25/08/2026
मिति २०८३ भाद्र ०९
यस विद्यालयको माध्यमिक तह (कक्षा ९-१२) मा अध्ययनरत विद्यार्थीका अभिभावकसँग विद्यालयको अन्तरक्रीया एवम् अभिभावक शिक्षा कार्यक्रम सन्पन्न गरियो । विद्यालय व्यवस्थापन समितिका अध्यक्ष श्री बबिन्द्र रसाइलीको सभाध्यक्षता एवम् अरुण गाउँपालिका वडा नम्बर ५ का वडाअध्यक्ष श्री युवराज ढकालको प्रमुख आतिथ्यतामा सम्पन्न उक्त कार्यक्रममा अभिभावक शिक्षा कार्यक्रम अन्तर्गत अभिभावकको भूमिका र जिम्मेवारी सम्बन्धी प्रस्तुतिकरण गर्नुका साथै शैक्षिक सत्र शुरु भएदेखी हालसम्मको विद्यार्थीको कक्षागत अवस्थाको बारेमा (उपस्थिती, गृहकार्य, कक्षाकार्य, अनुशासन र सरसफाई तथा पोशाक जस्ता पाँच ओटा सूचकको आधारमा) छलफल गर्नुका साथै छलफलमा उठेका समस्याको समाधानका लागि साझा पहल गर्न सहकार्य गर्ने छलफल भयो।
अभिभावक शिक्षा कार्यक्रमको प्रस्तुतिकरण माध्यमिक तह (९-१२) संयोजक प्रकाश खनालले गर्नुभयो भने कक्षा ९-१२ का विद्यार्थीको उल्लेखित सूचकको आधारमा तयार गरिएको प्रतिवेदन कक्षा ९ को शिक्षक इन्दिरा थापा, कक्षा १० को शिक्षक भरत प्रसाद साह, कक्षा ११ को शिक्षक भावना चौहान र कक्षा १२ को शिक्षक राजकुमार राईले प्रस्तुतिकरण गर्नुभयो ।
कार्यक्रममा विव्यस अध्यक्ष, वडाअध्यक्ष, वि.व्य.स. पदाधिकारी, शि.अ.संघ अध्यक्ष एवम् पदाधिकारी, अभिभावक, समाजसेवी, बुद्धिजीवी, तहगत संयोजकहरु, शिक्षक, कर्मचारी एवम् विद्यार्थीको सहभागीता रहेको थियो साथै कार्यक्रमको सञ्चालन विद्यालयका सहायक प्रधानाध्यापक विनिता विष्टले गर्नुभएको थियो ।
कार्यक्रममा उपस्थित सबैलाई विद्यालयको तर्फबाट हार्दिक आभार ।
धन्यवाद
