Médiature de la République de Madagascar -Page officielle

04/06/2026

VEHIVAVY MALAGASY : ANDRIN’NY FANAVAOZANA SY FAMPIHAVANANA NY FIRENENA

— 𝑀p𝑖aℎy 𝑎n-d𝑟a𝑟i𝑛y, 𝑓aℎa-4 j𝑜n𝑎 2026 —

🔴Tanterahina etsy amin’ny Carlton Anosy mandritra ny roa andro ny Fihaonambem-pirenena ho an’ny Vehivavy sy tanora vehivavy mpitarika Malagasy, izay iarahan’ireo mpisehatra maro mandinika ny fomba hanamafisana ny fandraisan’anjaran’ny vehivavy amin’ny fiainam-pirenena sy ny fanavaozana ny fiarahamonina. Manatrika izany ny Mpiahy an-drariny miaro ny zon’ny vahoaka, Profesora 𝗔𝗡𝗗𝗥𝗜𝗔𝗡𝗔𝗜𝗩𝗢𝗧𝗦𝗘𝗛𝗘𝗡𝗢 𝗥𝗮𝘃𝗮𝗸𝗮,.

✅Nisongadina nandritra ny lanonam-panokafana androany fa hery lehibe manosika ny fiovana sy mpiantoka ny fampandrosoana maharitra ny vehivavy rehefa omena sehatra handraisana andraikitra. Nanamafy izany Ramatoa RANDRIANIRINA Elisa, vadin’ny Filohan’ny Fanavaozana ny Repoblika izay nanambara fa « ivon’ny fanavaozana ny vehivavy Malagasy ». Efa tsikaritra rahateo fa miakatra hatrany ny taham-pandraisan’anjaran’izy ireo eo amin’ny sehatry ny fitantanana, ny fampandrosoana ary ny fampihavanam-pirenena eto Madagasikara.

🧏‍♀️Anisan’ny takian’ny vehivavy ao anatin’izao fivoriambe izao ny fanomezana lanja ny feon’izy ireo amin’ny fanapahankevitra rehetra horaisina ao anatin’izao politikan’ny fanavaozana izao hananganana fiarahamonina mirindra, mifototra amin’ny rariny, ny fitovian-jo ary ny tombontsoa iombonan’ny rehetra.

𝐍y S𝐞r𝐚s𝐞r𝐚n’n𝐲 𝐌p𝐢a𝐡y a𝐧-𝐝r𝐚r𝐢n𝐲

01/06/2026

𝟤𝟨 𝖩𝖮𝖭𝖠 𝟣𝟫𝟨𝟢 – 𝟤𝟨 𝖩𝖮𝖭𝖠 𝟤𝟢𝟤𝟨 : 𝖭𝖨𝖲𝖮𝖪𝖠𝖳𝖱𝖠 𝖳𝖠𝖬𝖨𝖭’𝖭𝖸 𝖥𝖮𝖬𝖡𝖠 𝖮̈𝖥𝖨𝖲𝖨𝖠𝖫𝖸 𝖭𝖸 𝖥𝖠𝖭𝖪𝖠𝖫𝖠𝖹𝖠𝖭𝖠 𝖭𝖸 𝖥𝖤𝖳𝖨𝖬-𝖯𝖨𝖱𝖤𝖭𝖤𝖭𝖠

— 𝑀p𝑖aℎy 𝑎n-d𝑟a𝑟i𝑛y, 𝑓aℎa-1 j𝑜n𝑎 2026 —

🔴Natomboka tamin’ny fananganan-tsaina niombonan’ny Faritra rehetra manerana an’i Madagasikara, notarihin’ireo Mpanolotsaina Avon’ny Fanavaozana ny Repoblika sy ny Praiminisitra, Lehiben’ny Governemanta, androany tetsy Analakely, manoloana ny Lapan’ny Tanàna, ny fankalazana ny fetim-pirenena.

🎢Naseho nandritra ity lanonam-panokafana ôfisialy ity ny sary famantarana sy ny tarakevitra lehibe hoe: “66 taona - Fanavaozana ho an’ny fandrosoan’i Madagasikara”, izay mampitodika ny vahoaka Malagasy amin’ireo hetsika maroloko hankalazana ny faha-66 taona niverenan’ny fahaleovantenan’i Madagasikara sy ny nijoroan’ny Foloalindahy.

✅Maro ireo olomanankaja sy tomponandraikitra ambony sivily sy miaramila tonga nanatrika ity fotoan-dehibe ity. Nanome voninahitra izany teny an-toerana ihany koa ny Profesora 𝗔𝗡𝗗𝗥𝗜𝗔𝗡𝗔𝗜𝗩𝗢𝗧𝗦𝗘𝗛𝗘𝗡𝗢 𝗥𝗮𝘃𝗮𝗸𝗮, Mpiahy an-drariny miaro ny zon’ny vahoaka, sy ireo delegasiôna notarihiny. Manamafy hatrany ny tenany fa zava-dehibe ny fanomezan-kasina ny fiandrianam-pirenena ao anatin’ny fifankatiavana, ny firaisankina ary ny fihavanana.

≠Atsangano_ny_sainam_pirenena🇲🇬🇲🇬🇲🇬

𝐍y S𝐞r𝐚s𝐞r𝐚n’n𝐲 𝐌p𝐢a𝐡y a𝐧-𝐝r𝐚r𝐢n𝐲

31/05/2026

19/05/2026

𝖬𝖨𝖳𝖮𝖧𝖸 𝖭𝖸 𝖣𝖨𝖠𝖭’𝖭𝖸 𝖬𝖯𝖨𝖠𝖧𝖸 𝖠𝖭-𝖣𝖱𝖠𝖱𝖨𝖭𝖸 𝖲𝖸 𝖭𝖸 𝖣𝖤𝖫𝖤𝖦𝖠𝖲𝖨𝖮̂𝖭𝖠 𝖳𝖠𝖱𝖨𝖧𝖨𝖭𝖸

— 𝑀p𝑖aℎy a𝑛-𝑑r𝑎r𝑖n𝑦, f𝑎h𝑎-19 m𝑒y 2026 —

✅Manohy ny diany ao amin’ny renivohitr’i Frantsa ny Mpiahy an-drariny miaro ny zon'ny vahoaka, Profesora 𝗔𝗡𝗗𝗥𝗜𝗔𝗡𝗔𝗜𝗩𝗢𝗧𝗦𝗘𝗛𝗘𝗡𝗢 𝗥𝗮𝘃𝗮𝗸𝗮, sy ny delegasiôna tarihiny, ao anatin’ny fanamafisana ny fiaraha-miasa sy ny fifanakalozana traikefa amin’ireo Andrimpanjakana iraisampirenena mpiaro ny zon’olombelona sy ny fahamarinana.

🤝Nandritra ny fihaonana notanterahin’izy ireo androany tamin’Andriamatoa Eric DELEMAR, Lefitry ny Mpiaro ny zo sady miandraikitra manokana ny fiarovana ny zon’ny ankizy any an-toerana, no nanaovana fifanakalozana mikasika ireo paikady sy fomba fandraisana andraikitra manoloana ny olana sedrain’ny ankizy, indrindra ho an’i Madagasikara.

🔴Voaresaka nandritra izany ireo fanamby eo amin’ny sehatry ny fanabeazana, ny famongorana ny herisetra mianjady amin’ny ankizy, ary ny fanohanana ireo sokajin’olona marefo. Nifampizaran’ny roa tonta ihany koa ireo fomba fanao mahomby afaka hanatsarana ny fiarovana ny tombontsoa sy ny hasin’ny ankizy amin’ny alalan’ny fiaraha-mientan’ireo Andrimpanjakana.

𝐍y S𝐞r𝐚s𝐞r𝐚n’n𝐲 𝐌p𝐢a𝐡y a𝐧-𝐝r𝐚r𝐢n𝐲

15/05/2026

𝖠𝖮𝖬𝖥 𝖡𝖠𝖱𝖢𝖤𝖫𝖮𝖭𝖠 𝟤𝟢𝟤𝟨 : 𝖬𝖠𝖭𝖠𝖬𝖠𝖥𝖸 𝖭𝖸 𝖠𝖭𝖩𝖠𝖱𝖠 𝖳𝖮𝖤𝖱𝖠𝖭𝖸 𝖤𝖮 𝖠𝖬𝖨𝖭’𝖭𝖸 𝖲𝖤𝖧𝖠𝖳𝖱𝖠 𝖨𝖱𝖠𝖨𝖲𝖠𝖬𝖯𝖨𝖱𝖤𝖭𝖤𝖭𝖠 𝖭𝖸 𝖬𝖯𝖨𝖠𝖧𝖸 𝖠𝖭-𝖣𝖱𝖠𝖱𝖨𝖭𝖸

— 𝑀𝑝𝑖𝑎ℎ𝑦 𝑎𝑛-𝑑𝑟𝑎𝑟𝑖𝑛𝑦, 𝑓aℎa-15 𝑚e𝑦 2026 —

🤝 Notanterahina tany Barcelona, Espaina, ny fihaonana fanaon’ny Fikambanan’ireo Mpiahy an-drariny sy Mpitandro ny fanelanelanana eo anivon’ireo firenena miteny frantsay na ny « Association des Ombudsmans et Médiateurs Francophones » (AOMF). Nanatrika sy nandray anjara tamin’izany ny Mpiahy an-drariny miaro ny zon’ny vahoaka, Profesora 𝗔𝗡𝗗𝗥𝗜𝗔𝗡𝗔𝗜𝗩𝗢𝗧𝗦𝗘𝗛𝗘𝗡𝗢 𝗥𝗮𝘃𝗮𝗸𝗮, izay sady mpikambana ao anatin’ny Filankevi-pitantanan’ny AOMF no nitarika ny delegasiôna malagasy tany an-toerana.

📚 Nandritra ny 11 sy 12 mey 2026 lasa teo no nanatanterahana ny seminera iraisampirenena niompana tamin’ny lohahevitra : « Ny rariny mampihavana : loharanom-panovozan-kevitra ho an’ireo mpitsara mpampanoa lalàna sy ho an’ireo rafitra mahaleotena miaro ny zon’olombelona amin’ny alalan’ny fanelanelanana ». Niara-nikarakara izany tamin’ny AOMF ny Sindic de Greuges de Catalogne. Nifanakalozan’ireo manampahaizana sy tomponandraikitra mpiantsehatra ny fomba hanamafisana ny fiarovana ny zon’olombelona sy ny fampiroboroboana ny rariny mampihavana eo anivon’ireo firenena mpikambana.

📍Amin’ny maha-mpikambana azy ao amin’ny Filankevi-pitantanan’ny AOMF dia nandray anjara tamin’ny fivoriana fanaon’ity rafitra ity isan-taona ihany koa ny Mpiahy an-drariny. Anisan’ireo teboka lehibe nodinihina nandritra izany ny fanomanana ny seminera hahitana ny fandraisan’anjaran’ireo mpanao fanairana mikasika ny tsy fanajana ny zon’olombelona sy ny tsy fanarahan-dalàna, hatao any Dakar ny volana oktobra 2026, ho avy izao, ary ny fiofanana momba ny faharanitan-tsaina artifisialy (IA) izay hotanterahina any Rabat amin’ny volana novambra 2026.

🇲🇬Manamafy ny toeran’i Madagasikara eo amin’ny sehatra iraisampirenena izao fandraisana anjara izao, ary antenaina hitondra traikefa sy fahaiza-manao vaovao hanamafisana bebe kokoa ny fiarovana ny zon’ny vahoaka sy ny fampanjakana ny rariny mampihavana eto amin’ny firenena.

𝐍y S𝐞r𝐚s𝐞r𝐚n’n𝐲 𝐌p𝐢a𝐡y a𝐧-𝐝r𝐚r𝐢n𝐲

07/05/2026

𝖠𝖭𝖣𝖱𝖮𝖭’𝖨 𝖤𝖮𝖱𝖮𝖯𝖠 𝟤𝟢𝟤𝟨

— M𝑝i𝑎h𝑦 𝑎n-d𝑟a𝑟i𝑛y, 𝑓aℎa-7 m𝑒y 2026 —

✅Fifanakalozana ireo vina iombonana sy fanamafisana bebe kokoa ny fifandraisana eo amin’i Madagasikara sy ny Vondrona Eoropeana no nanomezana endrika ny fankalazana ny andron’i Eoropa, notarihin’ny Ambasadaoro Roland KOBIA, tetsy amin’ny Villa Iranja, Parc Tsarasaotra, androany.

💼Misy hatrany ireo fomba ara-diplômatika hanomezana lanja ny fiandrianam-pirenena amin’ny fifandraisana iraisampirenena tahaka izao, ary maro ireo lohahevitra iompanan’ny fifampizarana. Isan’izany ny fanandratana ny demôkrasia, ny tany tan-dalàna, ny fandriampahalemana, ny fitantanana mangarahara ary ny fanajana ny zon’olombelona, izay fijery itovizana eo amin’ny Mpiahy an-drariny sy ny Vondrona Eoropeana.

🤝Anisan’ireo tonga nanatrika izany lanonana izany ny Profesora 𝗔𝗡𝗗𝗥𝗜𝗔𝗡𝗔𝗜𝗩𝗢𝗧𝗦𝗘𝗛𝗘𝗡𝗢 𝗥𝗮𝘃𝗮𝗸𝗮, Mpiahy an-drariny miaro ny zon’ny vahoaka, izay manome lanja ny fifandraisana iraisampirenena mba hampiakarana avo ny toeran’i Madagasikara amin’ireo sehatra voatanisa ireo.

𝐍y S𝐞r𝐚s𝐞r𝐚n’n𝐲 𝐌p𝐢a𝐡y a𝐧-𝐝r𝐚r𝐢n𝐲

07/05/2026

𝖳𝖲𝖨𝖭𝖦𝖤𝖱𝖨𝖭𝖳𝖠𝖮𝖭𝖠 𝖵𝖮𝖠𝖫𝖮𝖧𝖠𝖭𝖸 𝖭𝖠𝖧𝖠𝖵𝖮𝖠𝖥𝖨𝖣𝖸 𝖧𝖮 𝖯𝖠𝖯𝖠 𝖭𝖸 𝖱𝖠𝖸 𝖬𝖠𝖲𝖨𝖭𝖠 𝖫𝖤𝖮𝖭 𝖷𝖨𝖵

— M𝑝i𝑎h𝑦 𝑎n-d𝑟a𝑟i𝑛y, 𝑓aℎa-7 m𝑒y 2026 —

🎈Notanterahina androany teo ambany fitarihan’ny Solontenan’ny Papa eto Madagasikara, Son Excellence Monseigneur Tomasz GRYSA, tetsy amin’ny Villa Roma, Ivandry, ny lanonana fankalazana ny tsingerintaona voalohany nahavoafidy ho Papa ny Ray Masina LEON XIV.

🎙️Hafatra efa nampitain’ny Papa LEON XIV ho an’izao tontolo izao ny hoe : “ Ny fandriampahalemana marina dia tsy azo sarahina amin’ny fanekena sy fiarovana ny hasin’ny olombelona tsirairay, izay fototry ny zon’olombelona sy ny fiarahamonina mirindra”. Mifandray tanteraka amin’ny asa sy andraikitra sahanin’ny Mpiahy an-drariny ireo soatoavina fototra ireo.

🤝Tonga nanome voninahitra ity fotoan-dehibe ity ny Profesora 𝗔𝗡𝗗𝗥𝗜𝗔𝗡𝗔𝗜𝗩𝗢𝗧𝗦𝗘𝗛𝗘𝗡𝗢 𝗥𝗮𝘃𝗮𝗸𝗮, Mpiahy an-drariny miaro ny zon’ny vahoaka, izay manamafy mandrakariva fa andry lehibe iankinan’ny fampanjariana ny rariny sy ny hitsiny eo amin’ny fiarahamonina ny fandalàna ny firaisankina sy ny fihavanana.

𝐍y S𝐞r𝐚s𝐞r𝐚n’n𝐲 𝐌p𝐢a𝐡y a𝐧-𝐝r𝐚r𝐢n𝐲

05/05/2026

𝖨𝖲𝖮𝖱𝖠𝖪𝖠 : 𝖭𝖠𝖭𝖣𝖱𝖠𝖸 𝖭𝖸 𝖠𝖬𝖡𝖠𝖲𝖠𝖣𝖠𝖮𝖱𝖮𝖭’𝖨 𝖠𝖫𝖤𝖬𝖠𝖨𝖭𝖠 𝖭𝖸 𝖬𝖯𝖨𝖠𝖧𝖸 𝖠𝖭-𝖣𝖱𝖠𝖱𝖨𝖭𝖸 𝖬𝖨𝖠𝖱𝖮 𝖭𝖸 𝖹𝖮𝖭’𝖭𝖸 𝖵𝖠𝖧𝖮𝖠𝖪𝖠

— 𝑀𝑝𝑖𝑎ℎ𝑦 𝑎𝑛-𝑑𝑟𝑎𝑟𝑖𝑛𝑦, 𝑓𝑎ℎ𝑎-5 𝑚𝑒𝑦 2026 —

📍Tamin-kafaliana no nandraisan’ny Profesora 𝗔𝗡𝗗𝗥𝗜𝗔𝗡𝗔𝗜𝗩𝗢𝗧𝗦𝗘𝗛𝗘𝗡𝗢 𝗥𝗮𝘃𝗮𝗸𝗮, teto amin’ny Foiben-toeran’ny Mpiahy an-drariny eto Isoraka, an’Andriamatoa Oliver KNOERICH, Ambasadaoron’ny Repoblika Federalin’i Alemaina eto Madagasikara, androany tolakandro.

🤝Amin’ny fihaonana ara-pomba fanajana toy izao dia mampahafantatra ny andraikitra sahaniny mandrakariva ny Mpiahy an-drariny, mba hanamafisana ny fiaraha-miasa iraisampirenena mifanaraka amin’izany. I Alemaina rahateo dia Firenena manohana tanteraka ny fitondrana tsara tantana sy ny fanajana ny zon’olombelona, izay mifanandrify indrindra amin’ny tandrohasina sy ny andraikitry ny Mpiahy an-drariny.

🔵Tsy nivaona tamin’ireo teboka ireo ny fifanakalozana teo amin’ny roa tonta, ary nahazo vahana tamin’izany ny fijerena izay fomba hanombohana sy hanamafisana ny fiaraha-miasa eo amin’ny andaniny sy ny ankilany, manoloana ireo vina sy fanamby lehibe voafaritra hotratrarina mandritra ny taom-piasana 2026-2032. Anisan’izany ny fanapariaham-pahefana, izay fantsona ahafahan’ny olompirenena mandray anjara mivantana amin’ny fampandrosoana, sy ny fiarovana ny tontolo iainana, izay miantoka ny zon’ny rehetra hiaina ao anatin’ny tontolo salama sy maharitra.

𝐍y S𝐞r𝐚s𝐞r𝐚n’n𝐲 𝐌p𝐢a𝐡y a𝐧-𝐝r𝐚r𝐢n𝐲