Општина Македонски Брод

18/06/2026

🏃‍♂️⚽ Во тек се „Плазма Спортски Игри за Млади 2026“ во Македонски Брод! 🏀🏐

Денес Македонски Брод е домаќин на најголемата младинска спортска манифестација во Македонија – „Плазма Спортски Игри за Млади 2026“.

Голем број деца и млади имаат можност да учествуваат во спортски натпревари, да се дружат, да го покажат својот спортски дух и да создадат незаборавни спомени.

🤝 Фер-плеј, тимска игра, позитивна енергија и многу насмевки се дел од денешната атмосфера.

Им посакуваме успех на сите учесници и им благодариме на организаторите, поддржувачите и волонтерите за успешната реализација на овој прекрасен спортски настан.

16/06/2026

Денес,градоначалникот на општина Македонски Брод Жарко Ристески оствари средба со Директорката на Бирото за развој на образование м-р Милка Тримчевска,раководител на сектор Мирјана Милошевска,раководител на одделение Емилија Вељаноска како и со директорот Тони Ставрески и наставникот Александар Станкоски.
На самата средба се разговараше за тековнота состојба во образованието,за нашето училиште и се дефинираа насоки и чекори за нивно постапување во иднина.

13/06/2026

Поречки културно средби 2026 година.

Денес,се одбележаа поречките културни средби во с.Манастирец.
Традиционално како и секоја година,така и оваа година поминаа во промоција на натапите на културно -уметничките друштва,учесници на песни и ора.
Овие средби се потсетник дека културното наследство е наша заедничка вредност и обврска што треба да ја чуваме и пренесуваме на идните генерации.
Нека „Поречки културни средби“ продолжат да бидат место на дружење, културна размена и гордост за сите !

12/06/2026

Граѓаните и посетителите од сега можат да се поврзат на бесплатен јавен Wi-Fi на спортските терени во близина на СОУ „Св.Наум Охридски“. Интернетот е достапен и во непосредна близина на спортските терени односно на улица Партизанска.

Wi-Fi мрежата е поставена во рамки на иницијативата WiFi4WB, финансирана од Европската Унија и Владата на Сојузна Република Германија, а се спроведува од GIZ како дел од проектот EU4Digital.

Целта на иницијативата е да се овозможи бесплатен јавен интернет низ Северна Македонија и Западен Балкан. Нашата општина ќе биде една од 500 во регионот кои ќе добијат WiFi4WB мрежа, по примерот на ЕU програмата WiFi4EU, која обезбеди бесплатен јавен интернет на 7000 локации низ Европската Унија.

Сите граѓани и посетители можат да се поврзат бесплатно и да користат сигурна интернет врска

Со оваа поддршка, општина Македонски Брод продолжува да ги унапредува јавните услуги и да ја зајакнува дигиталната поврзаност на локалната заедница.

11/06/2026

Во рамките на официјалната посета на општина Алексинац, Република Србија, делегација од Општина Македонски Брод оствари средба со претставници на локалната самоуправа, при што беа разменети искуства и мислења за прашања од заеднички интерес.

Посетата беше можност за продлабочување на меѓусебната соработка, запознавање со добрите практики во работењето на двете општини и отворање нови можности за идни заеднички иницијативи во повеќе области.

Изразуваме благодарност за гостопримството и пријателскиот прием, со уверување дека воспоставените контакти ќе придонесат за понатамошно зајакнување на односите меѓу Општина Македонски Брод и Општина Алексинац.

09/06/2026

Денес,градоначалникот Жарко Ристески беше во посета на прочистителната станица во Македонски Брод каде се изврши замена на старите пумпи.
Средствата се обезбедени од Југозападниот плански регион и Општина Македонски Брод.

Со оваа значајна инвестиција се обезбедува посигурно, поефикасно и поквалитетно функционирање на системот, што директно придонесува за подобра заштита на животната средина и поквалитетни услуги за нашите граѓани.

09/06/2026

07/06/2026

Возење со теренски возила, мотокрос и АТВ возила, како и планинарска тура беа активностите на годинешното јубилејно издание.

07/06/2026