ပၢႆးဝူၼ်ႉၶပ်ႉ

14/03/2025

ၵူၼ်းႈၢင်ႈလီၼၼ်ႉ ဢမ်ႇၸႂ်ႈၵူၼ်းၸႂ်လီၵူႈၵေႃႉ၊ ၵူၺ်းၵႃႈ ၵူၼ်းၸႂ်လီ ၵူႈၵေႃႉၶဝ်တေႉ ပဵၼ်ၵူၼ်းႁၢင်ႈလီ
ၵၼ်ၵူႈၵေႃႉယဝ်ႉဝႃႈ။

14/01/2025

🍀ႁိူၼ်းလင်ၼိုင်ႈ ၵတ်းယဵၼ် ၼႂ်းၽေးၾႆးမႆႈပႃႇထိူၼ်ႇ တီႈမိူင်းၶႄႇလီႇၾူဝ်းၼီးယႃး။
ၸဝ်ႈႁိူၼ်းလင်ၼႆႉ ပဵၼ်ၵူၼ်းၵိူဝ်းယမ်သႃႇသၼႃႇသေ ႁဵတ်းၵၢၼ်ပရႁိတ ၸွႆႈထႅမ်လုၵ်ႈဢွၼ်ႇၽၢၼ် ၼႂ်းမိူင်းဢႃႇၾရိၵ။🙏🪷
ႁိူၼ်းဢၼ်ၵိုတ်းဝႆႉၼႂ်းၾႆးၼၼ်ႉ လႆႈႁၼ်ဝႃႈ ၾႆးမႆႈပႅတ်ႈ ႁိူၼ်းၼႆႉယဝ်ႉ။
ၼႂ်းၸိူင်းပုတ်ႉထၸဝ်ႈ ႁိူၼ်းဢၼ်ၸဝ်ႈႁိူၼ်းၵႆႉႁဵတ်းၵၢၼ်လီ မီးလွင်ႈယုမ်ႇယမ်သႃႇသၼႃႇ မိူဝ်ႈၽေးၶဵၼ် မိူၼ်ၼင်ႇ ၽႅၼ်ႇလိၼ်ဝႆ ၾႆးမႆႈ လူမ်းလႅင်ႉလူင် .... မၼ်းမိူၼ်ၼင်ႇ လႆႈထုၵ်ႇ ၸဝ်ႈပုတ်ႉထ တမၢၼ်ႇၵၢင်ႁၢဝ် လႄႈ ပၵ်းပိူင် ၵႅတ်ႇၶႄပၼ် ႁႂ်ႈဢမ်ႇလႆႈပဵၼ် လွင်ႈဢမ်ႇထၢင်ႇဢမ်ႇထိူမ် ။
ၼႆႉၵေႃႈပဵၼ်ၽွၼ်းလီ တႃႇၵဵပ်းႁွမ်ၵၢမ်ႇလႄႈ လွင်ႈလီ လွင်ႈထမ်မ လွင်ႈယုမ်ႇယမ်ၼိူဝ်သႃႇသၼႃႇ ဢၼ်ၸဝ်ႈႁိူၼ်း လႆႈမီးလွင်ႈငမ်းယဵၼ်တႃႇသေႇ ဢမ်ႇမီးလွင်ႈလူႉသုမ်းၶူဝ်းၶွင် လႄႈ လွတ်ႈၽေးၾႆး။

ဢမိတပ်ႉပုတ်ႉထ။ 🙏🪷

🍀A home is at peace in California wildfires disaster.
The owner of the house is a religious man and does charity work to help poor children in Africa.🙏🪷
The house that was left in the fire, it appears that the fire has spared this house.
In Buddhist stories, houses where the owners of the house often do virtuous deeds, have Religious Beliefs, when disasters such as Earthquakes, Fires, Hurricanes, .... It seems to be protected by the Bodhisattva, the Angels and the Law from accidents.
This is also a blessing to accumulate karma and virtuous Meditation, faith in Religion that thanks to which the owner of the house is always in Peace, without property loss and escape from Fire.

Amitabha Buddha. 🙏🪷

Credit to Kelvin Cong Fb

10/01/2025

မၢၵ်ႇႁိၼ် ဢၼ်သၢၼ်ၶတ်း လွၵ်းပိူင် လႄႈ ပၢႆးသၢႆႊ ၼႂ်းလုမ်ႈၾႃႉတင်းမူတ်း။
မၢၵ်ႇႁိၼ် Idol ၶွင် Druid
̊ ̊ ̊ ̊
မၢၵ်ႇႁိၼ် Idol ၶွင် Druid ၼႆႉ မီးဝႆႉ ၽၢႆႇႁွင်ႇဝၼ်းတူၵ်း မိူင်းဢိင်ႇၵလၢၼ်ႇ၊ ဢၼ်မီးၼႂ်းၵႄႈ မၢၵ်ႇႁိၼ် ပရိမ်ႇႁၢမ်ႇ ၼႂ်းလွႆယွၵ်ႉသျႃး၊ တၢင်းသုင်မီးမွၵ်ႈ 9 ထတ်း (30 ပေႇ) ၊

မၢၵ်ႇႁိၼ် Druid’s Idol ၼႆႉ မီးမႃး ၸဵမ်မိူဝ်ႈ 325 လၢၼ်ႉပီႊ (မိူဝ်ႈပႆႇမီး တူဝ်သတ်း တၢႆႇၼူဝ်ႇ) သေ ၾိင်ႈၾႃႉရႃႇသီႇ လႅၵ်ႈလၢႆႈမႃးလႄႈ ၽိဝ်ၼႃႈမၢၵ်ႇႁိၼ်ၼၼ်ႉ လႆႈလူႉလႅဝ်ၵႂႃႇလႄႈ ပဵၼ်မႃး ႁၢင်ႈၽၢင် ဢၼ်ဢမ်ႇမိူၼ်ပိူၼ်ႈၼႆႉယဝ်ႉ။

#မၢၵ်ႇႁိၼ်
#ဢိင်ႇၵလႅၼ်ႇ

25/12/2024

ပေႃးမီးၼမ်ႉၸႂ်လီ
‌ေတႃႈၵူၼ်းယွၼ်ၵူၺ်းၵေႃႈ ၵဝ်ႁူမ်ႈပွင်းလႆႈ။
ပေႃးမီးၼမ်ႉၸႂ်ဢမ်ႇလီ ၵႃႈၶႂ်ႈတိုဝ်းပၢၼ်းၵုမ်းယႂ်ႇတၢၼ်ႇႁိုဝ်ၵေႃႈယဝ်ႉ ၵဝ်တိုၼ်းဢမ်ႇထၢင်ႇယႂ်ႇ။

17/12/2024

ႁႂ်ႈယုမ်ႉၺႅၼ်ႈတႃႇသေႇ

ၸူဝ်ႈၵိူတ်ႇမႃးလႄႈ ဢမ်ႇတွၼ်ႉယၢမ်ႈၺႅၼ်ႈ/ၶူဝ် သေပွၵ်ႈၼၼ်ႉ ယုမ်ႇယမ်ဝႃႈတေဢမ်ႇမီးၽႂ်။ မိူဝ်ႈ
ထုၵ်ႇလီႁႆႈၵေႃႈႁႆႈ၊ မိူဝ်ႈထုၵ်ႇလီၶူဝ်ၵေႃႈၶူဝ်၊ မိူဝ်ႈထုၵ်ႇ
လီယုမ်ႉၵေႃႈယုမ်ႉ ၸၢတ်ႈပၢၼ်ၵူၼ်းႁဝ်းၼႆႉ မၼ်းမိူၼ်
သၢႆလႅတ်ႇ မိူဝ်ႈလႅတ်ႇၵေႃႈမီး မိူဝ်ႈဝူတ်းၵုမ်ႈလပ်းသိင်ႇ
ၵေႃႈမီးယဝ်ႉ၊ ၼႆႉပဵၼ်ၽိင်ႈသၽႃႇဝ မိူင်းၵူၼ်းႁဝ်း ယဝ်ႉ။ ၽူႈတႅမ်ႈလိၵ်ႈ ၸိုဝ်ႈသဵင်ယႂ်ႇ Dale Carnegie
မၼ်းယၢမ်ႈတႅမ်ႈဝႆႉဝႃႈ ၼိုင်ႈဝၼ်းၼႆႉ ႁႂ်ႈလႆႈယုမ်ႉပၼ်
4 ပွၵ်ႈ၊ တင်းယုမ်ႉတင်းၺႅၼ်ႈၼႆႉ မၼ်းတေႁဵတ်းႁႂ်ႈ
ၸႂ်ႁဝ်းသိူဝ်းသႃႇသေ တေပၼ်ၽွၼ်းလီလွင်ႈမီးတၢင်း
မိုတ်ႈၵိုဝ်းၵၼ်တင်းၵူၼ်းၼမ်ၵွၼ်ႇ။

လွင်ႈယုမ်ႉၺႅၼ်ႈၼႆႉ မၼ်းပဵၼ်ၽွၼ်းလီႁႅင်းၸႂ် တွၼ်ႈ
တႃႇတူဝ်ၸဝ်ႈၵဝ်ႇဢမ်ႇၵႃး မၼ်းႁဵတ်းႁႂ်ႈႁဝ်းမီးဢူၺ်း
ၵေႃႉ ၼမ်ပႃးၸွမ်းယူႇ။

ၽွၼ်းလီလွင်ႈယုမ်ႉၺႅၼ်ႈၼႆႉ မီးယူႇ 9 မဵဝ်း
1. လွင်ႈယုမ်ႉၺႅၼ်ႈ မၼ်းၸၢင်ႈယႃပၼ်လွင်ႈႁိူဝ်ႉၸႂ်၊
လွင်ႈသုၵ်ႉၸႂ်ႁဝ်းလႆႈၵူႈၶၢဝ်း၊ ၵူၼ်းၸႂ်လဵၵ်ႉၸႂ်တူၵ်း
ၵေႃႈ မေႃၸၢင်ႈမီးႁႅင်းၸႂ်မႃး၊ ၵူၼ်းမီးလွင်ႈတိူဝ်ႉၸႂ်
ၵေႃႈ ၸၢင်ႈမီးလွင်ႈသိူဝ်းၸႂ်မႃး လွင်ႈတုၵ်ႉၶ လွင်ႈၸႂ်
ၸ ၸိူဝ်းၼႆႉၵေႃႈ မၼ်းယႃပၼ်ပႃးၸွမ်းထႅင်ႈ။

2. လွင်ယုမ်ႉၺႅၼ်ႈၶူဝ် ၶႃႈႁဝ်းယုမ်ႇယမ်ဝႃႈမၼ်းဢမ်ႇ
ႁိူဝ်ႉၸႂ်တွၼ်ႈတႃႇၽႂ်သေၵေႃႉ၊ ယုမ်ႇယမ်ဝႃႈၵူၼ်းႁဝ်း
ၵူႈၵေႃႉတေႁဵတ်းပဵၼ်လႆႈယူႇ။

3. ၵူၼ်းၵေႃႉယုမ်ႉၺႅၼ်ႈၶူဝ်ၼၼ်ႉ ဢမ်ႇမီးလွင်ႈယွမ်း
သုမ်းသင်ၵႂႃႇ၊ ၵူၼ်းၵေႃႉဢမ်လႆႈၶၢမ်ႇပိူၼ်ႈလႆႈယုမ်ႉ
ၺႅၼ်ႈတေႃႇၼၼ်ႉ တေမီးလွင်ႈႁၢၼ်ႉၸႂ်ၵွၼ်ႇ။ ၵွပ်ႈ
လွင်ႈယုမ်ႉၺႅၼ်ႈၼႆႉ တေႁဵတ်းႁႂ်ႈၼႂ်းၵေႈၵၢင်ၵူၼ်း
ၵူၼ်းသွင်ၵေႃႉ မီးလွင်ႈယုမ်ႇယမ်ၵၼ်ၶိုၼ်ႈမႃး။

4. လွင်ႈယုမ်ႉၶူဝ်ၼႆႉ ပၼ်ႁႃ ၼႂ်းၼႃႈႁိူၼ်းၵေႃႈၸၢင်ႈ
မီးလွင်ႈလီၵၼ်ၶိုၼ်ႈမႃး၊ ၼႂ်းၼႃႈၵၢၼ်တႃငၢၼ်းၵေႃႈ
တေမီးၵူၼ်းၶဝ်ႈဢွၵ်ႇၼမ်မႃး။

5. လွင်ႈယုမ်ႉၺႅၼ်ႈၼႆႉ ပၼ်လႆႈပႃးလွင်ႈၸပ်းၸႂ်ပိူၼ်ႈ
ထိုင်တီႈၼွၼ်းသေလွမ်ဝူၼ်ႉယူႇၼၼ်ႉယဝ်ႉ။

6. လွင်ႈယုမ်ႉၺႅၼ်ႈၶူဝ်ၼႆႉ ယုမ်ႉလႆႈ ၺႅၼ်ႈလႆႈ ၶူဝ်လႆႈၵူႈတီႈ ယဝ်ႉၵေႃႈဢမ်ႇလိူၵ်ႈၼႃႈ ၽၢၼ်ꧦမီးꧦ
ယွမ်ꧦပီးꧦယုမ်ႉၺႅၼ်ႈၶူဝ်လႆႈၵူႈၵေႃႉ။

7. လွင်ႈယုမ်ႉၺႅၼ်ႈၶူဝ်ၼႆႉ မီးၽွၼ်းလီ ဢၼ်ၵႃႈၶၼ်
ယႂ်ႇ သိုဝ်ႉဢဝ်ဢမ်ႇလႆႈ ဢမ်ႇတႅပ်းတတ်းၵႃႈၶၼ်မၼ်း
လႆႈၼၼ်ႉယဝ်ႉ။

8. လွင်ႈယုမ်ႉၶူဝ်ၼႆႉ ဢမ်ႇမီးၽႂ်တေဢမ်ႇၵျိူၵ်ႈ ဢမ်ႇ
မီးၽႂ် တေဢမ်ႇလႆႈၸႂ်၊ ယွၼ်ႉၼၼ်လွင်ႈ ယုမ်ႉၺႅၼ်ႈ ၶူဝ်ၼႆႉ ႁဵတ်းႁႂ်ႈဢူၺ်းၵေႃႉ ၵေႃႉမိုတ်ႈၵေႃႉၵိုဝ်းၼမ်။

9. လွင်ႈယုမ်ႉၺႅၼ်ႈၶူဝ်ၼႆႉ တေႁဵတ်းႁႂ်ႈ ၵူၼ်းႁဝ်း
ႁၢင်ႈလီလႄႈ ၼၢၼ်းထဝ်ႈၼၼ်ႉယဝ်ႉ။

သင်ဝႃႈ ပႆႇမေႃယုမ်ႉ၊ ၺႅၼ်ႈ၊ ၶူဝ်ၼႆၵေႃႈ ၵႂႃႇယူႇၽၢႆႇ
ၼႃႈမၢၼ်ႇၸမ်ႈသေ ၸၢမ်းၽိုၵ်း ယုမ်ႉ ၺႅၼ်ႈ ၶူဝ်
တူၺ်းၶႃႈလႄႈ ၸဝ်ႈၵဝ်ႇတေလႆႈႁူႉဝႃႈ လွင်ႈယုမ်ႉ
ၺႅၼ်ႈ ၶူဝ်ၼႆႉ မၼ်းတေမီးလွင်ႈသိူဝ်းၸႂ်ၵႃႈႁိုဝ် ဢၼ်
ဝႃႈၼၼ်ႉ။

လွင်ႈယုမ်ႉၺႅၼ်ႈၶူဝ် ဢၼ်ဝႃႈၼႆႉ မၼ်းၶႂ်ႈငၢႆးငၢႆးမိူၼ်
မၢၼ်ႇၸမ်ႈဝႆႉၼႄႈ၊ သဝ်ႁဝ်းမီးတၢင်းသိူဝ်း ၼႂ်းမၢၼ်ႇ
ၼၼိႉၵေႃႈတေႁၼ်ႁဝ်းသိူဝ်း။ ပေႃးႁဝ်းမီးလွင်ႈၸႂ် တုၵ်ႉၵေႃႈ လွင်ႈတုၵ်ႉၼၼ်ႉ မႃးပေႃႇတီႈၼႃႈတႃႁဝ်း ၵမ်းလဵဝ်။
ၶႂ်ႈယူႇၸိူင်ႉႁိုဝ်ယူႇ ၶႂ်ႈႁဵတ်းၵၢၼ်တုၵ်ႉတၢၼ်ႇႁိုဝ်ၵေႃႈ
လူဝ်ႇလႆႈမီးလွင်ႈယုမ်ႉၺႅၼ်ႈၶူဝ်ပၼ်ၸွမ်း၊ ၵၢၼ်တုၵ်ႉ
သေ သမ်ႉဢမ်ႇမီးလွင်ႈယုမ်ႉၺႅၼ်ႈၶူဝ်ပၼ်ၸွမ်းပေႃး
ၼႆ ႁဵတ်းၵၢၼ်ၵေႃႈ ဢမ်ႇၵျေႃႇၸႂ်သႄ ၶႂ်ႈယွမ်းၵၢၼ်ႉ
ၵၢၼ် ၶႂ်ႈႁူၼ်လင်ၵႂႃႇၵမ်းလဵဝ်ၼၼ်ႉယဝ်ႉ။

လွင်ႈလီၽၢင်ႉ

တႃႇတေမီးတၢင်းသိူဝ်း လွင်ႈယုမ်ႉၺႅၼ်ႈၶူဝ်ၸိူဝ်းၼႆႉ
ႁႂ်ႈမေႃတူၺ်းၵူၼ်း ၸွမ်းႁိမ်းႁွမ်း ဢၼ်ႁဝ်းယူႇၸွမ်း
လႄႈ တီႈထုၵ်ႇလီယုမ်ႉၺႅၼ်ႈၶူဝ်ယူႇ။ ၵွပ်ႈဝႃႈ မၢင် တီႈ/ မၢင်ပွၵ်ႈ လွင်ႈယုမ်ႉၺႅၼ်ႈၶူဝ်ႁဝ်းၼၼ်ႉ ၸၢင်ႈ ႁဵတ်းပဵၼ်လွင်ႈၵိူဝ်ႉပိူၼ်ႈၵေႃႈ ၸၢင်ႈပဵၼ်လႆႈယူႇ။

ၼပ်ႉယမ်ယႂ်ႇၼမ်သေ

ပၢႆးဝူၼ်ႉၶပ်ႉ

from လၢႆးပူၵ်းပွင်တူဝ်ၵဝ်ႇ

ၸူဝ်ႈၵိူတ်ႇမႃးလႄႈ ဢမ်ႇတွၼ်ႉယၢမ်ႈၺႅၼ်ႈ/ၶူဝ် သေပွၵ်ႈၼၼ်ႉ ယုမ်ႇယမ်ဝႃႈတေဢမ်ႇမီးၽႂ်။ မိူဝ်ႈ ထုၵ်ႇလီႁႆႈၵေႃႈႁႆႈ...

17/12/2024

ၼၢင်းယိင်းသွင်မဵဝ်း
ၼိူဝ်လုမ်ႈၾႃႉၼႆႉ မီးဝႆႉၼၢင်းယိင်းယူႇသွင်မဵဝ်း

1။ ၼၢင်းယိင်းဢၼ်ယူႇၼႂ်းၶွပ်ႇ ( )။

2။ ၼၢင်းယိင်းဢၼ်‌ေမႃတင်ႈတူဝ်ႁင်းၵူၺ်း။

ၵေႃႉဢၼ်ႁႃပိုင်ႈဢိင်သေၵေႃႉၵေႃႉသေ ၸုၵ်း
မၼ်ႈၵႂႃႇလႆႈၼၼ်ႉ ႁွင်ႉဝႃႈၼၢင်းယိင်းယူႇၼႂ်း
ၶွပ်ႇၼႆယဝ်ႉ။

ၵေႃႉဢၼ်ပႆသဵၼ်ႈတၢင်းတူဝ်ၵဝ်ႇ၊ ယိပ်းလၢမ်ႈ
ၽၢႆးၶွင်ၸၢတ်ႈပၢၼ်တူဝ်ၵဝ်ႇ၊ ယုမ်ႇယမ်ၼိူဝ်
ယိူင်းမၢႆ ဢမ်ႇပၼ်ႁိူင်ႈၵိူင်းသေ သိုပ်ႇၸုၵ်း
မၼ်ႈၵႂႃႇလႆႈၼၼ်ႉ ႁွင်ႉဝႃႈၼၢင်းယိင်းဢၼ်
မေႃတင်ႈတူဝ်ႁင်းၵူၺ်း ၼႆယဝ်ႉ။

ၼၢင်းယိင်းဢၼ်ယူႇၼႂ်းၶွပ်ႇ( )ၼၼ်ႉ ၵႆႉၸႂ်
လဵၵ်ႉငၢႆႈ၊ ဢူၼ်ႈဢွၼ်ႇ၊ ၶီႈၵူဝ်လႄႈတေႁႃတီႈ
ပိုင်ႈဢိင်ယဝ်ႉ။

တႃႇမၼ်းၼႆႉ တေဢမ်ႇပေႃးလၢၵ်ႇလၢႆးသင်။
ပေႃးလႆႈလူင်ပွင်ၸိုင်ၵေႃႈ ပဵၼ်မေးလူင်ပွင်ၸိုင်ႈ။
ပေႃႈလႆႈၶုၼ်ႁေႃၶမ်းၵေႃႈ ပဵၼ်မေးၶုၼ်ႁေႃၶမ်း။
ပေႃးလႆႈၸဝ်ႈၸေႈဝဵင်းၵေႃႈ ပဵၼ်မေးၸေႈဝဵင်း။
ပေႃႈလႆႈသထေး‌ေၵႃႈပဵၼ်မေးသထေး။
ပေႃႈလႆႈၽူႈမီးပၺ်ႇၺႃႇၵေႃႈ ပဵၼ်မေးၽူႈမီး
ပၺ်ႇၺႃႇ။

ၸၼ်ႉထၢၼ်ႈမၼ်းတေၵိုတ်းမွၵ်ႈၼႆႉၵူၺ်း ဢမ်ႇ
မီးတႃႇတေလိူဝ်ၼႆႉမႃးထႅင်ႈ။ တင်းၸၢတ်ႈပၢၼ်
မၼ်း တေလႆႈယူႇၵႂႃႇတႂ်ႈလွင်ႈႁူမ်ႇငမ်းၸဝ်ႈၽူဝ်
မၼ်းၼၼ်ႉၵူၺ်း။

ၼၢင်းယိင်းဢၼ် တင်ႈတူဝ်လႆႈႁင်းၵူၺ်းသမ်ႉ
မီးလွင်ႈၵႅၼ်ႇၶႅင်၊ လၵ်းလႅမ်လႅတ်းသႅဝ်း၊ ဢမ်ႇ
ၸႂ်လဵၵ်ႉငၢႆႈ ဢမ်ႇလူဝ်ႇတီႈပိုင်ႈဢိင်။ မီးလွင်ႈ
ယုမ်ႇယမ်ၼိူဝ်တူဝ်ၵဝ်ႇတဵမ်ထူၼ်ႈၼၼ်ႉယဝ်ႉ။

ယွၼ်ႉမၼ်း မေႃၶတ်းသၢင်ႈႁင်းၵူၺ်းလႄႈ
မၼ်းဢမ်ႇၸႂ်ႈမေးလူင်ပွင်ၸိုင်ႈ-
ၵူၺ်း မၼ်းတေပဵၼ်လူင်ပွင်ၸိုင်ႈ။
မၼ်းဢမ်ႇၸႂ်ႈမေး ၶုၼ်ႁေႃၶမ်း-
ၵူၺ်း မၼ်းတေပဵၼ်ၼၢင်းႁေႃၶမ်း။
မၼ်းဢမ်ႇၸႂ်ႈမေးသထေး-
ၵူၺ်း မၼ်းတေပဵၼ်သထေး။
မၼ်းတေဢမ်ႇၸႂ်ႈ မေးၽူႈမီးပၺ်ႇၺႃႇ-
ၵူၺ်း မၼ်းတေပဵၼ်ၽူႈမီးပၺ်ႇၺႃႇၼၼ်ႉယဝ်ႉ။

ပုၼ်ႈတႃႇၼၢင်းယိင်း ၵေႃႉဢၼ်မီးတႂ်ႈလွင်ႈႁူမ်ႇ
ငမ်းသေၵေႃႉၵေႃႉၼၼ်ႉ မၢင်လႂ် တိူၵ်ႈတီႈမၼ်း
တေပဵၼ်ၵူၼ်းဢုပ်ႉပိူင်ႇလႆႈတၢင်းလုမ်ႈၾႃႉၵေႃႈ
ယဝ်ႉ ႁူမ်ႈငဝ်းၶွင်လွင်ႈႁူမ်ႇငမ်း သေၵေႃႉၵေႃႉ
ၼၼ်ႉ တိုၼ်းတေဢမ်ႇႁၢႆၵႂႃႇတီႈမၼ်းလႆႈ။ ၼၢင်း
ယိင်းမဵဝ်းၼႆႉၵေႃႈ ၶဝ်ႈပႃးၼႂ်းၼၢင်းယိင်း ဢၼ်
ယူႇၼႂ်းၶွပ်ႇၼၼ်ႉၼင်ႇၵဝ်ႇယဝ်ႉ။

ၼၢင်းယိင်းၵေႃႉဢၼ်မေႃတင်ႈတူဝ်ႁင်းၵူၺ်း
သမ်ႉ- မၢင်လႂ် သင်ဝႃႈဢွင်ႇမၢၼ်ၶိုၼ်ႈယႂ်ႇမႃးၸိုင်
ဢမ်ႇမီးလွင်ႈႁူမ်ႇငမ်းၽႂ် မႃးႁူမ်ႇငမ်းၼိူဝ်မၼ်း။
တူဝ်ၸဝ်ႈၵဝ်ႇမၼ်း မီးလွင်ႈလွတ်ႈလွတ်ႈလႅဝ်း
လႅဝ်းသေ ႁွတ်ႈထိုင်ၸိၵ်းၸွမ်းမႃးႁင်းၵူၺ်း။
ဢမ်ႇလူဝ်ႇၵဵင်ၸႂ် ၼႃႈတႃ‌ေၵႃႉလႂ် လႄႈ ၵုင်ႇ
ၵေးၸူးၽႂ်ၼၼ်ႉယဝ်ႉ။

ပဵၼ်ၼၢင်းယိင်းၵေႃႉၼိုင်ႈ ဢၼ်ဝႃႈၼႆႉ
တီႈတေႉမၼ်း ဢမ်ႇလူဝ်ႇၶုပ်ႉၶဝ်ႇလူင်း ၽၢႆၼႃႈ
ၽႂ်သေၵေႃႉၵေႃႉ ဢၼ်ဝႃႈၼၼ်ႉ လူဝ်ႇတွၵ်ႇၸပ်း
ဝႆႉၼႂ်းၸႂ်ႁႂ်ႈၵိုမ်းၵိုမ်းယူႇ။

တင်ႈတေႇမိူဝ်ႈၼႆႉၵႂႃႇ တႅပ်းတတ်းတူၺ်းလႄႈ
ဝႃႈ ၸဝ်ႈၵဝ်ႇၶႂ်ႈပဵၼ် ၼၢင်းယိင်းဢၼ်ယူႇၼႂ်း
ၶွပ်ႇႁိုဝ် ၶႂ်ႈပဵၼ်ၼၢင်းယိင်းဢၼ်‌ေမႃတင်ႈတူဝ်
လႆႈႁင်းၵူၺ်း ဢၼ်ဝႃႈၼၼ်ႉ.............။

မေးၶုၼ်ႁေႃၶမ်းၼႄႇ?( Or )ၼၢင်းႁေႃၶမ်း?

တႃႇပဵၼ်ၼၢင်းႁေႃၶမ်းၼၼ်ႉ ဝႆးသေ
တႃႇပဵၼ်မေးၶုၼ်ႁေႃၶမ်းသမ်ႉ ၼၢၼ်းဝႆႉဢိူဝ်ႈ။

ပိၼ်ႇၽၢႆႇ // ႁၢၼ်ၶိူဝ်

ၼိူဝ်လုမ်ႈၾႃႉၼႆႉ မီးဝႆႉၼၢင်းယိင်းယူႇသွင်မဵဝ်း 1။ ၼၢင်းယိင်းဢၼ်ယူႇၼႂ်းၶွပ်ႇ ( )။ 2။ ၼၢင်းယိင်းဢၼ်‌ေမႃတင်ႈတူဝ....

21/10/2024

ၽူဝ်မႄးၵၼ်သွင်ၵေႃႉ မီးပၼ်ႁႃလွင်ႈသင်မႃးၵေႃႈ
ႁႂ်ႈၵေႈလဵတ်ႈၸွမ်းၵၼ်
ဢမ်ႇဝႃႈ ပၼ်ႁႃငိုၼ်းတွင်းၼေႇ၊ ပၼ်ႁႃလွင်ႈၼီႈလွင်ႈၶွတ်ႇၼေႇ၊ ပေႃးယင်းဝႃႈ ႁဵတ်းသၢင်ႈႁူမ်ၵၼ်ယူႇၼႆ
ၵမ်းလိုၼ်းမၼ်း လူဝ်ႇလႆႈတေႃႇသူႈၸွမ်းၵၼ် လူဝ်ႇလႆႈ
ၸုၵ်းႁိမ်းၶၢင်ႈၵၼ် ပၼ်ႁႅင်းၵၼ်၊ ယႃႇပေပၢႆႈပႅတ်ႈၵၼ်။

ၽူဝ်လႄႈမႄး ဢၼ်ဝႃႈၼႆႉ မိူၼ်ၵူၼ်းၼိုင်ႈၵေႃႉ မီးၶႃ
သွင်ၶွၼ်ၼၼ်ႉယဝ်ႉ၊ ၶႃသွင်ၶွၼ်ၼၼ်ႉ ၶွၼ်လႂ်ၶၢတ်ႇ
ၶွၼ်လႂ်ပုတ်းၵေႃႈ ဢမ်ႇလီ၊ သင်ဝႃႈမၼ်းပုတ်းၶၢတ်ႇၵႂႃႇ
သေ ၶွၼ်ၶွၼ်ၼႆ တႃႇတေယၢင်ႈၵႂႃႇလႆႈတင်းၼႃႈၼၼ်ႉ
ၵႃႈတေလႆႈဢဝ်ၶွၼ်ႉတဝ်ႉ ဢမ်ႇၼၼ်ၶႃတုလႂ်ၸိူဝ်းၼႆႉ
မႃးတၢင်သေ ၶတ်းၸႂ်ပႆယူႇၼ်ႉယဝ်ႉ။

သင်ဝႃႈမီးပၼ်ႁႃၸွမ်းၵၼ်သေ ၽူဝ်ပၢႆႈၵႂႃႇပႅတ်ႈ‌ႄမ၊ းဢမ်ႇၼၼ် မႄးပၢႆႈၵႂႃႇပႅတ်ႈၽူဝ်ပေႃးၼႆ မိူၼ်တင်းၵူၼ်း
ၶႃပုတ်းၶွၼ်ၼိုင်ႈသေ တၵ်းတေလႆႈဢဝ်ၶွၼ်ႉတဝ်ႉ
ဢမ်ႇၼၼ် ၶႃတုလႂ် မႃးတၢင်ယူႇယဝ်ႉ။

ပိူင်တႅၵ်ႈမၼ်း
ယွၼ်ႉပၼ်ႁႃငိုၼ်း လူဝ်ႇလႆႈသၢႆႈပၼ်ပိူၼ်ႈၼမ်ၼႆ
သေၵွၼ်ႇလႄႈ ၵေႃႉပဵၼ်ၽူဝ်သမ်ႉပၢႆႈပႅတ်ႈမႄး ပွႆႇပၼ်
မႄး ႁႃသၢႆႈတႅၼ်းၵေႃႉလဵဝ်ပေႃးၼႆ ၵေႃႉပဵၼ်မႄးၼၼ်ႉ
တေဢမ်ႇမီးႁႅင်းၸႂ် တေၸႂ်တူၵ်းသေ ႁဵတ်းႁွတ်းလူင်ၵႂႃႇၵေႃႈၸၢင်ႈပဵၼ်လႆႈ၊ တႃႇတေလႆႈမႃးငိုၼ်းဢၼ်
တေလႆႈသၢႆႈတႅၼ်းၶိုၼ်းၼၼ်ႉ တေၶၢမ်ႇယွမ်းသုမ်းတူဝ်
သေ ႁႃလႆႈငိုၼ်းမႃးၵေႃႈၸၢင်ႈပဵၼ်လႆႈ။

ယွၼ်ႉၼၼ် ဢမ်ႇပွႆႇၽႃႈပႅတ်ႈၵၼ်သေ ၶတ်းၸႂ် ႁဵတ်းႁႃ တေႃႇသူႈ ၸွမ်းၵၼ်ၼၼ်ႉ လီသေပိူၼ်ႈယဝ်ႉ။

ပၢႆးဝူၼ်ႉၶပ်ႉ။

12/05/2024

တႃႇတေပဵၼ်ၼႃႈႁိူၼ်းႁူမ်ႈၵၼ်ၼၼ်ႉဢမ်ႇယၢပ်ႇ
ၵူၺ်းၵႃႈ တႃႇတေပဵၼ်ၼႃႈႁိူၼ်း ႁူမ်ႈၵၼ်ႁႂ်ႈမီး
တၢင်းသိူဝ်းၵႂႃႇၶၢဝ်းယၢဝ်းၵႆၼၼ်ႉတေႉ ယၢပ်ႇဢိူဝ်ႈ။

30/03/2024

ၵၢၼ်ဢမ်ႇလီဢၼ်ႁဝ်းႁဵတ်းၼၼ်ႉ ၶိုၼ်းႁဵတ်းႁၢႆႉ‌ေတႃႇႁဝ်းၶိုၼ်း
ဝူတ်ႈတွပ်ႇဝူတ်ႈတႅၼ်း

01/03/2024

ၵူၼ်းၵေႃႉဢၼ်ယူပ်ႈယွမ်း ပၢႆးၵပ်းသိုပ်ႇၼ်ႉ
ယွပ်ႈယွမ်းပႃး သုၼ်ႇလႆႈသုၼ်ႇပဵၼ်လႄႈ
တႃႇတေလႆႈမႃတိုဝ်ႉတၢင်းသုၼ်ႇလႆႈသုၼ်ႇပဵၼ်ၼ်ႉယဝ်ႉ

07/02/2024

လိူၼ် February ဝၼ်းထိ 14 ပဵၼ်ဝၼ်းသင်ၼႆ ၸဵမ်လုၵ်ႈဢွၼ်ႇၵူၼ်းလူင် ၶႃႈဝႃႈ ဢွၼ်ၵၼ်ႁူႉၵူႈေၵႃႉ
ေပႃးဝႃႈ လိူၼ် February ဝၼ်းထိ 7 ၼႆႉ ပဵၼ်ဝၼ်း
သင်ၼႆႉ ဢၼ်ႁူႉမၼ်း မီးၵမ်ႉေဢႇ

20/01/2024

လွင်ႈၶိုၼ်ႈယႂ်ႇသၢမ်ၶႃၵဵင်း

႑ႉ ၶိုၼ်ႈယႂ်ႇလူၺ်ႈ လွင်ႈၵေႃႇသၢင်ႈ။
႒ႉ ၶိုၼ်ႈယႂ်ႇလူၺ်ႈ ၽၢႆႇဢုပ်ႉပိူင်ႇ။
႓ႉ ၶိုၼ်ႈယႂ်ႇလူၺ်ႈ ၼမ်ႉၸႂ်၊ ဝႆႉဝၢင်းၸႂ်။

႑ႉ ၶိုၼ်ႈယႂ်ႇလူၺ်ႈ လွင်ႈၵေႃႇသၢင်ႈၼႆႉ တေၶဝ်ႈပႃးဝႆႉလၢႆမဵဝ်း မိူၼ်ၼင်ႇ သဵၼ်ႈတႃသၢႆတၢင်း၊
တီႈယူႇတီႈသဝ်း ႁိူၼ်း၊ ၵၢၼ်ႇၵျွင်း၊ ၽႆးၽႃႉ၊ ၼမ်ႉၸႂ်ႉတိုဝ်းၸၵႂႃႇၸိူဝ်းၼႆႉ မၼ်းပဵၼ်ဢၼ်
လမ်ႇလွင်ႈ တႃႇၵူၼ်းယူႇသဝ်း ၸႂ်ႉတိုဝ်း လႄႈၵႂႃႇမႃး၊ မၼ်းၼၼ်ႉယဝ်ႉ။ ယွၼ်ႉၼၼ် မိူင်းတီႈ
ဢၼ် သဵၼ်ႈတႃႈသၢႆတၢင်းဢမ်ႇလီ၊ ဝၢၼ်ႈ၊ႁိူၼ်းၵူၼ်း ဢမ်ႇၶႅမ်ႉ၊ ဢမ်ႇမီးၽႆးၽႃႉ၊ ၼမ်ႉတႃႇ
ၸႂ်ႉတိုဝ်းလႆႈဢဝ်ယၢပ်ႇၸိူဝ်းၼႆႉ ပႆႇၸႂ်ႈမိူင်းဢၼ်ၶိုၼ်ႈယႂ်ႇ။

႒ႉ ၶိုၼ်ႈယႂ်ႇလူၺ်ႈ ၽၢႆႇဢုပ်ႉပိူင်ႇၼႆႉၵေႃႈ တေၶဝ်ႈပႃးဝႆႉ မိူၼ်ၼင်ႇ ပၵ်းပိူင်ဢုပ်ႉပိူင်ႇ ၸိုင်ႈမိူင်း၊
ဢုပ်ႉပိူင်ႇၼႂ်းမူႇ ၼႂ်းၸုမ်း၊ မေႃၸႅၵ်ႇၼႃႈၵၢၼ်တႃငၢၼ်းပၼ်ၵၼ်၊ မေႃပၼ်ၼႃႈတီႈၵၼ်၊ မေႃၵုမ်း
ထိင်းၵၼ်၊ ၸၵႂႃႇၸိူဝ်းၼႆႉယဝ်ႉ။
ဢၼ်လၢတ်ႈမႃး ၼႂ်းမၢႆၼိုင်ႈၼၼ်ႉတဵမ်ထူၼ်ႈလႆႈသေတႃႉ ပေႃးဝႃႈ ၼႂ်းၼိုင်ႈမိူင်း၊ ဢမ်ႇၼၼ်
ၼိုင်ႈဝဵင်း၊ ၼိုင်ႈမူႇၼိုင်ႈၸုမ်း လွင်ႈဢုပ်ႉပိူင်ႇၵၼ်၊ ဢမ်ႇလီၵေႃႈ တေၶိုၼ်ႈယႂ်ႇတႃႇ လွင်ႈၵေႃႇ
သၢင်ႈသေ တေဢမ်ႇၶိုၼ်ႈယႂ်ႇ လူၺ်ႈလွင်ႈပူၵ်းပွင်ၼႂ်းမူႇၼႂ်းၸုမ်လႄႈ ပၵ်းပိူင်လွင်ႈၵုမ်းထိင်း
ၵၼ်ၼၼ်ႉယဝ်ႉ။ ယဝ်ႉၵေႃႈ ၼႂ်းမိူင်းၼိုင်ႈလုၵ်ႈလႄႈသင်၊ ၼႂ်းဝဵင်း၊ ၼႂ်းမူႇၼႂ်းၸုမ်း၊ ၼႂ်းပွၵ်ႉၼႂ်းယွမ်ႇ၊ ၼႂ်းၵၢၼ်ႇၼႂ်းၵျွင်း ၼိုင်ႈဢၼ်ၼႆႉ ပေႃးဝႃႈ ပၢႆးဢုပ်ႉပိူင်ႇမၼ်းဢမ်ႇၶိုၵ်ႉ ဢမ်ႇၶႅမ်ႉ ဢမ်ႇတဵမ်ထူၼ်ႈ
ပေႃးၼႆ ဢမ်ႇၶိုၼ်ႈယႂ်ႇ တိူဝ်းတွၼ်းလႆႈ တႃႇၵူၼ်းယူႇမၼ်း။

႓ႉ ၶိုၼ်ႈယႂ်ႇလူၺ်ႈ ၼမ်ႉၸႂ်၊ ဝႆႉဝၢင်းၸႂ်ၼႆႉၵေႃႈ ပဵၼ်ဢၼ်လမ်ႇလွင်ႈတေႉတေႉ၊ ပေႃးဝႃႈၼမ်ႉၸႂ်၊
လၢႆးဝႆႉဝၢင်းၸႂ် ဢမ်ႇၸၼ်ႉသုင်ၼႆ ပၼ်ပုၼ်ႈၽွၼ်းၵၼ် ၸႅၵ်ႇၼႃႈၵၢၼ်ၵၼ်ယူႇၵေႃႈ တေဢမ်ႇလႆႈ
လွင်ႈယုမ်ႇယမ်ၵၼ် တီႈၼိူဝ် တၢင်းႁဵတ်း တၢင်းသၢင်ႈၵၼ်ၼၼ်ယဝ်ႉ။ ယဝ်ႉၵေႃႈ ၸၢင်ႈၶႃႉၸိုဝ်ႈ
ၶၢႆသဵင်ၵၼ်ဝၢႆးလိုၼ်း။ ယွၼ်ႉၼၼ် ၵၢၼ်ဝႆႉၼမ်ႉၸႂ်ၽဵင်ႇပဵင်းလႄႈ ယုမ်ႇယမ်ၵၼ်ၼႆႉ မၼ်းလမ်ႇ
လွင်ႈၼႃႇ ၼႂ်းၼႃႈၵၢၼ်ဢၼ်ပၼ်ပုၼ်ႈၽွၼ်းၵၼ်ဝႆႉၼၼ်ႉ။

ဢၼ်ၵူၼ်းႁဝ်း ဢမ်ႇလႆႈၸႂ် ဢမ်ႇၵျိူၵ်ႈတီႈသုတ်းၼၼ်ႉၵေႃႈ ပဵၼ်လွင်ႈထၢင်ႇလဵၵ်ႉၵၼ်လႄႈ
ဢမ်ႇယုမ်ႇယမ်ၵၼ်ဢမ်ႇဝႆႉၽဵင်ႇပဵင်းၵၼ်၊ တူၺ်ႈၼႃႈလဵၵ်ႉၼႃႈယႂ်ႇၵၼ်ၼၼ်ႉယဝ်ႉ။

ၶေႃႈတီႈၵႅပ်ႈ။
႑ႉ ၼႆႉၶိုၼ်ႈယႂ်ႇတႃႇ ၶိူင်ႈၸႂ်ႉတၢင်းတိုဝ်း
႒ႉ ၼႆႉၶိုၼ်ႈယႂ်ႇတႃႇ ၵုမ်းထိင်း၊ ပၵ်းပိူင်။
႓ႉ ၼႆႉၶိုၼ်ႈယႂ်ႇတႃႇတီႈတူဝ်ၵူၼ်း။
ၼႂ်းၶိုၼ်ႈယႂ်ႇသၢမ်ပိူင်ၼႆႉ ၶၢတ်ႇဢၼ်လႂ်ဢမ်ႇလႆႈ မၼ်းမိူၼ်ၶႃၵဵင်းၼၼ်ႉယဝ်ႉ။

ပၢႆးဝူၼ်ႉၶပ်ႉ >> Original Uploader.

ၶေႃႈထၢမ် -- ၼႂ်းလွင်ႈၶိုၼ်ႈယႂ်ႇသၢမ်ပူိင်ၼႆႉ ဝၢၼ်ႈသူ-မိူင်းသူ-ဝဵင်းသူ-ပွၵ်ႉသူ-ၵၢၼ်ႇၵျွင်းသူ
>> ၶိုၼ်ႈယႂ်ႇသင်
လၢႆလၢႆဝႆႉယဝ်ႉ။

႑ႉ ၶိုၼ်ႈယႂ်ႇလူၺ်ႈ လွင်ႈၵေႃႇသၢင်ႈ။ ႒ႉ ၶိုၼ်ႈယႂ်ႇလူၺ်ႈ ၽၢႆႇဢုပ်ႉပိူင်ႇ။ ႓ႉ ၶိုၼ်ႈယႂ်ႇလူၺ်ႈ ၼမ်ႉၸႂ်၊ ဝႆႉဝၢင်...