НСПС - Национален Сојуз за Планинско Спасување

21/04/2026

🇲🇰
Охрид беше домаќин на третата регионална средба на службите за планинско спасување од Балканот 🚑🤝

Во периодот од 16 до 19 април 2026 година, во Охрид се одржа значајна регионална средба на службите за планинско спасување кои се членки на Меѓународната комисија за алпско спасување – ICAR (International Commission for Alpine Rescue).

На настанот учествуваа раководствата на националните организации од 🇲🇰 Македонија, 🇸🇮 Словенија, 🇭🇷 Хрватска, 🇷🇸 Србија, 🇧🇦 Босна и Херцеговина, 🇲🇪 Црна Гора, 🇽🇰 Косово, како и претставници од 🇦🇱 Албанија, кои активно работат на исполнување на условите за полноправно членство во ICAR.

Средбата претставуваше одлична можност за размена на искуства, усогласување на ставови и унапредување на регионалната соработка во областа на планинското спасување. Посебен акцент беше ставен на потребата од силни, единствени и институционално препознаени национални системи, наместо фрагментирани структури, како и на значењето од стабилна финансиска и законска поддршка од државите.

Во своето обраќање, Г-дин Грегор Долинар, претседател на словенечкиот сојуз за планинско спасување и член на Управниот одбор на ICAR, ги информираше присутните за најновите ставови на ICAR, според кои во иднина ќе бидат значително заострени критериумите за прием на нови организации. Согласно новите насоки, идните членки ќе треба да исполнуваат повисоки професионални стандарди, а како еден од клучните предуслови ќе биде тие да делуваат како единствени национални организации во своите држави.

Г-дин Долинар истакна и дека ICAR ќе обезбедува поголема административна и стручна поддршка за организациите од регионот, особено во земјите каде сè уште недостига соодветна законска рамка за планинско спасување. Беше нагласено дека ова не е само локален предизвик, туку и регионално и европско прашање, имајќи предвид дека сè повеќе туристи од Европа и светот ги посетуваат планините на Балканот.

Претставниците од Словенија и Хрватска ги споделија своите позитивни искуства од модели во кои планинските спасителни служби се законски уредени, централизирани и системски финансирани, посочувајќи дека таквиот пристап носи поголема ефикасност, безбедност и професионалност.

Во рамки на средбата беше истакнато и дека климатските промени, растот на туризмот и сè поголемата посетеност на планинските подрачја бараат уште посилни и подобро подготвени служби за спасување низ целиот регион.

🏔️ Националниот сојуз за планинско спасување на Македонија, како домаќин на настанот, ги презентираше сопствените капацитети, досегашните достигнувања и тековните проекти поддржани од ЕУ ИПА програмата за прекугранична соработка 🇲🇰🇦🇱, со кои значително се унапредуваат техничките и човечките ресурси на спасителните служби во Северна Македонија и Албанија.

Во рамки на програмата беше организирана и посета на Нуркачкиот центар Амфора, долгогодишен и значаен партнер на Црвен крст Охрид во операциите за спасување на вода, како и на Планинската куќа Спиридон, управувана од Алпинистички клуб ПАТАГОНИЈА, која има важна улога како спасителна станица на територијата на Национален парк Галичица и претставува значаен логистички пункт за интервенции и обуки во планински услови.

Особено беше нагласено дека во земјава постои сериозен потенцијал, стручни и мотивирани волонтери, но дека е неопходно нивното формално препознавање и интегрирање во националниот систем за заштита и спасување.

🤝 Средбата заврши со заеднички заклучок дека ваквите регионални состаноци имаат огромно значење за безбедноста на граѓаните, развојот на службите и меѓусебната поддршка, а домаќинството за следната година го презедоа колегите од Босна и Херцеговина.

🙏 Голема благодарност до сите учесници, партнери и поддржувачи кои придонесоа Охрид повторно да биде центар на регионалната соработка и безбедност.
-----
🇬🇧
Ohrid Hosts the Third Balkan Regional Meeting of Mountain Rescue Services

From 16 to 19 April 2026, Ohrid welcomed a high-level regional gathering of mountain rescue services members of the International Commission for Alpine Rescue (ICAR).

The meeting convened senior representatives of national organizations from 🇲🇰 North Macedonia, 🇸🇮 Slovenia, 🇭🇷 Croatia, 🇷🇸 Serbia, 🇧🇦 Bosnia and Herzegovina, 🇲🇪 Montenegro, and 🇽🇰 Kosovo, alongside participants from 🇦🇱 Albania, who are actively working toward fulfilling the requirements for ICAR membership.

The event served as a strategic platform for exchanging expertise, aligning regional priorities, and strengthening cross-border cooperation in mountain rescue. Discussions underscored the critical need for cohesive, institutionally recognized national systems—moving beyond fragmented structures—as well as the importance of sustained legal and financial support from governments.

In his keynote address, Mr. Gregor Dolinar, President of the Slovenian Mountain Rescue Association and ICAR Board member, outlined the organization’s latest policy directions. He emphasized that accession criteria for new members will become significantly more rigorous, requiring higher professional standards and, crucially, the existence of a single, unified national rescue organization within each country.

Mr. Dolinar further highlighted ICAR’s commitment to expanding administrative and technical support for organizations across the region—particularly in countries where the legal framework for mountain rescue remains underdeveloped. He noted that this challenge extends beyond national boundaries, reflecting a broader regional and European imperative, especially in light of the growing influx of international visitors to the Balkan mountains.

Representatives from Slovenia and Croatia shared best-practice models where mountain rescue services are legally formalized, centrally coordinated, and sustainably funded—demonstrating clear gains in operational efficiency, responder safety, and professional standards.

Participants also addressed emerging risks linked to climate change, increased tourism, and rising visitor numbers in mountainous areas, all of which demand more robust, better-equipped, and highly trained rescue services throughout the region.

As host, the National Union for Mountain Rescue of 🇲🇰 presented its operational capacities, key achievements, and ongoing EU-funded initiatives under the IPA Cross-Border Cooperation Programme between 🇲🇰 and 🇦🇱. These initiatives are significantly strengthening both the technical capabilities and human resources of rescue services in the cross-border region.

A key takeaway was the country’s strong base of skilled and dedicated volunteers, coupled with the urgent need for their formal recognition and integration into the national protection and rescue system.

As part of the programme, participants also visited the Amphora Diving Center, a long-standing and key partner of the Ohrid Red Cross in water rescue operations, as well as the Spiridon Mountain Hut, managed by the PATAGONIA Alpine Club. The hut plays a vital role as a rescue station within Galichica National Park and serves as an important logistical base for mountain rescue operations and training activities.

It was strongly emphasized that the country possesses significant potential, with highly skilled and motivated volunteers, but that their formal recognition and full integration into the national protection and rescue system remain essential priorities.
The meeting concluded with a shared assessment that such regional gatherings are of critical importance for enhancing public safety, advancing the development of rescue services, and strengthening mutual cooperation. It was also announced that colleagues from Bosnia and Herzegovina have offered to host the next edition of the meeting.

Sincere thanks to all participants, partners, and supporters who contributed to positioning Ohrid once again as a hub of regional cooperation, expertise, and safety.

Gorska Reševalna Zveza Slovenije, HGSS - Hrvatska gorska služba spašavanja, Gorska služba spašavanja Federacije BiH, GSSuBiH, Gorska služba spasavanja Srbije - Mountain Rescue Service Serbia, Gss Crne Gore, Shërbimi i Kërkim-Shpëtimit Malor i Kosovës, Shërbimi i Kërkim - Shpëtimit Malor i Shqipërisë, Алпинистички клуб Патагонија Охрид - Alpine club Patagonia Ohrid, Ohrid Red Cross - Mountain Rescue Service, Diving Center Amfora, Црвен крст Охрид

18/04/2026

Значајна средба за иднината на планинското спасување во регионот

Потреба е помала фрагментација на планинските служби, но и што поголема политичка волја за да се има силна планинска спасителна служба, но и да се зајакне планинарс...

13/04/2026

НСПС домаќин на регионална средба на службите за планинско спасување

Во периодот од 17 до 19 април, Охрид ќе биде центар на регионалната соработка во областа на планинското спасување, како домаќин на значајна средба на службите кои се редовни членки на ICAR - International Commission for Alpine Rescue. Настанот ќе обедини претставници на водечките служби од регионот, со цел унапредување на професионалните стандарди, зајакнување на партнерствата и координацијата, како и размена на современи практики и искуства во справување со предизвиците во планинското спасување.

Домаќин на средбата е Националниот Сојуз за Планинско Спасување на Македонија, кој ќе ги претстави своите активности, развојни насоки и тековни иницијативи насочени кон јакнење на националниот систем за спасување. Во рамки на програмата, на учесниците ќе им бидат презентирани и капацитетите и оперативната подготвеност на Планинската Спасителна Служба при Црвен крст Охрид и Алпинистичкиот клуб ПАТАГОНИЈА од Охрид, како и заедничките проекти што се реализираат во насока на развој и унапредување на планинското спасување во државата.

Целта на средбата е продлабочување на меѓусебната соработка, размена на искуства и знаења, иницирање и планирање на заеднички регионални проекти, како и усогласување на ставови и политики од заеднички интерес во рамките на ICAR.

На средбата ќе присуствуваат раководствата на следните организации од регионот:
• 🇲🇰 Национален Сојуз за Планинско Спасување на Македонија
• 🇭🇷 HGSS – Hrvatska gorska služba spašavanja
• 🇸🇮 Gorska reševalna zveza Slovenije
• 🇧🇦 Savez gorskih službi spašavanja u BiH
• 🇧🇦 Gorska služba spašavanja Federacije BiH
• 🇷🇸 Горска служба спасавања Србије
• 🇲🇪 Gorska služba spašavanja Crne Gore
• 🇽🇰 Shërbimi i Kërkim-Shpëtimit Malor i Kosovës
• 🇦🇱 Shërbimi i Kërkim-Shpëtimit Malor i Shqipërisë

Ова е трета регионална средба по ред, по првата одржана во Хрватска во 2024 година и втората во Словенија во 2025 година, на која беше потпишан и регионален договор за соработка. Со овој договор се предвидува службите да се состануваат најмалку еднаш годишно, со цел континуирано јакнење на регионалната координација и унапредување на стандардите во планинското спасување.

Gorska Reševalna Zveza Slovenije, HGSS - Hrvatska gorska služba spašavanja, Gorska služba spasavanja Srbije - Mountain Rescue Service Serbia, Gss Crne Gore, Gorska služba spašavanja Federacije BiH, GSSuBiH, Shërbimi i Kërkim-Shpëtimit Malor i Kosovës, Shërbimi i Kërkim - Shpëtimit Malor i Shqipërisë,

24/03/2026

Алпинизмот претставува темелната основа врз која се гради квалитетот во планинското спасување. Ваквите врвни спортски достигнувања на нашите волонтери се јасен показател дека планинското спасување во Македонија поседува значителен потенцијал и капацитет повеќекратно да ѝ возврати на заедницата.

Алпинизмот не е само спорт или личен избор на животен стил. Тој е систем од вредности и вештини кои поединецот ги развива и ги става во служба на општеството — особено во моменти кога институционалните механизми се ограничени или недоволни.

Токму затоа, секој врвен алпинистички резултат од ваков ранг не само што нè исполнува со радост и гордост, туку и нè обврзува како заедница да вложиме максимални напори во поддршка на алпинизмот и на Македонска алпинистичка федерација. Целта е јасна: постигнување на уште повисоки успеси и, уште поважно, инспирирање на младите генерации да веруваат во вистинските вредности — во време кога површноста и квазивредностите сè почесто доминираат во општествениот простор.

Честитки за Мартин и Ико — со вашите успеси му давате дополнителна вредност и достоинство на планинското спасување во Македонија!

Тандемот алпинисти ја искачи легендарната насока „Supercouloir“ над Шамони, потврдувајќи дека македонскиот алпинизам влегува во нова ера. Охриѓанецот Мартин Пејоски и...

02/03/2026

Национална годишна конференција за планинско спасување

Во саботата (28.02.2026) на Попова Шапка се одржа Националната годишна конференција за планинско спасување, на која со свои претстваници учествуваа сите организации за планинско спасување од државата, членки на Националниот Сојуз за Планинско Спасување.

Целта на конференцијата беше анализа на сработеното во изминатата година, размена на искуства меѓу организациите, како и отворање дискусија за предизвиците со кои секојдневно се соочуваат спасувачките тимови.

Со особено задоволство, пред присутните беше презентиран и проектот „Волонтери во акција за безбедност на луѓето и заштита на природата“, со кој НСПС значително ќе го зајакне материјално техничкиот капацитет за спроведување на обуките за спасувачи, но и за опретивно делување во Полошкиот и Југозападниот регион од државата. Проектот е финасиран од ЕУ ИПА 3 програмата за прекугранична соработка со Албанија, а НСПС овој проект го спроведува во партнерство со Црвен крст Охрид и Национален парк Галичица од македонска страна и федерацијата за планинарство и туризам и општина Пеќин од албанска страна. Вкупниот буџет на проектот изнесува 796.000 евра.

Традиционално, во рамки на конференцијата беше одржана и презентација за најновите случувања и препораки на International Commission for Alpine Rescue (ICAR), проследена со потсетување и практична демонстрација на дел од клучните насоки за безбедно и ефикасно изведување на спасувачките операции.

Оваа година, практичниот дел беше посветен на личната безбедност на спасувачите во зимски услови – задолжителната и дополнителната опрема за лична заштита, како и специјализираните средства за безбеден транспорт на повредени лица во снежни планински услови.

Во рамки на настанот се одржа и редовното годишно собрание, на кое беа усвоени извештаите за работата на Сојузот во изминатата година, како и планот и програмата за 2026 година.
Како клучен приоритет и понатаму остануваат континуираната доедукација и професионална надградба на волонтерите во согласност со меѓународните стандарди, доопремувањето на организациите со современа специјализирана опрема, како и интеграцијата на НСПС во државниот систем.

Нашата заедничка цел е јасна – обезбедување брза, ефикасна и професионална Планинска спасителна служба на територијата на целата држава, во согласност со меѓународната пракса и препораките на ICAR.

27/02/2026

Честит 32-ри роденден на Батаљон за специјални сили „Волци“ при Армија на Република Македонија 🇲🇰

Со свечена церемонија, во пресрет на 1 март – денот на најелитната специјална армиска единица „Волци“, беше одбележан нивниот 32-ри роденден.

Горди сме на соработката што ја започнавме пред неколку години и цврсто решени да ја продлабочиме уште повеќе во периодот што следи. Во духот на НАТО вредностите и унапредувањето на воено-цивилната соработка, продолжуваме заеднички да придонесуваме кон поголема безбедност на граѓаните – не само во воени услови, туку и при природни катастрофи и други видови несреќи.

На момците чие мото е „СЕКОГАШ И СЕКАДЕ ПРВИ“ им го честитаме роденденот и им благодариме за довербата, како и за препознавањето на потенцијалот, силата и квалитетот на нашите волонтери.

Секогаш и секаде – заедно. 💪🇲🇰

16/01/2026

26/10/2025

🎉 5 години Национален Сојуз за Планинско Спасување! 🏔️

На денешен ден, 26 октомври 2020 година, во Охрид беше основан Националниот Сојуз за Планинско Спасување (НСПС). Во време на големата ковид пандемија, во комплексни околности и со бројни ограничувања, претставниците на седум организации со повеќе од 25 години искуство во развојот на планинското спасување на локално и регионално ниво се обединија со една цел — создавање на единствена национална служба за планинско спасување во Македонија, која ќе делува во согласност со меѓународните стандарди и препораките на ICAR (International Commission for Alpine Rescue).

Богатото искуство на основачите, изградено преку алпинистичките вештини, инструкторската работа, како и долгогодишното искуство во управување со донаторски проекти, заедно со членството на здружението АСКЛЕПИЈ во ICAR од 2016 година, беа јасни показатели дека патот кој го започнавме можеби ќе биде долг и предизвикувачки, но е единствениот исправен пат ако навистина сакаме да изградиме ефикасна служба за спасување на човечки животи, која ќе биде во служба на граѓаните и посетителите на нашата прекрасна планинска земја.

Во 2022 година, кон Сојузот се приклучија уште пет организации од различни делови на државата, со што бројот на членки се зголеми на 12 организации, кои обединуваат повеќе од 250 активни волонтери. Денес, присутни сме во Скопје, Тетово, Маврово, Велес, Струмица, Штип, Кочани, Охрид и Вевчани — таму каде што најчесто започнуваат и завршуваат нашите најголеми предизвици.

Со преносот на членството во ICAR од здружението АСКЛЕПИЈ во 2023 година, НСПС се стекна со највисоката А-категорија членство, како национална организација која ги покрива сите сегменти на планинското спасување во согласност со организациската поставеност и комисиите на ICAR.

Во изминатите пет години, реализиравме бројни мултилатерални и билатерални средби со спасителните служби од регионот, разменивме искуства и најдобри практики во оперативното делување, а беше потпишан и договор за регионална соработка меѓу службите од Македонија, Словенија, Хрватска, Босна и Херцеговина, Србија и Црна Гора.

Освен на меѓународно ниво, особено сме горди и на соработките што ги градиме дома 🇲🇰
Со потпишувањето на договорот за стратешко партнерство со Македонска алпинистичка федерација и Македонска асоцијација на интернационални водичи во планина - МАИВП, поставивме цврста основа за заеднички развој, унапредување и промоција на безбедноста во планинските спортови и туризмот. ⛰️🤝

🆕 Како симболичен и мошне вреден подарок за нашата петгодишнина, пред само неколку дена беше потпишан договор за грант финансиран од Европската Унија, преку ИПА III програмата за прекугранична соработка МК-АЛ.
Во проектот со наслов „Волонтерите во акција за безбедност на луѓето и заштита на природата“, НСПС учествува како партнер заедно со Црвен крст Охрид и Национален парк Галичица од македонска страна, и со Федерацијата за планинарство и Општина Пеќин од албанска страна.
Главната цел на проектот е јакнење на кадровиот и материјално-техничкиот капацитет на волонтерските организации за одговор во комплексни ситуации за спасување. Со неговата реализација, во наредните две години, делумно ќе се надомести недостатокот од институционална поддршка и ќе се обезбеди современа опрема која ќе им овозможи на нашите волонтери безбедно и ефикасно изведување на спасувачки операции во согласност со највисоките стандарди.

🎥 По повод пет години од нашето основање, споделуваме видео кое најдобро ја доловува суштината на нашата мисија – континуирана едукација и надградба на нашите волонтери, нашата најголема вредност, сила и гордост.

🙏 Благодарност до сите членови, партнери и поддржувачи што веруваат во нашата работа и ја споделуваат нашата посветеност.

Продолжуваме со истата цел и енергија – во служба на луѓето и спасувањето на човечки животи! 🌲💪

Убави моменти од летниот собир 2025 на НСПС!На овој собир, нашите членови ги усогласуваа и освежија знаења за стандардните техники за укажување прва помош, и...

13/10/2025

Полека но сигурно, колегите од Струмица ги воведуваат високите меѓународни стандарди и европските практики во своето делување. Тоа е единствената формула за безбедно и ефикасно изведување на спасителните операции во комплексни услови. Само со работа и огромен ентузијазам се постигнуваат високи цели, дури и во отсуство на институционална поддршка. Уште еднаш БРАВО за колегите од Алпинистички клуб Скала од Струмица

13/10/2025

🙌 Почит за визијата и поддршката кон волонтерите

Градоначалникот Кирил Пецаков ќе остане запаметен во историјата на планинското спасување во Македонија како првиот локален функционер кој искрено ја препозна важноста на волонтерските организации – луѓе кои со својот ангажман воведуваат високи светски стандарди во служба на заедницата, спасувајќи човечки животи, често ризикувајќи го и сопствениот.

Благодарение на неговата свесност за тоа колку е значајна организирана планинска спасителна служба, како за безбедноста на граѓаните, така и за развојот на авантуристичкиот туризам, општина Охрид стана првата и единствена општина во Македонија која веќе три години издвојува програмски средства за покривање на дел од оперативните трошоци на Планинската Спасителна Служба.

Иако средствата не ги покриваат сите потреби, тие се клучна поддршка благодарение на која службата успева да обезбеди 24-часовна оперативна подготвеност – не само на територијата на Охрид, туку и во уште четири соседни општини во охридско-преспанскиот регион.

💬 Искрено се надеваме дека примерот на Градоначалникот Пецаков ќе го следат и останатите градоначалници, независно од нивната партиска определба.

Во партнерство со Националниот сојуз за планинско спасување и организациите што се дел од него, можеме да изградиме систем кој ќе обезбеди широка покриеност и безбедност на целата територија на државата.

Средствата со кои располагаат општините се средства на граѓаните, насочени кон унапредување на квалитетот и безбедноста на животот. Затоа е важно нивната распределба да зависи од свеста и визијата на оние што ја носат одлуката – а не од политичката боја.

На г-дин Пецаков и на сите кандидати за градоначалници им посакуваме успешна изборна трка, со порака – верувајте повеќе во силата на волонтерите, затоа што токму тие се пример како со европски стандарди, знаење и хуманост, може да се создаде подобра и побезбедна заедница.

🚑 Ohrid Red Cross - Mountain Rescue Service и Општина Охрид во изминатите три години се најдобар доказ дека и во Македонија може да се изградат функционални и ефикасни волонтерски служби, во согласност со европските вредности – и дека нашите граѓани се луѓе со големо срце, подготвени волонтерски да придонесат кога ќе почувствуваат дека нивниот труд е искрено ценет. ❤️

09/10/2025

Голема трагедија во Словенија.

Нашите колеги од ГРЗС повторно нè потсетуваат колку е тешка и благородна мисијата на планинските спасувачи. Во својот емотивен и искрен осврт, колегата на извонреден начин ги пренесува сите детали од интервенцијата — не само фактите, туку и чувствата, тишината по адреналинот, тежината на одлуките и човечката болка што секој спасувач ја носи со себе.
Без разлика на земјата, условите или природата на интервенцијата — тие емоции се исти насекаде во светот. Тоа е дел од цената на посветеноста, но и доказ за величината на оваа професија.

Изразуваме длабоко сочувство до семејствата и пријателите на тројцата трагично загинати планинари. Нека нивниот последен чекор остане потсетник на љубовта и почитта кон планината.

https://www.morski.hr/slovenski-spasioc-detaljno-opisao-dramaticnu-potragu-za-hrvatskim-planinarima/?fbclid=IwY2xjawNUXyBleHRuA2FlbQIxMABicmlkETFpYTZLVHliemZJOEJHaEYzAR7kAFIliTrpOpy8-2bO_ACSsD8es2DWr1vygCJ0nk_kc7wvwlPAZr_LYue1eg_aem_HXgkDC1SHgS2TBeQsoxjyg

Sašo Dudić, slovenski gorski spašavatelj i član ekipe koja je prva stigla do mjesta tragedije na Toscu, opisao je kako je izgledala drama u Julijskim Alpama koja je završila tragičnom smrću tri planinara. Tekst su objavili njegovi kolege iz Gorske udruge spašavanja Radovljica. "Budim se u ki...

04/10/2025

Највредните зборови доаѓаат од оние што најдобро ја знаат тежината на трудот 💬

Најубаво чувство е кога ќе слушнете пофални зборови за направеното и постигнатото — особено кога тие доаѓаат од колеги кои секојдневно се соочуваат со истите предизвици. Тие најдобро знаат колку труд, време и посветеност се потребни за да се изгради нешто вредно, трајно и корисно за заедницата.

Затоа ни претставува голема чест и радост што колегите од Gorska Reševalna Zveza Slovenije го препознаа нашиот труд и посветеност и ги споделија своите позитивни впечатоци и поддршка за нашата работа.

За жал, вредноста и посветеноста на нашите волонтери сè уште не се доволно препознаени од државните институции. Но, веруваме дека ќе дојде време кога волонтерските организации, кои секојдневно даваат свој придонес за безбедноста и доброто на сите граѓани, ќе добијат заслужен третман и поддршка. Само така ќе можеме уште поефикасно и систематски да му помагаме на општеството.

👉 Во продолжение го споделуваме текстот објавен од GRZS, кој прекрасно ја опишува нивната посета, впечатоците и заедничките активности:

Голема благодарност до колегите од GRZS за нивната посета, пријателство и искрените зборови на признание. Вашата поддршка ни значи многу! 🙏🇲🇰🤝🇸🇮

Ob koncu septembra smo se člani Komisije za opremo GRZS, skupaj z dvema sodelavkama iz pisarne GRZS, odpravili na strokovno ekskurzijo v Severno Makedonijo, kjer smo se srečali s kolegi iz НСПС - Национален Сојуз за Планинско Спасување.