Ansambli Shtetëror i Këngëve dhe Valleve Popullore Shqiptare në R.M.V

05/06/2026

KONCERTI I RADHËS I ANSAMBLIT TË KËNGËVE DHE VALLEVE SHQIPE NË RMV Tematik.
Bien Tri Dahire
Mbrëmje kushtuar Hanife Sejfulla Reçanit
Ansambli i Këngëve dhe Valleve Shqipe në RMV sjell koncertin e radhës, një mbrëmje të veçantë artistike kushtuar ikonës së muzikës popullore shqiptare, Hanife Sejfulla Reçanit, zërit të paharruar që la gjurmë të thella në trashëgiminë kulturore dhe muzikore shqiptare.
-Më datë 11 Qershor
Në orën: 19:30
- Pallati i Kulturës, Gostivar
Në këtë koncert do të interpretohen këngët më të njohura nga repertori i Hanife Sejfulla Reçanit, duke rikthyer emocionin dhe vlerat e një artisteje që mbetet e pavdekshme në kujtesën e brezave. Ju mirëpresim të nderojmë së bashku figurën dhe veprën e Hanife Sejfulla Reçanit !

05/06/2026

Gjatë vitit 2025, Ansambli i Këngëve dhe Valleve Popullore Shqiptare, në kuadër të mjeteve të planifikuara nga buxheti institucional, realizoi me sukses blerjen e dy instrumenteve të rëndësishme muzikore: një kitare dhe një kontrabas.

Ky investim, ndonëse modest në përmasa, paraqet një hap të rëndësishëm drejt përmirësimit të kushteve të punës dhe ngritjes së kapaciteteve artistike të Ansamblit. Përkushtimi ynë mbetet i pandryshuar në funksion të zhvillimit dhe modernizimit të institucionit, duke krijuar kushte sa më të mira për artistët dhe aktivitetin e tyre profesional.

Me besim dhe përkushtim, shpresojmë që në vitet e ardhshme të vazhdojmë të plotësojmë gradualisht të gjitha nevojat dhe kërkesat e një ansambli profesional shtetëror, duke investuar në instrumente, kostume, pajisje dhe kushte pune që i përgjigjen standardeve bashkëkohore.

Hap pas hapi, me punë, përgjegjësi dhe vizion të qartë, po ndërtojmë një institucion më të fortë dhe më të denjë për misionin që ka në ruajtjen dhe promovimin e kulturës shqiptare.

Me respekt,Jetmir RexhepiDrejtor

05/06/2026

Sot është një ditë e veçantë për Ansamblin tonë, pasi u përmbyll me sukses plotësimi i vendeve të punës për artistët në vitin 2026.
Me këtë rast, shpreh urimet më të sinqerta për të gjithë artistët që tashmë janë bërë pjesë e familjes sonë institucionale. Ju uroj shumë suksese, shëndet dhe arritje në rrugëtimin tuaj artistik. Besoj se me përkushtim, profesionalizëm dhe dashuri për artin do të japim kontribut të çmuar në ruajtjen dhe promovimin e kulturës sonë.
Shpresojmë që edhe gjatë vitit 2027 të vazhdojmë me të njëjtin ritëm, me punësime të reja, me energji pozitive dhe me kokën lart, duke ndërtuar së bashku një të ardhme edhe më të mirë për institucionin tonë.
Edhe një herë dua të potencoj një thënie që e kam përsëritur shpesh: “Të gjitha do të bëhen.” Fjalët e këqija mund të mbeten në kujtesë, por puna, përkushtimi dhe rezultatet janë ato që flasin më fort. Kam besim të plotë se, ngadalë por me hapa të sigurt dhe me ndihmën e Zotit, çdo gjë do të rregullohet ashtu siç duhet.
Faleminderit të gjithëve për besimin, mbështetjen dhe durimin. Rrugëtimi ynë vazhdon.
Me respekt, Jetmir Rexhepi Drejtor i Ansamblit

04/06/2026

Si drejtor i këtij institucioni, ndihem i lumtur dhe krenar që më në fund arritëm të sistemojmë dhe të përfshijmë në institucion të gjithë ata që për vite me radhë kishin mbetur jashtë tij. Ky ishte një proces i rëndësishëm, i cili kërkoi përkushtim, punë dhe bashkëpunim nga shumë njerëz.
Kjo arritje është një dëshmi se me vullnet, transparencë dhe drejtësi mund të krijohen mundësi të barabarta për të gjithë. Falënderoj të gjithë ata që kontribuuan në këtë proces, institucionet përkatëse, bashkëpunëtorët dhe stafin që qëndruan pranë nesh.
Shpreh bindjen se gjatë vitit 2027 do të vazhdojmë me të njëjtin ritëm dhe përkushtim, duke punuar për zhvillimin e mëtejshëm të institucionit, përmirësimin e kushteve të punës dhe avancimin e veprimtarisë sonë kulturore e artistike. Së bashku do të vazhdojmë të ndërtojmë një institucion më të fortë, më profesional dhe më dinjitoz për të gjithë.
Me respekt,
Drejtori i Ansamblit Shtetëror të këngëve dhe valleve popullore Shqiptare në RMV
Jetmir Rexhepi

02/06/2026

Ansambli u kompletua 🤍

Sot përmbyllëm edhe fazën e fundit të sistemimit të anëtarëve të Ansamblit, duke kompletuar kolektivin me gjithsej 45 vendime pune.

Pas një periudhe të vështirë dhe plot pasiguri për artistët tanë, sot ndihemi krenarë që Ansambli po vazhdon rrugëtimin e tij me stabilitet dhe përkushtim edhe më të madh ndaj kulturës dhe traditës shqiptare.

Ky moment ka rëndësi të veçantë për të gjithë ne, sepse Ansambli nuk është vetëm një institucion kulturor, por një simbol i identitetit, artit dhe dinjitetit tonë kombëtar.

Një falënderim i veçantë shkon për zëvendësministrin e Kulturës dhe Turizmit, Sedat Sulejmani, për përkushtimin dhe mbështetjen e vazhdueshme ndaj Ansamblit, si dhe për drejtorin e Ansamblit, Jetmir Rexhepi, për angazhimin dhe punën e palodhur në realizimin e këtij procesi të rëndësishëm.

Me shumë dashuri, përkushtim dhe punë do të vazhdojmë të përfaqësojmë kulturën shqiptare me krenari në çdo skenë 🤍

27/05/2026

18/05/2026

Sot, drejtori i Ansamblit Shtetëror të Këngëve dhe Valleve Popullore Shqiptare në RMV, Jetmir Rexhepi, ishte i ftuar në emisionin “Në Pasdite” në TV Shenja, ku foli rreth projekteve të realizuara me sukses nga ansambli, aktiviteteve kulturore dhe shumë projekteve të reja që na presin në të ardhmen. 🎶

Me përkushtim dhe profesionalizëm Ansambli vazhdon të ruajë dhe promovojë traditën tonë kombëtare në çdo skenë. Na presin shumë surpriza dhe projekte të mëdha! 👏✨