Tharkayta Youths Strike Committee

02/03/2026

18/02/2026

သာကေတ ၈ ရပ်ကွက်တွင် မဘသနှင့်အမျိုးသားရေးအစွန်းရောက် တင်ဌေးအောင် အုပ်ချုပ်ရေးမှူးအသစ် ဖြစ်လာပြီးနောက် စစ်မှုထမ်း ပေါ်တာဆွဲမှုများနှင့် ငွေညှစ်မှုများ အလွန်ဆိုးရွားလာ၊

ရန်ကုန်တိုင်း သာကေတမြို့နယ် ၈ ရပ်ကွက်တွင် စစ်တပ်က မဘသနှင့် အမျိုးသားရေးအစွန်းရောက် တင်ဌေးအောင် (ခ) အကြီးကောင်ကို အုပ်ချုပ်ရေးမှူးအဖြစ် ခန့်အပ်ပြီးနောက်ပိုင်း ရပ်ကွက်အတွင်း စစ်မှုထမ်းရန် လူစုဆောင်းခြင်း၊ ပေါ်တာဆွဲမှုများနှင့်ငွေညှစ်မှုများ အလွန်ဆိုးရွားလာနေကြောင်း ဒေသပြည်သူများက ရန်ကုန်ခေတ်သစ်သတင်းဌာနထံသို့ ပြောဆိုသည်။

ဒေသပြည်သူများ၏ အဆိုအရ အုပ်ချုပ်ရေးမှူး တင်ဌေးအောင်က အုပ်ကြီးဖြစ်လာပြီးနောက် စစ်တပ်အတွက် ပေါ်တာဆွဲ ဖမ်းဆီးခြင်း၊ လူသစ်စုဆောင်းခြင်းနှင့် စစ်မှုထမ်းအကြောင်းပြ ငွေညှစ်မှုများကို အကြီးအကျယ်လုပ်ဆောင်လာကြောင်း၊ စစ်တပ်ခိုင်းစေသမျှအားလုံးကို တသွေမတိမ်း လိုက်ပါ လုပ်ဆောင်နေပြီး ပြည်သူများကို ရွေးကောက်ပွဲ မဲထည့်ရန် ဖိအားခြင်း၊ ပြည်ထောင်စုနေ့ နေအိမ်တိုင်း နိုင်ငံတော်အလံလွှင့်ထူခိုင်းခြင်းအပါအဝင် စစ်တပ်အလိုကျ လုပ်ရပ်မှန်သမျှကို ခြိမ်းခြောက် ဖိအားပေး ခိုင်းစေနေကြောင်း သိရှိရသည်။

"အကြီးကောင် အုပ်ကြီးဖြစ်လာတော့ ပြည်သူတွေမှာ စစ်မှုထမ်းကြေးဆို လစဉ် ငွေသောင်းဂဏန်းပေးရတယ်။ ရပ်ကွက်ထဲမှာ လူငယ်လူရွယ်ဆိုရင်လည်း အကုန်ဆွဲတယ်။ လမ်းပေါ်တွေမှာလည်း သူတို့ အဖွဲ့က အိမ်စီးကားတွေနဲ့ လူငယ်တွေကို လိုက်ဖမ်းတယ်။ ငွေနဲ့ ပြန်ရွေးခိုင်းတယ်။ လူမပြည့်လို့ ဧည့်စာရင်း စစ်မယ်ဆိုပြီး အိမ်ပေါ် ခြင်ထောင်လှန်ပြီးတော့ လူငယ်တွေကို တက်ဖမ်းနေတာ။ စစ်တပ်က နည်းနည်းလုပ်ခိုင်းရင် အဲဒီအကြီးကောင်က ခပ်များများလုပ်နေတာ။ လူမိုက်အုပ်စုလို အုပ်စုဖွဲ့ သွားလာနေတဲ့အပြင် ပြည်သူလူထုကို အတော်ကို အနိုင်ကျင့်နေတာ" ဟု သာကေတမြို့နယ်၊ အမှတ် ၈ ရပ်ကွက်မှ ပြည်သူတစ်ဦးက ပြောဆိုသည်။

ယင်းအပြင် သာကေတမြို့နယ် ၈ ရပ်ကွက်ရှိ စျေးဆိုင်များ၊ လုပ်ငန်းများ၊ စတိုးဆိုင်နှင့် လုပ်ငန်းများကိုလည်း အုပ်ချုပ်ရေးမှူး တင်ဌေးအောင်(ခ) အကြီးကောင်နှင့်အဖွဲ့က အကြောင်းအမျိုးမျိုးပြ ငွေညှစ်များ လုပ်ဆောင်နေပြီး ယင်းသို့ငွေညှစ်မှုများတွင် ထွေအုပ်စာရေးမ ချယ်ရီခင်နှင့် အုပ်ချုပ်ရေးအဖွဲ့ဝင် ဝင်းသိန်းအေး၊ ယာယီအုပ်ချုပ်ရေးမှူးဟောင်း မြတ်ကိုကိုစိုး (ခ) မြတ်ကို၊ သိန်းလွင် (ခ) သူကြီး၊ ကျော်ဇင်ဝင်းနှင့် အောင်ကိုတို့က ပါဝင် ငွေညှစ် မိုက်ကြေးခွဲလေ့ရှိကြောင်း သိရှိရသည်။

#စစ်မှုထမ်း

04/02/2026

စစ်အာဏာသိမ်း ၅ နှစ်ပြည့် လှုပ်ရှားမှု

"ရန်ကုန်ဟာ တော်လှန်ဆဲ ပုန်ကန်ဆဲ" လှုပ်ရှားမှုအား ယနေ့ ဖေဖော်ဝါရီ ၄ ရက်နေ့တွင် ရန်ကုန်မြို့နေရာအချို့၌ ဆန့်ကျင်လှုပ်ရှားမှုပြုလုပ်ခဲ့ကြပါသည်။

စစ်အာဏာသိမ်း ၅ နှစ်ပြည့်အား ရန်ကုန်အတွင်းရှိ တော်လှန်ရေး အင်အားစုအများအပြင် ကျောင်းသားအဖွဲ့အစည်းများ လူငယ်အဖွဲ့အစည်းများ အလုပ်သမား လယ်သမားအဖွဲ့အစည်းများပါဝင်သည့် ကြေညာချက်တစ်စောင်အားလည်း ပြည်သူလူထုထံ ထုတ်ပြန်ကြေညာခဲ့သည့်အတိုင်း တပ်ပေါင်းစု၍ အတူရပ် စစ်၃စစ်ကို အမြစ်ဖြတ်ဖို့ ဆက်လက်ချီတက် တိုက်ပွဲဝင်ကြဖို့ ထပ်မံတိုက်တွန်းအပ်ပါသည်။

ဤ လှုပ်ရှားမှုအား မင်္ဂလာတောင်ညွန့်မြို့နယ်လုံးဆိုင်ရာအထွေထွေသပိတ်ကော်မတီ၊ တာမွေမြို့နယ်သပိတ်ကော်မတီ၊ ရွှေပြည်သာမြို့နယ်သပိတ်ကော်မတီ၊ သာကေတမြို့နယ်သပိတ်ကော်မတီ နှင့် New Generation Force မှ ရဲဘော်များမှ ပူးပေါင်းလှုပ်ရှားခဲ့ကြပါသည်။

01/02/2026

စစ်အာဏာသိမ်း (၅) နှစ်ပြည့် စစ်အာဏာရှင်စနစ်ဆန့်ကျင်တော်လှန်ရေးအင်အားစုများ၏ ထုတ်ပြန်ကြေညာချက်

၂၀၂၆ ခုနှစ်၊ ဖေဖော်ဝါရီလ ၁ ရက်

တော်လှန်ရေးအင်အားစုရဲဘော်များနှင့် လူမျိုးပေါင်းစုံပြည်သူလူထုအပေါင်းတို့….

ယနေ့ဆိုလျှင် မင်းအောင်လှိုင် စစ်အုပ်စုမှ ပြည်သူလူထု၏ အချုပ်အခြာအာဏာအား အတင်းအဓမ္မ သိမ်းပိုက်ခဲ့သည်မှာ (၅) နှစ်ပင်ပြည့်ခဲ့ပြီ ဖြစ်သည်။ ၂၀၂၁ ခုနှစ် စစ်အာဏာသိမ်းချိန်မှစ၍လည်း ပြည်သူလူထုအနေဖြင့် စစ်အာဏာရှင်စနစ်အား တခဲနက် အုံကြွဆန့်ကျင်ခဲ့ကြသည်မှာ လက်နက်ကိုင် တော်လှန်ရေး အသွင်ထိပါ ကူးပြောင်း တိုက်ပွဲဝင်လာနိုင်သည်အထိ တော်လှန်ရေးရဲ့ အရှိန်အဟုန်မှာ မီးဟုန်းဟုန်းတောက်ခဲ့ပါပြီ။ တဖက်မှာလည်း စစ်အုပ်စုက လူထုတော်လှန်ရေးကြီးအား ရက်ရက် စက်စက် ဖြိုခွင်းချေမှုန်းခဲ့သလို နည်းလမ်းပေါင်းစုံဖြင့် အရပ်သား ပြည်သူများအား ပစ်မှတ်ထား၍ နေ့စဉ်ရက်ဆက် တိုက်ခိုက်လျက် ရှိပါသည်။

သို့ရာတွင် လူထု၏ ဒေါသမီးတောက်ကိုသာ ကြုံတွေ့နေရသည့် စစ်အုပ်စုသည် နိုင်ငံရေး ထွက်ပေါက်ရရန် အတုအယောင် ရွေးကောက်ပွဲတရပ်အား ကျင်းပ၍ လူထုနှင့် ပြည်တွင်းပြည်ပ အင်အားစုများအား မျက်လှည့်ပြ လှည့်စားရန် ကြံရွယ်နေပါသည်။ ထိုရွေးကောက်ပွဲမှာလည်း လူထုထောက်ခံမှု၊ စိတ်ဝင်စားမှုအား တစိုးတစိမျှ မရခဲ့ဘဲ စစ်အုပ်စု အလိုကျ ချယ်လှယ်ထားမှန်း လယ်ပြင်မှာ ဆင်သွားသကဲ့သို့ အတိုင်းသား မြင်နေရပါသည်။

စစ်အုပ်စု အလိုကျရွေးကောက်ပွဲမှာ ၂၀၂၆ ဇန်နဝါရီလ ၂၅ ရက်နေ့မှာ ပြီးဆုံးခဲ့ပြီဖြစ်သော်လည်း ပြည်သူလူထုအား ဆက်လက်လှည့်ဖျား၍ တော်လှန်ရေး အရှိန်အဟုန် ယုတ်လျော့စေရန် စစ်အုပ်စုက ဆက်လက် အားထုတ်သွားမည်မှာ မြေကြီးလက်ခတ်မလွဲပင်ဖြစ်ပါသည်။ ထို့ကြောင့် ပြည်တွင်းပြည်ပ တော်လှန်ရေး အင်အားစုများနှင့် ပြည်သူလူထုကြီးအနေဖြင့် စစ်အုပ်စု၏ မည်သည့် အရိုးအရင်း လွတ်လပ်ခွင့်၊ ရွှေရည်စိမ်အပြောင်းအလဲကိုမျှ လက်မခံဘဲ စစ်အာဏာရှင်စနစ် အမြစ်ပြတ် ကျဆုံး သည်အထိ တိုက်ပွဲဝင်သွားရန် ကျွန်ပ်တို့ တော်လှန်ရေးအင်အားစုများမှ တိုက်တွန်းလိုပါသည်။

အစိုးရနေရာများ၊ အုပ်ချုပ်သူနေရာများတွင် မည်မျှပြောင်းလဲမှုများ ဖြစ်သွားစေကာမူ စစ်အာဏာရှင် စနစ် တည်ရှိနေသမျှကာလပတ်လုံး ကျွန်ုပ်တို့အနေနှင့် ဤစနစ်၏ ဆိုးမွေများကို အနုနည်း၊ အကြမ်းနည်းမျိုးစုံဖြင့် ခံစားနေရဦးမည်ဖြစ်ကြောင်းကို နေဝင်းစစ်အုပ်စု၊ သန်းရွှေစစ်အုပ်စု၊ သိန်းစိန်စစ်အုပ်စု စသည့် စစ်အုပ်စု၏ ထပ်တလဲလဲ အပြောင်းအလဲများက သမိုင်းသက်သေ ထူခဲ့ပြီး ဖြစ်သည်။ ထို့ကြောင့် ကျွန်ုပ်တို့သည် စစ်အုပ်စု၊ စစ်အစိုးရ၊ စစ်ဗျူရိုကရေစီ ယန္တယား ဆိုသည့် စစ်သုံးစစ်နှင့် အခိုင်အမာတည်ဆောက်ထားသည့် စစ်အာဏာရှင်စနစ် အမြစ်ပြတ် ပြုတ်ကျသွား သည်အထိ အဆုံးသတ်တိုက်ပွဲဝင်သွားမှသာ ဤစနစ်၏ ဖိနှိပ်မှုသံသရာက လွတ်မြောက်နိုင်မည် ဖြစ်သည်။

ထိုသို့ တိုက်ပွဲဝင်ရာတွင်လည်း ကျွန်ုပ်တို့ တော်လှန်ရေးအင်အားစုများသည် ပြည်သူလူထုကို မျက်နှာ မမူနိုင်၊ အဖွဲ့အစည်းချင်းချင်းကြား မိတ်ဖက်ပဋိပက္ခများအား ဘေးမချိတ်နိုင်ပါက နွားကွဲရင် ကျားဆွဲ သကဲ့သို့ ဝါးအစည်းပြေတော့မည့် အန္တရာယ်ကို စိုးရိမ်နေရမည်ဖြစ်သည်။ ထို့ကြောင့် ကျွန်ုပ်တို့သည် စစ်အာဏာရှင်စနစ် အမြစ်ဖြတ်ချေမှုန်းရေး ဘုံရည်မှန်းချက်ပေါ် အခြေခံသည့် စုစည်းညီညွတ်သော ခိုင်မာတဲ့တပ်ပေါင်းစုတရပ်ပေါ်ထွက်လာအောင် ဆောင်ရွက်ရန် အလျင်အမြန် လိုအပ်နေပြီဖြစ်သည်။ သမိုင်းကို လှန်လှောကြည့်မည်ဆိုလျှင်လည်း နယ်ချဲ့ဆန့်ကျင်ရေးကာလတွင် အင်အားစုအသီးသီးမှ ဖက်ဆစ်ဆန့်ကျင်ရေးနှင့် ပြည်သူ့လွတ်လပ်ရေး - ဖဆပလ တပ်ပေါင်းစုကြီး အဖြစ် စုစည်းခဲ့ကြပြီး ဗမာပြည်သူလူထုအပေါ် ဗိုလ်ကျစိုးမိုးနေသည့် ဖက်ဆစ် ဂျပန်တို့အား တိုက်ထုတ်နိုင်ခဲ့သည်။ ၁၀၂၇ စစ်ဆင်ရေးတွင်လည်း တောင်တန်းမြေပြန့် တော်လှန်ရေး အင်အားစု အသီးသီး ပေါင်းစည်း၍ စစ်ကောင်စီတပ်များအား ချေမှုန်းနိုင်ခဲ့သည်မှာ တော်လှန်ရေးအတွက် အရှိန်အဟုန်ကို မြှင့်တင် ပေးခဲ့သော ခြေလှမ်းများပင်ဖြစ်သည်။

ထို့ကြောင့် စစ်အုပ်စု၏ ဖိနှိပ်မှုများနှင့် အတုအယောင်ခြေလှမ်းသစ်များကို အန်တုတိုက်ထုတ်နိုင်ရန် ကျွန်ုပ်တို့ တော်လှန်ရေးအင်အားစုများအနေဖြင့် ပြည့်ဝသော စည်းရုံးရေးလုပ်ဟန်၊ ညီညွတ်ရေးရှေးရှု သော သဘောထားအမြင်များဖြင့် ခိုင်မာသော မဟာမိတ်များ စုစည်းတည်ဆောက်ခြင်းမှတဆင့် စစ်အာဏာရှင်စနစ်တိုက်ဖျက်ရေး ဘုံရည်မှန်းချက်အပေါ် အခြေခံသည့် အင်အားစုပေါင်းစုံ ပါဝင် သည့် တပ်ပေါင်းစုကြီးတရပ် မဖြစ်မနေတည်ဆောက်ကြရမည်ဖြစ်သည်။

ယနေ့ ၂၀၂၆ ခုနှစ်၊ ဖေဖော်ဝါရီလ ၁ ရက်နေ့တွင် ကျရောက်သည့် စစ်အာဏာသိမ်း (၅)နှစ်ပြည့်မှစ၍ ကျွန်ုပ်တို့ တော်လှန်ရေးအင်အားစုအသီးသီးအနေဖြင့် စစ်သုံးစစ်အမြစ်ဖြတ်ရေး ဘုံရည်မှန်းချက်ပေါ် ရပ်ခံကာ အင်အားစုအားလုံးစုပေါင်းတည်ဆောက်ထားသည့် ကျယ်ပြန့်သော တပ်ပေါင်းစုကြီးတရပ် မဖြစ်မနေ ထွက်ပေါ်လာနိုင်ရန် ကြိုးပမ်းရင်း လူထုကိုမျက်နှာမူလျက် တော်လှန်ရေး၏ အရှိန်အဟုန် အား မြှင့်တင်သယ်ဆောင်ကြပါစို့လို့ ကျွန်ုပ်တို့ တော်လှန်ရေးအင်အားစုများမှ တိုက်တွန်းနှိုးဆော် လိုက်ရပါသည်။

“တပ်ပေါင်းစု၍ အတူရပ်
စစ်သုံးစစ်ကို အမြစ်ဖြတ်”

ပူးတွဲထုတ်ပြန်ချက်တွင်ပါဝင်သည့် အဖွဲ့အစည်းများ -

ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ချုပ်
ဗမာနိုင်ငံလုံးဆိုင်ရာတောင်သူလယ်သမားသမဂ္ဂများအဖွဲ့ချုပ်
ရန်ကုန်တော်လှန်ညီနောင် ၄ ဖွဲ့
ရေဘဝဲ (ပြည်သူ့အကျိုးပြုလူငယ်အဖွဲ့အစည်း)
Yangon Revolution Force (YRF)
မင်္ဂလာတောင်ညွန့်မြို့နယ်လုံးဆိုင်ရာအထွေထွေသပိတ်ကော်မတီ
စမ်းချောင်းပင်မသပိတ်စစ်ကြောင်း
တာမွေမြို့နယ်သပိတ်ကော််မတီ
ကြည်မြင်တိုင်မြို့နယ်လူငယ်များသပိတ်ကော်မတီ
သာကေတမြို့နယ်သပိတ်ကော်မတီ
ရွှေပြည်သာမြို့နယ်သပိတ်ကော်မတီ
လှိုင်ဒီမိုကရက်တစ်ကွန်ရက်
ဗမာနိုင်ငံလုံးဆိုင်ရာအမျိုးသမီးများသမဂ္ဂ
အခြေခံပညာကျောင်းသားလူငယ်များအစည်းအရုံး - အကလ
ကျောင်းသားအင်အားစုများကွန်ယက်
လူ့ဘောင်သစ်လူငယ်
မျိုးဆက်သစ်လူငယ်များအင်အားစု
ရတနာပုံတက္ကသိုလ်ကျောင်းသားများသမဂ္ဂ
စီဒီအမ်ပညာရေးဝန်ထမ်းများသမဂ္ဂ
လီဆူလူငယ်ကွန်ဂရက်
တိုးတက်သော မွတ်စ်လင်မ် လူငယ်များအစည်းအရုံး
မြန်မာနိုင်ငံအလုပ်သမားတပ်ပေါင်းစု
ဆန်မာတေးအိုရ်ဗမာပြည်ကျောင်းသားများအစည်းအရုံး

#တပ်ပေါင်းစု၍အတူရပ်_စစ်၃စစ်ကိုအမြစ်ဖြတ်

26/10/2025

သာကေတ တွင် နေခင်းကြောင်တောင် ပေါ်တာဆွဲ

26/အောက်တိုဘာ

ယနေ့ နေ့လည်ပိုင်း က ဧရာဝဏ်လမ်းမပေါ် မျိုးသိန်းအီလက်ထရောနစ် အနီးဘတ်စ်ကားမှတ်တိုင်တွင် ဘတ်စ်ကားစောင့်ဆိုင်းနေသော လူငယ်၂ဦးအား အကြမ်းဖက်စစ်တပ်မှ ဖမ်းစီးခေါ်ဆောင်သွားကြောင်းသိရှိရပါတယ်။
ယခုရက်ပိုင်းအတွင်း သာကေတမြို့နယ်အတွင်း ဖမ်းဆီးပေါ်တာဆွဲ ခံရသည်လူငယ် ၁၀ထက်မနည်းရှိကြောင်းလည်း သတင်းများအရသိရှိရပါတယ်။

#ဒေါပုံ #သာကေတ #ပေါ်တာ #ပြည်သူ့မီဒီယာ

24/10/2025

ရန်ကုန်တိုင်း၊ သာကေတမြို့နယ်တွင် အသက် ၂၁ နှစ်အရွယ် လူငယ်တစ်ဦးကို သာကေတ အမှတ် ၉ ရပ်ကွက်အုပ်ချုပ်ရေးမှူးနှင့်အဖွဲ့က အောက်တိုဘာလ ၁၉ ရက်နေ့ညပိုင်း‌ ပေါ် တာဆွဲ ဖမ်းဆီးပြီး အောက်တိုဘာလ ၂၀ ရက်နေ့ ဧရာဝတီတိုင်း ကျုံပျော်မြို့ရှိ စစ်မှုထမ်းလိုအပ်နေသော ရပ်ကွက်တစ်ခုသို့ ငွေကျပ် ၁၂၅ သိန်းဖြင့်ရောင်းစားခဲ့ကြောင်း သိရှိရသည်။ ယင်းကဲ့သို့ စစ်မှုထမ်းလူစားထိုးအဖြစ် ရောင်းချလိုက်ကြောင်း သတင်းရရှိသည်နှင့် မိဘများနှင့် ဆွေမျိုးများက အောက်တို ဘာလ ၂၁ ရက်နေ့ လိုက်လံရွေးထုတ်ရာ အောက်တိုဘာလ ၂၂ ရက်နေ့တွင် ပြန်လည် ခေါ်ယူနိုင်ခဲ့ကြောင်း၊ ဖမ်းရောင်းသည့် အုပ်ချုပ်ရေးမှူးနှင့်အဖွဲ့ကို အမှုဖွင့်ခဲ့ခြင်းကြောင့် အောက်တိုဘာ ၂၄ ရက်နေ့တွင် ဖမ်းဆီးခံခဲ့ရကြောင်းသိရှိရပါသည်။

#စစ်မှုထမ်း #သာကေတ #ပေါ်တာ

14/09/2025

ပေါ်တာသတိပြုရန် 🚨

ရန်ကုန်/မန်းလေးမှာ စခ/ပျူ တွေ နေ့ရောညပါ ဝစ်သောက်ကားတွေနဲ့ လမ်းကြိုလမ်းကြားပါမကျန် လှည့်ပတ်ပြီး လူဆွဲတာတွေ အရမ်းစိတ်လာပါတယ်။

သူတို့အသုံးများတဲ့ကားအမျိုးအစားတွေ
Mark 2 99/Crown/ရွှေငါး Mark2/Alphard/Kluger

#သတိထားရန်

ကားတွေနံပါတ်ပြားက ကားမော်ဒယ်နဲ့အက္ခရာနံပါတ်မလိုက်တာ၊ နံပါတ်ပြားမှာ YGN/Mdy နဲ့ အက္ခရာ နံပါတ်ပဲပါပြီး ကညန တရားဝင်နံပါတ်ပြားလို အောက်ခြေမှာကားအမျိုးအစားမပါတာ၊ ကားတွေဟာ မီးခွဲကွဲ၊ဘန်ပါကွဲ၊ ပါးခြမ်းတချိုးစုတ်နေတာ (ကားကိုပစ္စလက်ခတ် စီးထားတာ) အဲ့လိုကားမျိုးတွေဆို သတိထားပါ။

အရွယ်ကောင်းလူငယ်လူရွယ်တွေ မလိုအပ်ရင် အပြင်မထွက်တာ အကောင်းဆုံးပါ။ မဖြစ်မနေသွားရင် အဖော် (လူကြီးဆိုပိုကောင်း) ပါပါစေ။

(အခုက နေရာအနှံ့ စမထ လိုအပ်ချက်များနေတော့ ဒီကဖမ်းဟိုဖက်နယ်ရောင်းစား၊ ဟိုဘက်က ဖမ်းဒီဘက်ပို့နဲ့ လူအရောင်းအဝယ်အလဲအထပ်တွေအရမ်းလုပ်ပြီး ခွေးသားများ ငွေရှာကြမ်းနေကြတယ်)

#ကူးပြီးပြန်တင်ချင်တင် ခရက်ဒစ်မလို

23/06/2025

▪️သာကေတတွင် အကြမ်းဖက် ရဲ ၁ ယောက် ဆိုင်ကယ်မှောက်ပြီး သေဆုံး

သာကေတမြို့နယ်ထဲတွင် ယမန်နေ့ညက အကြမ်းဖက် ရဲတပ်ကြပ် ၁ ဦး ဆိုင်ကယ် မတော်တဆဖြစ်ပြီး သေဆုံးသွားကြောင်း သတင်းရရှိသည်။

ဇွန်လ ၂၂ ရက်နေ့ ည ၉ နာရီခွဲခန့်တွင် အဆိုပါ ရဲတပ်ကြပ် (လက်မောင်း ၂ ရစ်) သာကေတမြို့နယ်၊ ရတနာလမ်းမှ ဧရာဝဏ်လမ်းဘက်သို့ ဆိုင်ကယ်စီး၍ သွားလာနေစဉ် လမ်းဆုံထောင့်အရောက် အခြားဆိုင်ကယ် ၁ စီးဖြင့် တိုက်မိကာ ပွဲချင်းပြီး သေဆုံးသွားခြင်းဖြစ်ကြောင်း သိရသည်။

အဆိုပါ ရဲတပ်ကြပ်မှာ အရက်မူးမူးဖြင့် ဆိုင်ကယ်မောင်းလာပုံရပြီး သာကေတ အမှတ် ၂ ရဲစခန်းမှ ဖြစ်ကြောင်းလည်း သိရသည်။

23 Jun 2025

29/03/2025

🔴 ငလျင်သတင်းတု သတိပြု (ရန်ကုန်)

မိဘပြည်သူများခင်ဗျာ
- ‌ဘယ်နေရာ
- ဘယ်အချိန်
- ဘယ်လိုအကြောင်းကြောင့်
- ဘယ်ဌာနက ထုတ်ပြန်တယ်ဆိုတဲ့

အချက်အလက်များတိတိကျကျမပါ၀င်တဲ့
Attention ရရုံ ၊ မခိုင်လုံတဲ့သတင်းများအပေါ် စိစစ်မှုမရှိဘဲ အယုံမလွယ်ကြပါနဲ့ခင်ဗျာ

- သတင်းအချက်အလက်အမှားများဟာ မိဘပြည်သူတို့ဖြစ်ပေါ်နေတဲ့ စိုးရိမ်စိတ်ပိုမိုကြီးမားစေပြီး နေ့စဉ်လူမှုဘ၀ကို ကမောက်ကမ ပိုဖြစ်စေနိုင်ပါတယ်

- ငလျင်ဟာ တိတိကျကျခန့်မှန်းနိုင်တဲ့အရာမဟုတ်သလို နောက်ဆက်တွဲငလျင်များဟာလဲ 7.7 ထက် ပိုမိုအားနည်းသွားမည့်အခြေနေသာရှိပါတယ် ၊ အပြင်းထန်၀င်ရောက်နိုင်ကြောင်းလဲ မည်သည့်ငလျင်သတင်းဌာနမှ မထုတ်ပြန်သေးပါ

- မိဘပြည်သူများ အိုးအိမ်စွန့်ခွာနေချိန် ချောင်းနေကြနိုင်တဲ့ တောကြောင်များကြောင့် မိမိတို့တန်ဖိုးကြီးပစ္စည်းတွေ ခိုးယူခံ၊ပျောက်ဆုံးရနိုင်ပါတယ်

- မိမိတို့မိဘပြည်သူများအနေနဲ့ အရေးပေါ်အခြေအနေများအတွက်
. အရေးကြီးစာရွက်စာတမ်း
. အရေးပေါ်ဆေးဝါး
. အဖိုးတန်ပစ္စည်းများ
. အ၀တ်အစားအနည်းကျဉ်း စတာပါ၀င်တဲ့ Emergency Bag ပြင်ဆင်ထားကြဖို့သာ နှိုးဆော်လိုက်ရပါတယ်ခင်ဗျာ

- ဘေးဒုက္ခအခက်အခဲများအားလုံးကို ကျွန်ုပ်တို့တွေ အတူတကွ ရင်ဆိုင်ဖြတ်ကျော်ကြပါမယ်ခင်ဗျာ

01/02/2025

01/02/2025

- All Power To The People
- အာဏာအားလုံး လူထုဆီသို့

စစ်အာဏာသိမ်းခြင်း ၄ နှစ်ပြည့်နေ့အနေနဲ့ ရန်ကုန်မြို့လယ်‌ခေါင်မှာ ' All Power to the People ' ဆိုတဲ့ ဘန်နာကို GSC ရဲဘော်များက ဖက်ဆစ်တပ်ရဲ့ လုံခြုံရေးတင်းကြပ်မှု အထပ်ထပ်ကြားမှ ချိတ်ဆွဲခဲ့ပါတယ်။

ဖက်ဆစ်တပ်ရဲ့ လူထုအပေါ် ဖိနှိပ်မှုကြောင့် ဖြစ်ပေါ်လာတဲ့ အထွေထွေအကြပ်အတည်းများ ၊ အမျိုးသား/အမျိုးသမီးလူငယ်များပါမကျန် မတရားစစ်မှုထမ်းဥပဒေဖြင့် ဖမ်းဆီးမှုများကြား ပူပန်သောကများနေရတဲ့ လူထုထံ တသားတည်းရှိကြောင်း၊
လူထုကြီး၏ အာဏာအလုံးစုံသည် လူထုလက်ထဲသို့ ဧကန်ရောက်ရှိရမည်သာဖြစ်ပြီး ၊ ကြပ်တည်းပိတ်မိနေကာ ထွက်ပေါက်ရှာလာနေတဲ့ ဖက်ဆစ်တပ်ကို လူထုတရပ်လုံးအားဖြင့် ပိတ်ဆို့တိုက်ဖျက်အောင်ပွဲအရယူကြမည်ဖြစ်ကြောင်း သတင်းစကားပါးအပ်ရခြင်း ဖြစ်ပါတယ်

#အာဏာအားလုံးလူထုဆီသို့
#ပြည်သူအပေါင်းရွှင်လန်းအားတက်စေ

01/02/2025

- All Power To The People
- အာဏာအားလုံး လူထုဆီသို့

စစ်အာဏာသိမ်းခြင်း ၄ နှစ်ပြည့်နေ့အနေနဲ့ ရန်ကုန်မြို့လယ်‌ခေါင်မှာ ' All Power to the People ' ဆိုတဲ့ ဘန်နာကို GSC ရဲဘော်များက ဖက်ဆစ်တပ်ရဲ့ လုံခြုံရေးတင်းကြပ်မှု အထပ်ထပ်ကြားမှ ချိတ်ဆွဲခဲ့ပါတယ်။

ဖက်ဆစ်တပ်ရဲ့ လူထုအပေါ် ဖိနှိပ်မှုကြောင့် ဖြစ်ပေါ်လာတဲ့ အထွေထွေအကြပ်အတည်းများ ၊ အမျိုးသား/အမျိုးသမီးလူငယ်များပါမကျန် မတရားစစ်မှုထမ်းဥပဒေဖြင့် ဖမ်းဆီးမှုများကြား ပူပန်သောကများနေရတဲ့ လူထုထံ
တသားတည်းရှိကြောင်း၊ လူထုကြီး၏ အာဏာအလုံးစုံသည် လူထုလက်ထဲသို့ ဧကန်ရောက်ရှိရမည်သာဖြစ်ပြီး ၊ ကြပ်တည်းပိတ်မိနေကာ ထွက်ပေါက်ရှာလာနေတဲ့ ဖက်ဆစ်တပ်ကို လူထုတရပ်လုံးအားဖြင့် ပိတ်ဆို့တိုက်ဖျက်အောင်ပွဲအရယူကြမည်ဖြစ်ကြောင်း သတင်းစကားပါးအပ်ရခြင်း ဖြစ်ပါတယ်

#အာဏာအားလုံးလူထုဆီသို့
#ပြည်သူအပေါင်းရွှင်လန်းအားတက်စေ