Tafiyar Matasan TOFA

24/05/2026

ABUBUWAN DA YARA DA MANYA ZASUI KEWAR SARKIN DAWA MAMIYO NA TOFA DASU. GA KADAN.

1 YARA.
tabbas Yara sun rasa abokin wasa Mai fara'a da SA dariya cikin girmamawa.

2 Yara
Yara sun rasa abokin Mai nunida kyakkaywa dakuma hani ga mummuna cikin salon so da kauna.

3 manya
tabbas kokai waye kasan inkai yunkurin tada tarzoma to zai tsaidakai Kuma yaima nasiha cikin salon dazaka fashimta.

4 manya da yara
hakika manyan da Yara munyi rashin jagora Mai gida Mai nuni da azauna lafiya akoda yaushe.

5 Gaba dayan LOCAL government Babu batun son ZUCIYA Amman DUK inda kaji lbrn sarkin dawan Tofa local government malm jibrin mamiyo kasan bashida son yashin hankali bamaison janyo Rigima bane.

6 tabbas sarki Mutumne Mai sadaukarwa da bawa kowa girmansa.
kodako bakwa a inuwa Daya dashi baya bari a zalunceka.

7 Mutum Mai kira ga bautar Allah.
komai sarki keyin in lokacin sallah yayi yakan tsaya domin yaje yasami jam'in sallah.

Nagartarsa bakamar ta ya siyasa bace ngarta e wacce kowa yasani. sbd haline bawai iyaka rubutun bane.
Ya Allah Dan sunayenka Dan annabi Muhammad sallallahu alaishi wasallam ya Allah Dan wadannan dabi'u na sarki kyawawa ya Allah kakai rahma gareshi.

03/05/2026

SHEKARUNKA NA 20s NE SUKE RABA GARDAMA TSAKANIN ZAMA ATTAJIRI KO TALAKA.

Wannan ba camfi ba ne, tabbatacciyar gaskiya ce wacce muka fi son yi wa kanmu ƙarya a kanta.

Tsakanin shekarunka 20 zuwa 29, a nan ne kake da cikakken ƙarfin jiki, ƙwaƙwalwarka tana da kaifi, sannan baka da wani babban nauyi na iyalai da yawa a kanka.

Abin da ka shuka a wannan lokacin, shi zaka girba idan ƙarfinka ya fara raguwa.

Idan ka ɗauki wannan lokacin ka narkar da shi wajen zama a majalisa kana hira, gasar riƙe babbar waya, bin mata, ko jiran wani ya zo ya baka jarin da zaka fara sana'a... tun wuri ka gama rubuta takardar talaucinka da hannunka.

Amma idan ka daure, ka rage jin daɗin ƙarya, ka koyi sana'a, kuma ka sadaukar da lokacinka wajen fafutukar neman na halas a waje koda kuwa aikin ƙarfi zaka yi... tabbas zaka shiga shekarunka na 30s da 40s a cikin matuƙar rufin asiri da kwanciyar hankali.

Lokaci baya jiran kowa. Kafin ka ankara, waɗannan shekarun sun gudu kuma ba za su taɓa dawowa ba.

Wane zaɓi kayi wa kanka a yanzu?

Ka tashi ka fita ka natsu ka gina gobenka yau, tun kafin goben ta zo ta iske ka a hannun wofi.

Allah ya bamu ikon yin amfani da ƙuruciyarmu ta hanyar da zata amfane mu.

Matasan TOFA.

03/05/2026

Abin daka fahimta da safe, ma’anarsa na iya canzawa idan ka sake nazartarsa da yamma. Ba wai saboda lokaci yacanza ko ma’anar abin ta sauya ba, a’a sau da yawa yanayin zuciya (mood) yana sauya yadda mutum ke kallon al’amura. Mood wani yanayi ne na ɗan lokaci da ke tasiri ga tunani, fahimta da yadda mutum ke karɓar magana ko wani lamari. Akwai positive mood, negative mood da neutral mood, kuma kowa na iya tsintar kansa a ɗaya daga cikin waɗannan yanayi gwargwadon abin da ya same shi a wani lokaci.

Misali, idan mutum yana cikin farin ciki ko nishaɗi, yayin sauraron waƙa zai fi karkata ga daɗin murya, salon rerawa da yadda kiɗa yake tafiya tare da baitocin waƙar. Amma idan yana cikin damuwa ko wani yanayi na tunani mai zurfi, zai fi mayar da hankali ga azanci, hikima da saƙon da ke cikin waƙar. Duk da cewa abu guda ne, amma yanayin da mutum yake ciki ne ke sauya yadda yake fahimtarsu.

Rashin fahimtar waɗannan mabambantan yanayi na daga cikin abubuwan da ke jawo saɓani tsakanin mutane, musamman tsakanin ma’aurata da abokai. Wani lokaci mutum mai haƙuri zai iya fusata saboda yanayin da yake ciki, Mace mai hikima ita ce wacce ta fahimci cewa kowace magana tana da lokacin da ya dace a faɗe ta, Domin magana mai daɗi idan aka faɗe ta a lokacin da bai dace ba, tana iya zama abin ɓacin rai maimakon farin ciki.

- 🧙🏿‍♂️

03/05/2026

ƳA TAH MAZA 9 BA NAKI BANE, Ya' tah Nasiha ce daga dattijo kar ki bari soyayya ta rufe miki ido ki auri daya cikinsu:
1.Mai Wasa Da Sallah: Idan har ya raina haƙƙin Mahaliccinsa (Allah), ke wace ce da ba zai raina haƙƙinki ba? Namijin da ba shi da tsoron Allah, ba shi da alkawari.

2. Rago (Mara Sana'a): Soyayya ba ta biyan kudin haya ko siyan abinci. Namijin da ba ya son aiki, rago ne mai jira a ciyar da shi. Kada ki auri nauyi.

3. Mai Rowa (Marar Kyauta): Rowa ba tattali ba ce, ciwo ce ta zuciya. Namijin da ke rowa wa matarsa ko iyalinsa, yana rowar soyayya da kulawa ne.

4. Mai Zagi da Duka: Namijin da ke saurin daga hannu ko zagin iyayenki, dabbar daji ce. Kada ki yi tunanin "Zai canza". Zalunci yana ƙaruwa ne, ba raguwa yake yi ba.

5. Makaryaci (Dan Yaudara): Ginin da aka yi a kan karya, yana rushewa ne da zarar gaskiya ta bayyana. Idan yana miki karya a kan ƙananan abubuwa, zai yi miki a kan manya.

6. Mai Neman Mata (Dan Kwanon Ciki): Namijin da mace ɗaya ba ta isarsa sai ya bi ta waje, zai kawo miki cuta da baƙin ciki. Kada ki yarda ki zama "Option".

7. Namiji Mai Gulma: Namijin da ke zama yana tattauna mutuncin mutane ko yana tona asirin wasu, ba cikakken namiji ba ne. Watarana ke ce za ki zama labarin bakinsa.

8. Dan Shaye-Shaye: Hankali shine cikon mutum. Idan yana shaye-shaye, hankalinsa ba nashi bane. Ba za ki taɓa samun natsuwa da shi ba.

9. Mai Girman Kai (Mai Raini): Namijin da ke ganin ya fi ki, yana wulakanta ki ko danginki, ba ya son ki, yana son kansa ne kawai.

ƳA tah, Darajarki ta fi ƙarfin ki zama abin wasa ko ki auri mutumin da zai mayar da rayuwar aurenki jahannama. Kada ki yi auren gaggawa don tsoron "Time yana tafiya". Gwamma ki yi lattin aure ki auri na gari, da ki yi auren wuri ki auri nadama.
Ki nutsu, ki yi addu'a, Allah zai ba ki wanda ya dace da ke.

03/05/2026

IDAN ALLAH YAI NUFIN ƊAUKAKA DARAJARKA.. zai fara murƙushe ka ne da wata jarrabawa, ya ƙarar ma ruwan kai duk wani wayo da dabarunka su ɗauke wuta, duk waɗanda kake tsammanin zasu taimakeka, su gaza ko su gudu, sai zuciyarka ta karye rugu-rugu, duk wata ƙofa da kake tsammanin shigowar nasara ta kulle, duk wata basira ta toshe, duk wani lissafi ya dagule, duk wani fata ya taɓe, sai an wayi gari zuciyarka ta daina tunanin samun mafita wajen kowa sai Allah, ta zama babu komai a cikinta sai tsantsan tauhidi da kyautata zato ga Allah Buwayi Gagara misali. To a nan Allah keyin allantakarsa, Ya nuna buwayarsa da ƙarfin ikonsa, nan zai ɗora karayarka, ya tsayarka kyam bisa ƙafafuwanka, tsayuwar da ba zaka sake karyewa ba har abada, sbd ɗorin Allah ba ya tashi.
Ka sake duba hikimar Annabi ﷺ inda ya ce
"من يرد الله به خيرا يصب منه"
"Wanda Allah Ya nufa da alheri, sai Ya jarrabe shi"
Musibar da ta komar da kai ga Allah, rahama ce!

03/05/2026

KANA JIN TSORO IDAN ZAKA YI MAGANA A GABAN MUTANE?...
Ko kana gujewa taro, ko hira da mutane saboda kunya ko fargaba?

Wataƙila kana fama da SOCIOPHOBIA (Social Anxiety). 🧠 SOCIOPHOBIA (Tsoron Mu'amala da Jama’a)

Alamomi..
1. Zuciya na bugawa da sauri idan kana cikin jama’a.
2. Zufa ko rawar jiki a lokacin magana acikin taro.
3. Tsoron a yi maka dariya ko a raina ka
4. Gujewa magana ko bayyana ra’ayinka.

Me ke jawo sociophobia?...
1. Rashin yarda da kai (low self-confidence).
2. Tsohon yin abin kunya ko kunyatarwa.
3. Tsoron hukunci daga mutane.

Yadda zaka magance shi...
1. Ka fara da kananan mu’amala (gaisuwa, tambaya).
2. Ka yarda cewa ba dole sai ka zama cikakke ba.
3. Ka yi practice na magana a gaban madubi.
4. Ka nemi shawara daga ƙwararre idan ya tsananta.

Ka tuna, Ba kai kaɗai bane. Mutane da yawa suna fama da wannan, kuma ana iya samun sauƙi da taimako...

👉 Idan ka taba jin haka, ka rubuta “YES” a comment — mu tattauna tare.
Ayi sharing domin yan uwa su amfana

01/05/2026

Kai mana fassara ka Kara gaba
✍️🏃🏃🏃

01/05/2026

01/05/2026

YA ALLAH KABAMU WAKILI KAMAR WANNAN BAWAN NAKA.
A YANKINMU NA DTR.

SHIN KASAN WAYE WANNAN KUWA?

17/04/2026

2009 Lokacin Muna Kasuwar Kofar Wambai Ƴan Takalma Ga Shagon Mu Gana Wani Inyamuri Mai Suna Godwin Yaransa Hausawa Ne Guda Biyu.

Mu Kuma Shagonmu Mu Huɗu Ne Yaran Shago Shekarar Mu Takwas A Shagon Muna Yaran Shago Kullum Idan Aka Tashi Ana Bamu 400 Zuwa 500 Sallama, Ranar Da Ba'ayi Ciniki Ba A Bamu 200 Mu Tafi Gida.

Su Kuma Yaran Godwin Yana Basu 500 Kullum Wani Lokacin Kuma 1000. Sallamar Ranar.
Lokacin Da S**a Cika Shekara Biyar.Godwin Ya Kira Iyayensu S**a Zo Kasuwa Ya Zaunar Da Mutane A Shago Yace Musu Yau Zai Sallami Yaransa Suma Su Dogara Da Kansu, Kuma Su Nemo Wasu Suci Abinci A Ƙarkashinsu, Saboda Haka Ya Kira Iyayensu Ayi Komai A Gabansu.

Kowanne Acikinsu Ya Basu Miliyan Biyar Ta Wannan Lokacin Sannan Ya Basu Abubuwa Na Alheri Yayi Musu Fatan Alheri Cikin Mutunci. Mu Kuma Duk Muna Zaune Babu Ranar Samun Ƴanci😭!

Ba'ayi One Month Ba Godwin Yaƙara Ɗauko Wasu Hausawa Ya Kawo Shago Ya Fara Koya Musu Aiki Da Yadda Kasuwa Take. Sannu Sannu Yaran Godwin Na Shago S**a Cika Shekara Biyar Da Zuwa Shagon Godwin Yaƙara Yaye Su Tare Da Basu Fiye Da Abinda Ya Bawa Waɗancan A Matsayin Sallama.

Duk Muna Yaran Shago Dai Gashi Kullum Girma Zuwa Yake, Ana Cikin Wannan Halin Mai Gidanmu Ya Koma America Da Zama Saboda Ya Tara Kuɗi Masu Yawa. Sai Ya Ɗauko Cikin Ƴaƴansa Guda Ɗaya Yazama Shine Oga Sai Abinda Yace Zamuyi. Saboda Mun Zama Tamkar Bayi!😭

Na Fahimci Babu Ranar Samun Ƴanci Kawai Na Falle Na Daina Zuwa Shagon, Sai Dai Idan Na Shiga Kasuwa Nayi Dako Ko Nayi Kayi Nayi Na Haɗa Abinda Na Haɗa Na Koma Gida.

Yanzu Duk Waɗannan Yaran Da Godwin Ya Yaye Narantse Da Allah Babu Wanda Baifi Ƙarfin 100million Ba, Ko A Wannan Shekarar Sai Da S**a Bani Zakka Mai Kauri. Mu Kuma Gaba Ɗayan Mu Har Yanzu Babu Wanda Ya Bawa 5million Baya😂

Duk Lokacin Da Na Zauna Sai Na Riƙa Tunanin Yadda Iyayen Gidanmu Hausawa Basa Yaye Yaransu Sai Dai Su Barwa Ƴaƴansu Gadonka Ƙarshe Idan Ka Taro Aure Ko Gini A Koreka Ayi Maka Sharrin Sata Ko Cin Amana.

Allah Ya Kiyaye Mu!

® Profesa Babuji