DRJS SAVA

09/06/2026

FAKAN-KEVITRA HO FANAVAOZANA NY POLITIKAM-PIRENENA HOAN'NY FANATANJAHANTENA;

Tontosa teto Sambava androany faha 09 jiona taona 2026 ny Fakan-kevitra ho fampanarahana vanin'andro ny POLITIKAM-PIRENENA mahakasika ny Fanatanjahantena.

Tonga niatrika izany ireo Olom-panjakana maro, ny Ekipa Ministère de la Jeunesse et des Sports izay notarihan'Atoa Directeur du Cabinet sy Mpanolotsaina manokan'ny Minisitra, ireo filohan'ny taranja ara-panatanjahantena maro (tennis, basketball, football, cyclisme, Hay ady...), sy ny tanora ary ireo Fitaleavam-paritra isantsokajiny.

Nifototra tamin'ny Hevi-dehibe 05 ny fifanakalozan-kevitra teto:

1- Fotodrafitrasa momba ny Fanatanjahantena
2- Tanin-ketsa ara-panatanjahantena
3- Fanatanjahantena hoan'ny daholobe
4- Fanatanjahantena avo lenta
5- Hay tantana ara-panatanjahantena

Samy namoaka ny traikefany sy fahalalany ary ny fahaizamanaony amin'ireo lohahevitra ireo avokoa ny mpiatrika.

Nanamarika ity andro androany ity ny fandraisana anjaran'ireo zoky zanaky ny Faritra SAVA, izay nitondra avo ny sehatry ny Fanatanjahantena teo amin'ny sehatrasa nasionaly sy iraisampirenena tany aloha tany.

Ara-kalitao tokoa ny antontan-kevitra voaangona androany ka mampisy fanantenana ny a.in'ny mbola hisandratan'ny sehatry ny Fanatanjahantena eto Madagasikara indray.

07/06/2026

TARANJA BAOLINA KITRA FARITRA SAVA/DIANA

Lanonana maresaka tsy manampaharoa ny teto Antalaha 206 Entertainment androany alahady faha 07 jona 2026.

Noraisina tamin'ny fomba mihaja sy mendrika ireto tanora madinika zanatsika ireto raha avy nanatrika lalao iraisam-pirenena tany Brest FRANCE.

Olom-panjakana maro no niatrika izany izay nahitana ny ekipa avy amin'ny Ministère de la Jeunesse et des Sports notarihan'Atoa Directeur du Cabinet sy ireo mpanolotsaina ary ny Talem-paritry ny Tanora sy ny Fanatanjahantena SAVA.

Nazahoambokatra tsara dia tsara ny fandraisan'anjaranan'ireto tanora kely latsaky ny 12 taona ireto, izay zanaky ny Faritra SAVA sy DIANA, nandeha nilalao baolina kitra tany Brest FRANCE.

Miisa 10 izy ireo no niatrika fifaninanana iraisampirenena tany ampitan-dranomasina.
Ekipa miisa 90 avy amin'ny firenena sy klioba samihafa no nifampikatroka tany tahaka ny PSG...

Nisongadina tanteraka ireto zanatsika ireto, ary tonga hatramin'ny dingana manasadalana mihitsy.

Nisy nahazo meilleur buteur, nisy meilleur gardien de but.

Rehareha sy voninahitra hoantsika zanaky ny Faritany Antsiranana izy ireo.

Mampitombo ambompon'ireo tanora ny vokatra sahala amin'itony.

Ny Ministère de la Jeunesse et des Sports sy ny DRJS SAVA dia maneho fiarabana sy fankasitrahana feno hoan'izy ireo sy ny ekipa mpikarakara ihany koa.

Tohizo hatrany ny ezaka, manentana isika rehetra mba hamporisika ny zanakatsika ho tia sy hanao Fanatanjahantena.

07/06/2026

05/06/2026

TOY IZAO NY TOHINY PROGRAMA MAGNARAKA.

27/05/2026

COMMUNE RURALE Antsahanoro, district Antalaha
COMMUNE RURALE Bealampogno, Districts Andapa

Lomoaly faha 26 mai 2026 no vita soamantsara ny Fakan-kevitry ny Tanora teo anivon'ireto kaominina ambanivohitra ireto.

Ankasitrahina hatrany ny Fandraisagna anjara mavitriky ataonareo tanora maneho sy mifanakalo hevitra.

Isaoragna manokagna ireo ben'ny tanagna izay tegna magnampy tokoa amin'ny fanatanterahagna izany.

Mitohy hatrany ny fititezagna ireo Kaominina ambanivohitra mba ho fihainoagna ny feon'ireo tanora liam-panavaozagna.

26/05/2026

COMMUNE RURALE AMPANIFIAGNA, DISTRICT VOHEMAR :

Natao teto amin'ny efitrano malalaky ny Kaominina eto Ampanefena, district Vohemar, Région SAVA, ny tapany voalohany amin'ny Fakan-kevitra ireo Tanora.
Tapany voaloha ihany moa izy ity satria kaominina ambanivohitra isan'ny ngeza i Ampanefena ka mendrika hanaovana Concertation fanindroany mba hanomezana fahafahampo ireo tanora tsy tonga androany.

Lohahevitra maro no nifanakalozana teto. Samy navitrika ireo tanora avy amin'ny sehatra maro, mpianatra, mpanabe, mpitia Fanatanjahantena, mpandraharaha, mpisehatra amin'ny la vanille sy harena ankibon'ny tany, mpanao asa sosialy...sns

Amin'ny talata faha 02 volana jona hoavy izao indray ny fotoana eto.

Mankasitraka e !

26/05/2026

FAKAN-KEVITRY NY TANORA HOAN'NY FANAVAOZANA :

Tontosa androany faha 26 mai 2026 teto amin'ny CR Anjinjaomby district Sambava ny Fakan-kevitra ireo tanora.

Nanatrika izany ny Ben'ny tanàna sy ireo Filohampokontany antoerana.

Tonga maro dia maro miandahy miambavy ireo tanora haneho ny hevitr'izy ireo, ny olana, hetaheta hoentina hanavaozana ny Kominina.

Samy afapo ny mpikarakara sy ny mpandray anjara.

Miandrandra fitohizany asa mba hisy fiantraikany tsara amin'ny fiainana aty ambanivohitra ireo Tanora.

Ao amin'ny kaominina ambanivohitra Amboangibe Bemarivo ny fotoagna amin'ny lakamisy hoavy izao.

Misaotra

23/05/2026

FAKAN-KEVITRY NY TANORA HOAN'NY FANAVAOZANA :

Mitohy hatrany ny fititezana ireo communes ambanivohitra ato agnatiny Faritra SAVA.

Ka anjaran'ny CR Antsahanoro district Antalaha sy CR Ampanifiagna district Vohemar amin'ny talata faha 26 may 2026.

Samy ao amin'ny efitrano malalaky ny Kaominina no hanaovagna azy.
Tongava atsika tanora jiaby tsy ankanavaka.

Mifampilazà, hentano ny namanao, ny mpiray fikambanana aminao ny havanao...

Andro tokagna hoantsika tanora io ka tongava maneho ny hevitrao

22/05/2026

FAKAN-KEVITRY NY TANORA TETO SAMBAVA :
Tontosa niany zoma faha 22 mai 2026 ny Fakan-kevitra Ifampierana hoan'ny Tanora teto amin'ny Commune Urbaine De Sambava
Ankoatran'ireo tanora izay tonga maro dia tonga nanome voninahitra izany ihany koa ireo mpitondra sy manampahefana eto antoerana.
Petrakolana sy vahaolana maro no nivoitra teto.
Indrindra fa ny mahakasika ny fampanananasa ny tanora, ny rafipampianarana sy olana eo amin'ny fanofanana arak'asa, ny olana aradrafitra sy politikam-pitondrana, ny olana amin'ny fandraharahana ary ny tsy fisia'ny tosika eo amin'ny tanora mba hahazoany fivelomana sahaza azy.
Miandrandra vokatra azo tsapaintanana ireo tanora ny amin'ny fampiharana ireo hevitra voaray fa hijanona ho fandaniampotoana fotsiny izany hoy izy ireo hatrany.
Samy nahatsiaro tsy diso fanantenana na ny mpikarakara na ireo mpiatrika.
Mankasitraka e !