Police Judiciaire Toamasina

05/09/2026

🚨 FIKAROANA 🚨
Karoana fatratra i ÉRIC JOËL izay nitsoaka tao amin’ny fonjan’Ambalatavohangy. Iangaviana izay mahita na manana angom-baovao momba azy mba hampilaza ny mpitandro ny filaminana farany izay haingana.

04/09/2026

FAMPILAZANA ZAZA HITA
Misy zaza hita ary naterin’olona ato amin’ny Police Judiciaire (PJ) Toamasina, akaikin’ny Lycée Technique.
Mombamomba ilay zaza :
Anarana: Razafinirina Joe Maria
Taona: 13 taona
Ray aman-dreny: Bruno sy Niry
Fiaviana: Soandrary/Antsirabe
Mipetraka amin’i: Marina zokiny eto Toamasina Ny ray aman-dreny na fianakaviany dia asaina manatona ny PJ Toamasina, miaraka amin’ny fanamarinana maha-ray aman-dreny na maha-fianakaviana.

24/08/2026

🔴 🔴 POLICE JUDICIAIRE TOAMASINA

FISOKOLOKIANA AMIN’NY FAMPANANTENANA FAMPIDIRANA OLONA Hiasa AO AMIN’NY APMF SY ACM

Taorian’ny fitarainana napetraky ny olona maromaro izay nilaza fa voafitaka tamin’ny alalan’ny fampanantenana hampidirana azy ireo hiasa ao amin’ny APMF sy ACM, dia nanao fanadihadiana ny Police Judiciaire Toamasina.

Vehivavy iray, 31 taona, no voasambotra ary niaiky nandritra ny famotorana fa naka vola tamin’ireo olona voafitaka, izay mitentina 2 600 000 Ariary ka hatramin’ny 14 000 000 Ariary, arakaraka ny olona.

Ny fanadihadiana ihany koa dia nahafantarana fa efa voalaza fa nanao tranga mitovitovy amin’izany teo aloha ity vehivavy ity. Mbola misy olona hafa ahiahiana ho mpiara-miasa aminy, ka mitohy ny fikarohana sy ny fanadihadiana ataon’ny Polisim-pirenena.

Natolotra ny Fampanoavana, androany 21 Aogositra 2026, ilay voarohirohy, mba hanohizana ny dingana ara-pitsarana mifandraika amin’ity raharaha ity.Notanana amponja vonjimaika izy mandrapihavin'ny fotoampitsarana. Ireo mpiray tsikombakomba aminy dia karohina eny amin'ny fiaraha-monina

Manentana ny vahoaka ny Police Judiciaire Toamasina mba ho mailo hatrany amin’ireo fampanantenana asa izay mitaky fandoavam-bola, ary tsy hanome vola amin’olona tsy manana fahefana na antontan-taratasy ara-dalàna manamarina izany.

Ampirisihina ihany koa ny olom-pirenena mba hampandre avy hatrany ny mpitandro filaminana raha mahita na mahafantatra tranga fisolokiana na fihetsika mampiahiahy eo anivon’ny fiarahamonina.

Ny fiaraha-miasan’ny vahoaka no antoky ny fiarovana sy ny ady amin’ny heloka bevava.

17/08/2026

Modely fitoriana
Model de platine

16/08/2026

FILAZANA ZAZA HITA

Misy zaza lahy 5 taona eo ho eo, milaza fa Christiano no anarany, hita nirenireny ary naterin’olona ato amin’ny Biraon’ny Police Judiciaire, akaikin’ny Lycée Technique Tanamakoa.
Arakin’ny filazany dia zanak’i LUDO SY PATRICA ao Ambodirana izy.
Iangaviana ny ray aman-dreniny na havany hanatona haka azy, mitondra fanamarinana maha-ray aman-dreny na havana.
Izay mahafantatra azy dia angatahana hampita haingana ity vaovao ity amin’ny fianakaviany.

Misaotra amin’ny fiaraha-mientana.

16/08/2026

FILAZANA ZAZA VAVY ROA HITA

Ampahafantarina ny besinimaro fa misy zaza vavy roa hita ary naterin’olona ao amin’ny Biraon’ny Police Judiciaire (PJ), akaikin’ny Lycée Technique.
1-Jimmila Windy Christina, 11 taona, zanak’i Ismaël sy Cely.
2-Olga Stéphanie, 13 taona, zanak’i Naina sy Nirina.
Araka ny filazan’izy ireo dia samy monina ao Tanambao Savalegna, Brickaville.Miangaviana ny ray aman-dreny na havan’izy ireo mba hanatona ny Biraon’ny PJ, miaraka amin’ny taratasy fanamarinana manaporofo ny maha-ray aman-dreny na havana.
Izay mahafantatra azy ireo na ny fianakaviany dia angatahana mba hampita haingana izao vaovao izao.
Misaotra amin’ny fiaraha-miasa.

13/08/2026

TOAMASINA | Ravan’ny Polisimpirenena (Police Judiciaire) Toamasina, akaikin’ny Lycée Technique, ny tambazotra fikambanan-jiolahy iray voalaza fa tompon’antoka tamin’ny vaky trano sy fanendahana mahery vaika teny Ankirihiry sy Ambohijafy.

Tsiahivina fa ny alin’ny 03 hifoha 04 Aogositra 2026, teo anelanelan’ny 01:00 sy 02:45, dia nisy trano telo novakian’izy ireo, ka iray teny Ankirihiry ary roa teny Ambohijafy.

Voasambotra ireo ahiahiana ho tompon’antoka:

* MOSA Jean Fredy
* RANDRIANARISON Vololoniaina Fernand
* RAKODRABEHAJAINA Charly

Nampiasain’izy ireo tamin’ireo asa ratsy ireo ny antsibe, hety, zava-maranitra ary jiro (torche).

Tratra tao amin’ny fonenan’izy ireo ihany koa ny ampahany amin’ireo entana halatra, ahitana: kapa Aigle d’Or 2, ordinateur Acer misy chargeur 1, finday Android 3, finday touche 3, power bank 1 ary speaker 1.

Marihina fa 22 taona eo ho eo ny salan-taonan’ireto voasambotra ireto, ary efa mpamerin-keloka ny roa amin’izy ireo. Hatolotra ny Fampanoavana anio izy ireo, raha mbola mitohy kosa ny fikarohana ireo naman’izy ireo sy izay rehetra voarohirohy amin’ity tambazotra ity.

👉 Manentana hatrany ny olom-pirenena ny Polisimpirenena mba hanome vaovao ara-potoana sy hiara-hiasa amin’ny mpitandro ny filaminana amin’ny ady amin’ny asan-jiolahy

08/08/2026

06/08/2026

LA DIVISION PMPM DE LA POLICE JUDICIAIRE