Assufiyyah MEDIA Concern AMCBP - 2027

28/10/2026

Yanzu haka daga Garin Bulkachuwa, inda Hon. Hauwa Abdulhamid yar amana ke rabawa mata 120 turamen zannuwa saboda Malam Usman Adamu Ahmed SUPHI Dan takarar Gwamnan jihar Bauchi a jam'iyar PDP 2027

Assufiyya MEDIA Concern For Bauchi Project 2027

28/10/2026

28/10/2026

BAUCHI, LOKACI YA YI NA ZAƁEN ADALCI!

Lokaci ya yi da al’ummar Jihar Bauchi za su yi tunani mai zurfi wajen zaɓen shugaban da zai mayar da hankali kan gina makomar jihar baki ɗaya, ba wanda zai fifita ’yan’uwa da abokan hulɗa a rabon damar ci gaba ba.

Lokaci ya yi da za mu zaɓi shugaban da ya tsaya takara domin yi wa jama’a hidima, ba wanda burinsa ya taƙaita ga cimma wata manufa ta musamman ba.

Babu shakka, kyautata wa ’yan’uwa da abokan arziki ba laifi ba ne. Amma mayar da dukiyar gwamnati kamar mallakar iyali, tare da fifita wasu a kan sauran al’umma, ya saɓa wa ƙa’idar adalci. Kuɗin gwamnati dukiyar al’umma ne, saboda haka ya kamata a yi amfani da su bisa adalci, domin kowane ɗan ƙasa ya amfana da haƙƙinsa.

Haka kuma, akwai bambanci tsakanin wanda ya tashi da kansa domin yi wa jama’a hidima da wanda wasu s**a tsayar saboda muradunsu. Wannan shi ne dalilin da ya sa muke kira ga al’ummar Bauchi da su yi nazari, su nutsu, sannan su zaɓi shugabancin da zai fi dacewa da buƙatunsu.

Malam Usman Adamu Ahmed SUPHI ya nuna sha’awarsa ta yi wa al’umma hidima tun kafin neman wannan muƙami. Tun ba yanzu ba, ya tallafa wa mutane ta hanyoyi daban-daban, ciki har da samar da ayyukan yi, taimaka wa marasa ƙarfi wajen samun matsuguni da tallafa wa marayu da masu ƙaramin ƙarfi wajen aure tare kawo ababen ci gaba musamman harkar ilimi.

Waɗannan su ne batutuwan da ya kamata al’umma su yi la’akari da su wajen tantance irin shugabancin da suke buƙata. Ba wai wata kyautar maza wuka da za'a baka yau gobe ka dawo ba, kyautar SUPHI kyauta ce ta kafuwa yadda ya saba.

Mu zabi Malam Usman Adamu Ahmed SUPHI da Alhaji Abdulkadir Alin Bababa, ƙarƙashin tutar PDP.

Domin samun adalci, gaskiya da ci gaba! Assufiyyah MEDIA Concern AMCBP - 2027

27/10/2026

Suphi dai sai ya zama Gwamnan jihar Bauchi 2027 insha Allah domin shi jama'a ne suke ajiye hotunan sa kuma koda kun yaga bazaku cire soyayyar a zukatan jama'ar jihar Bauchi an, sai dai ma ku kara ta.

Ku kuwa duwatsu kuke bi kuna fentewa da kangwaye don babu masu daukar tallan ku. Kuma insha Allahu tafiya kam sai kun tafi.

27/10/2026

KORAFI KAN LALATA OFISHIN YAƘIN NEMAN ZAƁE DA KAYAN KAMFEN NA MALAM USMAN ADAMU AHMED SUPHI A JIHAR BAUCHI

Muna gabatar da wannan ƙorafi ne domin jawo hankalin hukumomin da abin ya shafa da sauran masu ruwa da tsaki kan abin da ke faruwa na lalata wuraren magoya baya na yaƙin neman zaɓe da kayan kamfen na ɗan takarar Gwamnan Jihar Bauchi a ƙarƙashin Jam’iyyar PDP, Malam Usman Adamu Ahmed SUPHI.

Muna zargin cewa ana gudanar da waɗannan ayyuka ne da sa hannun Gwamnatin Jihar Bauchi, tare da amfani da ma’aikatan hukumar BAROTA wajen cire bannoni da sauran kayan kamfen na SUPHI tare da kwashe su. Muna kira da a gudanar da bincike mai zaman kansa domin tabbatar da gaskiyar waɗannan zarge-zarge da ɗaukar matakin da ya dace bisa doka.

Muna jaddada cewa siyasa ba rikici ba ce, kuma bambancin ra’ayin siyasa bai kamata ya zama dalilin tauye haƙƙin wasu ba. Dokokin zaɓe sune s**a bawa kowace jam'iya damar bayyana manufofinsu da tallata kansu, matuƙar suna bin ƙa’idojin da doka ta gindaya.

Saboda haka, muna kira ga Gwamnatin Jihar Bauchi da hukumomin tsaro da sauran hukumomin da abin ya shafa da su gaggauta bincika wannan al’amari, su dakatar da duk wani abu da zai iya tauye haƙƙin siyasa na kowane ɗan takara, tare da tabbatar da cewa kowa yana gudanar da harkokinsa na siyasa cikin lumana da bin doka.

Muna yin wannan kira ne domin bawa doka dama don aiwatar da aikin ta don a kare dukiyoyin da aka tanada domin harkokin siyasa, tare da tabbatar da cewa babu wata hukuma da za ta yi amfani da ƙarfin mulki wajen hana wani ɗan takara ko jam’iyya gudanar da halastattun ayyukanta.

Dimokuraɗiyya tana buƙatar adalci, bin doka da kuma bai wa kowa damar gudanar da harkokin siyasa cikin ’yanci da lumana.

Adalci ga kowa, bin doka shi ne ginshiƙin dimokuraɗiyya. Ba aiki da karfin iko domin hana Ɗan adawa tallata kansa ba, mu jihar Bauchi ce a gaban mu bazamu so abin da zai zama ya tada hankalin jama'a ba, kuma akidar tsayuwar SUPHI a neman Gwamnan jihar Bauchi shine ceto matasan mu da aka riga aka maida su karnukan farauta da yin fada ko gaba a tsakanin su. PDP Power, Bauchi SUPHI ne 2027

26/10/2026

PDP BAUCHI TA GANA DA MASU RUWA DA TSAKI, SUPHI YA SANAR DA TALLAFIN ₦25 MILIYAN

Jam’iyyar Peoples Democratic Party (PDP) ta Jihar Bauchi ta gudanar da wani muhimmin taro da masu ruwa da tsaki a sakatariyar jam’iyyar da ke Bauchi, domin tattauna hanyoyin ƙarfafa haɗin gwiwa da inganta ayyukan jam’iyyar gabanin zaɓen 2027.

Taron ya samu halartar shugabannin jam’iyyar na jiha da ƙananan hukumomi, shugabannin mata da matasa, mambobin kwamitin gudanarwa da kuma masu kula da tafiyar yaƙin neman zaɓen ɗan takarar gwamnan jihar na PDP, Malam Usman Adamu Ahmed SUPHI.

Da yake jawabi, shugaban PDP na jihar, Hon. Ibrahim Kashim, ya jaddada muhimmancin kyautata alaƙa tsakanin shugabanni da mambobin jam’iyyar, tare da ƙarfafa haɗin kai wajen gudanar da ayyukan jam’iyyar.

A nasa jawabin, Malam Usman Adamu Ahmed SUPHI ya gode wa mahalarta taron bisa gudummawar da suke bayarwa ga jam’iyyar da kuma ƙoƙarinsu wajen tafiyar da harkokin yaƙin neman zaɓensa.

Haka kuma, ya sanar da bayar da tallafin kuɗi har Naira miliyan 25 (₦25,000,000) ga mambobin jam’iyyar da s**a halarci taron, domin ƙarfafa musu gwiwa da rage musu nauyin dawainiya.

Assufiyyah MEDIA Concern AMCBP - 2027