Rt. Hon. Abubakar Yahaya Kusada

01/06/2026

A yau nasami damar Jagorantar Injiniyoyi da yan kwangila da al’ummarmu don kaddamar da fara aikin hanyar dana samar a garin Ingawa, kamar yadda muka saba a duk lokacin da muka shiga muka fita muka nemo aikin da zai amfani al’ummarmu ta Kankia/Kusada/Ingawa.

Aikine dana samar wanda zai tashi daga Kofar gidan Chiroma zuwa hanyar Yandoma, wannan hanyar ta kasance cikin hanyoyi wadda al’ummar garin Ingawa s**a dade suna nema.

Aiki zai cigaba da tafiya daga yau har zuwa kammala wannan aiki In sha Allah.

Idan bazamu mantaba munyi irin wannan aiki a karamar hukumar Kankia daganan mukayi Kusada yau gashi mun kaddamar dashi a garin Ingawar Dambo.

Allah ya amfanar damu baki daya Amin.

01/06/2026

Kai Jama’a ina magana mutanena na cewa a’a 😭😀

01/06/2026

Daga Garin Ingawa wajen kaddamar da aikin sabon T**i dana samar.

01/06/2026

31/05/2026

A yau na samu halartar taron farko na kungiyarmu ta Nigerian Institute of Quantity Surveying reshen jihar Katsina tun bayan da aka rantsar damu a matsayin sabbin shugannin kungiyar a ranar 4 ga wannan watan. Bayan kammala taron na jagorancin duba cigaba da aikin babban ofishin kungiyar dake gudana a cikin birnin Katsina

30/05/2026

A yau na karbi bakuncin wakilan masu ruwa da tsaki na siyasar Ingawa inda muka tattauna abinda ya shafi siyasa da mu’amala. Wakilan sun hada da Hon Bala Yaya, Alh Idris Tune, Alh Ya’u Sule, Dr. Abdurrahim da kuma Dr Bilyaminu ABILS

Bayan nan na karbi bakuncin mai taimakama Gwamna akan harkokin kafar sadarwa Engr MS Ingawa da tawagarshi domin yimin barka sallah.

Bayan nan na karbi bakuncin Dr Abdulhakim Yaya da tawagarshi domin yimin barka da sallah

Daga nan saina tafi Kankia domin halartar daurin aure gidan Hon Musa Maikudi Kankia

30/05/2026

BAYAN SAMUN TIKITIN PDP: Sheikh Pantami da Gaskiyar Tasirin Social Media da Muryar Masu Zabe

Na taɓa yin tattaunawa mai fa’ida ta siyasa da P.A. nawa, Saifullah Lawal T. Bara’u. Muna kan hanyar komawa gida bayan tashi daga ofis, sai ya ce, “Sir, ina ganin Sheikh Pantami zai iya lashe zaɓen Gwamna a Gombe.” Na kalle shi sosai domin in tabbatar da cewa da gaske yake magana, sai na fahimci da gaske yake.

Na amsa masa cikin ladabi cewa, a akasin haka, ban yarda haka zai faru ba, duk da cewa na amince cewa yana da ƙarfin zama ɗan takarar gwamna ta kowane fanni. Na sake kallonsa na ga alamun rashin gamsuwa, amma kasancewarsa P.A. nawa, bai yi min musu ba. Daga nan na ci gaba da bayani cewa a siyasar yau akwai nau’ikan masu goyon baya guda biyu: masu amfani da social media da kuma ainihin masu jefa ƙuri’a.

Na bayyana cewa ɗan siyasa na iya samun yawan masu goyon baya a kafafen sada zumunta amma ba ya da alaƙa kai tsaye da masu jefa ƙuri’a. Yawancin masu goyon bayan social media ma ba su cikin mazaɓar da ake zaɓe, don haka goyon bayansu yana ƙara shahara ne kawai ba ƙuri’a ba. A gefe guda kuma, ainihin masu jefa ƙuri’a galibi suna zaune ne a ƙauyuka, kuma da yawa daga cikinsu ba sa amfani da social media, har ma wasu ba su san da shi ba.

Misali, Peter Obi ya samu karfin goyon baya sosai a social media a zaɓen 2023, amma Tinubu ne aka ayyana wanda ya yi nasara. Haka kuma a Amurka, Hillary Clinton ta fi samun goyon bayan online, amma Donald Trump ne ya yi nasara a zaɓen.

A wannan lokacin na sake kallonsa na ga alamun amincewa tare da gyaɗa kai. Na ƙare da cewa, ’yan siyasar da ke neman shahara cikin sauƙi suna mai da hankali kan social media, amma waɗanda ke neman nasarar zaɓe suna mai da hankali kan isa ga ainihin masu jefa ƙuri’a—Malam Saifullah.