवन अत्यन्तै कष्टकर बनेको छ। कुनै पनि मौसम वा विशेष परिस्थिति नहुँदा पनि दिनहुँजसो विद्युत जाने र कम भोल्टेज आउने समस्या दोहोरिनु अत्यन्तै दुःखद र चिन्ताजनक विषय हो।
दिनमै १७–१८ पटकसम्म लाइन जाने अवस्था सामान्यजस्तै बनिसकेको छ। यसले विद्यार्थीहरूको पढाइ, व्यवसाय सञ्चालन, घरायसी कामकाज, उद्योग तथा बिरामी, ज्येष्ठ नागरिक र साना बालबालिकाको दैनिकीमा गम्भीर असर पुर्याइरहेको छ। विशेष गरी अत्यधिक गर्मीको समयमा घण्टौंसम्म विद्युत नहुँदा जनजीवन निकै कष्टकर बनेको छ।
कम भोल्टेजका कारण पंखा, फ्रिज, पानी तान्ने मोटर, कम्प्युटर तथा अन्य विद्युतीय उपकरणहरू प्रभावकारी रूपमा सञ्चालन हुन सकेका छैनन्। कतिपय अवस्थामा उपकरण बिग्रिने जोखिमसमेत बढेको छ, जसको आर्थिक भार सर्वसाधारणले नै व्यहोर्नुपरेको छ।
नेपालका धेरै सहर तथा क्षेत्रहरूमा अहिलेको समयमा तुलनात्मक रूपमा स्थिर र भरपर्दो विद्युत सेवा उपलब्ध भइरहेको अनुभव गर्न सकिन्छ। तर हाम्रो रंगेली तथा रतुवामाई क्षेत्रमा भने किन अझै पनि बारम्बार लाइन जाने र कम भोल्टेजको समस्या यति धेरै दोहोरिरहेछ? यसको वास्तविक कारण के हो? यदि कुनै प्राविधिक, संरचनागत वा अन्य समस्या छ भने सम्बन्धित निकायले नागरिकलाई स्पष्ट जानकारी दिनुपर्छ र समाधानका लागि ठोस योजना सार्वजनिक गर्नुपर्छ।
हामी नियमित रूपमा विद्युत महसुल तिर्छौं। त्यसैले गुणस्तरीय, स्थिर, भरपर्दो र अविच्छिन्न विद्युत सेवा पाउनु हाम्रो अधिकार हो। नागरिकले सेवा शुल्क समयमै तिर्दा सेवा पनि गुणस्तरीय हुनु आवश्यक छ।
अब कति चुप लागेर बस्ने ????????
आजको युगमा विद्युत केवल सुविधा होइन, शिक्षा, स्वास्थ्य, व्यवसाय, सञ्चार र दैनिक जीवनको आधारभूत आवश्यकता हो। बारम्बारको विद्युत कटौतीलाई सामान्य सम्झेर चुप लागेर बस्ने अवस्था अब अन्त्य हुनुपर्छ।
यदि तपाईं पनि रंगेली वा रतुवामाई नगरपालिका क्षेत्रमा यही समस्याबाट पीडित हुनुहुन्छ भने, आफ्नो आवाज उठाउनुहोस्। सभ्य, जिम्मेवार र एकताबद्ध रूपमा आफ्नो गुनासो सम्बन्धित निकायसम्म पुर्याऔं। धेरै नागरिकको एउटै आवाजले सकारात्मक परिवर्तन ल्याउन सक्छ।
हामी कसैको विरोधका लागि होइन, समाधानका लागि आवाज उठाइरहेका छौं। हाम्रो एउटै माग हो—नियमित, भरपर्दो, स्थिर र अविच्छिन्न विद्युत आपूर्ति।
सम्बन्धित निकायसँग हाम्रो विनम्र तर दृढ अनुरोध छ—रंगेली तथा रतुवामाई नगरपालिका क्षेत्रमा देखिएको विद्युत कटौती र कम भोल्टेजको समस्याको तत्काल समाधान गरी नागरिकलाई गुणस्तरीय विद्युत सेवा सुनिश्चित गरियोस्।
हामी गुणस्तरीय, नियमित र भरपर्दो विद्युत सेवा पाउनु हाम्रो अधिकार हो। यदि समयमै समस्या समाधान भएन भने, रतुवामाई नगरपालिकाका नागरिकहरू संगठित रूपमा रंगेलीस्थित विद्युत प्राधिकरण कार्यालयमा पुगेर शान्तिपूर्ण रूपमा आफ्नो आवाज उठाउन बाध्य हुनेछौं।
“जनताको आवाज सुन्नुहोस्, समस्या समाधान गर्नुहोस्। अब पनि चुप लागेर बस्ने बेला छैन।”
