Jigawa Online Tv

Call

Jigawa Online Tv Labarai daga Jigawa

Mun Yi Watsi da Matasan Najeriya, Muna Amfani da Su a Matsayin Kayan Aikin SiyasaTsohon Gwamnan Jihar Jigawa kuma ɗaya d...
21/09/2026

Mun Yi Watsi da Matasan Najeriya, Muna Amfani da Su a Matsayin Kayan Aikin Siyasa

Tsohon Gwamnan Jihar Jigawa kuma ɗaya daga cikin waɗanda s**a kafa jam’iyyar PDP, Alhaji Sule Lamido, ya nuna damuwa kan yadda ’yan siyasa ke amfani da matasan Najeriya a matsayin masu yi musu aikin siyasa.

Lamido ya bayyana hakan ne a ranar Lahadi a Dutse, babban birnin Jihar Jigawa, yayin wata ganawa da matasa. Ya ce ya zaɓi ganawa da matasa ne maimakon shirya taron ’yan siyasa, saboda damuwarsa kan makomar ƙasar da irin ƙalubalen da matasa ke fuskanta.

Ya ce shugabannin siyasa sun gaza wajen horar da matasa da gina halayensu, tare da koya musu ɗabi’un tausayi, haɗin kai da mutunta juna.

“Mu shugabanni mun yi watsi da matasan Najeriya wajen gina su, gyara halayensu da koya musu ƙaunar juna da tausayi. Me ya sa ba za mu ba matasan da ke tafe abin da aka ba mu lokacin da muke matasa ba?”

Lamido ya tambayi dalilin da ya sa ake amfani da matasa a matsayin “kayan aikin siyasa da masu yi wa ’yan siyasa aiki”, alhali nan da shekaru 35 masu zuwa waɗannan shugabannin ba za su kasance a nan ba.

Ya kuma ce matasa na ƙara shiga harkokin siyasa da ke tattare da daba, ƙiyayya, cin mutunci da rashin girmamawa, maimakon siyasar da ta ginu kan ra’ayoyi da manufofi.

Lamido ya yi kira ga matasa daga PDP, APC, ADC da sauran jam’iyyun siyasa da kada su ɗauki junansu a matsayin abokan gaba, yana mai cewa suna da abubuwa da dama da s**a haɗa su kuma suna fuskantar irin waɗannan ƙalubale.

Ya buƙaci shugabannin siyasa da sauran masu ruwa da tsaki su mayar da hankali wajen bunƙasa ilimi, samar da ayyukan yi, jagoranci da kyakkyawar tarbiyya ga matasa, domin su kasance cikin shiri don karɓar ragamar shugabancin ƙasar a nan gaba.

Yan Bindiga sun yi Garkuwa da Malaman da Sanata A A Yari Ya gayyata a Gidan sa da Talata Mafara.(1) Liman Yahuza first J...
13/09/2026

Yan Bindiga sun yi Garkuwa da Malaman da Sanata A A Yari Ya gayyata a Gidan sa da Talata Mafara.

(1) Liman Yahuza first Jummaat Dogon Madacci.
(2) Magawata Abdullahi second Jummaat Dogon Madacci
(3) Malam Shehu Dakko
(4) Liman Bala Fagon
(5) Na'ibi Tasi'u Tungar Nagudai .

Shawara GA Mai Girma Sanata a daina fadawa Duniya abunda aka ba mutane, Kuma a fitar da Tsarin Tsaro na yiwa mutane Rakiya da jami'an tsaro.

Lamaman sun fito daga kananan Hukumomi Bakura da Talata Mafara Jihar Zamfara.
Allah Yayi masu mafita Ya kawo Muna karshen wannan musiba Alfarma Annabi da Alkur'ani 👏🏻.

Wani matashin ɗan sanda mai suna Abba Zimson ya rasa ransa yayin da jami’an ƴan sanda s**a yi artabu da wasu da ake zarg...
10/09/2026

Wani matashin ɗan sanda mai suna Abba Zimson ya rasa ransa yayin da jami’an ƴan sanda s**a yi artabu da wasu da ake zargin ’yan fashi da makami ne a cikin garin Hadejia, Jihar Jigawa.

Lamarin ya faru ne a daren jiya a Unguwar Shagari, cikin garin Hadejia, inda aka samu musayar wuta tsakanin jami’an ƴan sanda da ’yan fashi da makamin.

A yayin artabun, ɗan sandan mai suna Abba Zimson ya rasa ransa.

A nasa bangaren, jami’an ƴan sanda sun tabbatar da cewa sun samu nasarar hallaka ɗaya daga cikin ’yan fashin yayin fafatawar.

Cikakken rahoton lamarin na nan tafe.

DA DUMI-DUMI: Kotun Magistiri me number 21 Dake Gyadi Gyadi A jahar Kano ta Yankewa Matashin nan Dan TikTok Usman Musa w...
10/09/2026

DA DUMI-DUMI: Kotun Magistiri me number 21 Dake Gyadi Gyadi A jahar Kano ta Yankewa Matashin nan Dan TikTok Usman Musa wanda akafi sani da Majidadi Hukunci Daurin Wata 13 a Gidan Prison bayan ya amsa laifukansa da s**a hada da Kalaman Batsa da Takurawa Jama'a da kuma Hada kai a social Media.

A yayin Zaman Kotun Karkashin me Shari'a Hadiza Muhammad Lawan, Gwabnatin Jahar Kano ta Hannun Lawyer Gwabnati Garzali maigari BICHI Wanda shine ya gabatar da Karar a Kotun data yanke Masa Daurin watanni Bakwai da Tarar Naira 70K kan laifin Hadakai wato Conspiration sannan sai kuma Daurin watanni 3 babu zabin Tara kan laifin Takurawa Jama'a.

Sai wasu watanni 3 suma babu zabin Tara kan laifin Kalaman Batsa a Social Media Majidadi Dan TikTok ya amsa laifukansa kan zarge zargen da Gwabnatin Jahar Kano ta gabatar akansa a Gaban kotu bayan An karanta masa Su nan take a Karshe kotun ta yanke Masa Wa'encan Hukunci kamar yadda kuka ji.

A Karshe kotun ta Umarcesa akan ya Goge duk wasu video daya wallafa masu dauke da Kalaman Batsa a Shafin sa na TikTok, to masu Amfani da Kafafen sada Zumunta ga Darasi sai a Kiyaye Kunga dai daga Magana gashi Yanzu ya jawa kansa Daurin wajen Shekara daya da Rabi a Gidan Yari Allah ya kiyaye amma muma mu Kiyaye.

JAHUN TA ƊINKE 📌Tsohon Kakakin Majalisar dokokin Jihar Jigawa, Ɗan Majalisar Jiha mai wakiltar Jahun a zauren majalisar ...
19/08/2026

JAHUN TA ƊINKE 📌

Tsohon Kakakin Majalisar dokokin Jihar Jigawa, Ɗan Majalisar Jiha mai wakiltar Jahun a zauren majalisar dokokin Jihar Rt. Hon. Idris Garba Kareka, ya bar Jam'iyyar APC, ya shiga Jam'iyyar PDP.

Ana saran zai zama dan takarar majalisar tarayya a zaɓen 2027 domin wakiltar Kananan hukumomin Jahun da Miga gobe a Jahun da yardar Allah.

In za'a iya tunawa dama bai sabunta katinsa na zama dan Jam'iyyar APC ba a lokacin da aka yi, sannan tuni ya yi rijista da Jam'iyyar PDP kafin a rufe rijistar Jam'iyyu.

PDP POWER✅

DA DUMI-DUMI: Kotun ɗaukaka ƙara ta tabbatar da hukuncin da ya hana INEC amincewa da zaɓen shugabancin ADC na jihohiKotu...
13/07/2026

DA DUMI-DUMI: Kotun ɗaukaka ƙara ta tabbatar da hukuncin da ya hana INEC amincewa da zaɓen shugabancin ADC na jihohi

Kotun ɗaukaka ƙara da ke Abuja ta tabbatar da hukuncin da ya hana hukumar zaɓe mai zaman kanta ta kasa (INEC) amincewa ko shiga cikin tarukan zaɓen shugabannin jihohi na jam'iyyar ADC da ɓangaren da Sanata David Mark ke jagoranta ya gudanar.

Kotun ta yanke hukuncin ne a ranar Litinin, inda alkalai biyu s**a goyi bayan tabbatar da hukuncin, yayin da alƙali ɗaya ya nuna rashin amincewa.

Hakan ya tabbatar da hukuncin da mai Shari'a Joyce Abdulmalik ta babbar kotun tarayya da ke Abuja ta yanke a ranar 29 ga Afrilu, 2026.

Da wannan hukunci, INEC za ta ci gaba da kasancewa ƙarƙashin umarnin kotu na rashin amincewa da tarukan zaɓen shugabannin jihohin da ɓangaren David Mark na jam'iyyar ADC ya gudanar, har sai an samu wani sabon hukunci daga kotu.

Ana sa ran za a fitar da cikakkun bayanan hukuncin nan gaba.

Jam'iyyar PDP ta Kasa ta bawa dan takarar Gwamnan Jigawa na Jam'iyyar Alhaji Mustapha Sule Lamido (Santurakin Dutse) sha...
24/06/2026

Jam'iyyar PDP ta Kasa ta bawa dan takarar Gwamnan Jigawa na Jam'iyyar Alhaji Mustapha Sule Lamido (Santurakin Dutse) shaidar lashe zaɓen cikin gida da kuma amincewar hukumar zabe ta Kasa na takararsa.

Shugaban Jam'iyyar PDP na Kasa Alhaji Abdulrahman Mohammed ne ya mika masa takardar yayin gudanar da taron tattaunawa na masu ruwa da tsakin Jam'iyyar na Kasa.

Allah yasa albarka
Allah ka iya mana
Allah ka yi mana Jagora.

YANZU-YANZU: Jam'iyyar PDP ta tsaida Professor Isa Ali Pantami CON a matsayin ɗan takarar Gwamnan jihar Gombe a zaɓe mai...
26/05/2026

YANZU-YANZU: Jam'iyyar PDP ta tsaida Professor Isa Ali Pantami CON a matsayin ɗan takarar Gwamnan jihar Gombe a zaɓe mai zuwa.

Jam’iyyar PDP a Jihar Jigawa ta bayyana shirinta na gudanar da taron tabbatar da Alhaji Mustapha Sule Lamido, wanda aka ...
23/05/2026

Jam’iyyar PDP a Jihar Jigawa ta bayyana shirinta na gudanar da taron tabbatar da Alhaji Mustapha Sule Lamido, wanda aka fi sani da Santurakin Dutse, a matsayin ɗan takarar gwamna na jam’iyyar gabanin zaɓen 2027.

An shirya gudanar da taron ne ranar Lahadi 24 ga watan Mayun 2026 da ƙarfe 10:00 na safe a dakin taro na MTown Hotel, kusa da Aminu Kano Triangle da ke kan titin Kiyawa a birnin Dutse.

Mustapha Sule Lamido, ɗan tsohon gwamnan Jihar Jigawa Alhaji Sule Lamido, shi ne ya wakilci PDP a zaɓen gwamna na 2023, kuma a baya-bayan nan ya samu goyon baya daga wasu manyan jiga-jigan jam’iyyar da masu ruwa da tsaki a jihar.

Tsohon gwamnan jihar Jigawa, , ya yi kira na musamman ga tsohon shugaban ƙasar Najeriya, , da ya dakatar da duk wani yun...
20/05/2026

Tsohon gwamnan jihar Jigawa, , ya yi kira na musamman ga tsohon shugaban ƙasar Najeriya, , da ya dakatar da duk wani yunƙuri na komawa cikin siyasar Najeriya a wannan lokaci da ƙasar ke fuskantar yanayin siyasa mai cike da ruɗani.

Lamido ya bayyana cewa Jonathan ya fahimci matsayinsa a Najeriya a matsayin jagora kuma tsohon shugaban ƙasa, wanda hakan ya sanya ya zama wata alama ta haɗin kan ƙasa. Ya ƙara da cewa Jonathan na cikin jerin manyan shugabannin duniya da ake girmamawa a matakin ƙasa da ƙasa.

A cewarsa, bai dace a jawo Jonathan cikin wannan yanayin siyasa mai cike da son kai da neman anfani na kashin kai ba, musamman ganin cewa saura kwanaki kaɗan a rufe tantancewar ‘yan takarar da za su fafata a zaɓen shekarar 2027.

Lamido ya ce jam’iyyun siyasar Najeriya sun rarrabu tare da rasa cikakkiyar manufa ta siyasa, inda mafi yawansu s**a mayar da hankali kan neman mulki kawai.

Ya bayyana cewa kiraye-kirayen da ake yi wa Jonathan ya dawo siyasa — ko da kuwa da kyakkyawar niyya ake yi — sun samo asali ne daga halin rashin tabbas da takaicin da Najeriya ke ciki.

“A halin yanzu, Jonathan ya kamata ya ci gaba da riƙe matsayinsa na mutunci da kima a matsayin wani ginshiƙi na ƙasa baki ɗaya,” in ji Lamido.

Ya ƙara da cewa duk da ana yaba irin wannan kira, amma kira ne na gaggawa da takaici wanda bai wuce bayyana damuwar jama’a ba.

Lamido ya jaddada cewa Jonathan bai kamata ya bari irin wannan kira na lallashi ya jawo shi komawa siyasa yanzu ba, yana mai cewa har yanzu akwai damar a ajiye shi domin wani lokaci na gaba.

Address

Jigawa
Jigawa

Telephone

+2348032820280

Website

Alerts

Be the first to know and let us send you an email when Jigawa Online Tv posts news and promotions. Your email address will not be used for any other purpose, and you can unsubscribe at any time.

Shortcuts

Share

Category