23/03/2026
भेपको प्रयोग बागलुङमा डरलाग्दो तरिकाले प्रयोग बढदै,
यसको नियमन गर्ने निकाय को हो?
बागलुङका १० देखि १५ बर्ष सम्मका बालबालिकाले भेपको प्रयोग गर्ने गरेका छ्न र बिधालय जादा होस या खेल्न जादा होस उनिहरुको साथमा देखिएको छ।प्रतिबन्धित भेप विद्यार्थीको हात हातमा कसरी पुग्दै छ त ? यसलाइ बागलुङ नगरपालिकाले कुन रुपमा हेर्दै छ ?
भेप भनेको के हो?
भेप (V**e) भनेको इलेक्ट्रोनिक सिगरेट हो, जसलाई "इ-सिगरेट" पनि भनिन्छ। यसमा एक प्रकारको उपकरण प्रयोग गरिन्छ जसले नकोटिन र विभिन्न प्रकारका रसायनहरू मिलाएको तरल पदार्थलाई तातो बनाएर धुँवा (भेपोर) उत्पन्न गर्छ। यो उपकरण मुख्यत: पारम्परिक चुरोटको विकल्पको रूपमा प्रयोग गरिन्छ तर यसले स्वास्थ्यलाई गम्भीर असर पार्न सक्छ।
नेपालमा लाखभन्दा बढी भेप बरामद हुनुले के सङ्केत गर्छ? नेपालमा भेपको बृद्धि र यसको प्रयोग उच्च दरमा हुँदै गइरहेको छ भन्ने यो तथ्यले स्पष्ट पार्छ। भेप प्रयोग गर्ने व्यक्तिको संख्या दिनप्रतिदिन बढ्दै जानुमा मुख्यतः युवापुस्ता र विद्यार्थीको आकर्षण, सजिलै उपलब्धता, र यो स्वास्थ्यलाई कम हानिकारक देखाउन खोजिएको भ्रम मुख्य कारण हो। यसले देशमा नशाको नयाँ रूपको व्याप्तिको सङ्केत दिन्छ।
भेपको असरहरू:
१. स्वास्थ्यमा नकारात्मक प्रभाव:
फोक्सोमा गम्भीर रोगहरू जस्तै "पपकर्न लंग" (Popcorn Lung) वा फोक्सोको इन्फेक्सन।
नशाको लतको विकास, नशा त्याग्न कठिनाइ।
२. मस्तिष्कमा असर:
नेकोटिनको कारण मस्तिष्कको विकासमा अवरोध, ध्यान केन्द्रित गर्न कठिनाइ।
३. सामाजिक असर:
युवापुस्तामा नशाको लत फैलिनु, आर्थिक स्रोतको दुरुपयोग।
👉 "भेप फेसन होइन, रोग निम्त्याउने बानी हो। सस्तो मनोरञ्जन महँगो जीवन बर्बाद गर्न सक्छ। आफ्नै स्वास्थ्यको सम्मान गरौँ।"
👉 "भेपले केही समयको आनन्द दिन्छ तर जीवनभरको पीडा दिन सक्छ। आज निर्णय गरौँ– स्वस्थ भविष्य रोजौँ।"
👉 "फोक्सो स्वस्थ रहनुपर्छ, धुँवाले होइन। भेपलाई बाइ-बाइ गरौँ, स्वास्थ्यमैत्री जीवन अपनाऔँ।"
👉 "शक्तिशाली बन्नु छ भने नशाको लत तोड्न सिकौँ। भेप होइन, अनुशासनको बाटो समातौँ।"
अहिले नजादिँदो रूपमा १८ वर्षमुनिका विद्यार्थी साथै बालबालिकाहरूले ठूलो संख्यामा भेपको दुरुपयोग गर्ने प्रवृत्ति बढेको देखिन्छ।
क्यान्सर विशेषज्ञ समीम अख्तरका अुनसार "भेपले पनि हाम्रो स्वास्थ्यलाई चुरोटले जति नै असर गर्ने गर्दछ। उनले भेपले फोक्सो, स्वासनली र मुखको पनि क्यान्सर गराउने सम्भावना प्रबल रहेको बताए।"
उनले भने, ‘हामीले जुन हिसाबले भनिरहेका छौँ, यसले हानी गर्दैन अथवा चुरोटभन्दा कम हानी गर्छ। यो सब गलत चिज हो । भेपले तपाईको फोक्सो, श्वासनली र मुखको पनि क्यान्सर गराउने सम्भावना प्रबल हुन्छ।’
उनले थपे,‘भेपभित्र जुन पदार्थहरु प्रयोग भएको हुन्छ अर्थात केमिकलहरु हेभी मेटल्स हुन्छ। बास्ना दिनको लागि फर्मल्डिहाइड अनि एसिटाइलजस्ता केमिकलहरु प्रयोग भएको हुन्छ।
#तस्विर_आफै_बोल्छ_व्याख्या_गर्नुपर्दैन
