Ministère des Travaux Publics - Madagascar

18/06/2026

🌉 𝗩𝗶𝘁𝗮 𝗻𝘆 𝗳𝗮𝗻𝗮𝗺𝗯𝗼𝗮𝗿𝗮𝗻𝗮, 𝗺𝗶𝘃𝗲𝗿𝗶𝗻𝗮 𝗮𝗺𝗶𝗻’𝗻𝘆 𝗹𝗮𝗼𝗻𝗶𝗻𝘆 𝗻𝘆 𝗳𝗶𝗳𝗮𝗺𝗼𝗶𝘃𝗼𝗶𝘇𝗮𝗻𝗮 𝗲𝗼 𝗮𝗺𝗶𝗻’𝗻𝘆 𝗧𝗲𝘁𝗲𝘇𝗮𝗻𝗮 𝗧𝗘𝗡𝗔𝗡𝗜𝗠𝗔𝗗𝗜𝗥𝗢
𝗣𝗞𝟲𝟳+𝟳𝟬𝟬 – 𝗥𝗡𝗦 𝟱𝗔

🚗🚚 Efa misokatra ho an’ny fiara rehetra indray ny fifamoivoizana eo amin’ny tetezana Tenanimadiro PK67+700 (RNS 5A), izay eo amin’ny 𝐥𝐚̀𝐥𝐚𝐧𝐚 𝐦𝐚𝐦𝐩𝐢𝐭𝐨𝐡𝐲 𝐚𝐧’𝐢 𝐀𝐦𝐛𝐢𝐥𝐨𝐛𝐞 𝐬𝐲 𝐕𝐨𝐡𝐞́𝐦𝐚𝐫, ao amin’ny Kaominina Ambanivohitra Maromokotra, Distrikan’i Vohémar, Faritra SAVA.

🔧 Natao omaly alarobia maraina ny asa fanamboarana ireo “rampe d’accès” izay nisy fahasimbana.
Noho izany dia nisy ny fiatoan’ny fifamoivoizana hatramin' ny omaly tolakandro.

✅ Vita soa aman-tsara ny asa fanamboarana, ka efa miverina amin’ny laoniny ary misokatra ho an’ny fiara rehetra ny fifamoivoizana amin’ity tetezana ity. 🚛🚙

🙏 Mankasitraka ny faharetana sy ny fiaraha-miasan’ny mpampiasa lalana rehetra.

🚘 Mirary dia milamina sy azo antoka ho an’ny rehetra !

18/06/2026

𝗙𝗜𝗟𝗔𝗭𝗔𝗡𝗔 𝗙𝗔𝗡𝗔𝗣𝗔𝗛𝗔𝗡𝗔 𝗙𝗜𝗙𝗔𝗠𝗢𝗜𝗩𝗢𝗜𝗭𝗔𝗡𝗔
𝗥𝗡𝟮

📢 Nohon' ny fanapoahana vato izay ilaina amin'ny fanamboaran-dalana ary tafiditra ao anatin'ny tetikasa fikojakojana ny lalam-pirenena faha-2, mampitohy an'Antananarivo sy Toamasina, ny Minisiteran'ny Asa Vaventy dia mampandre ny mpampiasa ny lalam-pirenena faha-2 fa ny fifamoivoizana 𝐚𝐨 𝐚𝐧𝐞𝐥𝐚𝐧𝐞𝐥𝐚𝐧'𝐧𝐲 𝐏𝐊 𝟔𝟏+𝟎𝟎𝟎 𝐡𝐚𝐭𝐫𝐚𝐦𝐢𝐧'𝐧𝐲 𝐏𝐊 𝟔𝟑+𝟓𝟎𝟎, 𝐌𝐚𝐧𝐝𝐫𝐚𝐤𝐚, dia ho tapaka
𝐧𝐲 𝐙𝐨𝐦𝐚 𝟏𝟗 𝐉𝐨𝐧𝐚 𝟐𝟎𝟐𝟔, 𝐦𝐚𝐧𝐨𝐦𝐛𝐨𝐤𝐚 𝐚𝐦𝐢𝐧'𝐧𝐲 𝟎𝟏 𝐨𝐫𝐚 𝐭𝐨𝐥𝐚𝐤𝐚𝐧𝐝𝐫𝐨 𝐤𝐚 𝐡𝐚𝐭𝐫𝐚𝐦𝐢𝐧'𝐧𝐲 𝟎𝟐 𝐨𝐫𝐚 𝐭𝐨𝐥𝐚𝐤𝐚𝐧𝐝𝐫𝐨.

📍Tsy misy lalam-piviliana azo hifamoivoizana mandritry ny fotoam-panapoahana vato.

🙏 Koa iangaviana ny mpampiasa ny lalana hanaraka ireo toromarika izay omen'ny tompon'andraikitra eny an-toerana.

🤝 Ny Minisitera dia mametraka ny fialan-tsiny amin'izay mety ho fanelingelenana haterak'izany fanapahana izany.

17/06/2026

𝟏𝟕 𝐣𝐨𝐧𝐚 𝟐𝟎𝟐𝟔 | 𝐋𝐚𝐩𝐚𝐦-𝐩𝐚𝐧𝐣𝐚𝐤𝐚𝐧𝐚 𝐈𝐚𝐯𝐨𝐥𝐨𝐡𝐚
𝐓𝐚𝐭𝐢𝐭𝐫𝐲 𝐧𝐲 𝐅𝐢𝐥𝐚𝐧-𝐤𝐞𝐯𝐢𝐭𝐫𝐲 𝐧𝐲 𝐌𝐢𝐧𝐢𝐬𝐢𝐭𝐫𝐚

17/06/2026

🚨 𝗠𝗔𝗜𝗟𝗢 𝗔𝗠𝗜𝗡’𝗡𝗬 𝗞𝗔𝗢𝗡𝗧𝗬 𝗦𝗔𝗡𝗗𝗢𝗞𝗔 :
𝗙𝗮𝗺𝗽𝗮𝗵𝗮𝗳𝗮𝗻𝘁𝗮𝗿𝗮𝗻𝗮 𝗵𝗼 𝗮𝗻'𝗻𝘆 𝗕𝗲𝘀𝗶𝗻𝗶𝗺𝗮𝗿𝗼

⚠️ Mampahafantatra ny rehetra ny Fitaleavana Jeneralin’ny Asa Vaventy fa misy kaonty sandoka mampiasa ny anaran’Atoa 𝐘𝐯𝐞𝐬 𝐑𝐚𝐬𝐨𝐥𝐨𝐧𝐢𝐫𝐢𝐧𝐚, Tale Jeneralin’ny Minisitera, ka manao fangatahana sy fitakiana vola amin’olona.

📍Tsiahivina mazava fa tsy kaonty ofisialy izany ary tsy misy ifandraisany amin’Atoa 𝐘𝐯𝐞𝐬 𝐑𝐀𝐒𝐎𝐋𝐎𝐍𝐈𝐑𝐈𝐍𝐀.

🙏 Koa angatahana ny rehetra mba ho mailo, tsy hamaly ireo hafatra mampiahiahy ary tsy handefa vola amin’izay fangatahana atao amin’ny anarany.

🎯 Izay mahazo hafatra tahaka izany dia asaina hampandre avy hatrany ny tompon’andraikitra mahefa.

➡️ Mitandrema amin’ny fisolokiana !

17/06/2026

𝗦𝗔𝗠𝗕𝗔𝗩𝗔 : 𝗠𝗶𝘁𝗼𝗻𝗱𝗿𝗮 𝗳𝗶𝘃𝗼𝗮𝗿𝗮𝗻𝗮 𝗵𝗼 𝗮𝗻'𝗻𝘆 𝘁𝗮𝗻𝗮𝗻𝗮 𝗻𝘆 𝗮𝘀𝗮 𝗳𝗮𝗻𝗮𝗿𝗲𝗻𝗮𝗻𝗮 𝗻𝘆 𝗹𝗮𝗹𝗮𝗻𝗮

🚧 Mitohy ny asa fikojakojana sy fanarenana ireo arabe ao an-drenivohitr’i SAVA, ao Sambava, nohon' ny famatsiam-bolan’ny Tahirim-bola ho an’ny Lalana.

➡️ Tafiditra ao anatin’ny fanatsarana ny foto-drafitr'asa sy ny fanamafisana ny tambajotram-pifamoivoizana an-tanàn-dehibe ity tetikasa ity.

🚜 Ankehitriny dia eo am-panohizana ny fametrahana ny "chaussée bétonnée" na lalana vita amin’ny "beton" ny ekipa mpanatanteraka.
Asa hitondra fiovana lehibe eo amin’ny kalitaon’ny lalana sy ny fiainan’ny mponina andavanandro izany, indrindra amin’ireo faritra tena be mpivezivezy sy iharan’ny fahasimban-dalana matetika.

📍Ankoatra ny fanamorana ny fivezivezen’ny olona sy ny fitaterana entana, hampiroborobo bebe kokoa ny toekarena eo an-toerana ny fanatsarana ny lalana. Hahazo tombony amin’izany ireo mpivarotra, mpandraharaha ary ny mponina rehetra izay mampiasa ny arabe isan’andro amin’ny asany sy ny fivezivezeny.

💯Hiova endrika ny tanànan’i Sambava, rehefa ho vita tanteraka ny lalana.

17/06/2026

𝗔𝗠𝗕𝗢𝗦𝗜𝗧𝗥𝗔 : 𝗠𝗶𝘁𝗼𝗵𝘆 𝗻𝘆 𝗮𝘀𝗮 𝗳𝗶𝗸𝗼𝗷𝗮𝗸𝗼𝗷𝗮𝗻𝗮 𝗻𝘆 𝗹𝗮𝗹𝗮𝗻𝗮 𝗮𝗻-𝘁𝗮𝗺𝗽𝗼𝗻-𝘁𝗮𝗻𝗮𝗻𝗮, 𝘃𝗮𝘁𝘀𝗶𝗮𝗻’𝗻𝘆 𝗧𝗮𝗵𝗶𝗿𝗶𝗺-𝗯𝗼𝗹𝗮 𝗵𝗼 𝗮𝗻’𝗻𝘆 𝗟𝗮𝗹𝗮𝗻𝗮

✅ Mitohy ankehitriny ny asa fikojakojana sy fanatsarana ny lalana ao an-tampon-tanànan’Ambositra, tetikasa vatsian’ny Tahirim-bola ho an’ny Lalana.

🎯 Tanjona amin’izao asa izao ny hanatsarana ny fivezivezen’ny olona sy ny fitaterana entana, ary hiantohana ny faharetan’ny foto-drafitr'asa lalana ao an-toerana.

🚜 Anisan’ireo asa tanterahina, amin’izao fotoana izao, ny fanamboarana ireo faritra simba amin’ny lalana amin’ny alalan’ny teknika antsoina hoe “point-à-temps”, izay mikendry ny hanarenana haingana ireo lavadavaka sy fahasimban’ny arabe mba tsy hiharatsy sy hitarika fahapotehana goavana kokoa.

🚧 Etsy ankilany, miroso ihany koa ny fametrahana ny rarivato asfalta manaraka ny fenitra izay ampiasaina hanamafisana sy hanatsarana ny kalitaon’ny arabe.

💯 Ity asa ity dia hanampy amin’ny fanomezana lalana milamina kokoa ho an’ireo mpampiasa azy isan’andro, sady hampihena ny fahasimban’ny fiara sy ny loza mety hitranga vokatry ny haratsian’ny lalana.

↗️ Tafiditra ao anatin’ny ezaka ataon’ny Fitondram- panjakana Fanavaozana, hanatsarana hatrany ny tambajotran-dalana sy hanohanana ny fampandrosoana ara-toekarena sy ara-tsosialy ao amin’ny Faritra Amoron’i Mania, izao asa atao izao.

17/06/2026

17/06/2026

𝗙𝗜𝗟𝗔𝗭𝗔𝗡𝗔 𝗙𝗔𝗡𝗔𝗣𝗔𝗛𝗔𝗡𝗔 𝗙𝗜𝗙𝗔𝗠𝗢𝗜𝗩𝗢𝗜𝗭𝗔𝗡𝗔
𝗥𝗡𝟰

📢 Ho fanatanterahana ny asa fikojakojana ny lalam-pirenena faha-4 (RN4), mampitohy an’Antananarivo sy Mahajanga ary ho fanamafisana ny tetezana, ny Minisiteran'ny Asa Vaventy dia mampandre ny mpampiasa lalana fa ho tapaka ny fifamoivoizana
𝐞𝐨 𝐚𝐦𝐢𝐧'𝐧𝐲 𝐏𝐊 𝟓𝟐𝟎+𝟕𝟓𝟎, « 𝐏𝐨𝐧𝐭 𝐁𝐚𝐢𝐥𝐞𝐲 » 𝐚𝐨 𝐚𝐦𝐢𝐧'𝐧𝐲 𝐅𝐨𝐤𝐨𝐧𝐭𝐚𝐧𝐲 𝐁𝐞𝐫𝐢𝐯𝐨𝐭𝐫𝐚 𝐀𝐦𝐛𝐚𝐧𝐲, 𝐊𝐚𝐨𝐦𝐢𝐧𝐢𝐧𝐚 𝐀𝐦𝐛𝐚𝐧𝐢𝐯𝐨𝐡𝐢𝐭𝐫𝐚 𝐓𝐚𝐧𝐚𝐦𝐛𝐚𝐨 𝐀𝐧𝐝𝐫𝐚𝐧𝐨𝐥𝐚𝐯𝐚, 𝐃𝐢𝐬𝐭𝐫𝐢𝐤𝐚𝐧'𝐢 𝐌𝐚𝐫𝐨𝐯𝐨𝐚𝐲, 𝐅𝐚𝐫𝐢𝐭𝐫𝐚 𝐁𝐨𝐞𝐧𝐲, 𝐧𝐲 𝐀𝐥𝐚𝐤𝐚𝐦𝐢𝐬𝐲 𝟏𝟖 𝐉𝐨𝐧𝐚 𝟐𝟎𝟐𝟔 𝐦𝐚𝐧𝐨𝐦𝐛𝐨𝐤𝐚 𝐚𝐦𝐢𝐧'𝐧𝐲 𝟎𝟕 𝐨𝐫𝐚 𝐦𝐚𝐫𝐚𝐢𝐧𝐚 𝐡𝐚𝐭𝐫𝐚𝐦𝐢𝐧'𝐧𝐲 𝟏𝟐 𝐨𝐫𝐚 𝐚𝐭𝐨𝐚𝐧𝐝𝐫𝐨.

📍Tsy misy ny fivilian-dalana (déviation).

🙏 Manentana ny mpampiasa lalana rehetra hanaraka izay toromarika omen'ireo tompon'andraikitra eny an-toerana.

🤝 Ny Minisitera dia mametraka ny fialan-tsiny amin'izay mety ho fanelingelenana haterak'izany fanapahana izany.

16/06/2026

𝗔𝗠𝗕𝗜𝗟𝗢𝗕𝗘 : 𝗠𝗶𝘁𝗼𝗵𝘆 𝗻𝘆 𝗳𝗮𝗻𝗮𝗿𝗲𝗻𝗮𝗻𝗮 𝗻𝘆 "𝗱𝗲́𝘃𝗶𝗮𝘁𝗶𝗼𝗻 𝗽𝗮𝘀𝘀𝗮𝗴𝗲 𝗮̀ 𝗴𝘂𝗲́" 𝗮𝗼 𝗠𝗮𝗵𝗮𝘃𝗮𝘃𝘆, 𝗣𝗞 𝟱𝟲𝟴+𝟳𝟮𝟬 𝗥𝗡𝟲

🚧 Mitohy hatrany ny asa fanarenana ny "déviation passage à gué" ao Mahavavy, eo amin’ny PK 568+720 amin’ny lalam-pirenena RN6, any Ambilobe.

🚜 Efa mahatratra 70% ny tahan’ny fahavitan’ny asa amin’izao fotoana izao.

📑 Mizotra araka ny drafitra napetraka ny asa, ary vinavinaina ho vita tanteraka alohan’ny fetim-pirenena izao ny fanarenana.

🎯 Kendrena amin’izany ny hamerenana amin’ny laoniny ny fivezivezen’ny fiara sy hiantohana ny fitohizan’ny fifamoivoizana amin’ity ampahan-dalana manan-danja ity.

➡️ Toromarika mazava no nomena ny orinasa mpanatanteraka mba hanafaingana ny asa sisa tavela, hahafahan’ireo fiara mavesatra mihoatra ny 20 taonina mivezivezy am-pilaminana sy tsy misy sakana eo amin’ity "déviation passage à gué" ity, raha vantany vao vita ny fanamboarana.

▪️Marihina fa anisan’ny laharam-pahamehana ny fanarenana ity foto-drafitr'asa ity nohon' ny anjara toerany lehibe amin’ny fampifandraisana ireo faritra sy amin’ny fivezivezen’ny olona ary ny fitaterana entana manaraka ny RN6.

"

16/06/2026

𝗙𝗜𝗟𝗔𝗭𝗔𝗡𝗔 𝗙𝗔𝗡𝗔𝗣𝗔𝗛𝗔𝗡𝗔 𝗙𝗜𝗙𝗔𝗠𝗢𝗜𝗩𝗢𝗜𝗭𝗔𝗡𝗔
𝗥𝗡𝟮

📢 Nohon' ny fanapoahana vato izay ilaina amin'ny fanamboaran-dalana ary tafiditra ao anatin'ny tetikasa fikojakojana ny lalam-pirenena faha-2, mampitohy an'Antananarivo sy Toamasina, ny Minisiteran'ny Asa Vaventy dia mampandre ny mpampiasa ny lalam-pirenena faha-2 fa ny fifamoivoizana ao anelanelan'ny PK 61+000 hatramin'ny PK 63+500, Mandraka, dia ho tapaka ny Talata 16 Jona 2026, manomboka amin'ny 01 ora tolakandro ka hatramin'ny 02 ora tolakandro.

📍Tsy misy lalam-piviliana azo hifamoivoizana mandritry ny fotoam-panapoahana vato.

🙏 Koa iangaviana ny mpampiasa ny lalana hanaraka ireo toromarika izay omen'ny tompon'andraikitra eny an-toerana.

🤝 Ny Minisitera dia mametraka ny fialan-tsiny amin'izay mety ho fanelingelenana haterak'izany fanapahana izany.