Faritra Vakinankaratra Ofisialy

Faritra Vakinankaratra Ofisialy La Région de Vakinankaratra est une des 23 Régions de Madagascar, Province d'Antananarivo

🏛️ TETIBOLA 2027 : VAKINANKARATRA MANDRAY ANJARA AMIN’NY FAMETRAHANA IREO LAHARAM-PAHAMEHANA HO AN’NY FAMPANDROSOANA"Ny ...
02/09/2026

🏛️ TETIBOLA 2027 : VAKINANKARATRA MANDRAY ANJARA AMIN’NY FAMETRAHANA IREO LAHARAM-PAHAMEHANA HO AN’NY FAMPANDROSOANA

"Ny filàn’ny vahoaka no fototra, ny tetibola no fitaovana, ary ny fampandrosoana no tanjona."

📍 Notanterahina ny Talata 01 Septambra 2026, tao amin’ny Oniversiten’i Vakinankaratra, ny Fikaonandoham-paritra ho an’ny fandrafetana ny Tetibolam-panjakana 2027.

Ramatoa RANDRIANAIVO Voahangindraibe Ravakiniaina, Lehiben’ny Fileovan’Antsirabe, no nanokatra tamin’ny fomba ofisialy ny fotoana. Nisolo tena ny Lehiben’ny Faritra Vakinankaratra kosa Ramatoa RAMAMONJISOA Riana Tsiry Miarana, Tale misahana ny Fandraharahana sy ny Vola eo anivon’ny Faritra.

🤝 Niara-nidinika ireo Vondrombahoakam-paritra itsinjarampahefana, Sampandraharaham-panjakana, Fiarahamonim-pirenena, solontenan’ny tanora ary mpiara-miombona antoka, mba hamaritana ireo laharampahamehana mifototra amin’ny filàna eny ifotony.

🎯 Kendrena ny hamadihana ireo filàna sy sosokevitra ho tetikasa mazava sy asa azo tanterahina, hitondra vokatra mivaingana ho an’ny vahoaka.

🌾 Vakinankaratra : Faritra mamokatra, mandray andraikitra ary manolo-tena ho amin’ny fampandrosoana maharitra.

🥂 MALTO : 50 TAONA NIARAHANA TAMIN’NY TANTSAHA📍 01 Aogositra 2026 — Nankalazaina tao amin’ny foiben’ny MALTO ny faha-50 ...
01/09/2026

🥂 MALTO : 50 TAONA NIARAHANA TAMIN’NY TANTSAHA

📍 01 Aogositra 2026 — Nankalazaina tao amin’ny foiben’ny MALTO ny faha-50 taonan’ity orinasa, anisan’ireo rantsamangaika lehibe eo anivon’ny STAR Madagascar amin’ny famokarana zava-pisotro.

🌾 Tamin’io fotoana io ihany koa no notokanana tamin’ny fomba ofisialy ireo toerana fitahirizana orza miisa efatra (4), izay mahazaka 8 000 hatramin’ny 14 000 taonina. Miara-miasa amin’ireo tantsaha mpamokatra orza manodidina ny 20 000 ny MALTO, ka mandray anjara amin’ny fanatsarana ny famokarana sy ny fidiram-bolan’izy ireo.

🎁 Natolotra ihany koa ireo fitaovana, toy ny "pulvérisateurs" sy fitaovam-pianarana, ho fanohanana ireo tantsaha mpisitraka sy ny zanany.

🤝 Nanome voninahitra ny fotoana ny Talen’ny Kabinetra, Andriamatoa TOBIARITINA Nofidiantsoa Tsinjomahenina, nisolo tena an-dRamatoa RAVAONIRINA Nathalie Sebastienne, Lehiben’ny Faritra Vakinankaratra.

📈 50 taona ny lasa, fa ny vina dia ny hanamafy hatrany ny fiaraha-miasa, hampiroborobo ny tantsaha ary hanatsara ny tontolon’ny fandraharahana eto Vakinankaratra.

🔥 MANDOTO : FANAMPIANA HO AN’NY TRABOINA TAORIAN’NY HAINTRANOHaintrano goavana no nitranga tao amin’ny Fokontany Ambatol...
01/09/2026

🔥 MANDOTO : FANAMPIANA HO AN’NY TRABOINA TAORIAN’NY HAINTRANO

Haintrano goavana no nitranga tao amin’ny Fokontany Ambatolahy Fanamena, Kaominina Ankazomirihotra II, Distrikan’i Mandoto, ny Sabotsy 29 Aogositra 2026, ka trano miisa 31 tafo no rava.

Nidina teny an-toerana naneho firaisankina sy nitondra fanampiana ho an’ireo niharam-boina ny Lehiben’ny Faritra Vakinankaratra,Ramatoa RAVAONIRINA Nathalie Sébastienne, niaraka tamin’ireo tompon’andraikitra isan’ambaratonga: notarihin-dRamatoa Lehiben'ny Fileovana Antsirabe, ny Talem-paritry ny mponina sy ny firaisankina,
ny Solombavambahoaka voafidy tao Mandoto, Lehiben’ny Distrika, Ben’ny Tanàna Ankazomirihotra ary ireo mpitandro ny filaminana.

Ho fanamaivanana ny fahasahiranan’ireo fianakaviana voakasika, dia nanolotra vary iray gony sy menaka 1 litatra isan-tokantrano Ramatoa Lehiben’ny Faritra, ary nanolotra fitaovan-dakozia ihany koa ny Fitaleavam-paritry ny mponina sy ny firaisankina.

Firaisankina sy fifanomezan-tanana no hery iatrehana ny fotoan-tsarotra. 🤝

🎓🇲🇬 AJUVA : NY TANORA, HERY LEHIBE HO AN’NY HO AVY SY NY FAMPANDROSOANA AN'I VAKINANKARATRA📍 30 Aogositra 2026 Espace K...
01/09/2026

🎓🇲🇬 AJUVA : NY TANORA, HERY LEHIBE HO AN’NY HO AVY SY NY FAMPANDROSOANA AN'I VAKINANKARATRA

📍 30 Aogositra 2026 Espace Kalotody – Andohanimandroseza

Tanteraka ny Alahady teo ny « Réception AJUVA », hetsika natao hanamafisana ny firaisankina sy ny fiaraha-mientan’ireo tanora mpianatra eny amin’ny ambaratonga ambony, mpikambana ao amin’ny AJUVA (Association des Jeunes Universitaires du Vakinankaratra), izay ahitana mpikambana manodidina ny 2 000.

Ny lanonana dia notanterahina teo ambany fiahian’ny Mpanolotsaina Avon’ny Fanavaozana ny Repoblikan’i Madagasikara, Kolonely RAMPANARIVO Solofoniaina Thierry, ary notarihin’ny Filohan’ny AJUVA, Atoa RAZAFIARISON Sitrakiniaina Patrick.

🤝Nanohana sy nanotrona ary nanokatra tamin’ny fomba ofisialy ny hetsika Ramatoa RAVAONIRINA Nathalie Sebastienne, Lehiben’ny Faritra Vakinankaratra. Nandritra ny lahateniny dia nanamafy ny fanohanana sy ny fahavononan’ny Faritra hiara-hiasa amin’ny tanora, izay heverina ho anisan’ireo hery lehibe mitondra ny vina sy ny fampandrosoana an’i Vakinankaratra.

👥 Nanotrona ny hetsika ihany koa ireo solontenan’ny Minisiteran’ny Varotra sy ny Fanjifana, ny Minisiteran’ny Rano, Fanadiovana sy Fidiovana, ireo Solombavambahoaka voafidy eto Vakinankaratra — RAFIDIMANANA Narson (Antanifotsy), ANDRIAMANAMPISOA Alfred (Antsirabe II) sy Ramim’s (Ambatolampy) — ary ireo tompon’andraikitra sy olo-manan-kaja isan-tsokajiny.

🏆 Nofaranana tamin’ny fanolorana amboara sy mari-pankasitrahana ho an’ireo nandray anjara tamin’ny fifaninanana fanorona, tononkalo, kabary ary baolina kitra vehivavy ihany koa ny hetsika. Ny kapitenin’ny ekipa vehivavy dia hahazo fahafahana hanatrika ny lalaon’ny BAREA any Nigeria, raha hahazo fotoana fialan-tsasatra any amin’ny toerana amoron-tsiraka kosa ny ekipa.

💬 « Ny tanora no hery manosika ny fampandrosoana. »





— Faritra Vakinankaratra Ofisialy 🇲🇬

🇲🇬 FANDROSO : MANOKATRA LALANA HO AN’NY MPANDRAHARAHA📍 Notanterahina tao amin’ny Tranom-pokonolona, ny 29 Aogositra 2026...
29/08/2026

🇲🇬 FANDROSO : MANOKATRA LALANA HO AN’NY MPANDRAHARAHA

📍 Notanterahina tao amin’ny Tranom-pokonolona, ny 29 Aogositra 2026, ny fampahafantarana ny Fandaharan’asa Nasionaly FANDROSO, notarihin’Andriamatoa Andry RAOBELINA, Filohan’ny Filakevim-pitatanana.

👥 Nisolo tena an-dRamatoa RAVAONIRINA Nathalie Sebastienne, Lehiben’ny Faritra Vakinankaratra, ny Lehiben’ny Sampan-draharaha misahana ny Serasera sy ny Fifandraisana amin’ny Daholobe.

💰 Natao hanamorana ny fahazoana famatsiam-bola sy fanohanana ho an’ny tanora, mpandraharaha ary mpamorona tetikasa ny FANDROSO. Mizara roa izy : TSIRY, ho an’ny famoronana asa sy orinasa vaovao, ary TAFITA, ho an’ny fampivelarana ireo orinasa efa misy.

🌱 Mahakasika sehatra maro izany, toy ny fambolena, fiompiana, varotra, fizahantany, indostria, asa-tanana, nomerika ary teknolojia.

👉 FANDROSO : manohana ny hevitra, mampiroborobo ny fandraharahana, mamorona asa.

KOA RAHA NY ZANAKA NO MANAFAKA ANAREO DIA HO AFAKA TOKOA IANAREO.📍 Antsirabe 27 Aogositra 2026 — Nisokatra tamin’ny fomb...
28/08/2026

KOA RAHA NY ZANAKA NO MANAFAKA ANAREO DIA HO AFAKA TOKOA IANAREO.

📍 Antsirabe 27 Aogositra 2026 — Nisokatra tamin’ny fombam-piangonana tao amin’ny FJKM Antsirabe Fitiavana ny Tafika Masina Nasionalin’ny Sampana Vokovokomanga FJKM.

📖 « Fa asany isika, voaforona tao amin’i Kristy Jesosy mba hanao asa tsara » — Efesiana 2:10a. Io no teny filamatra entina mampahery sy manentana ny tanora, ny ankizy ary ny olona rehetra hifidy ny lalana mahitsy ary haneho izany amin’ny asa tsara.

👥 Manodidina ny 966 ireo mpandray anjara tonga nanotrona ny fanokafana.

🤝 Nisolo tena an-dRamatoa RAVAONIRINA Nathalie Sebastienne, Lehiben’ny Faritra Vakinankaratra, ny Talen’ny Kabinetra, Andriamatoa TOBIARITIANA Nofidiantsoa Tsinjomahenina.

🌱 Ny finoana no fototra, ny asa tsara no porofo, ny tanora no hery hanorina ny ho avy.

🇲🇬 DISTRIKA ANTSIRABE II: IVONTOERANA VAOVAO MANAMAFY NY FAMPANDROSOANA IFOTONY Andranomanelatra – 27 Aogositra 2026: No...
28/08/2026

🇲🇬 DISTRIKA ANTSIRABE II: IVONTOERANA VAOVAO MANAMAFY NY FAMPANDROSOANA IFOTONY

Andranomanelatra – 27 Aogositra 2026: Notokanana ny Centre de Ressources – Dispositif District, ivontoerana vaovao natokana hanamafisana ny fahazoana loharanom-pahalalana sy hanohanana ireo mpisehatra amin’ny fampandrosoana eny ifotony.

🎯 Sehatra iray hampifandraisana ny fahalalana, ny vaovao ary ny asa izy ity, ka hanampy amin’ny fandrindrana ireo hetsika sy fanapahan-kevitra mifototra amin’ny vaovao marina sy ilaina ho an’ny fampandrosoana.

🤝 Amin’ny alalan’ity ivontoerana ity, dia mitombo hatrany ny ezaka entina manakaiky ny vahoaka, manamora ny fahazoana vaovao ary manamafy ny fiaraha-mientan’ireo mpisehatra amin’ny fampandrosoana.

🎙️ Nisolo tena an-dRamatoa RAVAONIRINA Nathalie Sebastienne, Lehiben’ny Faritra Vakinankaratra, ny Talen’ny Kabinetra, Andriamatoa TOBIARITIANA Nofidiantsoa Tsinjomahenina, nandritra ny lanonana fanokafana.

✨ Fahalalana akaiky ny vahoaka. Fampahalalana ho an’ny asa. Fitaovana ho an’ny fampandrosoana.

🤝TANORA, KOLONTSAINA, FANATANJAHANTENA : FANOHANANA NY TALENTA ETO VAKINANKARATRANy Sabotsy 22 Aogositra 2026, dia nanam...
28/08/2026

🤝TANORA, KOLONTSAINA, FANATANJAHANTENA : FANOHANANA NY TALENTA ETO VAKINANKARATRA

Ny Sabotsy 22 Aogositra 2026, dia nanamafy ny fanohanany ny tanora, ny fanatanjahantena ary ny kolontsaina ny Faritra Vakinankaratra, tamin’ny alalan’ny hetsika roa nisongadina:

🥋 Zaikaben’ny Kung Fu WISA, izay nosokafana tamin’ny fomba ofisialy tao Atsongo, ho fampiroboroboana ny fanatanjahantena sy ny fanabeazana ny tanora amin’ny alalan’ny fifehezan-tena, fahasahiana ary fanajana.

🎭 Fivoriambe nananganana ny Vondron’ny Mpiangaly Kanto eto Vakinankaratra (VMKV), natao tao amin’ny Tranoben’ny Kolontsaina ao Vatofotsy, ho fanamafisana ny firaisankina sy ny fandrindrana ny sehatry ny zavakanto eto amin’ny Faritra.

Nisolo tena an-dRamatoa RAVAONIRINA Nathalie Sebastienne, Lehiben’ny Faritra Vakinankaratra, tamin’ireo hetsika roa ireo ny Lehiben’ny Sampan-draharaha misahana ny Kolontsaina sy ny Fampiroboroboana ny Tanora.

✨ Tanora manana talenta, kolontsaina velona ary fanatanjahantena mandrafitra olom-pirenena vanona: hery iorenan’ny fampandrosoana maharitra an’i Vakinankaratra.

🏙️ IVOTOERANA HO AN’NY LOHARANON-KARENA SY NY FAMPANDROSOANA IFOTONY📍 Notanterahina ny 26 Aogositra 2026, tao amin’ny Ef...
27/08/2026

🏙️ IVOTOERANA HO AN’NY LOHARANON-KARENA SY NY FAMPANDROSOANA IFOTONY

📍 Notanterahina ny 26 Aogositra 2026, tao amin’ny Efitrano Malalaky ny Kaominina, ny fitokanana ny "centre de ressources et d'innovation des villes" (CRIV)- Antsirabe izay tetikasa iarahan'ny Ministeran'ny Atitany sy ny Fitsinjaram-pahefana, ny PNUD ary ny Association des Grandes Villes de Madagascar (AGVM) – Antsirabe.

Nanome voninahitra ny hetsika Ramatoa RAVAONIRINA Nathalie Sébastienne, Lehiben’ny Faritra Vakinankaratra.

Natao moa izao ivotoerana izao mba hanamora ny fahazoana vaovao sy angon-kevitra momba ny kaominina, ka hanampy amin’ny fanatsarana ny fandrindrana sy ny fandraisana fanapahan-kevitra ho an’ny fampandrosoana ny tanàna.

✨ Ny fahalalana sy ny angon-kevitra no fototry ny fanapahan-kevitra mahomby!

⛪FIANGONAN'I JESOA KRISTY ETO MADAGASIKARA:ANTSIRABE NO MANDRAY NY FIHAONAMBEN'NY SAMPANA FIVONDRANANA LAIKA MANERANA NY...
26/08/2026

⛪FIANGONAN'I JESOA KRISTY ETO MADAGASIKARA:
ANTSIRABE NO MANDRAY NY FIHAONAMBEN'NY SAMPANA FIVONDRANANA LAIKA MANERANA NY NOSY, AHITANA MPIZAIKA MANODIDINA NY 3 000 ISA👥🙌

🙏 "Laika: Masina, Miombona, Miasa".

🕊️Mifototra amin'io teny manentana io ny fampianarana omena ireo SFL eo anivon'ny FJKM mandritra ny fihaonambe izay ataon'izy ireo ao anatin'ny 03 andro.
Fotoam-pivavahana no noentina nanokafana tamin'ny fomba ofisialy ny fihaonana ny andron'ny alarobia 26 aogositra tao amin'ny FJKM KAMAFA Vatofotsy eto amin'ny Synodam-Paritany Andrefana Atsimonankaratra Miaradia. Ny
lehiben'ny sampan-draharaha misahana ny fananantany sy fanajariana ny tany Andriamatoa MAMINOMENJANAHARY Herinjaka Antoine no nisolontena ny fiadidiana ny faritra tamin'ity fotoana ity.

🤝Nirary soa ho amin'ny fahombiazana ny hetsika izay tanterahin'ny Fiangonana ny tenany nandritry ny fandraisam-pitenenany ary nohamafisiny fa ny Fiadidiana ny Faritra dia misokatra hatrany amin'ny fiaraha-miasa rehetra ho amin'ny fampandrosoana.


Address

Région Vakinankaratra
Antsirabe
110

Website

Alerts

Be the first to know and let us send you an email when Faritra Vakinankaratra Ofisialy posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Faritra Vakinankaratra Ofisialy:

Shortcuts

Share

Category