Kinn Venstre

14/06/2026

Vil du vere med og forme framtidas Kinn?

Nominasjonsprosessen i Kinn Venstre er no i gang. Vi ønskjer kandidatar med ulike erfaringar, bakgrunnar og perspektiv frå heile kommunen.

Du treng ikkje ha vore politikar før for å stille. Det viktigaste er at du har engasjement for lokalsamfunnet og ønskjer å bidra til utviklinga av Kinn.

Som kandidat får du høve til å:

– påverke utviklinga i Kinn
– arbeide for lokalsamfunnet
– bidra med dine perspektiv og erfaringar
– løfte viktige saker

Du kan også sende innspel til nominasjonskomiteen dersom du kjenner nokon som bør stå på lista, eller om du har forslag til vallista.

Å melde interesse er heilt uforpliktande.

Meld interesse eller send innspel her: https://forms.gle/7GXMG5cPpPpxTX4j9

Har du spørsmål om prosessen, kan du ta kontakt med nominasjonskomiteen ved Nikolai Valvik:

📞 472 93 924
✉️ [email protected]

Vi ser fram til å høyre frå deg!

13/05/2026

Skal Måsholmen byggast ut? Vi meiner nei.

Kinn kan velje både arbeidsplassar, utvikling og natur. Derfor står vi fast: Flatneset er ei betre løysing enn containerhamn på Måsholmen.

Statsforvaltaren har oppheva vedtaket frå januar på formelt grunnlag, men det endrar ikkje fakta. Måsholmen er framleis feil plass. Og Venstre kjem til å stemme imot.

Er du einig? 👇
Del videoen, og bli med på laget!

Video : Sebastian Fitjar

13/05/2026

Vi vann fram for Florø, Kinn og heile kysten vår.

Eit samla Storting krev no at FOT-anbodet blir lyst ut på nytt, med minimumskrav om å oppretthalde dagens setekapasitet til Florø. Det er ei viktig seier for lokalsamfunnet vårt.

Dette handlar om langt meir enn flyruter. Det handlar om arbeidsplassar, næringsliv, beredskap og moglegheita til å bu, jobbe og skape verdiar i Kinn kommune.

Frå første dag har vi i Venstre vore tydelege på at kutta var feil for Florø og for regionen vår. No har arbeidet gitt resultat.

Takk til alle som har engasjert seg, løfta saka og stått saman. Når lokale stemmer blir høyrde, kan vi få gjennomslag.

God tur, Florø! Dette er ein siger verd å feire.

28/04/2026

Venstre seier nei til flyrutekutt i Florø

Regjeringa planlegg å kutta ruta Florø–Oslo frå 48 250 til 31 600 sete. Nesten 35% kutt i vår viktigaste kopling til hovudstaden.

For oss i Kinn er dette alvorleg. Flyrutene er ikkje eit luksustilbod, dei er livsnerven for næringsliv og folk som treng å kome seg til og frå regionen vår. Med krevjande geografi og lange avstandar finst det rett og slett ikkje gode nok alternativ.

Vestland Venstre sitt fylkesstyre har vedteke ei klar fråsegn mot kutta, og krev at setekapasitet og rutefrekvens vert halde på minst dagens nivå, og at moglegheita for dagsreiser vert vidareført. No jobbar vi aktivt opp mot stortinget for å følge opp.

🔗 Les fråsegna her:

Fråsegn handsama av Vestland Venstre sitt fylkesstyre. Samferdselsdepartementet lyste 23. april 2026 ut ny konkurranse om FOT ruter i Sør-Noreg for perioden 2027 2031. For […]

11/03/2026

I helga hadde Kinn og Florø gleda av å vere vertskap for fylkesårsmøtet til Vestland Venstre!

Nesten 100 Venstre-medlemmer frå heile fylket samla seg på Florø Kulturhus, og hotella i byen vart godt fylte opp. Det vart ei helg prega av gode samtalar, workshops, politikkutvikling og planlegging av vegen vidare.

Vi fekk sterke faglege innspel frå dyktige innleiarar, diskuterte viktige politiske spørsmål – og vedtok heile fem fråsegner om politikk vi vil kjempe for framover.

Vi er også stolte over at vår eigen lokallagsleiar, Eskil Smelvær, vart valt inn i fylkesstyret i Vestland Venstre!

Florø gav Venstre eit skikkeleg løft. No er vi klare til å bygge laget vidare og kjempe for ei grønare, friare og meir framtidsretta utvikling i Vestland.

Synest du dette høyrest spennande ut? Bli med på laget!

07/03/2026

Venstre lyttar til næringslivet!

I går starta dagen i Florø med eit innspelsmøte om skatt og rammevilkår for næringslivet. Ingrid Fjeldstad, Venstre sin representant i den nasjonale skattekommisjonen, møtte lokale bedriftsleiarar saman med Aksello for å høyre kva det lokale næringslivet meiner er viktig for utviklinga framover.

Her fekk vi mange gode innspel og ein god diskusjon rundt rammevilkår, utvikling og moglegheiter for byen og regionen. Venstre opplever at slike møter ofte gir betre nyansering og meir realistiske bilete rundt kvardagen til næringslivet enn det vi får gjennom den nasjonale debatten.

Etterpå tok vi turen til Fjord Base, der vi fekk innsikt i utviklinga på basen, og dei spennande satsingane som skjer der. Her ligg det mange moglegheiter framover, som kan gje spennande grønn vekst.

For Venstre er det heilt avgjerande å lytte til dei som skapar arbeidsplassar og verdiskapning langs kysten!

29/01/2026

Kinn Venstre stemte imot utbygging av containerhamn ved Måsholmen.

I kommunestyret i Måløy i dag stemte Kinn Venstre, med Jacob, Anne Marit og Edvard, samrøystes mot forslaget om å bygge ny containerhamn vestover mot Måsholmen.

Dette har vore ei krevjande og viktig sak for oss. Vi har hatt fleire grundige rundar internt, både i 2024 og den siste tida. Det har vore ulike syn i gruppa, men gjennom ein open og grundig prosess har vi kome fram til ei samla vurdering: Fordelane med dette prosjektet er ikkje større enn ulempene det ville påført kommunen, naturen og lokalsamfunnet.

For Kinn Venstre har naturinngrepa vore eit avgjerande moment. Utbygginga ville ført til svært store og irreversible inngrep i eit viktig område. Vi meiner det ikkje er rett veg å gå.

Samtidig er det viktig for oss å understreke at vi ønskjer utvikling. Næringslivet i Kinn treng areal for å vekse, og det behovet må kommunen ta på alvor. Derfor var vi med å stille og vedta eit alternativt forslag som skal sikre næringsutvikling, utan dei store naturinngrepa som låg i innstillinga. Vi meiner det er fullt mogleg å kombinere vekst og ansvarleg arealbruk.

Utviklinga i Kinn skal vere ansvarleg, langsiktig og i tråd med natur og samfunnsomsyn. Dette vedtaket speglar nettopp det.