06/04/2026
KUNGIYAR TSAFFIN KANSILOLI MAGOYA BAYAN MAIGIRMA GWAMNA AMADU DA JAM'IYAR APC TA JAHAR SOKOTO TA KAIWA UBAN WANNAN KUNGIYA MD ALH. MURTALA ABDULKADIR DAN IYA ZIYARA A GIDAN SA DAKE SHIYAR SAMA ROAD SOKOTO.
Jiya Lahadi Kungiyar tsaffin Kansiloli magoya bayan Maigirma Gwamna AMADU da kuma Jam'iyar APC a Jahar Sokoto mai suna Sokoto Ex-Councilors Forum for Ahmed Aliyu Continuity 2027 wadda keda membobi ɗari da goma sha takwas (118) ta kaiwa uban wannan Kungiya mai albarka MD Alh. Murtala Abdulkadir Dan Iya ziyarar ta'aziyya, barka da Sallah da kuma taya murnar zagayowar ranar haihuwarsa inda aka samu kusan membobi 83 da s**a samu halarta daga cikin 118.
Alhamdulillahi Maigirma Dan Iyan Jarma yayi muna tarbo na musamman kuma ya karrama mu, Alhamdulillah. Daga cikin bayanansa yayi kira da mu kasance jikadu nagari abin koyi masu amana da adalci da kuma mutunta juna.
Maigirma Dan Iyan Jarma yayi kira akan jajircewa wajen goyawa Gwamnatin Maigirma Gwamna AMADU baya da kuma shira-ruwan wannan Gwamnati mai albarka, haka zalika ya umurce mu akan ƙara wayarwa al'umma dakai akan irin muhimman ayukka na cigaba da raya birni da karkara da wannan Gwamnati takeyi.
A takaice dai anyi jawabai masu ma'ana da inganci tun daga kan Shugaban wannan Kungiya Hon Abdullahi A Sidi har ya zuwa sauran membobi da s**a samu damar gabatar da nasu jawabai.
Daga karshe Maigirma MD Alh. Murtala Abdulkadir Dan Iya ya sake baiwa wannan Kungiya maƙudan kuɗaɗe a matsayin tasa barka da Sallah haka zalika daya daga cikin aminansa Alh. Bashiru Gidan Igwai shima ya gwangwaje wannan kungiyar da kyautar ɗaruruwan kuɗaɗe a tashi gudun-muwa akan abinda ya shafe lamurran amininsa Alh. Murtala Abdulkadir Dan Iya, bisani munyi godiya kuma anyi addu'o'i na musamman.
Yanzu haka kowa ya koma gidansa lafiya kuma Kowa ya koma gida da kwari 🤭😄😅 Alhamdulillah. Mun gode!
Signed By:
Forum Chairman: Hon Abdullahi A Sidi ✍🏽
6th April 2026.
