Славјанка Петровска

Славјанка Петровска Пратеничка и поранешна Министерка за одбрана на Република Северна Македонија/ Member of Parliament and Former Minister of defence of North Macedonia

12/06/2026

Лицемерието на парламентарното мнозинство излезе на виделина!!! ❗❗❗

Во 2021 година, група пратеници поднесоа закон со кој се овозможи откуп на станови за припадниците на Армијата.
Тој закон беше донесен и спроведен. ✅

Следејќи го тој позитивен пример, неколку месеци подоцна, група пратеници поднесовме закон со слична содржина за припадниците на МВР и безбедносно-разузнавачките служби.

Тогашната опозиција, а денешна власт, го блокираше донесувањето на законот со изговор дека кога ќе дојде на власт ќе донесе поповолно решение.

Денес, и покрај објаснувањата, поднесените амандмани и апелите од засегнатите припадници, владејачкото мнозинство донесе понеповолен и дискриминирачки закон. ❌

Закон во кој „поволните“ услови се:
🔹 30% учество
🔹 исплата на 180 рати
🔹 годишна каматна стапка од 7,2%

Уште една лага.
Уште едно празно ветување. ⚠️

Овие граѓани, кои денес беа изиграни од власта, биле и се дел од специјалните полициски сили, од униформираната полиција, луѓе кои секојдневно го ставаат својот живот на ризик за сите ние да спиеме мирно. 🇲🇰

И еве како пратениците на ВМРО-ДПМНЕ им се „заблагодарија“.

Не со почит.
Не со достоинствено решение.
Туку со измама, лицемерие и полош закон од тој што самите го блокираа. 👎

Половина од изминатиот мандат на една Влада е најсоодветниот момент да се направи оценка за тоа што е направено, што не ...
09/06/2026

Половина од изминатиот мандат на една Влада е најсоодветниот момент да се направи оценка за тоа што е направено, што не е направено, а можело и морало да биде направено. Токму затоа, денес започнувам со евалуација на состојбите во Министерството за одбрана.

И ќе започнам со она што не е само столб на Министерството, туку и столб на системот на македонската одбрана, човечкиот потенцијал, односно вработените. 🇲🇰

Власта тврди дека државата бележи економски напредок, дека буџетскиот дефицит е контролиран, дека пари има, а дека опозицијата шири невистини и паника. Дополнително, министерот за одбрана тврди дека буџетот за одбраната расте, дека има пари за плати, за инвестиции, дека бележи историски резултати, дека ги решава сите наследени проблеми и, генерално, говори за себе во суперлативи.

Ако е така, тогаш прашањето е многу едноставно:
Зошто веќе две години не е зголемена основната плата на вработените во одбраната?
Зошто не е направено усогласување со растот на минималната плата и со зголемените трошоци за живот? ❓

Одговорот е јасен: министерот за одбрана нема политичка волја да потпише решение за усогласување на платите на вработените — луѓето што се столбот на македонската одбрана.

Платите на вработените во одбраната, и на цивилниот и на армискиот персонал, се уредуваат со два закона:
📌 Законот за служба во Армијата
📌 Законот за вработените во одбраната

И во двата случаи е предвидено дека платата се состои од основни бодови и други бодови, а вредноста на бодот се утврдува со решение што го носи министерот за одбрана.

За министерот да донесе ново решение, потребни се три работи:
➡️ политичка волја
➡️ обезбедени средства во буџетот
➡️ свест дека постои и Законот за минимална плата, кој како работодавач е должен да го почитува

Очигледно, токму тоа не го прави.

Да не заборавиме и дека, согласно структурата на буџетот за одбраната и прифатената заложба за негово годишно зголемување, пропорционално се зголемуваат и средствата за плати и за модернизација. Не може да се инвестираат милиони евра во модернизација, а животниот стандард на вработените да стагнира. ⚖️

Затоа, доста беа изговори и манипулации.
Министерот за одбрана треба да покаже храброст и политичка зрелост, да се избори за реален буџет и да инвестира во одбраната таму каде што е најважно кај луѓето кои ја носат.

Пенкалото в рака и потпишете ново решение за зголемување на вредноста на бодот на вработените. ✍️

Жестоко ме вознемирија снимките и сведоштвата што денес ја потресоа јавноста.Ако пред очи на луѓе жена е тепана и давена...
30/05/2026

Жестоко ме вознемирија снимките и сведоштвата што денес ја потресоа јавноста.
Ако пред очи на луѓе жена е тепана и давена, а од околината стигнува реченица од типот „маж ѝ е, што сака нека ѝ прави“, тогаш проблемот не е само во насилникот. Проблемот е и во страшната нормализација на насилството.

Ниту еден маж нема право да понижува, тепа, дави, контролира или заплашува жена.
Ниту една жена не смее да остане сама.
И ниту едно општество не смее да молчи кога се случува насилството.

Но, не смеат да премолчат ниту институциите.

Северна Македонија има Закон за спречување и заштита од насилство врз жените и семејно насилство. Тоа значи дека институциите не смеат да бидат неми набљудувачи или само административни информатори. Институциите, а пред сè МВР, мораат да постапуваат брзо, одлучно и без компромис кога има сомнеж за семејно или родово базирано насилство. А граѓаните имаат и обврска и право да пријават - преку 192 или 112.

Насилникот кој денес тепа жена, утре ќе удри по вас, без двоумење.

Потребна ни е:
🔴 нулта толеранција за семејно насилство
🔴 итна и видлива реакција од МВР и надлежните институции
🔴 заштита и поддршка за секоја жена-жртва
🔴 поголема јавна свест дека насилството не е „приватна работа“, туку кривично и општествено прашање

Најопасната реченица во едно општество е: „Не се мешај.“
Напротив, мора да се дејствуваме. Мора да пријавиме. Мора да се спротиставиме.
Бидејќи молкот го штити насилникот.

Поддршка за секоја жена и дете што поминува низ страв, закани и насилство.
Оваа борба не е приватна. Ова е борба за достоинство, безбедност и човечност.

#СтопЗаСемејноНасилство #НемаОправдување #ПоддршкаЗаЖените

Денес во Тирана, учествував на Безбедносниот форум на кој имав можност да ги кажам своите гледишта за Партнерството поме...
27/05/2026

Денес во Тирана, учествував на Безбедносниот форум на кој имав можност да ги кажам своите гледишта за Партнерството помеѓу ЕУ и САД и незаменливата улога на НАТО. Форумот како и Молитвениот појадок кој ќе се одржи утре во Тирана, е во организација на г. Фатмир Медиу и група пратеници од Парламентот на Албанија. Присутни се и сегашни и поранешни конгресмени од САД, Парламентот на Велика Британија, Европскиот Парламент, пратеници од регионот и пријатели на заедничките вредности за подобар и посигурен живот за сите.

“Денес, додека се соочуваме со војна на европскиот континент, хибридни закани, сајбер-напади, дезинформации, злонамерно странско влијание, енергетска несигурност, дејствување на организираниот криминал, нестабилност на Блискиот Исток и кревкоста на демократските институции, исто така се потсетуваме на една суштинска вистина:
ниту една држава не може сама ефикасно да одговори на сите овие предизвици.

Најважното нешто со кое мора да продолжиме е зајакнувањето на регионалната соработка и решавањето на секој спор или прашање што би можело да предизвика несигурност или нестабилност.

Бидејќи, работејќи заедно на економска соработка, градејќи инфраструктура што нè поврзува и помагајќи си меѓусебно во изградбата на отпорни општества, ја градиме нашата заедничка иднина — како соседи, како регион, како сојузници.

А уште поважно е да не дозволиме какво било злонамерно влијание да се вмеша во нашата посветеност за зајакнување на довербата меѓу нас.
Сакам да гледам отворање нови поглавја, кои заедно ќе ги испишеме со просперитет, безбедност и доверба.

Нашата заедничка задача не е да бираме меѓу Европа и Алијансата. Нашата задача е и двете да ги направиме посилни, покоординирани и подобро подготвени.

Секој сојузник, без разлика на големината, има обврска да инвестира во подготвеност, одбрамбени капацитети, демократска отпорност и политички кредибилитет. Колективната одбрана зависи од колективната доверба. А довербата се гради преку доследност, солидарност и јасна посветеност на нашите заеднички вредности и обврски.

Затоа партнерството меѓу ЕУ и САД е важно.
Затоа НАТО останува незаменлив.”

📖✨ Денес, на 24 Мај, им оддаваме почит на сесловенските просветители, светите браќа Кирил и Методиј - темелници на писме...
24/05/2026

📖✨ Денес, на 24 Мај, им оддаваме почит на сесловенските просветители, светите браќа Кирил и Методиј - темелници на писменоста, духовноста и културниот развој на словенските народи.

Нивното дело не е само дел од нашето историско наследство, туку жива вредност што и денес нè потсетува колку се важни знаењето, јазикот, просветата и духовната сила на еден народ.

Кирил и Методиј ни оставија светлина што не згаснува - светлина на писменоста, на просветителството и на вербата дека народот што го чува својот јазик, својата култура и својата традиција, го чува и сопственото достоинство.

Да го прославиме наследството што не обединува и светлината што не води.

Нека ни е честит 24 Мај - Денот на сесловенските просветители, светите Кирил и Методиј. 🇲🇰

18/05/2026

Денес ВМРО-ДПМНЕ гласаше против:

🔹 членовите на Владата да имаат само македонско, а не и бугарско државјанство
🔹 поддршка за ученици што се натпреваруваат меѓународно
🔹 подобра здравствена и медицинска поддршка за деца со попреченост и лица со ретки болести
🔹 помош за најранливите граѓани во време на скапотија
🔹 олеснувања за паркирање за лица со попреченост, аутизам и нивните семејства

Ама затоа експресно гласаа за ново задолжување од 260 милиони евра. 💶

Кога треба да се покаже патриотизам на дело — молчат.
Кога треба да се расчисти кој со какво државјанство ја води државата — гласаат против.
Кога треба нов долг — тогаш се први.

Ова не е патриотизам.
Ова е лицемерие. ❗

Граѓаните заслужуваат власт што ќе ги брани нивните интереси, а не своите двојни аршини.

Вчера во Рим започна работата на Специјалната група за Медитеранот и Блискиот Исток.Во време на сериозни безбедносни пре...
12/05/2026

Вчера во Рим започна работата на Специјалната група за Медитеранот и Блискиот Исток.

Во време на сериозни безбедносни предизвици, уште еднаш се потврдува дека безбедноста не е индивидуално, туку заедничко прашање.

Состанокот беше отворен со со силно и прагматично обраќање на италијанскиот министер за одбрана, Гвидо Крозето, кој испрати јасна порака за важноста на единството, координацијата и колективната одбрана. Тој нагласи дека ниту една држава не може сама да одговори на современите закани, но заедно, како сојузници, сме посилни, поотпорни и посигурни.

Денес имавме одлични дискусии со преставници на академската заедница и се поставија многу тези и прашања за Украина и нејзината иднина како дел од европската заедница, но и променетите состојби во Заливот.

Пораките од сите учесници се јасни и недвосмислени, а тоа се пораки за одлучни чекори и прагматични решенија кои ќе ја зацврстат променетата безбедносна архитектура во светот.

„Јазикот е нашата единствена татковина.“ — Блаже КонескиДенот на македонскиот јазик е потсетник дека јазикот не е само с...
05/05/2026

„Јазикот е нашата единствена татковина.“ — Блаже Конески

Денот на македонскиот јазик е потсетник дека јазикот не е само средство за комуникација, туку темел на нашиот идентитет, нашата култура и нашата историска самобитност.

Македонскиот јазик е сведоштво за нашето постоење, за нашата посебност и за истрајноста на генерации што го чувале, негувале и пренесувале како највредно наследство. Затоа, нашата обврска денес е не само да го зборуваме, туку и да го почитуваме, да го чуваме и достоинствено да го афирмираме.

Во време кога идентитетските прашања често се ставаат на искушение, македонскиот јазик останува нашиот најцврст столб. Со секој напишан и изговорен збор на македонски, ја потврдуваме припадноста, ја чуваме традицијата и оставаме аманет за идните генерации.

Честит 5 Мај – Ден на македонскиот јазик.
Да го чуваме, негуваме и браниме со знаење, достоинство и гордост.

Честит 1-ви Мај!Денот на трудот! Нека секој труд биде ценет, почитуван и достоинствено награден.
01/05/2026

Честит 1-ви Мај!

Денот на трудот!

Нека секој труд биде ценет, почитуван и достоинствено награден.

Гоце Делчев не е само историска личност од нашето минато, туку жива морална и национална вертикала врз која се темели ма...
30/04/2026

Гоце Делчев не е само историска личност од нашето минато, туку жива морална и национална вертикала врз која се темели македонската државотворна свест. Неговиот лик и неговото дело се длабоко вградени во колективната меморија на македонскиот народ, во нашата борба за слобода, правда и самобитност.

СДСМ е партија што својата идеолошка и политичка традиција ја гради врз темелите на АСНОМ, антифашистичката борба и непоколебливата определба за заштита на македонскиот идентитет, јазик и историска посебност. Тие вредности не смеат да бидат предмет на компромис, ниту пак да со било какво дејствување бидат доведени во прашање од позиции во рамки на партиските органи.

Верувам дека е време сите, со одговорност и зрелост, да се навратиме на суштината: кои се вредностите што ги застапуваме, кого претставуваме и каква политичка порака испраќаме кон граѓаните. Не е доволно само декларативно да се повикуваме на нашите историски корени, ако во пракса не покажуваме доследност кон нив.

Како член на СДСМ и како почитувач на темелните вредности се оградувам од секоја помисла за доведување во прашање на значењето на Великанот и неговиот влог во слободата што ја живееме денес.

Почитта кон Гоце Делчев не е прашање на дневна политика. Таа е прашање на достоинство, историска свест и одговорност кон генерациите што доаѓаат.

Му се поклонувам на Великанот Гоце Делчев, кому му се поклонуваат државници од целиот свет.

И повторно, загрижено ќе напишам: Ако не се промениме, ќе исчезнеме!

Address

БУлица 11 Октомври бр. 10
Skopje
1000

Telephone

+38923282042

Website

Alerts

Be the first to know and let us send you an email when Славјанка Петровска posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Славјанка Петровска:

Shortcuts

Share