10/04/2026
هاد الرسالة هي واحد نداء واستنكار موجه لبعض الشركات اللي كنخدمو معاهم يوميا، واللي ولات مؤخرا كتخلّف مشاكل كبيرة فالسوق وكتضر البقال الصغير بشكل مباشر.
ولّينا كنلاحظو بزاف ديال السلع كتوصل ناقصة ولا فيها عيوب:
فحال كريمة الطبخ كتكون الكارطونة مسدودة من الشركة وناقصين منها حبة ولا جوج،
الطون حتى هو تلاقاو فيه بواطاط خاويين،
بعض الخمارات اللي خاصها تكون فيها 10 حبات كنلقاوها ناقصة فالعدد،
وزيد عليها مسكة ترايدنت وغيرها من السلع اللي فيها “ديفو” وكتبقى عالقة عند البقال بلا ما تتبدل.
هاد الوضع ماشي غير خطأ بسيط، بل كيتسبب فخسائر مباشرة للبقال ، وكيطيح فمواقف محرجة رغم أنه ما عندو حتى دخل فالمشكل.
ولهاذا كنطلبو من هاد الشركات تحمّل المسؤولية ديالها، وتراقب الجودة ديال المنتجات قبل ما توصل للسوق، وخاص يكون تعويض واضح وسريع فحالة وجود أي نقص أو عيب.
وشكرا.
#منقول
