https://www.facebook.com/550175881511925/

På tur i Strand kommune

Hjem
Norge
Jørpeland
På tur i Strand kommune

Velkommen til "turhimmelen" eller Strand kommune som noen også kaller det. Her finner du et mylder av turer i alle varianter.

Fra tilrettelagte Jørpelandsholmen til turistikonet Preikestolen. På denne siden vil du finne nyheter, bilder og turbeskrivelser.

04/09/2026

Hjelp oss å gjere Hammarbu endå betre! 🏡🌿

Informasjonen om at det ikkje er tillate å overnatte inne i Hammarbu, har nok ikkje vore tydeleg nok. Vi heng derfor no opp nye, meir informative og tydelege plakatar inne i Hammarbu. I tillegg set vi opp eit nytt skilt ved starten av stien.

Skulle det likevel dukke opp gjester som ikkje har fått med seg informasjonen, eller som har mangelfulle leseferdigheiter, set vi stor pris på om de minner dei på at det ikkje er tillate å overnatte inne i Hammarbu.

Det viktigaste er at vi gjer dette på ein vennleg og høfleg måte. 😊

Tusen takk for at de hjelper oss med å ta vare på Hammarbu og sørgjer for at dagsturhytta kan vere eit triveleg tilbod for alle! ❤️

02/09/2026

🥾⛰️ Nye skilt er på veg ut i fjellheimen! ⛰️🥾

Skiltprosjektet vårt rullar vidare – og no har turen kome til fjella rundt parkeringsplassen ved Liarvatnet! 😃

Dei første frivillige har allereie byrja arbeidet og er godt i gang nede i botnen av Småsildalen. Målet er å få gjennomført mest mogleg av jobben gjennom hausten og vinteren. 💪❄️

Og kvifor tek dette litt tid? Jo, fordi vi har ein heil skiltarmé som skal på plass! 😅

👉 44 skiltgrupper skal ut
👉 Gamle skilt skal ned og får komme heim
👉 140 nye skilt skal vise veg både fram og tilbake til fjelltoppane

Det blir med andre ord ein del stolpebering, skruing, bæring, klatring og sikkert nokre kreative løysingar undervegs! 😂🔨⛰️

Mange flinke frivillige skal bidra, og vi er sikre på at dette kjem til å bli kjempebra! 🙌

Ein stor takk til alle frivillige, grunneigarar, Sparebankstiftelsen SR-Bank og Rogaland fylkeskommune som gjer dette arbeidet mogleg. ❤️

Resultatet blir eit endå betre turprodukt – med tryggare ferdsel, betre skilting og endå betre turopplevingar for alle som vil ut og nyte den fantastiske fjellheimen vår.

No er det berre å følgje med – skilt for skilt, topp for topp! 🥾⛰️😄

31/08/2026

🍂🥾 KOM DEG UT-DAGEN/VEKA! 🥾🍂

Hipp hurra – det er endeleg måndag, og ei heilt ny turveke ligg framfor oss! 🙌😄 I Strand kommune betyr det sjølvsagt nye moglegheiter for frisk luft, raude kinn og litt støle bein.

No byrjar haustfargane verkeleg å snike seg inn i fjellet, og høgt til fjells er det rett og slett nydeleg å gå tur. 🍁🧡 Så finn fram turkleda, snør skoa og kom deg ut!

🥾 Tirsdagsturgjengen Strand skal denne veka på topptur til fjellet med dei mange namna. Fjellet som tidlegare gjerne vart kalla Barkafjellet, men som også går under namnet Åsfjellet – eller Barkvedfjellet. Kjært fjell har tydelegvis mange namn! 😄

Her får du servert ei skikkeleg flott utsikt over Jørpeland og skjergarden rundt. 🌊🏔️ Og som vi veit: Utsikt kjem sjeldan heilt gratis. Det blir nokre gode bakkar på denne turen, og turen er derfor merkt som ein tyngre tur. Men utsikta på toppen gjer rekninga verdt å betale! 😉

🎉 Søndag er det KOM DEG UT-DAGEN!

Strand og Forsand Turlag inviterer til ein kjekk og aktiv dag på Jørpelandsholmen. Her blir det liv og røre, og gjengen frå turlaget er klar mellom kl. 11.00 og 14.00. Ta med familien, ein ven eller naboen – eller berre kom som du er! 🌿👨‍👩‍👧‍👦

Så ønskjer vi alle ei sprek, frisk og skikkeleg fin turveke! Kom deg ut, nyt hausten og hugs: Det finst nesten alltid ein tur som passar – og den beste turen er ofte den du faktisk kjem deg ut på. ❤️🥾🍂

29/08/2026

🐑 Sauesankinga er i gang!

Det er faktisk mye trafikk i fjellheimen vår desse dagane! 🚶‍♀️🐑🚶‍♂️

Heiområda blir saumfarte for å finne og samle heim dei kjære sauene våre, som har vore til heis gjennom sommaren. Dei har kosa seg med godt beite, lagt på seg og gjort ein viktig jobb med å halde vegetasjonen nede i fjellet.

Sauene er nemleg fantastiske naturpleiarar. 🌿🐑 Dei beitar ned vegetasjonen og er med på å hindre attgroing. Utan sau – meir attgroing!

No skal sauene samlast saman og fraktast heim til gardane. I den samanhengen er det viktig at vi som ferdast i fjellet viser omsyn og ikkje skremmer eller uroar dyra.

🐕 Har du hund? Då er det kjempeviktig at du har hunden i band og har god kontroll på han.

Og er du hund … ja, då må du også passe på at eigaren din har bandet på! 😜🐶

Vi veit at hunden din er kjempesnill – det er dei aller fleste hundar – men sauene veit ikkje alltid det. For ein sau kan ein hund som kjem springande, vere ganske skremmande.

Så ta omsyn, hald hunden i band og la sauene få gjere jobben sin på veg heim til gards. ❤️

God tur med hunden i band – og riktig god helg! 🐑🌿🐕☀️

28/08/2026

🏡 Holmabu er ferdig! 🌿

No er det endeleg klart for innflytting i Holmabu! 😍

Denne veka har dei driftige folka i Jørpelandsholmens venner lagt den siste skiferen utanfor den nye gapahuken på Jørpelandsholmen. Ferdigattesten er på plass, og det nye praktverket er no klart til å takast i bruk! 🎉

Og namnet? Holmabu passar jo perfekt til denne perfekte plassen! ❤️

Forslaget frå Johannes Tveitnes er no foreviga med eit flott skilt ved turstien, slik at alle kan sjå kva den nye samlingsplassen vår heiter.

Neste prosjekt er allereie på gang – det skal lagast eit skikkeleg godt bord til gapahuken. Og som om ikkje det var nok, er det også bestilt ei gruve til Holmabu. 🔥

Dermed får Jørpelandsholmen endå eit flott samlingspunkt der folk kan slå seg ned, ta ein pause, nyte naturen og kanskje fyre opp eit lite bål når høvet byr seg. 🌲☕🔥

Dette har vore eit imponerande dugnadsprosjekt, og me må sende ein stor takk til Jørpelandsholmens venner for den fantastiske innsatsen – og til Sparebankstiftelsen SR-Bank som har vore med og gjort prosjektet mogleg. 👏💚

No er det berre å ta Holmabu i bruk!

Velkomen til Holmabu – den nye perla i byparken vår! 🏡🌿

26/08/2026

🎨 Turlaget set farge på Hammarbu! 🖌️🌿

Vår kjære dagsturhytte på Hammarbu har fått kjenne på naturkreftene i Strand kommune i nokre år no. Og som de veit – på Fullshammaren får ei hytte verkeleg testa seg! 😅

Regn ☔, snø ❄️, vind 💨 og masse sol ☀️ har gjort sitt, og etter kvart hadde både måling og tak fått litt vel mykje juling. Då var det på tide med ei skikkeleg forskjønning!

Tysdag ettermiddag og kveld var derfor ein ivrig gjeng frå Strand og Forsand Turlag i full sving med stigar, måling og malarkostar. 🪜🖌️

Og resultatet? Strålande! 🤩 Gjengen blei nesten heilt ferdig med heile hytta, og Hammarbu har verkeleg fått eit lite ansiktsløft.

Dugnadsånda og det gode humøret var på topp – det kunne nesten høyrast heilt til Førlandsåsen! 😂⛰️

Ein stor takk til Turlaget som tok på seg denne jobben. Det set alle vi som brukar den flotte dagsturhytta vår, skikkeleg stor pris på. ❤️

Dette blei KNALLBRA!

TUSEN TAKK👏🎨🌿

24/08/2026

🌞 Skulestart med sol, tur og uteskule!

Endeleg er skulane i gang igjen – og for eit vêr me får på skulestarten! 🌞🎒

Det er vel lite som slår ein god utetime i det fri når sola skin og sommaren framleis held stand. Og me er jo skikkeleg heldige her i Strand kommune! Rundt skulane og barnehagane våre har me fantastiske turområde og friluftsområde som berre ventar på å bli brukte. 🌿🥾

Denne veka får nok både Ekkarvika, Longaneset, Ugeliåsen, Hamrane og Hammarbu besøk av mange unge strandbuar. Det blir frisk luft, rørsle, læring – og kanskje litt bading til knea. Akkurat slik ein god skuledag skal vere! 😄

Men det er sjølvsagt ikkje berre dei som framleis går på skulen som kan nyte det fine vêret. For dei som er litt over skulealder, finst det også gode turtilbod:

🥾 Jørpeland Sanitetsforening skal denne veka køyre gjennom tunnelen og ta turen til nabobygda vår, Hundvåg. Der ventar ein tur til Lundsvågen.

🥾 Tirsdagsturgjengen Strand er sjølvsagt også på plass på tysdag. Denne gongen skal Gramsfjellet bestigast! Rolf og Tor er turleiarar og skal lose turfolket trygt både opp og ned. 💪⛰️

👉 Meir informasjon om turane finn du på Facebook-sidene til Jørpeland Sanitetsforening og Tirsdagsturgjengen Strand.

Og elles? Då er det berre å snøre på seg skoa og kome seg ut! Me har eit hav av flotte turar å velje mellom i heile Strand kommune.

Ut på tur – aldri sur! 😎🌿

Ha ei super turveke, Strand kommune! 💚🥾🌞

22/08/2026

🥾📸 Instagram-stien som berre blir meir og meir populær!

Lysefjord Panorama-stien mellom Bolder og Preikestolen parkering trekkjer stadig fleire turglade folk – både frå inn- og utland. 🌍

Lysefjorden Utvikling melder om 5 600 besøkjande så langt i år, mot 5 100 på same tid i 2025. Det betyr ein auke på heile 500 turfolk! 🙌

Og det er kanskje ikkje så rart. Her får du jo ein ganske fantastisk kombinasjon: spektakulær natur, flott tilrettelegging og utsiktar som nærmast ber om å bli foreviga på Instagram. 📸😍

I år kan du i tillegg jakte på både Ti på tur og Stolpejakten langs ruta. 😄

Ein annan viktig bidragsytar er den nye bussruta som kvar dag i sesongen køyrer mellom Preikestolen parkering og Bolder. På finevêrsdagar melder det om godt besøk – og vi skjønar godt kvifor!

Det er skikkeleg kjekt å kunne tilby denne perla av ein tur til alle som er glade i friluftsliv. 💚

👉 Har du ikkje gått Lysefjord Panorama enno? Då bør du rydde plass på mobilen til mange bilete, setje av god tid og gjere deg klar til å oppleve Lysefjorden på sitt aller beste! 🏔️💙

⚠️ PS: Turen er rundt 9 km, og det er ein god del høgdemeter undervegs. Så litt trening i forkant, gode sko og god tid på turen er absolutt ikkje dumt. 😉

20/08/2026

🌿🥾 Bregnene har fått litt for gode dagar på Jørpelandsholmen!

Bregnene på Jørpelandsholmen trivst rett og slett litt for godt. 😅 Dei har gode vekstvilkår, og sidan verken sauer eller menneske har bregner øvst på favorittmenyen, får dei spreie seg ganske så fritt.

Men no har vi fått hjelp! 💪

Vi har invitert ein flott gjeng frå Jørpeland ungdomsskule til å ta ein skikkeleg bregnemarsj på holmen. 🥾🌿

For om det er éin ting bregnene ikkje likar, så er det å bli trakka på!

Å trampe ned bregnene er faktisk betre enn å klippe dei. Klipper vi dei, seier bregnene berre «takk for hjelpa» – og kjem raskt opp igjen. 😅 Når stilkane derimot blir knekte og trakka ned, blir det mykje vanskelegare for planten å kome tilbake.

Målet er å avgrense utbreiinga av bregnene, slik at områda som no er beslaglagde av bregnejungel, etter kvart kan bli til saftig grønt gras som sauene kan kose seg med. 🐑🌱

Så dersom du ser ein gjeng ungdommar som går rundt og trampar på bregner på Jørpelandsholmen, er det ikkje tull og tøys – det er naturforvaltning med ungdomsleg energi! 😄💪

Ein stor takk til den flotte gjengen frå Jørpeland ungdomsskule som stiller opp og gjer ein skikkeleg nyttig jobb!

Flott ungdom me har! ❤️🙌

17/08/2026

Ein sommer er over?

Håper alle har hatt ein fin sommar – med sol, late dagar, små og store turar og kanskje litt for mykje is! 😎🍦

No er det endeleg tid for å snøre på seg turskoa igjen, for denne veka startar Tirsdagsturgjengen Strand opp etter sommarferien! Første tur går til Tungland og Jørpelandsholmen – ein perfekt måte å sparke i gang ein ny tursesong på. 🥾🌿

Hausten ligg framfor oss, og i Strand kommune har me jo eit heilt fantastisk turterreng å boltre oss i. Frå fjord til fjell, skog og hei – her er det berre å finne fram sekken og bli med ut! 💚

Så ønskjer me alle ein sprek, sosial og gøyal turhaust i den flotte turkommunen vår! 🌲⛰️

👉 Kanskje dette er hausten du blir med på litt fleire turar enn du hadde tenkt? 😉

Adresse

Jørpeland
JØRPELAND

Telefon

+4751743000

Nettsted

facebook.com

Varslinger

Vær den første som vet og la oss sende deg en e-post når På tur i Strand kommune legger inn nyheter og kampanjer. Din e-postadresse vil ikke bli brukt til noe annet formål, og du kan når som helst melde deg av.